- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساياسي كەڭەس مۇشەلەرى گرۋپپالارعا ءبولىنىپ ۇكىمەت قىزمەتىنەن باياندامانى تالقىلاعاندا بورىشتارىن ادا ەتىپ، ەكونوميكالىق، قوعامدىق دامۋدى جەبەۋگە ات سالىساتىندىقتارىن ءبىلدىردى
2015.01.21 14:12 كەلۋ قاينارى : ءتاڭىرتاۋ تورابى
20 - قاڭتار تۇستەن كەيىن، ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 3 - ماجىلىسىنە قاتىناسقان ءار سالادان كەلگەن ءار ۇلت ساياسي كەڭەس مۇشەلەرى گرۋپپالارعا ءبولىنىپ، ۇكىمەت قىزمەتىنەن باياندامانى، جوسپار جانە مەجە ەسەپ بايانداماسىن تالقىلادى. كوپشىلىك ءبىر اۋىزدان بىلاي دەپ قارادى: ۇكىمەت قىزمەتىنەن باياندامانىڭ نەگىزگى تاقىرىبى ايقىن، ءسوزى تۇجىرىمدى، وندا بىلتىرعى قىزمەتتەر شىنايى قورىتىندىلانعان، بيىلعى قىزمەتتەر جۇيەلى ورنالاستىرىلىپ، نىسانا انىق بەلگىلەنگەن. كوپشىلىك اۆتونوميالى رايوننىڭ ءبىر جىلدان بەرى ەكونوميكالىق، قوعامدىق ىستەردى دامىتۋدا قول جەتكىزگەن كورنەكتى تابىستارىنان ايرىقشا جەلپىندى. مۇشەلەر ءوز قىزمەت بورىشتارىن مۇقيات وتەپ، 3 ءىرى تالاپتى ويداعىداي تياناقتاندىرىپ، ءوز ابزالدىلىقتارىن تولىق ساۋلەلەندىرىپ، قوعام ورنىقتىلىعى مەن باياندى تىنىشتىقتى جۇزەگە اسىرۋ ءۇشىن ۇلەس قوساتىندىقتارىن ءبىلدىردى.
مۇشە مو جيۋان بىلاي دەدى: بۇل جولعى ۇكىمەت قىزمەتىنەن بايانداما بۇرىنعى جىلدارعا سالىستىرعاندا ونان ارى كەمەلدەنە تۇسكەن، وندا قايشىلىقتار اۋىزعا الىنىپ، ماسەلەلەردى ءبىر جايلى ەتۋدىڭ امالدارى دا العا قويىلدى، ۇكىمەتتىڭ جاۋاپكەرشىلىگى كۇشەيتىلدى، حالىق بۇقاراسى ءدال وسىنداي شىنايى بايانداماعا مۇقتاج.
مۇشە ارزىگۇل وبۇلقاسىم بىلاي دەدى: ۇكىمەت قىزمەتىنەن باياندامادا ءار سالا قىزمەتتەر جۇيەلى ورنالاستىرىلعان، حالىق بۇقاراسى كوڭىل بولەتىن ىستەردىڭ بارىنە اڭىس قايتارىلدى، بۇدان ۇكىمەتتىڭ حالىق تۇرمىسى، ەكونوميكالىق، قوعامدىق دامۋ جانە ەكولوگيالىق ورتانى قورعاۋ سياقتى جاقتارعا كوپ كۇش جۇمساعاندىعىن كورە الامىز. مەن 2015 - جىلى شينجياڭنىڭ قارىشتاپ داميتىندىعىنا كامىل سەنەمىن.
مۇشە سۇن يۇيحۋا بىلاي دەدى: ۇكىمەت قىزمەتىنەن باياندامادا اۆتونوميالى رايوننىڭ ءار سالا قىزمەتتەرىنىڭ دامۋ جاعدايى ءتۇرلى ساندى مالىمەتتەر ارقىلى شىنايى ايگىلەندى، مىسالى، بىلتىر بالا باقشاسى مەن ورتا، باستاۋىش مەكتەپتەرگە 110 مىڭ وقىتۋشى جاڭادان قابىلداندى، 3072 «قوس ءتىل» وقىتۋشىسى رايونىمىزدىڭ ءىشى - سىرتىنا تاڭداپ جىبەرىپ تاربيەلەندى، وقىتۋشى تاربيەلەۋ قىزمەتى وقۋعا تۇسەردەن بۇرىنعى اعارتۋ قىزمەتىنە ءونىمدى تىرەك بولدى. نەگىزگى ساتىدان كەلگەن مۇشە اۋ نا دا مۇنى بۇكىلدەي قۇپتادى. ول بىلاي دەدى: سوڭعى جىلدارى نەگىزگى ساتىنىڭ وقۋ - اعارتۋ قىزمەتى بارىنشا العا باستى، مەن اۆتونوميالى رايوننىڭ نەگىزگى ساتىداعى وقىتۋشىلاردىڭ قىزمەتى مەن تۇرمىسىنا ونان ارى كوڭىل ءبولۋىن ءۇمىت ەتەمىن.
مۇشە جاۋ شينيۇي بىلاي دەدى: ەكونوميكالىق قۇرىلىمدى رەتتەۋ بارىسىندا تۇتىنۋدى جەبەۋدى ماڭىزدى كەڭەستىك تارتىپكە ەنگىزۋ كەرەك. تۇتىنۋدى جەبەيتىن فاكتورلاردى جەتىلدىرۋدى، حالىقتىڭ تۇتىنۋ قابىلەتى مەن ورەسىن جوعارىلاتۋدى ۇسىنىس ەتەمىن. حالىق تۇرمىسىن توڭىرەكتەي وتىرىپ دامۋدى جوسپارلاپ، حالىق بۇقاراسىن ەكونوميكالىق، قوعامدىق دامۋدا قول جەتكىزگەن تابىستاردان شىنايى يگىلىكتەندىرۋ كەرەك.
مۇشە ۋىن حاۋ بىلاي دەدى: ۇكىمەت قىزمەتىنەن باياندامادا «ەمدەۋدەن قىزمەت وتەۋ ورتالىعى قۇرىلىسىن الدىمەن جۇرگىزۋ قىزمەتىن مىقتى ۇستاۋ كەرەك» دەپ العا قويىلدى، بۇل ءبىزدى قاتتى جەلپىندىردى، شينجياڭنىڭ ابزال ەمدەۋ قاينارى جانە جۇڭگوشا ەمدەۋ، ۇلتتىق شيپاگەرلىق ونەرى ورتا ازياداعى قىرۋار ساياحاتشىلاردى باۋرادى، سونىمەن بىرگە سانى جىلدان - جىلعا ارتىپ كەلەدى. ءبىز جاعراپيالىق ورىن ابزالدىلىعىمىزدان پايدالانىپ، ەمدەۋ ساياحاتى قاينارىن اشۋىمىز، ورتا ازيانىڭ ەمدەۋ ساياحاتى مەن اقاۋسىزدىق قىزمەت وتەۋ ورتالىعى قۇرىلىسىنىڭ اياق الىسىن تەزدەتۋىمىز كەرەك.
مۇشە جيڭ جۇڭمەي بىلاي دەپ ۇسىنىس بەردى: 2015 - جىلعى اۋىل شارۋاشىلىق قىزمەتىندە شوقتىقتى جوبا جاساۋدى كۇشەيتىپ، «اۋىل شارۋاشىلىعى، اۋىل - قىستاق، شارۋالارعا» جۇمسالىمدى ورنىقتى ارتتىرۋ، اۋىل شارۋاشىلىعى عىلىم - تەحنيكاسىندا جاڭالىق اشۋدىڭ قوزعاۋشى كۇشىن جەبەۋ، اۋىل شارۋاشىلىعى عىلىم - تەحنيكاسىنىڭ جەتىستىكتەرىن ەكونوميكالىق قوزعاۋشى كۇشكە اينالدىرۋدى ىلگەرىلەتۋ، اۋىل شارۋاشىلىعىنىڭ باياندى دامۋىن جەبەۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
