- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق 12 - كەزەكتى حالىق قۇرىلتايىنىڭ 3 - ءماجىلىسى اشىلدى
2015.01.21 14:11 كەلۋ قاينارى : ءتاڭىرتاۋ تورابى
اۆتونوميالى رايوندىق 12 - كەزەكتى حالىق قۇرىلتايىنىڭ 3 - ءماجىلىسى 20 - قاڭتار ءتۇستىڭ الدىندا ۇرىمجىدە اشىلدى. بۇگىن شينجياڭ حالىقارالىق ءماجىلىس - كورمە ورتالىعىنىڭ كوپ يقۋاتتى زالى قىزۋ مەرەيگە شومدى.
ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جاڭ چۇنشيان ءماجىلىستى باسقاردى.
ءتوراعالار القاسىنىڭ تۇراقتى ءتوراعالارى نايىم ياسىن، ۋاڭ يۇڭميڭ، جاپار ابەيبوللا، ما ميڭچىڭ، تىلەبالدى ابدىرەشيت ۇلى، ورگۇل جاپار، دۇڭ شينگۋاڭ، اسقار تۇرسىن ءتوراعالار مىنبەسىنىڭ الدىڭعى قاتارىنان ورىن الدى.
شوكىرات زاكىر، نۇرلان ءابىلماجىن ۇلى، اسحات كەرىمباي ۇلى، حان يۇڭ، پىڭ يۇڭ، لي ۋي، حۋاڭ ۋي، شاۋكەت يمىن، سۇڭ ايرۇڭ، جۋ حايلۇن، باي جىجيە، ەركىنجان تۇراحۇن، عانيبات سابىكەي ۇلى، لي شۋەجۇن، ەركىن تۇنياز، ليۋ شينچي جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنە جايعاستى
. اۆتونوميالى رايوندىق 12 - كەزەكتى حالىق قۇرىلتايىنىڭ 3 - ماجىلىسىنە قاتىناسۋعا ءتيىستى ۋاكىل 549 ادام، بۇگىن ءتۇستىڭ الدىنداعى ماجىلىسكە 503 ۋاكىل قاتىناستى، بۇل زاڭدا بەلگىلەنگەن ۋاكىل سانىنا ۇيلەسەدى.
ساعات 10 نان 30 مينۋت وتكەندە، جاڭ چۇنشيان شينجياڭ ۇيعۇر اۆتونوميالى رايوندىق 12 - كەزەكتى حالىق قۇرىلتايى 3 - ءماجىلىسىنىڭ اشىلعانىن جاريالادى. زالداعى بارلىق ادام ورىندارىنان تۇرىپ، مەملەكەت گيمنىن ورىندادى.
اۆتونوميالى رايوننىڭ ورىنباسار ءتوراعاسى، ۋاقىتشا ءتوراعاسى شوكىرات زاكىر اۆتونوميالى رايوندىق حالىق ۇكىمەتى اتىنان ماجىلىسكە قىزمەتتەن بايانداما جاسادى. بايانداما 2014 - جىلعى قىزمەتتەرگە ايال، 2015 - جىلعى قىزمەتتەر جونىندە جالپى ورنالاستىرۋ، 2015 - جىلعى ءتۇيىندى قىزمەتتەر سىندى ءۇش بولىمگە ءبولىندى.
شوكىرات زاكىر ءبىر جىلدان بەرگى قىزمەتتەرگە ايالداعاندا: وتكەن ءبىر جىل باسقاشا، قيىنداۋ، الابوتەن جىل بولدى، تابىستار وڭاي - وسپاق قولعا كەلگەن جوق، تاجىريبەسى باعالى بولدى، − دەدى. ول ءبىر جىلدان بەرگى نەگىزگى قىزمەتتەردى قوعامدىق جالپى جاعدايدىڭ ورنىقتىلىعىن باتىل قورعاۋ، رەفورمانى جاپپاي تەرەڭدەتۋدەگى ورنالاستىرۋلاردى تياناقتاندىرۋ جۇمىسىن مىقتى يگەرۋ، جاعدايدى زەرتتەۋ مەن وعان تۇجىرىم جاساۋدى كۇشەيتۋ، ەكونوميكانىڭ دامۋىن جەدەلدەتۋ، حالىق تۇرمىسىن قامتاماسىز ەتۋ مەن جاقسارتۋ قىزمەتىن مىقتى يگەرۋ، قوعامدىق ىستەردىڭ دامۋىن قۇلشىنا ىلگەرىلەتۋ، ەكولوگيالىق وركەنيەت قۇرىلىسىن بار كۇشپەن ىلگەرىلەتۋ، بيڭتۋان قۇرىلىسىن بار كۇشپەن قولداۋ، ۇكىمەتتىڭ ءوز قۇرىلىسىن قاجىماي - تالماي يگەرۋ سياقتى 8 جاقتا قورىتىندىلادى. 2014 - جىلى رايوندىق ءوندىرىس جالپى ءونىم قۇنى 920 ميلليارد يۋانعا جەتىپ، %10 ارتاتىندىعى؛ جالپى قوعامدىق تۇراقتى مۇلىككە قوسىلعان قارجى تۇڭعىش رەت تريلليون يۋاننان اسىپ، ءبىر تريلليون 18 ميلليارد 500 ميلليون يۋانعا جەتىپ، %25 ارتىپ، 2009 - جىلعىنىڭ 3.6 ەسەسىندەي بولاتىندىعى مەجەلەندى. ءتۇرلى قىزمەتتەر ورنىقتىلىق بارىسىندا ىلگەرىلەپ، ىلگەرىلەۋ بارىسىندا ءونىمى ارتتى.
شوكىرات زاكىر بىلاي دەپ اتاپ كورسەتتى: سونىمەن بىرگە، ءبىز العا باسۋ بارىسىنداعى قيىنشىلىقتار مەن قايشىلىقتاردىڭ ءالى دە كورنەكتى بولعانىن ايقىن كورە بىلدىك. ۇكىمەت فۋنكتسياسىنا بۇرىلىس جاساۋدى شىن مانىندە كۇشەيتۋ قاجەت؛ رەفورمادان قامال الۋ مىندەتى توتەنشە اۋىر؛ شينجياڭدى زاڭمەن جونگە سالۋدى، زاڭ بويىنشا اكىمشىلىك جۇرگىزۋدى كەمەلدى زاڭ - تۇزىمدىك كەپىلگە يە ەتۋگە تۋرا كەلەدى؛ ەكونوميكالىق قۇرىلىم ءالى ۇيلەسىمسىز؛ ناقتى شارۋاشىلىق قيمىلدارىن باسقارۋدىڭ قيىندىعى جاپپاي ۇدەدى؛ الەۋمەتتىك قازىنالىق كىرىس - شىعىس قايشىلىعى كورنەكتى، جۇمىسقا ورنالاستىرۋ قىسىمى، حالىق تۇرمىسىن جاقسارتۋدىڭ قيىندىعى زورايدى؛ ازىق - تۇلىك، ءدارى - دارمەك حاۋىپسىزدىگى، قوعامدىق باسقارۋ، قوعام اماندىعى سەكىلدى جاقتارداعى ماسەلەلەر ءالى نەداۋىر كوپ بولىپ وتىر؛ ورتالىقتىڭ «8 ءتۇرلى بەلگىلەمەسى» مەن اۆتونوميالى رايوندىق پارتكومنىڭ «10 تارماقتى بەلگىلەمەسىنە» قايشىلىق جاساۋ جايتى جانە ءتورت نىساي ماسەلەسى تۇرلىشە دارەجەدە ورىن تەۋىپ وتىر، جەمقورلىق قۇبىلىسى ءالى تۇبەگەيلى تىزگىندەلگەن جوق؛ قوعام ورنىقتىلىعىنىڭ نەگىزى ءالى مىعىم ەمەس. ۇكىمەت قىزمەتىنەن وسى ماسەلەلەردىڭ سەبەبىن تاۋىپ، ءبىر جايلى ەتۋ شارالارىن قاراستىرىپ، شىن مانىندە شەشىپ، ءار ۇلت حالقىنىڭ ءۇمىتىن قايتسەك تە اقتايمىز!
شوكىرات زاكىر بىلاي دەدى: 2015 - جىلعى قىزمەتتەردىڭ جالپى تالابى مىناۋ: پارتيا 18 - قۇرىلتايىنىڭ، پارتيا 18 - كەزەكتى ورتالىق كوميتەتى ءۇشىنشى، ءتورتىنشى جالپى ماجىلىستەرىنىڭ جانە ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن جاپپاي دايەكتىلەندىرىپ، ج ك پ اۆتونوميالى رايوندىق 8 - كەزەكتى كوميتەتى التىنشى، جەتىنشى، سەگىزىنشى جالپى (كەڭەيتىلگەن) ماجىلىستەرىنىڭ ورنالاستىرۋىن ىشكەرىلەي تياناقتاندىرىپ، قوعام ورنىقتىلىعى مەن ۇزاق ۋاقىتتىق باياندى تىنىشتىقتى ساقتاۋ باس نىساناسىن ارقاۋ ەتىپ، ورنىقتىلىق ىشىندە العا ىلگەرىلەۋ، رەفورمادا جاڭالىق اشۋ باستى اۋەنىنەن جازباي، ەكونوميكالىق دامۋدىڭ ساپاسى مەن ونىمدىلىگىن جوعارىلاتۋدى وزەك ەتىپ، ەكونوميكالىق دامۋدىڭ جاڭا قالىبىنا ىرىقتى سايكەسىپ، فورماعا بۇرىلىس جاساپ، قۇرىلىمدى رەتتەۋدى اناعۇرلىم ماڭىزدى ورىنعا قويىپ، جۇمىسقا ورنالاستىرۋدى باستاماشى ەتىپ، تۇتىنۋدىڭ نەگىزدىك رولى مەن قارجى قوسۋدىڭ شەشۋشى رولىن ونان ارى جاقسى ساۋلەلەندىرىپ، رەفورمادا قامال الۋدى بەرىك يگەرىپ، جاڭالىق اشۋ ارقىلى ۇدەتۋدى كورنەكتىلەندىرىپ، حاۋىپ - قاتەردىڭ الدىن الىپ جانە ونى تىزگىندەپ، حالىق تۇرمىسىن قامتاماسىز ەتۋدى كۇشەيتىپ، ەكونوميكانىڭ بىركەلكى، ورنىقتى، اقاۋسىز دامۋى مەن قوعامنىڭ جاراسىمدىلىعىن، ورنىقتىلىعىن جەبەۋ.
2015 - جىلعى نەگىزگى كوزەۋلى نىسانا: ءوندىرىستىڭ جالپى ءونىم قۇنىن %9 اينالاسىندا ارتتىرۋ، ونەركاسىپتىڭ ارتاتىن قۇنىن %10كە جەتكىزۋ، جالپى قوعامدىق تۇراقتى مۇلىككە قوسىلاتىن قارجىنى %21، قوعامدىق تۇتىنۋ ونىمدەرىنىڭ بولشەك ساتىلۋ جالپى سوماسىن %12، يمپورت - ەكسپورت جالپى سوماسىن %6، الەۋمەتتىك قازىنانىڭ مەجە ەسەپتەگى كىرىسىن %10 ارتتىرۋ، تۇرعىنداردىڭ تۇتىنۋ باعاسىنىڭ قىمباتتاۋىن %3.5تەن تومەن شەكتە مەڭگەرۋ، قالا - قالاشىقتاردا جاڭادان جۇمىسقا ورنالاساتىنداردى 400 مىڭ ادامعا جەتكىزۋ، قالا - قالاشىقتاردا تىركەۋگە الدىراتىن جۇمىسسىزدىق مولشەرىن %4 دەڭگەيىندە تىزگىندەۋ، قالا - قالاشىقتارداعى تۇراقتى تۇرعىنداردىڭ جان باسىندىق شىعىس ەتۋگە بولاتىن كىرىسىن %11، اۋىل - قىستاقتارداعى تۇراقتى تۇرعىنداردىڭ شىعىس ەتۋگە بولاتىن جان باسىندىق كىرىسىن %11.8 ارتتىرۋ، حالىقتىڭ تابيعي ءوسىمىن ‰11 نەگىزىندە تىزگىندەۋ.
شوكىرات زاكىر مىنالاردى اتاپ كورسەتتى: بيىل باس نىسانانى ارقاۋ ەتىپ، قوعامنىڭ ورنىقتىلىعىن باتىل قورعاۋ؛ ءتۇيىندى سالالاردىڭ رەفورماسىندا تىڭنان ىلگەرىلەۋ، جىبەك جولى ەكونوميكالىق بەلدەۋىندە وزەكتى رايون بولۋ قۇرىلىسىنىڭ جاڭا جاعدايىن جاراتۋ؛ ۇدەمەلى ەكونوميكالىق قۇرىلىمدى ساپالىلاندىرىپ، دارەجەسىن جوعارىلاتۋدا جاڭالىق اشۋ؛ اۋىل شارۋاشىلىعى، اۋىل - قىستاق، شارۋالار قىزمەتىن كۇشەيتىپ، قالالار مەن اۋىلداردىڭ دامۋىن ءبىر تۇتاس جوسپارلاۋ؛ قارجى قوسۋدىڭ، تۇتىنۋدىڭ ەكونوميكانى ارتتىرۋداعى رولىن كۇشەيتۋ؛ ادامدى نەگىز ەتىپ، حالىق تۇرمىسىن شىن مانىندە قامتاماسىز ەتۋ جانە جاقسارتۋ؛ قوعامدىق ىستەر قۇرىلىسىن ونان ارى كۇشەيتۋ؛ ەكى باياندىلىققا تاباندى بولىپ، ەكولوگيا قۇرىلىسىن كۇشەيتۋ؛ شينجياڭدى زاڭمەن جونگە سالۋعا تاباندى بولىپ، زاڭمەن باسقارىلاتىن ۇكىمەت قۇرىلىسىن كۇشەيتۋ سياقتى 10 جاقتاعى قىزمەتتى، ءسوزسىز، جاقسى ىستەۋ كەرەك.
ءمامتىمىن ياسىن، چيان جى، شى داگاڭ، ءمۇتالىپ قاسىم، جاروللا يسامىدىن، ماعاۋ سەيىتقامزا ۇلى، تيان ۋىن، ليۋ يانلياڭ، ريزۋان ابەي، لي شياڭلين، ماۋكەن سەيىتقامزا ۇلى، ءجۇرات يمىن، ليۋ جىيۇڭ، ليۋ جيانشين، ۋان حايچۋان، باداي، گۇلشات ابدىقادىر، ابدىليتىپ ابدىرەيىم، حۋاڭ چاڭيۋان، ۋاڭ ۋي، سامەت مامەت، يۇي شيۋدۇڭ، سۇڭ جيانيە، لۋ شياۋفىڭ، ليۋ شياڭسۇڭ، چىڭ جياجۋ، شۇي ۋيحۋا، لي شينميڭ، سۇڭ حاۋ، ابلەز نياز، تيان جيانرۇڭ، ۋاڭ شىجياڭ، ياڭ حۇڭلي، ۋاڭ جيلياڭ، نيشان ىبىرايىم، ما شۋەجۇن قاتارلىلار دا ءتوراعالار مىنبەسىنەن ورىن الدى.
اۆتونوميالى رايوندىق 12 - كەزەكتى حالىق قۇرىلتايىنىڭ ۋاكىلدەرى ەمەس مەملەكەتتىك 12 - كەزەكتى حالىق قۇرىلتايىنىڭ رايونىمىزداعى ۋاكىلدەرى؛ اۆتونوميالى رايوننىڭ پارتيا، ۇكىمەت قىزمەت تاراۋلارىنىڭ، ارالاپ تەكسەرۋ قىزمەت قۇرىلىمدارىنىڭ، توتە قاراستى قۇرىلىمداردىڭ جانە حالىقتىق توپتاردىڭ، ءىسورىندارىنىڭ نەگىزگى جاۋاپتىلارى؛ اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىلارى، قىزمەت تاراۋلارىنىڭ جاۋاپتىلارى؛ ايماقتىق، وبلىستىق، قالالىق ورتا دارەجەلى حالىق سوتى مەكەمەلەرىنىڭ باستىقتارى، حالىق پروكۋراتۋرالارىنىڭ باس پروكۋرورلارى جانە ءۇرىمجى تەمىر جول تاسىمال ورتا دارەجەلى حالىق سوتى مەكەمەسىنىڭ باستىعى، حالىق پروكۋراتۋراسى بولىمشەسىنىڭ باس پروكۋرورى، سونداي - اق بيڭتۋان بولىمشەسىنىڭ باستىعى، حالىق پروكۋراتۋراسى بولىمشەسىنىڭ باس پروكۋرورى؛ مەملەكەتتىك ساياسي كەڭەستە مىندەت وتەيتىن اۆتونوميالى رايوننىڭ، بيڭتۋاننىڭ باسشىلارى، اۆتونوميالى رايوندىق 12 - كەزەكتى حالىق قۇرىلتايىنىڭ ۋاكىلى ەمەس اۆتونوميالى رايوننىڭ مەملەكەت مەنشىگىندەگى ءتۇيىندى تىرەكتى كاسىپورىندارىنىڭ، ورتالىقتىڭ شينجياڭداعى كاسىپورىندارىنىڭ جاۋاپتىلارى؛ ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 3 - ماجىلىسىنە قاتىناسىپ جاتقان ساياسي كەڭەس مۇشەلەرى ماجىلىسكە سىرتتاي قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
