- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
16 مۇشە جيىندا ەكونوميكالىق قۇرىلىس جانە ەكولوگيالىق وركەنيەت قۇرىلىسى تاقىرىبىندا ءوز ويلارىن ورتاعا سالدى
ساياسي كەڭەس مەملەكەتتىك 12 - كەزەكتى كوميتەتى 3 - ءماجىلىسى 2 - رەتكى جالپى جيىنىن اشتى
2015.03.11 14:14 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 9 - ناۋرىزدا بەيجيڭنەن بەرگەن حابارى. ساياسي كەڭەس مەملەكەتتىك 12 - كەزەكتى كوميتەتى 3 - ءماجىلىسى 9 - ناۋرىز تۇستەن كەيىن حالىق سارايىندا 2 - رەتكى جالپى جيىنىن اشتى. 16 مۇشە جيىندا ەكونوميكالىق قۇرىلىس جانە ەكولوگيالىق وركەنيەت قۇرىلىسى تاقىرىبىندا ءوز ويلارىن ورتاعا سالدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ جيىنعا قاتىناستى.
بۇگىنگى جيىنعا دۋ چيڭلين، حان چيدى، لو فۋحى، چىن يۋان، جوۋ شياۋچۋان، ما بياۋ، ما پەيحۋا اتقارۋشى ءتوراعا بولدى. جيىندى حان چيدى باسقاردى.
مۇشە فان شياۋجيان: جاڭا قالىپ الدىندا، كەدەيلەردى سۇيەمەلدەۋ بويىنشا وركەندەتۋگە تىڭ شارا قولدانۋ كەرەك، - دەدى. ول دامۋ ايىرماشىلىعىن ازايتىپ، گيني كوەففيسەنتىن تومەندەتۋدى ماڭىزدى نىسانا ەتۋمەن بىرگە، كەدەيلەردى سۇيەمەلدەۋ بويىنشا وركەندەتۋدى مەملەكەتتىڭ «13 - بەسجىلدىق» جوسپارىنا ەنگىزىپ، قولداۋ سەرپىنىن كۇشەيتۋ جونىندە ۇسىنىس قويدى.
مۇشە چيان يىڭي جۇڭگو ەكونوميكاسىنىڭ ارتۋ قارقىنى تومەندەگەن جاعدايعا توتەپ بەرۋ ءۇشىن، بازار مەن كاسىپورىندارعا ءوزىن - ءوزى ىشتەن رەتتەيتىن جانە دامىتاتىن ءورىس بەرىپ، ۇكىمەتتىڭ قامداۋ ساياساتىنداعى رولىن كورنەكتىلەندىرىپ، ۇكىمەتتىڭ ىنتالاندىرۋ مەحانيزمىن قايتا بەلگىلەپ، جاڭاشا ۇكىمەت - ساۋدا قاتىناسىن ورناتۋ جونىندە ۇسىنىس قويدى.
جۇڭگو دەموكراتيالىق وداعى ورتالىق كوميتەتى اتىنان سوزگە شىققان مۇشە ۋىن سىمەي ستۋدەنتتەردىڭ دەربەس شارۋاشىلىق قۇرۋى جونىندە: كاسىپ كوزدەرىن اشۋعا، شارۋاشىلىق قۇرۋعا جالپى حالىق ات سالىسۋدى بار كۇشپەن ىلگەرىلەتۋ كەرەك»، - دەپ اتاپ كورسەتتى. ول جوعارى مەكتەپ دارىندىلارىن باۋلۋ ۇلگىسىنە رەفورما جاساپ، شارۋاشىلىق قۇرۋعا ساياساتتىق قولداۋ سەرپىنىن كۇشەيتىپ، ستۋدەنتتەردىڭ شارۋاشىلىق قۇرۋ قوعامدىق ورتاسىن جاقسارتۋ جونىندە ۇسىنىس قويدى.
ساياسي كەڭەستىڭ 5 مۇشەسى اتىنان سوزگە شىققان جۋ باۋچىڭ: اۋىل شارۋاشىلىعىندا تانىمال ماركا ستراتەگياسىن اتقارۋ اۋىل شارۋاشىلىعىنا بۇرىلىس جاساپ، قۇرىلىمدى رەتتەۋدىڭ، اۋىل شارۋاشىلىعىن وسىزامانداندىرۋدى تەزدەتۋدىڭ كوكەي تەستى مىندەتىنە اينالدى، -دەدى. ول اۋىل شارۋاشىلىعىنداعى تانىمال ماركالاردى دامىتۋ جوسپارىن جاساپ، ەرەكشە اۋىل شارۋاشىلىق ونىمدەرى بويىنشا وڭىرلىك تانىمال ماركالار قۇرىلىسىن ىلگەرىلەتۋ جونىندە ۇسىنىس قويدى.
مەملەكەتتىك ساياسي كەڭەستىڭ ەكونوميكا كوميتەتى اتىنان سوزگە شىققان مۇشە مەي شيڭباۋ بىلاي دەپ اتاپ كورسەتتى: ناقتى ەكونوميكاعا جانە حالىقتىڭ شارۋاشىلىق قۇرۋىنا قاجەتتى قارجى قۇراۋدىڭ قيىنشىلىعىن ءونىمدى تۇردە جەڭىلدەتىپ، جالپىعا ءتيىمدى فينانس ۇستانىمىن، ءسوز جوق، بەرىك ورناتىپ، حالىقتىق كاپيتالداردى فينانس ىستەرىمەن شۇعىلدانۋعا بەلسەنە جەتەكتەۋ جانە ونى بار كۇشپەن سۇيەمەلدەۋ كەرەك.
مۇشە جاڭ حۇڭميڭ: تۇرعىن ءۇي بازارىنىڭ ەكونوميكانى، حالىق تۇرمىسىن ورنىقتىرۋ جاعىنداعى وراسان زور رولىنا ايرىقشا ءمان بەرىپ، ورنىقتىلىقتى ماڭداي الدى ورىنعا قويىپ، «ەكىدەن ساقتانۋدى» بىردەي يگەرۋ، ياعني تۇرعىن ءۇي بازارىنىڭ قايتالاي قىزىپ، كوبىكتەنۋىنەن ساقتانۋ، تۇرعىن ءۇي بازارىنىڭ جاپپاي سۋىنۋىنان جانە ءۇي باعاسىنىڭ كۇرت قۇلدىراۋىنان ساقتانۋ كەرەك، -دەدى.
جۇڭگو دەموكراتيالىق مەملەكەت قۇرۋ وداعى ورتالىق كوميتەتى اتىنان سوزگە شىققان مۇشە لي داڭ: ءوندىرىس قۋاتىنىڭ اسىپ قالۋى قازىرگى ەكونوميكالىق اينالىمدا ورىن تەپكەن كورنەۋ ماسەلە، ءسوز جوق، رەفورمانى تەرەڭدەتۋ ارقىلى بۇل ماسەلەنى شەشۋدىڭ جاڭا جولى جونىندە بەلسەنە ىزدەنىس جاساۋ كەرەك، -دەدى. ول «تۇتىنۋ سۇرانىسىنا كەپىلدىك ەتىپ، قارجى ۇسىنىلىمىن ازايتاتىن» رەتتەۋ - مەڭگەرۋ شاراسىن قولدانىپ، كاسىپ سالاسىنا بۇرىلىس جاساۋدى جانە ونى جاڭارتۋدى جەدەل ىلگەرىلەتۋ سىندى 5 ءتۇرلى ۇسىنىس قويدى.
عىلىم - تەحنيكا سالاسىنداعى مۇشەلەر اتىنان سوزگە شىققان مۇشە چين داحى ازاماتتاردىڭ عىلىمي ساپاسى مەملەكەتتىڭ جالپىلىق قۋاتىنىڭ ماڭىزدى قۇرامداس بولىگىنە اينالعانىن اتاپ كورسەتىپ، ازاماتتاردىڭ عىلمي ساپاسىن مەملەكەتتىڭ قاتىستى جوسپارلارىنا ەنگىزىپ، ەلىمىز ازاماتتارىنىڭ باستاۋىشتىق عىلمي ساپا كورسەتكىشىن «13 - بەسجىلدىق» جوسپارعا كىرگىزۋدى ۇسىنىس ەتتى.
مۇشە لي حىجۇن: دامۋداعى قيىن ماسەلەلەردى شەشۋ مەملەكەتتىڭ رەفورمانى تەرەڭدەتۋىن جانە جاڭالىق اشۋدى قوزعاۋشى كۇش ەتۋىن قاجەت ەتەدى، جوعارى جىلدامدىقتى پويەز، سۋ ەلەكترى سياقتى الەمدىك باسەكەگە قابىلەتى باسىم كاسىپ سالالارىنان ءبىر توبىن باۋلۋ كەرەك. جىلجىمالى ەنەرگيا دۇنيە جۇزىندە ەندى وركەندەپ كەلە جاتقان سالا، جۇڭگو بۇل سالادا وزگەلەردەن الدا كەلە جاتىر، - دەدى. ول بۇل سالانى دامىتۋعا ىنتالاندىرۋ جانە وعان قولداۋ كورسەتۋ جونىندە ۇسىنىس بەردى.
مۇشە ۋي شياۋچۇن دەموكراتيالىق العاباسارلىق پارتياسى ورتالىق كوميتەتى اتىنان ءسوز الىپ: ەلىمىزدىڭ سۋ حاۋىپسىزدىگىنە كەپىلدىك ەتۋ ءۇشىن، سۋ ۇنەمدەۋگە باسا نازار اۋدارىلۋى كەرەك، - دەدى. ول سۋ ۇنەمدەۋگە قاتىستى زاڭ جۇيەسىن جەدەل كەمەلدەندىرۋ، سۋ شىعىنى كوپ ونىمدەر مەن كاسىپتەردىڭ قۇرىلىمىن رەتتەۋ، تۇرمىستىق سۋدى ۇنەمدەۋدىڭ مۇمكىندىكتەرىن تولىق پايدالانۋ سياقتى ۇسىنىستاردى ورتاعا قويدى.
مۇشە حى ۋي: جاڭا كەزەكتى عالامدىق تەحنولوگيا توڭكەرىسى مەن ونەركاسىپ وزگەرىسى ەلىمىزدىڭ ەكونوميكالىق دامۋ تاسىلىنە بۇرىلىس جاساۋ ىستەرىمەن تاريحي قيىلىس قالىپتاستىرۋ ۇستىندە، سوندىقتان دامۋدىڭ باسىم باعىتتارىن دۇرىس يگەرۋىمىز كەرەك، - دەدى. ول ەمدەۋ، دەنساۋلىق ساقتاۋ مەن مەديتسينالىق قىزمەت كورسەتۋدى حالىق تۇرمىسىن دامىتۋ مەن ەكونوميكانىڭ دامۋ تاسىلىنە بۇرىلىس جاساۋدىڭ كەلەلى عىلىم - تەحنيكالىق جەتىستىكتەر باعىتى ەتۋ سياقتى 3 ۇسىنىستى ورتاعا قويدى.
مۇشە شۇي شياۋلان ادىلەت پارتياسى ورتالىق كوميتەتى اتىنان سوزگە شىعىپ: رەفورمانى جاپپاي تەرەڭدەتۋ ارقىلى بۇقارالىق جاسامپازدىقتىڭ ءورىسىن بارىنشا كەڭەيتىپ، كاسىپ كوزىن اشۋ مەن جاڭالىق جاساۋعا جالپى جۇرت ات سالىساتىن جاڭا كۇي قالىپتاستىرۋ توتەنشە ماڭىزدى مانگە يە، - دەدى. ول كاسىپ كوزىن اشۋدىڭ اشىق جۇيەسىن ورناتۋ جونىندە ۇسىنىس بەردى.
مۇشە لي يانحۇڭ بىلاي دەدى: جاساندى ينتەللەكت − ايرىقشا ۇستەمەلىك اسەرگە يە نەگىزدىك تەحنيكا. ەلىمىزدىڭ جاساندى ينتەللەكت ىستەرىنىڭ قارىشتاپ دامۋىن ىلگەرىلەتۋ ءۇشىن، مەملەكەتتىڭ قاتىستى تاراۋلارى ارناۋلى قارجى ءبولىپ، «جۇڭگو ميى» جوسپارىن جاساۋعا جەتەكشىلىك ەتۋدى ۇسىنىس ەتەمىن.
مۇشە لي چىڭيۇي مەملەكەتتىك ساياسي كەڭەستىڭ حالىق، بايلىق جانە قورشاعان ورتا كوميتەتى اتىنان ءسوز الىپ: سوڭعى جىلدارى، تەڭىز قايراڭدارىنىڭ كوتەرىمدىلىگى مەن ەكونوميكالىق دامۋ اراسىنداعى قايشىلىق كۇن وتكەن سايىن ايقىندالىپ كەلەدى، - دەدى. ول قۇرلىق پەن تەڭىزدى ءبىر تۇتاس جوسپارلاۋ، زاڭ - ەرەجەلەردى كەمەلدەندىرۋ، باسقارۋ ءتۇزىلىسىن ناقتىلى رەتتەۋ تۋرالى ۇسىنىس بەردى.
مۇشە لي داۋكۇي پارتيادا، توپتا جوق قايراتكەرلەر اتىنان سوزگە شىعىپ: جۇڭگو ەكونوميكاسىنداعى قارجى قۇراۋدىڭ قيىنعا، قىمباتقا ءتۇسۋ ماسەلەسىن شەشۋ ءۇشىن، ءسوز جوق، فينانس ءتۇزىلىسى رەفورماسىنا ايرىقشا كۇش سالۋ كەرەك، - دەپ اتاپ كورسەتتى. ول نەگىزدىك قۇرىلعىلار جوباسىنا قارجى سالۋدىڭ ۇزاق مەرزىمدىك ارناۋلى قورىن ۇيىمداستىرۋ جونىندە ۇسىنىس بەردى.
مۇشە چيان كىميڭ: ەلىمىزدىڭ اۋىل شارۋاشىلىعى بۇرىلىس كەزەڭىندە تۇر، سوندىقتان ىڭعايعا قاراي ءىس كورىپ، بەلسەندى تۇردە دامۋ نىساناسىن رەتتەپ، دامۋ تاسىلىنە بۇرىلىس جاساپ، رەفورمانى تەرەڭدەتىپ، ءداستۇرلى اۋىل شارۋاشىلىعىنىڭ وسى زامانعى اۋىل شارۋاشىلىعى دەڭگەيىنە كوتەرىلۋىن جەدەل ىلگەرىلەتۋ كەرەك، - دەپ اتاپ كورسەتتى.
جالپى جيىنعا مەملەكەتتىك ساياسي كەڭەستىڭ ورىنباسار ءتوراعالارى پابالاگلەلاڭجيە، دۇڭ جيانحۋا، ۋان گاڭ، لين ۋىن - ي، حى حوۋحۋا، جاڭ چيڭلي، لي حايفىڭ، لۋ جانگۇڭ، ۋاڭ جيارۇي، ۋاڭ جىڭۋي، چي شۇيچۇن، چىن شياۋفىڭ، ۋاڭ چينمين قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
