جۇڭگو – ەۆروپا ەكى جاقتىڭ كەڭەسىپ بەكىتۋىمەن مەملەكەتتىك كەڭەستىڭ زۇڭليى لي كىچياڭ سول جەر ۋاقىتى بويىنشا 28 – ماۋسىم تۇستەن كەيىن ارناۋلى ۇشاقپەن بەلگيانىڭ استاناسى بريۋسسەلگە جەتتى، ەندى 17 – رەتكى جۇڭگو – ەۆروپا وداعى باسشىلارىنىڭ كەزدەسۋىنە قاتىناسادى. لي كىچياڭ زۇڭليدىڭ حانىمى چىڭ حۇڭ سول ۇشاقپەن بىرگە باردى.ەۆروپا وداعى مەن بەلگيا ۇكىمەتىنىڭ جوعارى دارەجەلى ءمانساپتىلارى ابەلاگ اۋەجايىنا بارىپ قارسى الدى. قۇرمەت قاراۋىلى كىلەمنىڭ ەكى شەتىندە ساپقا تۇرىپ، سىرنايشىلار سىرناي تارتىپ قۇرمەت ءبىلدىردى. جۇڭگونىڭ ەۆروپا وداعىندا تۇراتىن ەلشىلەر ۇيىرمەسىنىڭ باستىعى ياڭ يان – ي باس ەلشى مەن بەلگيادا تۇراتىن باس ەلشىسى چۇي شيڭ دە اۋەجايعا بارىپ قارسى الدى.
مەملەكەتتىك كەڭەس زۇڭليى لي كىچياڭ 24 – ماۋسىمدا حالىق قۇرىلتايى سارايىندا ەلىمىزگە مەملەكەت ىسىمەن ساپارلاي كەلگەن بەلگيا پاتشاسى فيليپپەن كەزدەستى. لي كىچياڭ: قازىر جۇڭگو – بەلگيا قارىم – قاتىناسىنىڭ دامۋ بەتالىسى ويداعىداي.