- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان باستاعان باسشىلار دۇنيە ءجۇزىنىڭ فاشيزمگە قارسى سوعىسىنداعى شينجياڭعا قاتىستى ارحيۆ - حۇجاتتار كورمەسىن كوردى
2015.08.18 14:04 كەلۋ قاينارى : ءتاڭىرتاۋ تورابى
70 جىلدىڭ الدىنداعى ءدال وسى كۇنى جاپونيا شارتسىز تىزە بۇككەنىن جاريالاعان بولاتىن. 15 - تامىز تۇستەن بۇرىن، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان اۆتونوميالى رايونىمىزداعى پارتيا، ۇكىمەت، ارميا ورىندارىنىڭ باسشىلارىمەن بىرگە اۆتونوميالى رايوننىڭ ارحيۆ سارايىنا كەلىپ، جۇڭگو حالقىنىڭ جاپون باسقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 70 جىلدىعىنا ارنالعان «دۇنيە ءجۇزىنىڭ فاشيزمگە قارسى سوعىسى كەزىندەگى شينجياڭ» اتتى ارحيۆ - حۇجاتتار كورمەسىن كوردى. جاڭ چۇنشيان باستاعان باسشىلار كورمە زالىنا كىرىپ، كورمەنى كوردى.
كورمە «شينجياڭداعى ءار ۇلت حالقىنىڭ جاپون باسقىنشىلارىنا قارسى سوعىسقا جىلۋ اتاۋ قيمىلى» جانە «شينجياڭداعى ءار ۇلت حالقىنىڭ سوۆەت وداعىن جاقتاپ، گەرمانياعا قارسى تۇرۋ قيمىلى» سىندى 2 بولىمنەن قۇرالعان، كورمەگە قۇندى ارحيۆتەر مەن فوتو سۋرەتتەردەن 200دەن استامى قويىلعان. كوپتەگەن ارحيۆتەر مەن تاريحي ماتەريالدار تۇڭعىش رەت سىرتقا جاريالانىپتى. كورمەدەگى سۋرەتتەر، كەستەلەر، ناقتى زاتتار جاڭ چۇنشيان باستاعان باسشىلاردىڭ نازارىن بىردەن اۋداردى. ولار كورمەنى دەن قويا كورىپ، قىزمەتكەرلەردىڭ تۇسىندىرمەسىن مۇقيات تىڭداپ، قاتىستى جاعدايلاردى ەگجەي - تەگجەيلى سۇراپ ۇعىسىپ وتىردى.
شينجياڭداعى ءار ۇلت حالقىنىڭ جاپون شاپقىنشىلارىنا قارسى سوعىسقا ايانباي كومەك كورسەتكەنى تۋرالى اسەرلى اڭگىمەلەرى كوپشىلىكتى ايرىقشا تەبىرەنتتى. جاپون شاپقىنشىلارىنا قارسى سوعىس كەزىندە، شينجياڭ حالقى 10 سوعىس ۇشاعىن ساتىپ الىپ، «شينجياڭ» دەگەن اتپەن جاپون شاپقىنشىلارىنا قارسى سوعىستىڭ الدىڭعى شەبىنە كومەككە بەردى، ۇيعۇر ۇستا ەڭپەكپەن تاپقان پايداسىن، قازاق ايەل 50 ءسارى جامبى، حانزۋ ايەل كۇيەۋىنەن قالعان مۇرانى كومەككە اتادى، ت.ب. حوتان اۋدانىنداعى ۇيعۇر ازامات ايسا قولىندا كومەككە اتايتىن اقشا نە زات بولماعاندىقتان، 18 جاسقا شىققان ۇلىن الدىڭعى شەپكە كومەككە جىبەرىپ، ۇلىنا شاپقىنشىلىققا قارسى ەرلىكپەن شايقاسۋدى قاداعالاي تاپسىرادى... شينجياڭداعى ءار ۇلت حالقى قاراپايىم ارەكەتتەرى ارقىلى كۇش ۇيىستىرىپ، جاپون شاپقىنشىلارىن قۋىپ شىعۋ، ۇلى وتاندى قورعاۋ، دۇنيە ءجۇزىنىڭ بەيبىتشىلىگىن قورعاۋداي ىزگى نيەتتەرىن ءبىلدىردى.
جاڭ چۇنشيان مىنانى اتاپ كورسەتتى: بۇگىن «فاشيزمگە قارسى سوعىس كەزىندەگى شينجياڭ» اتتى ارحيۆ - حۇجاتتار كورمەسىن كورۋ − اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسىنىڭ ءبىر رەتكى توپتىق ۇيرەنۋى. ءبىز جۇڭگو حالقىنىڭ جاپون باسقىنشىلارىنا جان - تانىمەن قارسى تۇرعان ۇلى تاريحىن، جۇڭگو حالقىنىڭ ۇلت تاۋەلسىزدىگى مەن ەركىندىگىن، وتاننىڭ ەگەمەندىك ۇقىعى مەن بەت - بەدەلىن قورعاۋ جولىندا سىڭىرگەن ۇلى ەڭبەگىن ەستە بەرىك ساقتاۋىمىز كەرەك. جاڭ چۇنشيان مىنانى اتاپ كورسەتتى: شينجياڭنىڭ جاپون باسقىنشىلارىنا قارسى تۇرىپ، ەلدى قۇتقارۋ قيمىلى مەن جاپون باسقىنشىلارىنا قارسى سوعىستا ايگىلەگەن ەل تاعدىرىمەن تاعدىرلاس بولۋداي وتانشىلدىق سۇيىسپەنشىلىگى ءالى دە شينجياڭداعى ءار ۇلت حالقىنىڭ قۇندى رۋحاني بايلىعى بولىپ تابىلادى. ءبىز پارتيانىڭ باسشىلىعىنا مىزعىماي تاباندى بولىپ، جۇڭگوشا سوتسياليزم جولىمەن ءجۇرىپ، « 5 ورتاق تانىمدى» ۇزدىكسىز كۇشەيتىپ، جاپون باسقىنشىلارىنا قارسى سوعىس رۋحىن، وسكەلەڭ وتانشىلدىق رۋحتى، «شينجياڭ رۋحىن» بارىنشا ساۋلەلەندىرىپ، ءوز تاعدىرىمىزدى جۇڭحۋا ۇلتىنىڭ، ۇلى وتانىمىزدىڭ تاعدىرىمەن تىعىز بايلانىستىرىپ، مەملەكەتتىڭ مۇددەسى مەن وتاننىڭ اتاق - ابىرويىن سانالىلىقپەن قورعاپ، وتاندى بولشەكتەيتىن بارلىق ارەكەتپەن باتىل كۇرەسىپ، قوعام ورنىقتىلىعى مەن باياندى تىنىشتىقتى جۇزەگە اسىرۋ، وتاننىڭ تۇتاستىعى مەن ۇلتتار ىنتىماعىن قورعاۋ جولىندا تىڭ ۇلەس قوسۋىمىز كەرەك.
اۆتونوميالى رايوندىق پارتكومنىڭ، حالىق قۇرىلتايىنىڭ، حالىق ۇكىمەتىنىڭ، ساياسي كەڭەستىڭ، شينجياڭ اسكەري رايونىنىڭ، ءوندىرىس - قۇرىلىس بيڭتۋانىنىڭ باسشىلارىنان شوكىرات زاكىر، نايىم ياسىن، نۇرلان ءابىلماجىن ۇلى، چى جۇن، حان يۇڭ، لي ۋي، حۋاڭ ۋي، شاۋكەت يمىن، جۋ حايلۇن، باي جىجيە، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، ليۋ شينچي كورمەنى كوردى.
اۆتونوميالى رايوندىق پارتكومنىڭ ۇگىت ءبولىمى، اۆتونوميالى رايوندىق پارتكومنىڭ پارتيا تاريحىن زەرتتەۋ كەڭسەسى، جۇڭگو 2 - تاريحي ارحيۆتەر سارايى، اۆتونوميالى رايوندىق ارحيۆ مەكەمەسى (سارايى) بىرلەسىپ وتكىزگەن وسى رەتكى كورمە 15 - تامىزدان باستاپ جۇرتشىلىققا ۇزاق ۋاقىت اشىق ۇستالادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
