- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭا تاريحي باستامادا− شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭنىڭ دامۋىنا كوڭىل بولگەنى تۋرالى
2015.09.29 14:13
60 جىل − ءبىر داۋرەن، ارايلى ساتتەر مەن الاۋلى جىلدار اۋناپ، تيانشاننىڭ تۇستىگى مەن تەرىستىگى اق جۇرەك ادالدىق، تەلەگەي ماحابباتپەن ىرگە كوتەرۋ، دامۋ، گۇلدەنۋدىڭ تەڭىزدەي بۋىرقانعان تاريحي اعىنىن باستان كەشتى.
60 جىل − تەرەڭ سەزىم، زامان وزىپ، ءداۋىر جاڭالانىپ، شينجياڭ ۇلاندارى قاجىرلى ەڭبەك، قايسار جۇرەكتەرىمەن ىنتىماقتىڭ، كۇرەسكەرلىكتىڭ، وزگەرىستىڭ تاڭداي قاقتىرار تارتىمدى جىرىن جازدى.
پارتيانىڭ 18 - قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتى جالپى جاعدايدى تولىق بارلاپ، قوعام ورنىقتىلىعى مەن باياندى تىنىشتىقتىڭ باستى نىساناسىن ارقاۋ ەتىپ، شينجياڭدى زاڭمەن باسقارۋعا، ىنتىماقتاستىرۋعا، باياندى گۇلدەندىرۋگە تاباندى بولىپ، شينجياڭنىڭ رەفورما، دامۋ، ۇلتتار ىنتىماعى، قوعامدىق ۇدەرىس، حالىق تۇرمىسى، شەكارانى بەكەمدەۋ ىستەرىن ىلگەرىلەتىپ، تاريحي جەتىستىككە جەتتى.
اق تۇيەنىڭ قارنى جارىلىپ، قارت تيانشان اق كورپەسىن جامىلعان قازان ايىندا، شينجياڭ ۇيعۇر اۆتونوميالى رايونىنىڭ 60 جىلدىق مەرەي توي−ى تويلاندى.
بولاشاققا كوز جىبەرسەك، پارتيا ورتالىق كوميتەتىنىڭ پارمەندى باسشىلىعىمەن، شينجياڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن عانيبەت وراي جانە تەمىر قازىق ەتىپ، تىنباي كۇرەس جۇرگىزىپ، قايراتتانا قۇلشىنىپ، دامۋدىڭ كەڭ تىنىستى جاڭا كەزەڭىن اشاتىنىنا جۇرت ءشۇباسىز سەنەدى.
بولاشاققا ءتيىمدى ساياساتتار شىعارىلىپ، نەگىزدى بەكەمدەيتىن شارالار اتقارىلدى
− شي جينپيڭ جولداس باس شۋجي بولعان پارتيا ورتالىق كوميتەتى شينجياڭ قىزمەتىنە باسا نازار اۋدارىپ، ستراتەگيالىق دەڭگەيدەن ءمان بەرىپ، پارتيا مەن مەملەكەت قىزمەتىنىڭ جالپى جاعدايى تۇرعىسىنان كوز جىبەردى.
كۇز باسى، شينجياڭنىڭ حوتان ايماعى گۇما اۋدانىنىڭ گۇما قالاشىعىنداعى ارايار قىستاعى دۋمانعا شومدى، قاز - قاتار، شىت جاڭا بەيقۇت ۇيلەردىڭ كىلتى تۇرعىندارعا تابىس ەتىلدى.
«اپاتتان كەيىن سالىنعان جاڭا ۇيلەردىڭ قاسىندا، بۇرىنعى ەسكى ۇيلەرىمىز ءۇي بولىپ پا! باسىمىزعا پانا ورناتقان پارتيا مەن ۇكىمەتكە مىڭ العىس»، - دەدى قىستاق تۇرعىنى احىمەتجان.
2015 - جىلى 3 - شىلدە كۇنى گۇما اۋدانىندا 6.5 بال جەر سىلكىنەدى. جەر سىلكىنگەننەن كەيىن، باس شۋجي شي جينپيڭ گۇمانىڭ اپاتتان قۇتقارۋ قىزمەتى جونىندە ىلگەرىندى - كەيىن 2 مارتە ماڭىزدى نۇسقاۋ بەردى.
جۇمىلا كوتەرگەن جۇك جەڭىل. پارتيا ورتالىق كوميتەتىنىڭ شىنايى قامقورلىعى مەن ءار دارەجەلى پارتيا ۇيىمدارىنىڭ پارمەندى باسشىلىعىندا، گۇما اۋدانىنداعى ءار ۇلت جۇرتشىلىعى جۇدىرىقتاي جۇمىلىپ، اپاتتان كەيىنگى قايتا قۇرۋ قىزمەتىندە كەزەڭدىك تابىستارعا جەتتى.
60 جىل اسپاننان نۇر قۇيىلىپ، قارت تيانشان شۋاققا شومدى.
پارتيا ورتالىق كوميتەتى شينجياڭ قىزمەتىنە ەجەلدەن باسا نازار اۋدارىپ كەلەدى. شي جينپيڭ جولداس باس شۋجي بولعان پارتيا ورتالىق كوميتەتى شينجياڭداعى ءار ۇلت جۇرتشىلىعىمەن تىلەكتەس بولىپ، شينجياڭ قىزمەتىن پارتيا مەن مەملەكەت قىزمەتىندە اسا ماڭىزدى ورىنعا كوتەرىپ، ءبىر ميلليون 660 مىڭ شارشى كيلومەتر بايتاق دالاعا مول قاجىر - قايرات جۇمسادى.
باس شۋجي شي جينپيڭ شينجياڭعا العاش رەت وتكەن عاسىردىڭ 80 - جىلدارىنىڭ باسىندا كەلدى، كەيىن تاعى تالاي مارتە جولى ءتۇستى. ورتالىق كوميتەتكە قىزمەتى اۋىسقاننان كەيىن، ول 2009 - جىلى ماۋسىم ايىندا 5 كۇن ۋاقىتپەن شينجياڭدا قىزمەت تەكسەرىپ، بايىنعولين، قاشقار، قارامايلى، شىحىزى، ءۇرىمجىنىڭ اۋىل - قىستاقتارىندا، زاۆود - كاسىپورىندارىندا، الەۋمەتتىك اۋماقتارى مەن مەكتەپتەرىندە اق ءمارمار ءىزىن قالدىردى.
پارتيانىڭ 18 - قۇرىلتايىندا جاپپاي دوڭگەلەك داۋلەتتى قوعام قۇرۋدىڭ دابىلى قاعىلدى، باس شۋجي شي جينپيڭ جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن ىسكە اسىرۋدىڭ ايبىندى نىساناسىن العا قويدى. جاپپاي دوڭگەلەك داۋلەتتى قوعام قۇرۋ، جۇڭگو ارمانىن ىسكە اسىرۋ شينجياڭدى ونان ارى ويداعىداي باسقارۋ، ورنىقتىرۋ، گۇلدەندىرۋدى قاجەت ەتەتىن ەدى.
2014 جىلى 27 - ءساۋىر كۇنى تۇستەن بۇرىن، باس شۋجي شي جينپيڭ تەكسەرۋ - زەرتتەۋ جۇرگىزۋ ءۇشىن شينجياڭعا اتتاندى. ۇشاق شينجياڭنىڭ اۋە كەڭىستىگىنە كىرگەندە، ول شەكسىز - شەتسىز سوزىلىپ، اق باس تاۋلارى ءبىر - بىرىنە مىنگەسكەن وسىناۋ ۇلان - قايىر دالاعا ۇشاق تەرەزەسىنەن ءالسىن - ءالى باعىستاي بەردى...
بۇل باس شۋجي شي جينپيڭنىڭ پارتيانىڭ 18 - قۇرىلتايىنان كەيىن شينجياڭدا العاش رەت قىزمەت تەكسەرۋى ەدى. 4 كۇن ۋاقىت دامىلسىز تەكسەرۋ، تىنىمسىز ساپارمەن ءوتتى.
«وسى جولى شينجياڭعا سىزدەردىڭ ۇسىنىس - پىكىرلەرىڭىزدى تىڭداۋعا كەلدىم». تەكسەرۋ كەزىندە، باس شۋجي شي جينپيڭ شينجياڭداعى ءار ۇلت كادر - جۇرتشىلىعىمەن اقتارىلا سىرلاستى.
وڭتۇستىك شينجياڭداعى ەجەلگى شاھار قاشقاردان ورتالىق قالا ۇرىمجىگە، ونان ءوندىرىس - قۇرىلىس بيڭتۋانىنا جالعاسقان ساپار كەزىندە، باس شۋجي شي جينپيڭ اۋىل - قىستاق، كاسىپورىن، اسكەري ءبولىم، مەكتەپ، ساقشى بولىمشەسى، مەشىتتەردى ارالاپ، ءار ۇلت كادر - جۇرتشىلىعىمەن جۇزدەسىپ، ازاتتىق ارميا مەن قارۋلى ساقشى بولىمدەرىنىڭ كوماندير - جاۋىنگەرلەرىنەن، ساقشىلاردان، بيڭتۋاننىڭ قىزمەتشىلەرىنەن حال سۇرادى.
قىستاق تۇرعىندارىنىڭ اۋلاسىندا، بيڭتۋان ورگانىندا، قوناق ۇيدە باس شۋجي ىلگەرىندى - كەيىن 10 رەت ءماجىلىس اشىپ، ءار جاقتىڭ ۇسىنىس - پىكىرىن تىڭداپ، شينجياڭنىڭ رەفورما، دامۋ، ورنىقتىلىق ىستەرى جونىندە اقىل قوسىپ، كەڭەس الدى.
......
تەكسەرۋ كەزىندە باس شۋجي شي جينپيڭ «قوعام ورنىقتىلىعى مەن باياندى تىنىشتىقتى قىزمەتتىڭ نىساناسى مەن تياناعى ەتىپ، ءتۇرلى قىزمەتتى ءبىر تۇتاس ورنالاستىرىپ، تاريحي ورايدى مىقتى يگەرۋ مەن ونان ويداعىداي پايدالانۋعا، شينجياڭنىڭ قارىشتاپ دامۋىن ىسكە اسىرۋعا ءتيىمدى شارت - جاعداي ازىرلەپ، ءار ۇلت كادر - جۇرتشىلىعىنىڭ بەرەكە - بىرلىگى مەن قۇلشىنىسىنا بەرىك ارقا سۇيەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋ كەرەك» دەپ باسا دارىپتەدى. قوعام ورنىقتىلىعى، باياندى تىنىشتىق.
− بۇل جاڭا ءداۋىر، جاڭا جاعدايدا، شينجياڭنىڭ احۋالى مەن مەملەكەتتىڭ جالپى جاعدايىنا سايكەس جاسالعان ماڭىزدى ستراتەگيالىق تۇجىرىم؛
− بۇل كەزەكتەگى جانە الداعى مەزگىلدەگى شينجياڭ قىزمەتى جونىندە ستراتەگيا مەن جالپى جاعداي تۇرعىسىنان جاسالعان جان - جاقتى ورنالاستىرۋ.
ۇزاقتى بولجاماعان جاقىندى شولا بىلمەيدى، جالپىنى بارلاماعان جالقىنى كورە بىلمەيدى. شينجياڭنىڭ قوعام ورنىقتىلىعى مەن باياندى تىنىشتىعى مەملەكەتتىك رەفورما، دامۋ، ورنىقتىلىق ىستەرىنىڭ جالپى جاعدايىمەن، وتاننىڭ بىرلىگىمەن، ۇلتتاردىڭ ىنتىماعىمەن، مەملەكەتتىڭ حاۋىپسىزدىگىمەن، جۇڭحۋا ۇلتىنىڭ ۇلى گۇلدەنۋىمەن تىكە قاتىستى.
پارتيانىڭ 18 - قۇرىلتايىنان بەرى، پارتيا ورتالىق كوميتەتى شينجياڭ قىزمەتىنە باسا نازار اۋدارىپ، شينجياڭ قىزمەتىنىڭ پارتيا مەن مەملەكەت قىزمەتىنىڭ جالپى جاعدايىندا توتەنشە ماڭىزدى ستراتەگيالىق مارتەبەگە يە ەكەندىگىن باسا دارىپتەدى ءارى كوپ رەت ماڭىزدى ءماجىلىس اشىپ، شينجياڭ قىزمەتى جونىندە جۇيەلى زەرتتەۋ جۇرگىزىپ، جان - جاقتى ورنالاستىرۋ جاسادى.
2013 - جىلى ماۋسىم جانە جەلتوقسان ايلارىندا، باس شۋجي شي جينپيڭنىڭ باسقارۋىمەن ورتالىق كوميتەت ساياسي بيۋروسىنىڭ تۇراقتى كوميتەتى 2 رەت ءماجىلىس اشىپ، شينجياڭنىڭ قوعام ورنىقتىلىعىن، ءار ۇلت حالقىنىڭ مۇددەسىن قورعاۋ قىزمەتىنە زەرتتەۋ جۇرگىزىپ جانە ورنالاستىرۋ جاساپ، ءار ۇلت جۇرتشىلىعىنىڭ مۇددەسىن باتىل قورعاپ، زورلىقتى كۇش لاڭكەستىك قىلمىستارىنا قاتاڭ سوققى بەرىپ، شينجياڭنىڭ ۇلتتار ىنتىماعى مەن قوعام ورنىقتىلىعىنا كەپىلدىك ەتۋدى باسا دارىپتەدى.
2013 - جىلى 23 -، 24 - قىركۇيەك كۇندەرى شينجياڭعا باعىتتامالى كومەكتەسۋ قىزمەتى جونىندەگى مەملەكەتتىك 4 - رەتكى ءماجىلىس بەيجيڭدە اشىلىپ، كاسىپتەندىرۋ، وقۋ - اعارتۋ، دارىندى سالالارى بويىنشا كومەكتەسۋدى ءتۇيىن ەتىپ، شينجياڭعا باعىتتامالى كومەكتەسۋ قىزمەتىن ونان ارى جاقسى ىستەۋ جونىندە ورنالاستىرۋ جاسالدى.
2014 - جىلى 26 - مامىردا ج ك پ ورتالىق كوميتەتىنىڭ ساياسي بيۋروسى ءماجىلىس اشىپ، شينجياڭنىڭ قوعام ورنىقتىلىعى مەن باياندى تىنىشتىعىن ونان ارى ىلگەرىلەتۋ جونىندە زەرتتەۋ جۇرگىزىپ، ورنالاستىرۋ جاسادى. باس شۋجي شي جينپيڭ شينجياڭنىڭ قوعام ورنىقتىلىعىن قورعاپ، باياندى تىنىشتىعىن ىسكە اسىرۋدىڭ ماڭىزدىلىعى مەن كوكەي تەستىلىگىن جىعا تانىپ، شينجياڭ قىزمەتىنىڭ نىساناسى مەن تياناعىن قوعام ورنىقتىلىعى مەن باياندى تىنىشتىققا اۋدارۋدى باسا دارىپتەدى.
2014 - جىلى 28 - ، 29 - مامىر كۇندەرى، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى بەيجيڭدە اشىلدى. باس شۋجي شي جينپيڭ ءسوز سويلەپ، كەزەكتەگى جانە الداعى ءبىر مەزگىلدەگى شينجياڭ قىزمەتىنە جان - جاقتى ورنالاستىرۋ جاسادى:
«جۇڭگوشا سوتسياليزم تۋىن بيىك ۇستاپ، دىڭ شياۋپيڭ نازارياسىن، <ۇشكە ۋاكىلدىك ەتۋ> ماڭىزدى يدەياسىن، عىلمي دامۋ كوزقاراسىن جەتەكشى ەتۋ كەرەك».
«پارتيا ورتالىق كوميتەتىنىڭ شينجياڭ قىزمەتى جونىندەگى باعىت - ساياساتتارىن بۇلجىتپاي دايەكتىلەندىرىپ، قوعام ورنىقتىلىعى مەن باياندى تىنىشتىق باستى نىساناسىن ارقاۋ ەتۋ كەرەك».
«شينجياڭنىڭ باسقارۋ جۇيەسى مەن باسقارۋ قابىلەتىنىڭ وسىزاماندانۋىن ىلگەرىلەتۋدى جەتەكشى، ەكونوميكانىڭ دامۋى مەن حالىق تۇرمىسىنىڭ جاقسارۋىن نەگىز، ۇلتتار ىنتىماعىن نىعايتىپ، ۇشقارى ءدىني يدەيالاردىڭ ەتەك جايۋىنا توسقاۋىل قويۋدى ءتۇيىن ەتۋ كەرەك».
«شينجياڭدى زاڭمەن باسقارۋعا، ىنتىماقتاستىرۋعا، ۇزاق ۋاقىت گۇلدەندىرۋگە تاباندى بولىپ، ىنتىماقتى، جاراسىمدى، گۇلدەنگەن، باي، وركەنيەتتى، العاباسار، بەيقۇت سوتسياليستىك شينجياڭ قۇرۋ كەرەك».
......
ورتالىقتاعى باسقا باسشى جولداستار دا شينجياڭ قىزمەتىنە كوڭىل ءبولىپ، شينجياڭداعى ءار ۇلت كادر - جۇرتشىلىعىن قايراتتانا العا باسۋعا ۇنەمى جىگەرلەندىرىپ وتىردى.
پارتيانىڭ 18 - قۇرىلتايىنان بەرى، لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي جولداستار شينجياڭنىڭ ەكونوميكالىق، قوعامدىق دامۋىنا باسا نازار اۋدارىپ جانە شىنايى كوڭىل ءبولىپ، شينجياڭ قىزمەتىنە ستراتەگيالىق دەڭگەيدەن ءمان بەرۋدى، شينجياڭنىڭ قوعام ورنىقتىلىعى مەن باياندى تىنىشتىعىن ونان ارى ىلگەرىلەتۋدى كوپ رەت باسا دارىپتەدى.
پارتيا ورتالىق كوميتەتىنىڭ ىستىق مەيىر، ىقىلاستى قامقورلىعى شينجياڭداعى 20 ميلليون ءار ۇلت ۇلانىنىڭ جىگەرىن ۇشتادى.
بيىكتە تۇرىپ، الىستى بولجاعان ستراتەگيالىق شەشىم، داۋىرمەن جارىسا العا باسقان ساياسات - شارالار ارقىلى جاڭا داۋىردە شينجياڭنىڭ الدىندا تۇرعان جاعداي مەن مىندەتتەرگە عىلمي تالداۋ جاسالىپ، شينجياڭ قىزمەتىنىڭ جەتەكشى يدەياسى مەن نەگىزگى تالاپتارى ايقىندالىپ، كەزەكتەگى جانە الداعى ءبىر مەزگىلدەگى شينجياڭ قىزمەتىنە انىق باعدار كورسەتىلدى.
ورنىقتىلىق نەگىزىن بەكەمدەپ، گۇلدەنۋدىڭ سارا جولىن اشتى
− شينجياڭدى زاڭمەن باسقارۋعا، ىنتىماقتاستىرۋعا، ۇزاق ۋاقىت گۇلدەندىرۋگە تاباندى بولىپ، حالىق تۇرمىسىن جاقسارتۋ مەن ەكونوميكانى دامىتۋدى ارقاۋ ەتىپ، شينجياڭنىڭ ءتۇرلى ىستەرىن ىلگەرىلەتۋدە تاريحي دامۋشىلىقتارعا قول جەتتى
«داشيدىڭ سورتاڭ دالاسى، سور بوپ بىتكەن ماڭدايعا. اشتىقتان توزىپ ساناسى، كوزىن ساتقان شالعايعا. جالاڭ بۇت ءسابي بالاسى، شاۋىپ جۇرگەنگە ءال قايدا. ارىلىپ ازاپ - نالاسى، باقىتتى كۇندەر بولماي ما»؟
بۇل − شينجياڭ بايىنعولين موڭعۇل اۆتونوميالى وبلىسى لوپنۇر اۋدانى شيڭپيڭ اۋىلىنىڭ داشي قىستاعىنداعى كونە كوزدەردىڭ اراسىندا تارالعان تاقپاق ءارى كەشەگى داشي قىستاعىنىڭ شىنايى بەينەسى.
كەشەگى كۇنى ىشەر استىقتا ۇكىمەتتىڭ قايتارىپ ساتىپ بەرۋىنە، وندىرىستە نەسيەگە، تۇرمىستا قۇتقارۋعا سۇيەنەتىن داشي قىستاعىندا سوڭعى جىلدارى وزگەشە اۋىل - قىستاق پەن توڭكەرىستىك ساياحات ورگانيكالىق تۇردە ۇشتاستىرىلعان ساياحات كاسىبى قالىپتاسىپ، ەگىنشى - مالشىلاردىڭ كىرىسى بۇكىل شينجياڭ بويىنشا الدىڭعى قاتاردان ورىن الىپ، «بۇكىل ەل بويىنشا دوڭگەلەك داۋلەتتى قوعام قۇرۋداعى جۇلدىز قىستاققا» اينالدى.«قىستاق پارتيا ياچەيكاسىنىڭ جاۋىنگەر قامالدىق رولىن تولىق ساۋلەلەندىرىپ، اۋىلداستاردى ءوز توڭىرەگىنە بەرىك توپتاپ، پارتياعا ىلەسۋ بەكىمى مەن سەنىمىن نىعايتىپ، پارتيانىڭ جاقسى ساياساتىن ءاربىر وتباسىنا دەيىن تياناقتاندىرىپ، ءوندىرىستى، ءتىپتى، ويداعىداي جۇرگىزىپ، ۇلتتار ىنتىماعىن ونان ارى كۇشەيتىپ، اۋىلداستاردىڭ تۇرمىس - تىرشىلىگىنىڭ ونان ارى جاقسارا تۇسۋىنە مۇمكىندىك جاساۋىن ءۇمىت ەتەمىن».
2014 - جىلى 9 - قىركۇيەكتە باس شۋجي شي جينپيڭنىڭ داشي قىستاعى پارتيا ياچەيكاسىنىڭ شۋجيى ساۋىر ماڭلىك پەن قىستاقتاعى بارلىق تۇرعىنعا جازعان جاۋاپ حاتى داشي قىستاعىنىڭ دامۋىنا جاڭا قوزعاۋشى كۇش قوستى.
داشي قىستاعىنداعى جويقىن وزگەرىستەر شينجياڭنىڭ ىستەرىنىڭ كۇن سايىن دامىپ كەلە جاتقانىنىڭ ىقشام كورىنىسى عانا. تيانشاننىڭ تۇستىگى مەن تەرىستىگىندەگى ۇلان - بايتاق دالادا بۇگىندە قارىشتاپ دامۋداي تاماشا جاعداي جارىققا شىعىپ وتىر.
حالىق مەملەكەتتىڭ نەگىزى، نەگىز بەرىك بولسا، مەملەكەت تىنىش بولادى.
شينجياڭ ءالميساقتان كوپ ۇلت قونىستانعان رايون. مىڭداعان جىلدان بەرى، 10 نەشە ۇلت تيانشاننىڭ تۇستىگى مەن تەرىستىگىندەگى كەڭ - بايتاق دالادا ءوسىپ - ءونىپ، تاتۋ - ءتاتتى تۇرىپ، مەكەندەرىن بىرگە گۇلدەندىردى.
پارتيانىڭ 18 - قۇرىلتايىنان بەرى، پارتيا ورتالىق كوميتەتى حالىق تۇرمىسىن قامتاماسىز ەتۋ مەن جاقسارتۋدىڭ كەلەلى ءمانىن قايتا - قايتا باسا دارىپتەپ، حالىق تۇرمىسىنا پايدالى ىستەردى كوپ ىستەپ، حالىقتىڭ مۇڭ - مۇقتاجىن كوبىرەك ويلاپ، حالىق بارىنشا نازار اۋدارىپ وتىرعان، ەڭ تىكە، ەڭ شىنايى مۇددەلىك ماسەلەلەردى شەشىپ، رەفورما مەن دامۋ جەتىستىكتەرى ارقىلى بۇكىل حالىققا پايدا جەتكىزۋدى تالاپ ەتتى.
«شينجياڭنىڭ قارىشتاپ دامۋىن تاباندىلىقپەن جۇزەگە اسىرۋ، سونىمەن قاتار، ءسوز جوق، حالىق تۇرمىسىن جاقسارتۋ، حالىق تىلەگىنە قول جەتكىزۋدى ارقاۋ ەتە وتىرىپ ەكونوميكانىڭ دامۋىن جەبەۋ كەرەك»؛
«دامۋدى حالىق تۇرمىسىن جاقسارتۋ، جەرگىلىكتى ورىنعا پايدا جەتكىزۋ، ىنتىماقتى ىلگەرىلەتۋ جاعىندا تياناقتاندىرۋ كەرەك»؛
«دامۋدى يگەرۋ، حالىق تۇرمىسىنا تيىمدىلىك جاساۋ ارقىلى، بۇقارانىڭ قولىندا كاسىبىنىڭ بولۋىنا، اقشا تابۋىنا، ءۇمىت - ارمان ارقالاۋىنا مۇمكىندىك جاساپ، پارتيانىڭ ءار ۇلت بۇقاراسى اراسىنداعى ۇيىستىرۋ قۋاتىن ۇزدىكسىز كۇشەيتىپ، وتاندى، شينجياڭدى ءسۇيۋدىڭ وڭ ەنەرگياسىن توقتاۋسىز ارتتىرۋ كەرەك»؛
«شينجياڭنىڭ ءتىپتى جاقسى، ءتىپتى تەز دامۋىن تاباندىلىقپەن جەبەۋ، سونىمەن قاتار دامۋدى حالىق تۇرمىسىن جاقسارتۋ، جەرگىلىكتى ورىنعا پايدا جەتكىزۋ، ىنتىماقتى ىلگەرىلەتۋ جاعىندا تياناقتاندىرىپ، ءار ۇلت بۇقاراسىنىڭ پارتيانىڭ قامقورلىعى مەن ۇلى وتان شاڭىراعىنىڭ مەيىر - شاپاعاتىن شىن مانىندە سەزىنۋىنە مۇمكىندىك جاساۋ كەرەك».
...
حالىق تۇرمىسىنا قاتىستى ىستەردىڭ ءبارى كوڭىلدى تەربەيدى. باس شۋجي شي جينپيڭ ماڭىزدى سوزدەرىندە پارتيانىڭ جالپى ماقساتىن جۇزەگە اسىرۋ، ۇلتتار ىنتىماعىن قورعاۋ تۇرعىسىنان، حالىق تۇرمىسىن جاقسارتۋمەن تىعىز ۇشتاستىرا وتىرىپ دامۋدى جەبەۋدى باسا دارىپتەپ، «كىم ءۇشىن، كىمگە سۇيەنەمىز» دەگەن تەرەڭ تاقىرىپتى تاعى دا پايىمدادى.
تاريح دامۋ مەن ورنىقتىلىقتىڭ تامىرلاس ەكەنىن، دامۋ بولماسا ورنىقتىلىقتىڭ ۇزاققا جالعاسپايتىنىن؛ ورنىقتىلىق بولماسا، دامۋدىڭ العى شارتى بولمايتىنىن نەشە دۇركىن دالەلدەدى.
بۇگىندە پارتيا ورتالىق كوميتەتىنىڭ جاپپاي عىلمي شەشىم قابىلداپ، ورنالاستىرۋ جاساۋىمەن، رەفورما، دامۋ شارالارى حالىق تۇرمىسىن جاقسارتۋ، ىنتىماقتى ىلگەرىلەتۋ جاقتارىندا تياناقتاندىرىلىپ، شينجياڭدا جاڭا بەينە جارىققا شىعۋدا:
− 2014 - جىلى شينجياڭدا ءوندىرىس جالپى قۇنى 926 ميلليارد 410 ميلليون يۋاننىڭ ۇستىنە شىعىپ، 2010 - جىلداعىدان 382 ميلليارد 700 ميلليون يۋاننان اسىپ، شارۋالاردىڭ جان باسىندىق ورتاشا كىرىسى 8296 يۋاننان اينالدى، قالا - قالاشىق تۇرعىندارىنىڭ ورتاشا اقشالاي كىرىسى 22 مىڭ 160 يۋان بولدى؛
− 2014 - جىلى شينجياڭدا كاسىپتەنگەندەردىڭ سانى 11 ميلليون 420 مىڭعا جەتىپ، جىلىنا ورتا ەسەپپەن جاڭادان 551 مىڭ 700 ادام كاسىپتەندى، بۇل «11 - بەسجىلدىق» جوبا مەزگىلىندەگى جىلىنا ورتا ەسەپپەن جاڭادان كاسىپتەنگەن 206 مىڭ ادامنىڭ 7.2 ەسەسىنە بارابار كەلەدى؛
− 2014 - جىلدىڭ اياعىنا دەيىن، شينجياڭدا ءار ءتۇرلى قوعامدىق قامسىزداندىرۋعا قاتىناسقانداردىڭ جالپى سانى 33 ميلليون 480 ادام - رەتكە جەتىپ، 2009 - جىلداعىدان 10 ميلليون 730 مىڭ ادام - رەت كوبەيىپ، %47 ارتتى؛
− 2011 - جىلدان 2014 - جىلعا دەيىن، شينجياڭدا جالپى 127 ميلليارد 961 ميلليون يۋان قارجى قوسىلىپ، قالا - قالاشىقتاردا ءار ءتۇرلى قامتاماسىزداندىرۋ سيپاتتى ءبىر ميلليون 244 مىڭ ءۇيدىڭ قۇرىلىسى باستالدى. 2014 - جىلدىڭ اياعىنا دەيىن، بۇكىل رايوندا قالا - قالاشىقتاردا تۇرعىن ۇيمەن قامتاماسىز ەتۋ سالىستىرماسى %23.97كە جەتىپ، 2010 - جىلداعىدان 15.3 پايىز جوعارىلادى.
...
شينجياڭنىڭ گۇلدەنۋى مەن دامۋىنا كوز جىبەرەر بولساق، ونى شينجياڭعا كومەكتەسۋشىلەردىڭ ەڭبەگى مەن قان - تەرىنەن بولە قاراۋعا بولمايدى.
پامير ۇستىرتىنەن جوڭعار ويپاتىنا، تارىم وزەنىنىڭ بويىنان التاي تاۋلارىنىڭ ەتەگىنە دەيىن، حالىق تۇرمىسى ينجەنەريالارى، كاسىپ نىساندارى، ونەركاسىپ باقشالارى جىلدام جوبالانىپ جاتتى نەمەسە قۇرىلىسى باستالدى نەمەسە پايدالانۋعا بەرىلدى... شينجياڭدا ءار ۇلت بۇقاراسى ۇلى وتان شاڭىراعىنىڭ مەيىر - شاپاعاتىن سەزىنىپ، ولكە، قالالاردىڭ شينجياڭعا كومەكتەسۋ نىساندارى اكەلگەن ناقتى يگىلىكتەردىڭ پايداسىن كوردى.
2014 - جىلدىڭ اياعىنا دەيىن مەملەكەت بويىنشا شينجياڭعا باعىتتامالى كومەكتەسەتىن 19 ولكە، قالا شينجياڭعا كومەكتەسۋ نىسانىنان 4139ىن (بيڭتۋاندى قامتىمايدى) اتقارىپ، 47 ميلليارد يۋان كومەك قارجىسىن ءبولدى، بۇل «12 - بەسجىلدىق» كەزىندە شينجياڭعا كومەك جوباسىنداعى جالپى قارجى مولشەرىنىڭ %83.3ىن ۇستايدى؛ 3700 نىسان قۇرىلىسى اياقتالىپ، اياقتالۋ سالىستىرماسى %87كە جەتتى، 5 جىلداعى شينجياڭعا كومەكتەسۋ مىندەتىنىڭ 80 پايىزدان استامى ورىندالدى. شينجياڭنىڭ جاراسىمدى دامۋىنا كوز جىبەرەر بولساق، مۇنى ءار ۇلت كادر - بۇقاراسىنىڭ، ءدىني قايراتكەرلەر مەن دىنگە سەنەتىن قاۋىمنىڭ ىنتىماعى مەن تاتۋلىعىنان بولە قاراۋعا بولمايدى −
«قوس ءتىلدى» وقۋ - اعارتۋدى بارىنشا ىلگەرىلەتىپ، ۇلتتاردىڭ قويان - قولتىق ارالاسۋى سىندى قوعامدىق قۇرىلىم مەن الەۋمەتتىك اۋماق ورتاسىنىڭ قۇرىلۋىن جەبەپ، ۇلتتاردىڭ ارالاسۋىن، ىشتەسۋىن، توعىسۋىن ىلگەرىلەتتى... شينجياڭ پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ىنتىماعىن ءار ۇلت حالقىنىڭ ارقاۋى رەتىندە شينجياڭ قىزمەتىنىڭ بارلىق سالاسىمەن ساباقتاستىردى.
ءدىن سالاسىنداعى قايراتكەرلەر وتاندى، حالىقتى سۇيۋدەي تاڭداۋلى ءداستۇردى ساۋلەلەندىرىپ، ءدىني ۇشقارى يدەيالارعا ايقىن تۋ ۇستاي قارسى تۇردى، عىلمي جولمەن تاپسىرلەۋ ارقىلى دىنگە سەنەتىن بۇقارانى ءدىن اقيداسىن دۇرىس تۇسىنۋگە جەتەكتەپ، ءدىندى سوتسياليستىك قوعاممەن سايكەسۋگە ۇزدىكسىز جەبەپ، ءار ۇلت بۇقاراسىن زاڭمەن جونگە سالۋ تانىمى مەن وركەنيەت كوزقاراسىن كۇشەيتۋگە ونان ارى تاربيەلەدى جانە جەتەكتەدى.
شينجياڭنىڭ ورنىقتى دامۋىنا كوز جىبەرەر بولساق، مۇنى بيڭتۋاندىقتاردىڭ كۇرەسى مەن ۇلەسىنەن بولە قاراۋعا بولمايدى −
جاڭا مەزگىلدەگى بيڭتۋاندىقتار «وتاندى ءسۇيۋ، قالتقىسىز ۇلەس قوسۋ، قاجىرلىلىقپەن شارۋاشىلىق جۇرگىزۋ، ءورىس اشا العا ىلگەرىلەۋدەي» بيڭتۋان رۋحىن جالعاستىرىپ جانە ساۋلەلەندىرىپ، ءوندىرىس اترەتى، قىزمەت اترەتى، ۇگىت اترەتى، سوعىس اترەتى بولا ءبىلىپ، قۇرىلىس ارمياسىندىق، تىرەكتىك، قۇرىش قامالدىق رولىن ساۋلەلەندىرىپ، شينجياڭدى اشۋعا، گۇلدەندىرۋگە، ۇلتتار ىنتىماعىن كۇشەيتۋگە، قوعامنىڭ العا باسۋىن ىلگەرىلەتۋگە، باتىس سولتۇستىك شەكارانى بەكەمدەۋگە مىعىم نەگىز قالادى.
اتىز باسىنان، كوپتەگەن جەردەن بيڭتۋانداعى كادرلار مەن جۇمىسشى - قىزمەتشىلەردىڭ جەرگىلىكتى ديقان باۋىرلاستارىمەن بىرگە قاربالاس جۇمىس ىستەپ جاتقانىن كورەسىز؛ بيڭتۋان مەن جەرگىلىكتى ورىن سەلبەسىپ اشقان ونەركاسىپ باقشا رايوندارى، زاۆودتار بيڭتۋان مەن جەرگىلىكتى ورىننىڭ توعىسپالى دامۋىنا جاڭا كورىك قوستى... تيانشاننىڭ تۇستىگى مەن تەرىستىگىندە، قۇبا تۇزدەر مەن شۇراتتاردا، ۇلتتار ىنتىماعىنىڭ جانە بيڭتۋان مەن جەرگىلىكتى ورىننىڭ توعىسۋىنىڭ تيپتەرى ۇزدىكسىز جارىققا شىقتى.
بۇل − پارتيا ورتالىق كوميتەتى مەن بۇكىل ەل حالقىنىڭ قامقورلىعى مەن سۇيىسپەنشىلىگىنە دەگەن ەڭ جاقسى جاۋاپ؛
بۇل − تيانشان ۇلاندارىنىڭ قايتارعان ءداۋىر ءۇمىتىن اقتاعان تاڭداۋلى جاۋابى.
بۇگىنگى شينجياڭ شينجياڭنىڭ ورنىقتىلىعىن ساقتاۋ، شينجياڭدى گۇلدەندىرۋدىڭ شەشۋشى كەزەڭىندە تۇر. پارتيا ورتالىق كوميتەتىنىڭ شىنايى قامقورلىعىندا، بۇكىل ەل حالقىنىڭ كۇش سالا قولداۋى مەن ءار ۇلت كادر - بۇقاراسىنىڭ تالماي قۇلشىنۋىندا، شينجياڭ تاعى ءبىر دامۋ ورايىنا ءدوپ كەلدى.
باياندى تىنىشتىق بولسا، باياندى تىرشىلىك بولادى
− جاڭا جاعدايداعى شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنىن مىقتى يگەرىپ، ىنتىماقتى دا جاراسىمدى، گۇلدەنگەن، باقۋاتتى، وركەنيەتتى، العا باسقان، تىنىش تىرشىلىك ەتەتىن سوتسياليستىك شينجياڭدى قۇلشىنا قۇرۋ
شينجياڭ حوتان ايماعى گۇما اۋدانى موكايلا اۋىلى دارىع قىستاعىنىڭ تۇرعىنى مامەتتۇرىپ مىرساقتىڭ شارۋالار شاتتىعى ساياجايىنداعى الىس - جۋىققا اتى ءمالىم «العىس قۋىرماشىن» جۇرتتىڭ ءبارى القايدى.
بۇل − جەرگىلىكتى تۇرعىندارى ءار جىلى كوكتەمدە تۇتىناتىن باقباق سالقىن ارالاستىرماسى، 10 جىلدىڭ الدىندا شينجياڭ ءوندىرىس - قۇرىلىس بيڭتۋانى 1 - ديۆيزياسى 13 - پولىگىنىڭ قىزمەتشىسى يۋ لياڭيىڭ ءوز ءۇيىنىڭ قيىنشىلىعىنا قاراماستان، مامەتتۇرىپ مىرساقتىڭ قيىنشىلىق قىسپاعىنان قۇتىلىپ، اۋقاتتانۋىنا كومەكتەسكەنى ءۇشىن، وسى قۋىرماشقا «العىس قۋىرماشى» دەگەن ات بەرىلگەن.
10 جىلدان بەرى يۋ لياڭيىڭ مامەتتۇرىپتى باۋىرىنداي كوردى، مامەتتۇرىپ تا يۋ لياڭيىڭدى «اچا» (اپەكە) دەپ اتادى. «اچا» دەگەن اتاۋدا ۇلتتارى ۇقسامايتىن 2 ءۇي اراسىنداعى شەكسىز سۇيىسپەنشىلىك جاتىر.
تيانشان قاراعايلارى تامىرلاس، ءار ۇلت حالقى تىلەكتەس.
جۇڭحۋا ۇلتىنىڭ تاريحىن پاراقتار بولساق، ءار ۇلت باستان - اياق تامىرلاس بولىپ، ورتاق تۇلعانى ساقتاعان. مىڭداعان جىلدان بەرى، جۇڭگونىڭ ەرەكشە كۇشتى ۇيىستىرۋ قۋاتى مەن تىرشىلىك قۋاتى ءار ۇلتتىڭ ورتاق مۇراتى مەن رۋحىنان ءنار الىپ كەلەدى.
ىرىستى دا باقىتتى شينجياڭ قۇرىلىسىنىڭ ەڭ الدىڭعى شەشۋشى شارتى − ۇلتتار ىنتىماعىنىڭ، قوعام ورنىقتىلىعىنىڭ نەگىزىنىڭ بەرىك بولۋى.
رەفورما جاسالىپ، ەسىك اشىلعاننان بەرى، تيانشاننىڭ تۇستىگى مەن تەرىستىگىندە جارىققا شىققان تاريحي وزگەرىستەر رۋحتى سەرپىلتتى، تاماشا جاعداي وڭاي - وسپاق كەلگەن جوق. ۇلتتار ىنتىماقتى، ءدىن جاراسىمدى بولعاندا عانا، ءتۇرلى ىستەردىڭ گۇلدەنىپ، حالىق تۇرمىسىنىڭ ۇزدىكسىز جاقسارا تۇسەتىنىن فاكتتەر دالەلدەدى.
باس شۋجي شي جينپيڭ ايقىن اتاپ كورسەتكەندەي، شينجياڭداعى ەڭ ۇلكەن بۇقارالىق قىزمەت − ۇلتتار ىنتىماعى مەن ءدىن جاراسىمدىلىعى. وسى كۇردەلى دە ميحىناتتى بۇقارالىق قىزمەتتى جاقسى ىستەۋ پارتيانىڭ ءدىن ساياساتىن دايەكتى تياناقتاندىرىپ، ءدىن سالاسىنداعى قايراتكەرلەر مەن دىنگە سەنەتىن قاۋىمىنىڭ ەكونوميكا مەن قوعامنىڭ دامۋىن جەبەۋدەگى بەلسەندى رولىن ساۋلەلەندىرۋگە بارىنشا مۇقتاج.
جۇرتقا ايان، سوڭعى جىلدارى مارالباسىدا، ءپىشاندا، ۇرىمجىدە، ياركەندە تۋىلعان زورلىقتى كۇش لاڭكەستىك دەلولارى شينجياڭداعى ءار ۇلت كادر - جۇرتشىلىعىنىڭ ءومىرى مەن مال - مۇلكىنە وراسان زور زيان سالدى؛ تەمىردەي فاكت بىزگە مىنانى ەسكەرتتى: ەل ءىشى - سىرتىنداعى زورلىقتى كۇش لاڭكەستىك، ءدىني ۇشقارىلىق، ۇلتتىق بولشەكتەۋشى « ءۇش ءتۇرلى كۇش» ءالى دە قاپىسىن تاۋىپ پالە تۋدىرۋعا قارمانۋدا، قوعام ورنىقتىلىعىنا ىقپال جاسايتىن تەرەڭ قاتپارداعى قايشىلىق ءبىزدىڭ شينجياڭدى جونگە سالۋ قابىلەتىمىزگە ءالى دە ۇزدىكسىز سايىس جاريالاۋدا. شينجياڭدا «ءۇش ءتۇرلى كۇشپەن» كۇرەس ۇزاق ۋاقىتقا سوزىلاتىن، كۇردەلى، شيەلەنىستى كۇرەس، ءبىزدىڭ ءبىر ساتكە دە بوساڭسۋىمىزعا بولمايدى.
سەنىمنىڭ ءتۇبىرلى سيپاتى − دۇرىس ارەكەت. 2014 - جىلى 30 - ساۋىردە ءۇرىمجى وڭتۇستىك ۆوكرالىندا جارىلىس وقيعاسى تۋىلعان سوڭ، 11 ۇيعۇر ستۋدەنت ورە تۇرەگەلىپ، «ءبىز ەندىگارى ءۇنسىز قالا المايمىز» دەگەن اشىق حات جاريالادى، وتانشىل ءدىني قايراتكەرلەر توپتىق پىكىر ءبىلدىرىپ، پايعامباردىڭ قاديستەرىنەن سيتات كەلتىرىپ، زورلىقتى كۇش لاڭكەس ەلەمەنتتەردىڭ بەيۋاز جانداردى قىناداي قىرعان قىلمىستىق ارەكەتتەرىن قاتاڭ ايىپتادى.
وسى ادىلەتتى ۇندەر شينجياڭداعى ءار ۇلت حالقى ورتاسىندا كۇشتى اڭىس تۋدىرىپ، ءار ۇلت حالقىنىڭ ورتاق جۇرەك ءۇنىن جەتكىزدى.
پارتيانىڭ 18 - قۇرىلتايىنان كەيىن، قاتىستى تاراۋلار ارنايى سوققى بەرۋ قيمىلىن شوعىرلى تۇردە ورىستەتىپ، زاڭمەن جونگە سالۋ تۋىن بيىك ۇستاپ، سوققى بەرۋدىڭ تەگەۋرىندى كۇيىن ساقتاپ، زورلىقتى كۇش لاڭكەستىككە قارسى كۇرەستە ىرىقتى ورىنعا شىقتى. سونىمەن بىرگە، قوعامدا جاپپاي ساقتانۋ − مەڭگەرۋدى ونان ارى كۇشەيتىپ، بىرلەسە ساقتانىپ، بىرىگىپ مەڭگەرىپ، جۇرت بولىپ جابال ساقتانىپ، جابىلا جونگە سالىپ، شينجياڭنىڭ ىنتىماقتى، ورنىقتى جالپى جاعدايىن شىنايى قورعادى.
شينجياڭ ماسەلەسىندە ۇزاققا سوزىلاتىنى، تۇپتەپ كەلگەندە، ۇلتتار ىنتىماعى ماسەلەسى. جاڭا كەزەڭ، جاڭا جاعدايدا، شينجياڭداعى ۇلت قىزمەتىنىڭ ىشكى - سىرتقى ورتاسىندا ۇلكەن وزگەرىس تۋىلىپ، ۇلتتار قاتىناسىندا كوپتەگەن جاڭا جاعداي، جاڭا ەرەكشەلىك جارىققا شىعىپ، ۇلت قىزمەتىن تىڭعىلىقتى ىستەۋگە جاڭا تالاپ قويدى.
باس شۋجي شي جينپيڭنىڭ ماڭىزدى پايىمداۋلارى پارتيانىڭ ۇلت قىزمەتىنىڭ نەگىزگى تاكتيكالارىن بايىتىپ جانە دامىتىپ، شينجياڭدا ۇلتتاردىڭ ۇلى ىنتىماعىن ىسكە اسىرۋدىڭ ماڭىزدى دايەگىنە اينالدى −
«ءار ۇلت ءبىرىن - ءبىرى ءتۇسىنۋى، ءبىر - بىرىنە قۇرمەت ەتۋى، ءوزارا باۋىرمال بولۋى، ءبىر - ءبىرىن قاستەرلەۋى، ءبىر - بىرىنەن ۇيرەنۋى، ءوزارا كومەكتەسۋى، اناردىڭ دانىندەي تىعىز ۇيىسۋى كەرەك»؛
«ۇلتتىق بولشەكتەۋشىلىككە قارسى تۇرىپ، وتاننىڭ تۇتاستىعىن قورعاۋ مەملەكەتتىڭ ەڭ جوعارى مۇددەسى، سونداي - اق شينجياڭداعى ءار ۇلت حالقىنىڭ ءتۇبىرلى مۇددەسى»؛
«ۇلتتار ىنتىماعىن مىقتى يگەرىپ، وتانعا، ۇلتقا دۇرىس كوزقاراسقا تاباندى بولىپ، پارتيانىڭ ۇلت ساياساتىن جاپپاي تياناقتاندىرىپ، ءار ۇلت حالقىنىڭ ىنتىماقتاسىپ كۇرەس جۇرگىزىپ، بىرگە گۇلدەنىپ - دامۋى سىندى تاقىرىپتى مىقتى يگەرىپ، ءار ۇلت حالقىنىڭ تاتۋ بەرەكەسىن، جاراسىمدى دامۋىن جەبەۋ كەرەك»؛
...
اماندىقتا جاماندىقتى ۇمىتپاۋ، ءومىر باردا ءولىمدى ۇمىتپاۋ، جونگە سالعاندا بىلىقپالىقتى ۇمىتپاۋ كەرەك.
تاريحي تاجىريبەلەر بىزگە شينجياڭنىڭ بارلىق قىزمەتىندە، ەكونوميكانى دامىتۋ، حالىق تۇرمىسىن جاقسارتۋ، رەفورما جاساپ، ەسىك اشۋ، ۇلت، ءدىن ىستەرى، پارتيا قۇرىلىسى سياقتىلاردىڭ بارىندە وسى جەتەكشى يدەيادان جازباۋ، بارلىعىن قوعام ورنىقتىلىعى مەن باياندى تىنىشتىقتى تىعىز توڭىرەكتەي جوسپارلاۋ، ىلگەرىلەتۋ كەرەك.
بايتەرەكتىڭ كۇشىن دۇلەي داۋىل سىنايدى، شىمىر بولات كۇشتى وتتا شىڭدالادى. شينجياڭ جالپى جاعدايىنىڭ ورنىقتىلىعىن باتىل قورعاۋ شينجياڭ كادرلار قوسىنىنىڭ الدىنا قويىلعان ماڭىزدى سىناق.
«ساياسيدا تاباندى، سان سايىستىڭ سىناعىنان وتە الاتىن جوعارى ساپالى كادرلار قوسىنىن قۇرۋ شينجياڭنىڭ ورنىقتىلىعى مەن دامۋى ءۇشىن ايرىقشا ماڭىزدى». شينجياڭدا قىزمەت تەكسەرگەن كەزىندە، باس شۋجي شي جينپيڭ قارىشتاپ دامۋدى ىلگەرىلەتۋ، قوعام ورنىقتىلىعىن قورعاۋ، ۇلتتار ىنتىماعىن بەكەمدەۋ تۇرعىسىنان كادرلار قوسىنى قۇرىلىسىنىڭ ماڭىزدى ءمانىن پايىمداپ، شينجياڭنىڭ باياندى تىنىشتىعىن جۇزەگە اسىرۋدىڭ كۇش سالۋ ءتۇيىنى مەن قامال الۋ ءتۇيىنىن ايقىن كورسەتتى.
قيىر الىستا جاتقانىمەن، تيانشاننىڭ تۇستىگى مەن تەرىستىگىندە تىرشىلىك ەتىپ، قىزمەت ىستەيتىن ءار ۇلت كادر - جۇرتشىلىعى وزدەرىنە جۇكتەلگەن ماڭىزدى مىندەتتى ەستەرىندە بەرىك ساقتاپ، پارتيا ورتالىق كوميتەتىنىڭ ىقىلاستى تاپسىرماسىنىڭ ۇددەسىنەن شىقتى.
سونىمەن بىرگە، جۇرت ءداۋىردىڭ دامۋىندا وراي مەن سايىستىڭ قاتار جۇرەتىنىن ەستەن شىعارماعانى ءجون. شينجياڭ بايىرعى جىبەك جولىنىڭ وزەكتى وڭىرىنە ورنالاسقان. 2013 - جىلى قىركۇيەكتە باس شۋجي شي جينپيڭ ورتا ازياداعى 4 ەلگە ساپار بارىسىندا جىبەك جولى ەكونوميكالىق بەلدەۋىن قۇرۋ ستراتەگيالىق ويىن ورتاعا قويدى. شينجياڭنىڭ ورتا ازيا ەلدەرىمەن ەكونوميكا، ساۋدا سەلبەستىگىن كەڭەيتۋ كۇن تارتىپكە قويىلدى.
باس شۋجي شي جينپيڭ شينجياڭدا قىزمەت تەكسەرگەن كەزدە «وسى تاريحي ورايدى مىقتى يگەرىپ، شينجياڭنىڭ سىرتقا ەسىك اشۋداعى وزىندىك وڭىرلىك ستراتەگياسىن مەملەكەتتىڭ جىبەك جولى ەكونوميكالىق بەلدەۋى قۇرىلىسىمەن، باتىسقا ەسىك اشۋدىڭ جالپىلىق ورنالاستىرۋىمەن توعىستىرۋ كەرەك» دەگەن ايقىن تالاپ قويدى.
«ءبىر بەلدەۋ، ءبىر جول» قۇرىلىسىن ىلگەرىلەتىپ، ەكونوميكانىڭ جاڭا ارتۋ ءتۇيىنىن قالىپتاستىرۋدا، شينجياڭ ءارى قاقپا، ءارى وزەكتى ءوڭىر سانالادى. باس شۋجي شي جينپيڭ كەسكىندەگەن اسەم جوبا شينجياڭداعى قالىڭ كادر جۇرتشىلىعىن ايرىقشا جىگەرلەندىردى.
بۇگىنگى شينجياڭ جاڭا تاريحي باستامادا تۇر −
كوز الداعى جاعدايعا كوز سالساق، ءبىز جۇڭحۋا ۇلتىنىڭ ۇلى گۇلدەنۋى سىندى نىساناعا تاريحتاعى ءارقانداي مەزگىلدەن دە جاقىن تۇرمىز، جاۋاپكەرشىلىك قانشالىق ۇلكەن، سىن - سايىس قانشالىق اۋىر بولعان سايىن، بورىش سونشالىق داڭقتى بولا تۇسەدى.
بولاشاققا كوز سالساق، ءبىز شي جينپيڭ جولداس باس شۋجي بولعان پارتيا ورتالىق كوميتەتىنىڭ پارمەندى باسشىلىعىندا، شينجياڭداعى ءار ۇلت كادر - بۇقاراسىنىڭ بىرگە قۇلشىنۋىندا، ىنتىماقتى، جاراسىمدى، گۇلدەنىپ - كوركەيگەن، وركەنيەتتى، العا باسقان، حالقى الاڭسىز تىرشىلىك ەتكەن سوتسياليستىك شينجياڭ قۇراتىنىمىزعا كامىل سەنەمىز، شينجياڭنىڭ ەرتەڭى ءتىپتى دە نۇرلى بولادى!
(شينحۋا اگەنتتىگىنىڭ 28 - قىركۇيەكتە بەيجيڭنەن بەرگەن حابارى)
كەلۋ قاينارى: حۋيۇي تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
