- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۋاكىل احۇن «بۇرىندى - سوڭدى بولماعان» 3 ءتۇرلى ءىس جونىندەگى اسەرىن ايتتى
2016.01.12 15:06 كەلۋ قاينارى : ءتاڭىرتاۋ تورابى
11 - قاڭتار تۇستەن كەيىن، ۋاكىل ۋاڭ جيە ءۇرىمجى نۇرباق شينشىداي قوناق ءۇيىنىڭ مادەنيەت زالىنا ساعات 3 تەن 15 مينۋت وتكەندە كەلىپ الدى، اۆتونوميالى رايوندىق 12 - كەزەكتى حالىق قۇرىلتايىنىڭ 4 - ماجىلىسىنە قاتىناسقان سانجى ۋاكىلدەر ۇيىرمەسىندەگىلەردىڭ گرۋپپالار تالقىسى ساعات 4 تە وسى ارادا وتكىزىلەتىن بولعان، ول ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيانمەن جولىعۋدى اسىعا كۇتتى.
ۇستىنە كاستيوم - برۋلكا كيىپ، قولىنا حۇجات سومكەسىن ۇستاعان، ياڭ جيەنىڭ باسقا ۋاكىلدەردەن بىردەن - ءبىر پارىقتالاتىن جەرى، ونىڭ باسىنا كيگەن كەپەشى ەدى. ول − سانجى حۇيزۋ اۆتونوميالى وبلىسى قۇتىبي اۋدانى يۋانحۋسۇن قالاشىعى سانگۇڭحۋ قىستاعى 1 - گرۋپپاسىنداعى مەشىتتىڭ احۇنى.
3 تەن 45 مينۋت وتكەندە، جاڭ چۇنشيان مادەنيەت زالىنا كىرىپ، سانجى وبلىسىنان كەلگەن 30 حالىق قۇرىلتايى ۋاكىلدەرىمەن ءبىر - بىردەن قول الىسىپ امانداستى.
گرۋپپالار تالقىسى باستالدى، ۋاكىل جاۋ چيڭ، ما شيۇڭچىڭ، سو يۇە، پىڭ گوچۇنداردان كەيىن مەكروفون ياڭ جيەنىڭ قولىنا ءتيدى.
ياڭ جيە جاڭ چۇنشيانعا: «ءسىز 2014 - جىلى اۆتونوميالى رايوندىق ەكى ءماجىلىس كەزىندە <5 كىلت> يدەياسىن العا قويعان ەدىڭىز، بۇل ءدىني قايراتكەرلەر ءۇشىن زور شابىت بولدى. <5 كىلت> شينجياڭنىڭ قوعام ورنىقتىلىعى مەن باياندى تىنىشتىعىن قورعاۋدىڭ، شينجياڭدى زاڭمەن جونگە سالۋدىڭ كوكەي تەستى قاجەتى بولىپ قانا قالماستان، ءار ۇلت بۇقاراسىن ۇيىستىرۋدىڭ، نەگىزگى ساتى بيلىگىن بەكەمدەۋدىڭ، ۇلتتار ىنتىماعىن نىعايتۋدىڭ، ءدىن جاراسىمدىلىعىن جەبەۋدىڭ كوكەي تەستى قاجەتىنە اينالدى ءارى بۇقارانىڭ كوڭىلىندەگى قۇلىپتى اشتى».
ورتادا وتىرعان جاڭ چۇنشيان ونىڭ لەبىزىنە ريزالىق ءبىلدىرىپ، ارا تۇرا ەستەلىك الىپ وتىردى.
«بىلتىر شينجياڭنىڭ ءدىن قىزمەتىندە <بۇرىندى - سوڭدى بولماعان> 3 ءتۇرلى زور وزگەرىس بولدى دەپ ويلايمىن، بۇقارادا بۇعان ءدان ريزا»، - دەدى ياڭ جيە كوتەرىڭكى داۋىسپەن.
2015 - جىلى 14 - ماۋسىمدا اۆتونوميالى رايون وتانشىل ءدىني قايراتكەرلەردىڭ اڭگىمە ءماجىلىسىن اشتى، ماجىلىسكە پارتكوم، حالىق قۇرىلتايى، حالىق ۇكىمەتى، ساياسي كەڭەس باسشىلىق القاسىنداعى نەگىزگى جاۋاپتىلار قاتىناستى، ايماقتارداعى، وبلىستارداعى ۇلت، ءدىن قىزمەتىنە جاۋاپتى باسشى جولداستار مەن ءدىني قايراتكەرلەردەن جالپى 700دەن استام ادام قاتىناستى. «مۇنداي كولەمدى اڭگىمە ءماجىلىس شينجياڭنىڭ ءدىن تاريحىندا بۇرىندى - سوڭدى بولماعان».
ياڭ جيە بىلاي دەدى: شۋجي سول كەزدە ءسىز 5 ۇلكەن مازمۇن نەگىزىندە، 40 بەتتىك قولجازبا ءسوزىن 2 جارىم ساعات سويلەدىڭىز. سول كەزدە مەن قاتتى تەبىرەندىم، ىشتەي وسى سوزدەردى قاز - قالپىندا بۇقاراعا جەتكىزۋىم كەرەك دەپ ويلادىم.
ونىڭ بۇل سوزىنە جيىن زالىنداعىلار دۋ كۇلدى.
ياڭ جيە الدىنداعى سۋدان ۇرتتاعاننان كەيىن بىلاي دەدى: ەكىنشى «بۇرىن ىستەلمەگەن ءىس» − بىلتىر 16 - شىلدەدە شينجياڭ تەلەۆيزياسىنىڭ «بۇگىنگە نازار» ايدارى مەنى كورسەتىلىم بولمەسىنە ۇسىنىس ەتتى، مەن تۇركياداعى جۇڭگوعا قارسى كۇشتەردىڭ شينجياڭ ۇكىمەتى مۇسىلمانداردىڭ ورازا ۇستاۋىنا تيىم سالدى دەپ داۋرىعۋ ماسەلەسىنە قاتاڭ تويتارىس بەردىم. بۇل تەلەۆيزيانىڭ ءدىني قايراتكەرلەردى تۇڭعىش رەت ۇسىنىس ەتۋى ەدى.
ول ىلە - شالا بىلاي دەدى: ءۇشىنشى «بۇرىن ىستەلمەگەن ءىس» − بىلتىر 17 - شىلدەدە، ياعني مۇسىلمانداردىڭ ورازا ايىنىڭ ەڭ سوڭعى كۇنى كەشتە بولدى. جاڭ چۇنشيان شۋجي شينجياڭ ءىسلام مەدرەسەسىنىڭ اسحاناسىنا كەلىپ، جۇرتشىلىقپەن اۋىز اشاردا بىرگە بولدى، بۇل شينجياڭنىڭ تاريحىندا بۇرىن - سوڭدى كەزىكپەگەن! مەنىڭشە ءسىزدىڭ مۇنىڭىز بىلايعى جۇرتقا كەمىندە 3 سيگنال بەردى: پارتكومنىڭ، ۇكىمەتتىڭ ءدىن ىستەرىن باسقارۋداعى سەنىمى مەن كەڭ پەيىلدىلىگىن بەينەلەدى؛ ءدىن ماسەلەلەرىنىڭ «سەزىمتالدىعىن جويۋدى» جەبەدى؛ ءدىن قىزمەتىنىڭ ماندىك جاقتان العاندا بۇقارالىق قىزمەت جونىندەگى ىزدەنىسى جانە تۇسىنىگىن بەينەلەدى.
جاڭ چۇنشيان ءسوز كەزەگىن العاننان كەيىن، كۇلىمسىرەي بىلاي دەدى: ءسىزدىڭ جاۋاپكەرشىلىگىڭىز بەن مىندەتىڭىز ەرەكشە اۋىر، پارتيانىڭ ءدىن قىزمەتى جونىندەگى باعىت، ساياساتتارىن ىشكەرىلەي ۇيرەنۋىڭىز، تەرەڭدەي ءتۇسىنۋىڭىز كەرەك. ماسەلەن ءدىننىڭ ۇزاق ۋاقىتتىلىعىن، بۇقارالىلىعىن، ۇلتتىق ءتۇسىن، حالىقارالىلىعىن، كۇردەلىلىگىن تولىق تانىپ، «بەس ورتاق تانىمنان» جازباي، دىنگە سەنەتىندەر مەن ازاماتتاردىڭ قاتىناسىن دۇرىس تانىپ، ورنىقتىلىقتى قورعاۋ، بولشەكتەۋشىلىككە قارسى تۇرۋ، ۇشقارى يدەيانى شاۋجايلاۋ، زاڭعا قۇرمەت ەتۋ، زاڭعا بويسۇنۋ، ۇلتتار ىنتىماعىن قورعاۋ سياقتى جاقتاردا بەلسەندى رول اتقارۋىڭىز كەرەك. وسى نازاريالاردى يگەرگەندە عانا، دىنگە سەنەتىندەرگە اشىق ايتۋعا، تولىق تۇسىندىرۋگە بولادى.
ىمىرت ۇيىرىلگەندە، 3 ساعاتقا تاياۋ ۋاقىت وتكىزىلگەن گرۋپپالار تالقىسى اياقتادى. ياڭ جيە جينالىستان كەيىن تىلشىگە بىلاي دەدى: شۋجيدىڭ ءسوزىن تاعى ءبىر رەت ەستىپ ايرىقشا اسەرلەندىم. ول شينجياڭعا قىزمەتكە كەلگەننەن بەرى، ءىسلام ءدىنىنىڭ اقيدالارىن، شاريعاتتارىن تەرەڭدەي ءتۇسىندى. ول «بەس كىلت» نازارياسىن العا قويدى، مۇنى ۇلت، ءدىن قىزمەتى جونىندەگى تىڭ نازاريا جانە تۇجىرىم دەۋگە بولادى.
ول بىلاي دەدى: شۋجيدىڭ سوزدەرى ماعان ۇمىتىلماستاي اسەر قالدىردى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
