بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>ارناۋلى تاقىرىپ>>2016-جىلعى ەكى ءماجىلىس>>حالىق قۇرىلتايى

اۆتونوميالى رايوندىق 12 - كەزەكتى حالىق قۇرىلتايىنىڭ 4 - ءماجىلىسى جابىلدى

2016.01.20 16:45   كەلۋ قاينارى : ءتاڭىرتاۋ تورابى



  جاڭ چۇنشيان، شوكىرات زاكىر، نۇرلان ءابىلماجىن ۇلى، چى جۇن، حان يۇڭ ماجىلىسكە قاتىناستى، نايىم ياسىن ءماجىلىستى باسقاردى

  مانەن زەينەل ۇلى، ينام ءناسىردىن اۆتونوميالى رايوندىق 12 - كەزەكتى حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلىگىنە تولىقتىرىلىپ سايلاندى؛ ءمۇتالىپ وبۇل اۆتونوميالى رايوندىق جوعارى حالىق سوتى مەكەمەسىنىڭ باستىعى بولىپ سايلاندى

  اۆتونوميالى رايوننىڭ «13 - بەسجىلدىق» جوبا پروگرامماسى ماقۇلداندى، ءتۇرلى قاۋلى، قارارلار داۋىسقا سالىنىپ ماقۇلداندى

  16 - قاڭتار تۇستەن بۇرىن شينجياڭ حالىق سارايى ەرەكشە ايبىندى دا، دۋماندى كۇيگە ەندى. ءتوراعالار مىنبەسىنىڭ قاق ورتاسىنا جۇڭحۋا حالىق رەسپۋبليكاسىنىڭ مەملەكەت گەرىبى ءىلىنىپ، ەكى جاعىنا بەس - بەستەن نارت قىزىل تۋ قويىلعان. اۆتونوميالى رايوندىق 12 - كەزەكتى حالىق قۇرىلتايىنىڭ 4 - ءماجىلىسى وسى ارادا جابىلدى.

  ساعات 12 دەن 15 مينۋت وتكەندە، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى، ءماجىلىستىڭ اتقارۋشى ءتوراعاسى نايىم ياسىن: «ءماجىلىستىڭ 14 - كەڭەستىك ءتارتىبى، ياعني رايونىمىزداعى جاڭادان سايلانعان مەملەكەت قىزمەتكەرلەرىنىڭ نەگىزگى زاڭعا سەرت بەرۋ سالتى ورىندالادى»، - دەپ جاريالادى.

  جاڭادان سايلانعان مەملەكەت قىزمەتكەرلەرىن اۆتونوميالى رايوندىق حالىق قۇرىلتايىندا نەگىزگى زاڭعا سەرت بەرۋگە ۇيىمداستىرۋ رايونىمىزدا تۇڭعىش رەت بولىپ وتىر، بۇل نەگىزگى زاڭعا سەرت بەرۋ ءتۇزىمىنىڭ رايونىمىزدا رەسمي اتقارىلعاندىعىن كورسەتەدى.

  سەرت بەرۋ مىنبەسىندە، نارت قىزىل «جۇڭحۋا حالىق رەسپۋبليكاسىنىڭ نەگىزگى زاڭى» توتەنشە ايبىندى كورىندى، جانىنا سەرت بەرۋ ءسوزى قويىلعان. اۆتونوميالى رايوندىق 12 - كەزەكتى حالىق قۇرىلتايىنىڭ 4 - ماجىلىسىنە قاتىناسقان بارلىق ۋاكىلدەر وسى ارادا وسى ەلەۋلى ساتكە كۋا بولادى.

  جيىن زالى ايبىندى ءارى ەرەكشە تىنىش بولدى. ۋاكىلدەر كوز الماي قاراپ وتىر، سەرت باستاۋشى ۋاڭ يۇڭميڭ سەرت بەرۋ مىنبەسىنە شىقتى، اۆتونوميالى رايوندىق حالىق قۇرىلتايى تۇراقتى كوميتەتىنىڭ جاڭادان سايلانعان ورىنباسار مەڭگەرۋشىلەرى مانەن زەينەل ۇلى، ينام ءناسىردىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ مۇشەلەرى جۋ لي، چين ۋي، ءماجىلىس داۋىسقا سالىپ ماقۇلداعان حالىق قۇرىلتايى ارناۋلى كوميتەتتەرىنىڭ مۇشەلەرى ليۋ يانيڭ قاتارلىلار 3 قاتار بوپ ءتىزىلىپ، مەملەكەت گەرىبىنە سالماقتى تۇردە قاراپ تۇردى.

  نايىم ياسىن: «ۋاكىلدەر، ورىندارىڭىزدان تۇرىڭىزدار، سەرت بەرۋ سالتىن باقىلاڭىزدار»، دەپ جاريالادى.

  سەرت باستاۋشى ۋاڭ يۇڭميڭ سول قولىن سەرت بەرۋ مىنبەسىنىڭ ۇستىندەگى «جۇڭحۋا حالىق رەسپۋبليكاسىنىڭ نەگىزگى زاڭىنا» قويىپ، وڭ قولىن كوتەردى. ونىڭ باستاۋىندا، جاڭادان سايلانعان مەملەكەت قىزمەتكەرلەرى وڭ قولدارىن كوتەرىپ تۇرىپ بايسالدىلىقپەن: «مەن، <جۇڭحۋا حالىق رەسپۋبليكاسىنىڭ نەگىزگى زاڭىنا> ادال بولىپ، نەگىزگى زاڭنىڭ بەدەلىن قورعاپ، زاڭدا بەلگىلەنگەن قىزمەت مىندەتىمدى اتقارىپ، وتانعا، حالىققا ادال بولىپ، قىزمەتىمدى تىڭعىلىقتى جاقسى ىستەپ، ۇكىمەت ىسىندە پاك، ءادىل بولىپ، حالىقتىڭ باقىلاۋىن قابىل الىپ، باي، قۇدىرەتتى، دەموكراتيالى، وركەنيەتتى، جاراسىمدى سوتسياليستىك مەملەكەت قۇرۋ جولىندا قۇلشىنا كۇرەسۋگە سەرت بەرەمىن!» دەپ ءور داۋىسپەن سەرت بەردى.

  «جاڭادان سايلانعان اۆتونوميالى رايوندىق جوعارى حالىق سوتى مەكەمەسىنىڭ باستىعى ءمۇتالىپ وبۇل نەگىزگى زاڭعا سەرت بەرەدى» دەپ جاريالادى نايىم ياسىن.

  ءمۇتالىپ وبۇل كەۋدەسىندەگى سوت گەربىن، گالىستوگىن تۇزەدى، ونان سوڭ، جىلدام باسىپ سەرت بەرۋ مىنبەسىنە شىعىپ، سول قولىن نارت قىزىل «جۇڭحۋا حالىق رەسپۋبليكاسىنىڭ نەگىزگى زاڭىنا» قويىپ، وڭ جۇدىرىعىن كوتەرىپ تۇرىپ: «مەن <جۇڭحۋا حالىق رەسپۋبليكاسىنىڭ نەگىزگى زاڭىنا> ادال بولىپ، نەگىزگى زاڭنىڭ بەدەلىن قورعاپ، زاڭدا بەلگىلەنگەن قىزمەت مىندەتىمدى اتقارىپ... سەرت بەرەمىن»، - دەپ مەملەكەت گەربىنە قاراپ، ءار ءسوزىن نىقتاپ ايتىپ سەرت بەردى.

  ۋاكىلدەر سەرت بەرگەندەرگە قىزۋ شاپالاق سوقتى، بۇل سەنىمنىڭ، ءۇمىتتىڭ شاپالاعى ەدى.

  «نەگىزگى زاڭدى ۇستاپ تۇرىپ، بارلىق ۋاكىلدىڭ باقىلاۋىندا نەگىزگى زاڭعا سەرت بەرۋ ارقىلى ۇقىقتىڭ حالىقتان كەلەتىندىگىن، قاينارىنىڭ زاڭ ەكەندىگىن ەسىمدە بەرىك ساقتادىم»، - دەدى ءمۇتالىپ وبۇل تەبىرەنگەن سەزىممەن. ول: 70 ارىپتىك سەرت ءسوزى قاراپايىم ءارى قىسقا بولعانىمەن، ماعىناسى تەرەڭ، ءاربىر ارىبىندە تەرەڭ ءمان بار. ايبىندى سەرت بەرۋ سالتى ارقىلى نەگىزگى زاڭنىڭ ايباتىن سەزىنىپ، نەگىزگى زاڭعا دەگەن قۇرمەتىم ونان ارى ارتىپ، نەگىزگى زاڭعا دەگەن سەنىمىم، سۇيىسپەنشىلىگىم كۇشەيە ءتۇستى، اسىرەسە، اۆتونوميالى رايوندىق جوعارى حالىق سوتى مەكەمەسىنىڭ باستىعى بولىپ سايلانعاننان كەيىن، سەرتىمدى ەستە بەرىك ساقتاپ، قىزمەتىمدى تىڭعىلىقتى ىستەپ، جۇمىستى ادىلدىكپەن تىندىرىپ، حالىق بۇقاراسىنا ءادىليانىڭ ادىلدىگىن، قوعامنىڭ تەڭدىگىن سەزىندىرۋىم قاجەت، حالىقتىڭ جۇكتەگەن ماڭىزدى تاپسىرماسىن جەردە قالدىرمايمىن، - دەدى.

  نايىم ياسىن بىلاي دەدى: رايونىمىزداعى جاڭادان سايلانعان مەملەكەت قىزمەتكەرلەرىنىڭ نەگىزگى زاڭعا سەرت بەرۋ سالتىن وتكىزۋ نەگىزگى زاڭنىڭ بەدەلىن تىكتەپ، زاڭمەن جونگە سالۋ رۋحىن ساۋلەلەندىرىپ، رايونىمىزداعى مەملەكەت قىزمەتكەرلەرىنىڭ نەگىزگى زاڭدى ۇيرەنۋ، نەگىزگى زاڭدى دايەكتىلەندىرۋ، نەگىزگى زاڭنىڭ بەدەلىن قورعاۋ، مىندەتتى ارقالاۋ جاۋاپكەرشىلىكتەرىن كۇشەيتۋدە ماڭىزدى رول اتقارادى. «شينجياڭ گازەتى»

جاۋاپتى رەداكتورى : نۇرعيسا قۇرمانجان ۇلى

 سۋرەت