- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساياسي كەڭەس مۇشەلەرى جاڭ چۇنشياننىڭ ماڭىزدى ءسوزىن قىزۋ تالقىلادى
2016.01.14 14:00 كەلۋ قاينارى : ءتاڭىرتاۋ تورابى
تىلەكتەردى توعىستىرىپ، كۇشتى شوعىرلاندىرامىز، اقىل - كەڭەس بەرىپ، كۇش شىعارامىز، جەتەكشىلىك ەتىپ، دەم بەرەمىز
12 - قاڭتار تۇستەن كەيىن ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ساياسي كەڭەس اۆتونوميالى رايوندىق 11 - كەزەكتى كوميتەتى 4 - ءماجىلىسىنىڭ ءۇشىنشى جالپى جيىنىنا قاتىناسىپ، مۇشەلەردىڭ لەبىزىن تىڭداپ، ماڭىزدى ءسوز سويلەدى. بۇكىل شينجياڭداعى ءار دارەجەلى ساياسي كەڭەس ۇيىمى مەن قالىڭ ساياسي كەڭەس مۇشەلەرىنىڭ ءبىر جىلدان بەرگى « تىلەكتەردى توعىستىرۋ، اقىل - كەڭەس بەرۋ، كۇش شىعارۋداي» ماڭىزدى رولىن تولىق تۇراقتاندىرىپ: جاڭا قالىپقا سايكەسۋ، «تىلەكتەردى توعىستىرۋ، اقىل - كەڭەس بەرۋ، كۇش شىعارۋ» جاعىندا تىڭ ناتيجەلەر جاراتۋ كەرەك، - دەگەن تىڭ تالاپ قويدى. مۇشەلەر جاڭ چۇنشياننىڭ سوزىنەن ەرەكشە شابىت الىپ، بارىنشا جىگەرلەندى، جاۋاپكەرشىلىكتى باتىلدىقپەن ارقالاپ، قىزمەت مىندەتتەرىن بەلسەنە ادا ەتىپ، وسى زامانعى شينجياڭدىق، ۇلتتار ىنتىماعىن امالياتتا ايگىلەۋشى، شينجياڭنىڭ ۇگىتشىسى بولۋعا قۇلشىناتىندىقتارىن ءبىلدىرىستى.
ەرەكشە شابىت الدىق، جىگەر قايراتىمىز ەسەلەپ ارتتى
مۇشە جاۋ چۋان: جاڭ چۇنشيان جيىندا كوپتىڭ لەبىزىن مۇقيات تىڭداپ، ءبىر - بىردەن باعا بەردى، ساياسي كەڭەس مۇشەلەرىنە تىڭ دا اناعۇرلىم جوعارى تالاپتار قويدى. ءبىز بۇدان ەرەكشە شابىت الدىق. جاڭ شۋجيدىڭ ءسوزى اۆتونوميالى رايوندىق پارتكومنىڭ ساياسي كەڭەس قىزمەتىنە ەرەكشە قامقورلىق جاسايتىندىعىن جانە ايرىقشا ءمان بەرەتىندىگىن ايگىلەيدى. ساياسي كەڭەستىڭ جاڭا مۇشەسى بولعان مەن شۋجيدىڭ ءسوزىنىڭ رۋحىن ەسىمدە بەرىك ساقتايمىن، - دەدى.
مۇشە زۇلفيا ابدىقادىر: جاڭ چۇنشيان شۋجي 8 مۇشەنىڭ ءسوزىن تۇگەلدەي مۇقيات تىڭداپ شىعىپ، قولما - قول باعا بەرىپ وتىردى. تالقى تاقىرىپتارىنا سايكەستى تاراۋلارعا قىزمەت ورنالاستىرۋلارىن جاسادى. مۇنداي قىزمەت ستيلى مەن قىزمەت ونىمدىلىگىن ۇيرەنۋگە ابدەن تاتيدى. جاڭ چۇنشيان شۋجي بىزگە تالاپ قويدى. ءبىز تالاپتى ەڭ جاقسى رۋحاني كۇيمەن تىڭعىلىقتى تياناقتاندىرىپ، تالاپتى ناقتى ارەكەتكە، ارەكەتتى ناتيجەگە اينالدىرۋىمىز كەرەك، - دەدى.
مۇشە ۋاڭ جيانليڭ: جاڭ چۇنشيان شۋجيدىڭ ءسوزى قىزمەت وي جەلىمىز بەن باعىتىمىزدى ايقىنداپ بەردى. ول ىقىلاستى تۇردە اقتارىلا سويلەدى، ءبىز ىسكە شىنايى كىرىسىپ، ماڭىزدى شەشىمدەردى ناقتى تياناقتاندىرۋىمىز كەرەك. جاڭ شۋجيدىڭ ساياسي كەڭەس قىزمەتىنە دەگەن قامقورلىعى ونىڭ سوزىنەن عانا ەمەس، ونان دا ماڭىزدىسى، جايشىلىقتا ساياسي كەڭەستىڭ ۇسىنىس جوبالارىن تىكەلەي قۋزاپ وتىرۋىنان دا بايقالادى، - دەدى.
سۇحبات بەرگەن مۇشەلەردىڭ ءبار - ءبارى دە «قاتتى اسەرلەندىك، ەرەكشە شابىت الدىق» دەگەن ءسوزدى قايتالادى. مۇشە ارزىگۇل اسەنجان: جاڭ شۋجيدىڭ ساياسي كەڭەس قىزمەتىنە وسىنشالىق ءمان بەرۋى بىزگە اناعۇرلىم زور سەنىم جانە مول كۇش - قايرات باعىشتادى، نەگىزگى ساتىدا عىلىم - تەحنيكا قىزمەتىمەن شۇعىلداناتىن مۇشە بولعاندىعىم سەبەپتى، ءسوز جوق، تالاپقا ساي، وسى زامانعى شينجياڭدىق، ۇلتتار ىنتىماعىن امالياتتا ايگىلەۋشى، شينجياڭنىڭ ۇگىتشىسى بولۋعا قۇلشىنامىن، - دەدى.
سەنىمدى بەكەمدەپ، جاۋاپكەرشىلىكتى باتىلدىقپەن ارقالايمىز
مۇشە باداي بىلاي دەيدى: جاڭ چۇنشيان شۋجي «قالىڭ ساياسي كەڭەس مۇشەلەرى ساپ تۇزەۋ تانىمىن كۇشەيتىپ، وزەكتى ارقاۋ ەتىپ، قىزمەت مىندەتتەرىن ادا ەتۋلەرى كەرەك» دەپ باسا دارىپتەدى، ەندەشە، قايتكەندە ساپ تۇزەۋ تانىمىن ازىرلەۋگە بولادى؟ ەڭ اۋەلى، ساياساتتى تىنباي ۇيرەنىپ، اۆتونوميالى رايوندىق پارتكومنىڭ دامۋ اياق الىسىن مىقتاپ ارقاۋ ەتۋ كەرەك. ەندى ءبىرى، تەكسەرۋ - زەرتتەۋ جۇرگىزۋ قابىلەتىن، ساپاسىن جوعارىلاتۋ كەرەك.
جاڭ چۇنشيان شۋجي سوزىندە ءار دارەجەلى ساياسي كەڭەس ۇيىمى مەن قالىڭ ساياسي كەڭەس مۇشەلەرىنىڭ قىزمەت مىندەتىن ادا ەتۋى جونىنەن اناعۇرلىم جوعارى تالاپتار قويدى، ءاربىر ساياسي كەڭەس مۇشەسى وزدەرىنىڭ ارقالاعان بورىشىنىڭ ءتىپتى دە اۋىرلاعانىن سەزىنۋمەن بىرگە، كوپشىلىكتىڭ ايبىندى جوبانى جۇزەگە اسىرۋ سەنىمى دە بەكەمدەلە ءتۇستى.
مۇشە تۇرنيساق يمىن بەرىك سەنىممەن: ءبىر نيەت، ءبىر تىلەكپەن كۇشتى شوعىرلاندىراتىن بولساق تىنبايتىن ءىس جوق. قازىر ءبىز تىڭ باستامادا تۇرمىز، تىڭ وراي مەن سىن - سايىسقا ءدوپ كەلۋدەمىز، مۇندايدا سونى شارانى العا قويىپ، تىڭ ەڭبەكتەر ەتۋىمىز ءتيىس. مەن بۇدان بىلاي جاڭ شۋجيدىڭ تالابىنا ساي، ۇلتتار ىنتىماعى قىزمەتىن تىڭعىلىقتى جاقسى ىستەپ، از ۇلت ايەل كادرلارىنىڭ باستاماشىلدىق رولىن ويداعىداي ساۋلەلەندىرىپ، شينجياڭنىڭ دامۋى ءۇشىن ءتيىستى ۇلەسىمدى قوسامىن، - دەدى.
مۇشە جاڭ شاڭجيان: ساياسي كەڭەس مۇشەلەرى جاڭا قالىپتا تىڭ جاۋاپكەرشىلىكتى تاباندىلىقپەن ارقالاپ، بەرەكە - بىرلىكتى، ورنىقتىلىقتى قورعاۋ جاعىندا جۇرت تىلەگىن ۇيىستىرىپ، كوپتىڭ كۇشىن شوعىرلاندىرۋ ءۇشىن كىشكەنتاي ىستەردەن باستاپ، ءوز باسىنان باستاپ ىسكە كىرىسىپ، بۇقارامەن تىعىز بايلانىس ورناتىپ، قىزمەت سالاسىمەن ۇشتاستىرىپ، ءوز ارتىقشىلىقتارىن ساۋلەلەندىرىپ، بۇقارانىڭ قيىنشىلىعىن شەشۋىنە كومەكتەسىپ، ۇلتتار ىنتىماعىن امالياتتا ايگىلەۋشىلەردەن بولۋى ءتيىس، - دەدى.
قىزمەت مىندەتىمىزدى تولىق ادا ەتىپ، بەلسەنە امالياتتا ايگىلەيمىز
مۇشە گۇلپيا اجى قاشقاردان كەلگەن قاراپايىم وقىتۋشى، ول ءار جولعى ەكى ماجىلىسكە قاتىناسىپ قايتقاننان كەيىن وقۋشىلارعا، ماڭايىنداعىلارعا كورگەن - بىلگەندەرىن، العان اسەرىن سويلەپ بەرىپ وتىرادى. ول: مەن ويداعىداي ۇگىتشى بولىپ، جۇرت تىلەگىن ۇيىستىرۋ قىزمەتىن كوبىرەك ىستەپ، وڭ ەنەرگيا تاراتىپ، كورىكتى شينجياڭىمىزدىڭ دامۋى ءۇشىن تىعىز سايكەسە وتىرىپ ۇلەس قوسامىن، - دەدى.
جاڭا قالىپقا قالاي سايكەسۋ كەرەك، قانداي تىڭ جۇمىستار ىستەۋگە بولادى؟ بەرەكە - بىرلىكتى قورعاۋ جاعىندا قايتكەندە جۇرت تىلەگىن ۇيىستىرىپ، كوپتىڭ كۇشىن شوعىرلاندىرۋعا بولادى، قامداۋ جاعىنداعى قۇرىلىمدىق رەفورمانى العا ىلگەرىلەتۋدە قايتكەندە اقىل - كەڭەس كورسەتىپ، كۇش قوسۋعا بولادى، جالپى جاعدايدى قالاي قورعاۋ، شينجياڭنىڭ وبرازىمەن قالاي جەتەكتەۋگە دەم بەرۋ، قايتكەندە وسى زامانعى شينجياڭدىق، ۇلتتار ىنتىماعىنداعى امالياتتا ايگىلەۋشى، شينجياڭنىڭ ۇگىتشىسى بولۋعا بولادى؟ مۇشەلەر بۇعان باتىل جاۋاپ قايتاردى.
مۇشە سۇڭ حايۋي: كۇدىك - كۇماننان ارىلتۋعا، يدەيالىق جاقتا اۋىس - كۇيىس جاساسۋعا، قايشىلىقتى شەشۋگە بايلانىستى قىزمەتتەردى كوبىرەك ىستەپ، پارتيانىڭ سارا ساياساتىن كوبىرەك ۇگىتتەپ، وڭ ەنەرگيا تاراتىپ، ءار ۇلت جۇرتشىلىعىن وركەنيەتتى، عىلىمدى ارداقتاۋعا جەتەلەپ، ارالاسۋدى، ىشتەسۋدى، توعىسۋدى نىعايتىپ، شينجياڭنىڭ تاماشا وبرازىن سومداۋ كەرەك، - دەيدى.
مۇشە جيڭ جۇڭمەي: جاۋاپكەرشىلىكتى باتىلدىقپەن ارقالاۋدى كۇشەيتىپ، بۇقارانىڭ ۇنىنە كوبىرەك قۇلاق اسىپ، اۋىل شارۋاشىلىعىنىڭ قامداۋ جاعىنداعى رەفورماسى جونىنەن كوبىرەك تولعانىپ، كوبىرەك كۇش سالىپ، اۋىل شارۋاشىلىعى سىندى جاسىل، ەكولوگيالىق، ورگانيكالىق ماركانىڭ اتاعىن اسپانداتۋىمىز كەرەك، - دەيدى.
مۇشە احىمەت ءماتنياز: وتانشىل ءدىني قايراتكەر بولۋ تۇرعىسىنان، دىنگە سەنەتىن بۇقاراعا باعىتتالعان ۇگىت - تاربيە قىزمەتىن ىرىقتىلىقپەن جاقسى ىستەپ، ءوز باسىممەن ۇلگى ونەگە كورسەتىپ، دىنگە سەنەتىن قالىڭ قاۋىمدى دۇرىس سەنىم ورناتىپ، دۇرىس جولمەن جۇرۋگە بەلسەنە جەتەلەپ، ءدىني ۇشقارى يدەيانىڭ سىنالاپ كىرۋىنەن باتىل ساقتانۋعا كۇش شىعارامىن، - دەيدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
