بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>ارناۋلى تاقىرىپ>>2016-جىلعى ەكى ءماجىلىس>>ساياسي كەڭەس

ساياسي كەڭەس اۆتونوميالى رايوندىق 11-كەزەكتى كوميتەتىنىڭ 4-ءماجىلىسى جابىلدى

2016.01.20 16:52  



  جاڭ چۇنشيان، شوكىرات زاكىر، نايىم ياسين، چى جۇن، حان يۇڭ قاتارلى باسشىلار قاتىناستى

  نۇرلان ءابىلماجىن ۇلى ءماجىلىسى باسقارىپ اشتى

  باي جىجيە، كادىرقان ميراسقان ۇلى ساياسي كەڭەس اۆتونوميالى رايوندىق 11-كەزەكتى كوميتەتىنىڭ ورىنباسار ءتوراعالىعىنا تولىقتىرىلىپ سايلاندى

  ساياسي كەڭەس اۆتونوميالى رايوندىق 11-كەزەكتى كوميتەتىنىڭ 4-ءماجىلىسى ءوزىنىڭ بارلىق كۇن ءتارتىبىن تولىعىمەن ءساتتى ورىنداپ، 15-قاڭتار تۇستەن بۇرىن شينجياڭ حالىق سارايىندا جابىلدى. ءماجىلىس بۇكىل رايونداعى ءار دارەجەلى ساياسي كەڭەس ۇيىمدارى مەن ءار ۇلت ساياسي كەڭەس مۇشەلەرىن شي جينپيڭ جولداس باس شۋجي بولعان پارتيا ورتالىق كوميتەتىنىڭ ماڭىنا تىعىز ىنتىماقتاسا توپتاسىپ، اۆتونوميالى رايوندىق پارتكومنىڭ باتىل باسشىلعىندا، اۆتونوميالى رايوندىق حالىق ۇكىمەتىنىڭ بار كۇشپەن قولداۋىندا، تىلەكتەس بولا وتىرىپ، قايراتتانا العا ۇمتىلىپ، كۇشتى تىعىز ۇيىستىرىپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋ، جاپپاي دوڭگەلەك داۋلەتتى قوعام قۇرىپ شىعۋ جولىندا ءتىپتى دە ەسەلى ۇلەس قوسۋعا ۇندەدى جانە شابىتتاندىردى.

  اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ءماجىلىستى باسقارىپ اشتى ءارى ءسوز سويلەدى.

  ليۋ يانلياڭ، رىزۋان اباي، ءجۇرات يمىن، ليۋ جىيۇڭ، ليۋ جيانشين، ۋان حايچۋان، چىڭ جىنشان، باداي، گۇلشات ابدىقادىر، ابدىليتىپ ابدىرەيىم، جاڭادان تولىقتىرىلىپ سايلانعان ساياسي كەڭەستىڭ ورىنباسار ءتوراعاسى باي جىجيە، كادىرقان ميراسقان ۇلى، باس حاتشى ليۋ جىنچياڭ ءتوراعالار مىنبەسىنىڭ الدىڭعى قاتارىنان ورىن الدى.

  جاڭ چۇنشيان، شوكىرات زاكىر، نايىم ياسين، چى جۇن، حان يۇڭ، لي ۋي، حۋاڭ ۋي، شاۋكەت يمىن، جۋ حايلۇن، ەركىنجان تۇراحۇن، شيۇڭ شۋانگو، عانيبات سابىكەي ۇلى، لي شۋەجۇن، ەركىن تۇنياز، ليۋ شينچي قاتارلى باسشىلار ءتوراعالار مىنبەسىنەن جايعاستى.

  ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 4 - ماجىلىسىنە قاتىناسۋعا ءتيىستى مۇشە سانى 523، ناق قاتىناسقانى 466 بولىپ، بۇل زاڭدا بەلگىلەنگەن سانعا ۇيلەسەدى.

  ءماجىلىس ماۋكەن سەيىتقامزا ۇلىنىڭ اۆتونوميالى رايوندىق ساياسي كەڭەس 11-كەزەكتى كوميتەتىنىڭ ورىنباسار ءتوراعالىعى، مۇشەسى قىزمەتىنەن شەگىنۋ ءوتىنىشىن قاراپ ماقۇلدادى؛ ءماجىلىس سايلاۋ ءادىسىن، باس بەلەت باقىلاۋشىنىڭ، بەلەت باقىلاۋشىلاردىڭ ەسىمدىگىن ماقۇلدادى؛ تولىق اقىلداسۋ، دەموكراتيالىق كەڭەسۋ ارقىلى جاسىرىن داۋىس بەرۋ فورماسىمەن باي جىجيە، كادىرقان ميراسقان ۇلىن ساياسي كەڭەس اۆتونوميالى رايوندىق 11 - كەزەكتى كوميتەتىنىڭ ورىنباسار ءتوراعالىعىنا؛ ابدۋايت ءسادۋاقاس، دۇڭ ۋيدى اۆتونوميالى رايوندىق ساياسي كەڭەستىڭ تۇراقتى مۇشەلىگىنە تولىقتىرىپ سايلادى.

  ءماجىلىس ساياسي كەڭەس اۆتونوميالى رايوندىق 11 - كەزەكتى كوميتەتى 4 - ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسىن، ساياسي كەڭەس اۆتونوميالى رايوندىق 11 - كەزەكتى كوميتەتى 4 - ءماجىلىسى كوميتەتىنىڭ ۇسىنىس جوبالاردىڭ قاراپ تەكسەرۋ جاعدايىنان جاساعان بايانداماسىن، ساياسي كەڭەس اۆتونوميالى رايوندىق 11 - كەزەكتى كوميتەتىنىڭ ساياسي قاۋلىسىن ماقۇلدادى.

جاۋاپتى رەداكتورى : نۇرعيسا قۇرمانجان ۇلى

 سۋرەت