مەملەكەتتىك 12 - كەزەكتى حالىق قۇرىلتايىنىڭ 4 - ءماجىلىسى دايىندىق جيىنىن جانە ءتوراعالار القاسىنىڭ 1 - جيىنىن وتكىزدى

2016.03.07 13:51   كەلۋ قاينارى : ءتاڭىرتاۋ تورابى

　　شينحۋا اگەنتتىگىنىڭ 4 - ناۋرىزدا بەيجيڭنەن بەرگەن حابارى. مەملەكەتتىك 12 - كەزەكتى حالىق قۇرىلتايىنىڭ 4 - ءماجىلىسى 4 - ناۋرىز كۇنى تۇستەن بۇرىن حالىق سارايىندا دايىندىق جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاڭ دىجياڭ جيىندى باسقاردى، جيىن مەملەكەتتىك 12 - كەزەكتى حالىق قۇرىلتايى 4 - ءماجىلىسىنىڭ ءتوراعالار القاسىنداعىلاردى جانە باس حاتشىسىن سايلادى، مەملەكەتتىك 12 - كەزەكتى حالىق قۇرىلتايى 4 - ءماجىلىسىنىڭ كەڭەستىك ءتارتىبىن داۋىسقا سالىپ ماقۇلدادى.

　　مەملەكەتتىك 12 - كەزەكتى حالىق قۇرىلتايىنىڭ ۋاكىل سانى 2943، 3 - ناۋرىزعا دەيىن ءماجىلىستىڭ حاتشىلار باسقارماسىنا كەلىپ تىزىمدەلگەن ۋاكىل 2911، بۇگىنگى دايىندىق جيىنعا 2751 ۋاكىل قاتىناستى، 129 ۋاكىل جيىنعا قاتىناسقان جوق، قاتىناسقان ۋاكىل سانى زاڭدا بەلگىلەنگەن ادام سانىنا ۇيلەسەدى.

　　جاڭ دىجياڭ مەملەكەتتىك 12 - كەزەكتى حالىق قۇرىلتايى 4 - ءماجىلىسىنىڭ 5 - ناۋرىزدا اشىلاتىنىن؛ ءماجىلىستىڭ دايىندىق جۇمىستارىنىڭ تولىق بىتكەندىگىن جاريالادى.

　　جاڭ دىجياڭ بىلاي دەپ اتاپ كورسەتتى: مەملەكەتتىك 12 - كەزەكتى حالىق قۇرىلتايىنىڭ 4 - ءماجىلىسىنىڭ جەتەكشى يدەياسى: جۇڭگوشا سوتسياليزم ۇلى تۋىن بيىك ۇستاپ، پارتيا 18 - قۇرىلتايىنىڭ، پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن، سونداي - اق ورتالىقتىڭ ءبىر قىدىرۋ ماڭىزدى ورنالاستىرۋلارىن جاپپاي دايەكتىلەندىرىپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، «بەستى ءبىر تۇلعالاندىرۋ» جالپى ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىنا ساي، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى دامۋ يدەياسىن بەرىك ورناتۋ جانە دايەكتىلەندىرۋ، نەگىزگى زاڭ مەن زاڭداردا جۇكتەلگەن مىندەتىن دەن قويا اتقارىپ، ءماجىلىستىڭ ءتۇرلى كەڭەستىك ءتارتىبىن ورىنداپ، ءماجىلىستى دەموكراتيالى، ىنتىماقتى، شىندىققا تالپىنعان، قايراتتانا العا تارتقان ءماجىلىس ەتىپ اشىپ، ەلىمىزدەگى ءار ۇلت حالقىن شي جينپيڭ جولداس باس شۋجي بولعان پارتيا ورتالىق كوميتەتىنىڭ باسشىلىعىندا، ءبىر جاعادان باس، ءبىر جەڭنەن قول شىعارىپ، ءورىس اشا العا ۇمتىلۋعا، قىزمەتتى تىڭعىلىقتى ىستەۋگە جۇمىلدىرىپ، «13 - بەسجىلدىق» كەزىندە ەكونوميكالىق، قوعامدىق دامۋدا يگى باستاما جاراتىپ، جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىنىڭ ۇلى جەڭىسىنە قول جەتكىزۋگە تىڭ ۇلەس قوسۋ.

　　دايىندىق جيىنىندا داۋىسقا سالۋ ارقىلى مەملەكەتتىك 12 - كەزەكتى حالىق قۇرىلتايى 4 - ءماجىلىسىنىڭ ءتوراعالار القاسىنىڭ قۇرامىنداعىلار مەن باس حاتشىسى سايلاندى، ءماجىلىس ءتوراعالار القاسى 170 ادامنان قۇرالدى، لي جيانگو ءماجىلىستىڭ باس حاتشىسى بولىپ سايلاندى.

　　ءماجىلىستىڭ داۋىسقا سالىپ ماقۇلدانعان كەڭەستىك ءتارتىبى بويىنشا مەملەكەتتىك 12 - كەزەكتى حالىق قۇرىلتايىنىڭ 4 - ءماجىلىسى ۇكىمەت قىزمەتىنەن باياندامانى تىڭدايدى جانە قارايدى؛ حالىق شارۋاشىلىعى مەن قوعامدىق دامۋدىڭ «13 - بەسجىلدىق» جوسپار پروگرامماسىن تەكسەرەدى جانە بەكىتەدى؛ 2015 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2016 - جىلعى حالىق شارۋاشىلىعى مەن قوعامدىق دامۋدىڭ جوسپار جوباسى جونىندەگى باياندامانى تەكسەرەدى جانە بەكىتەدى. 2016 - جىلعى حالىق شارۋاشىلىعى مەن قوعامدىق دامۋ جوسپارىن بەكىتەدى، ورتالىق پەن جەرگىلىكتى ورىننىڭ 2015 - جىلعى مەجە ەسەبىنىڭ اتقارىلۋ احۋالى، سونداي - اق ورتالىق پەن جەرگىلىكتى ورىننىڭ 2016 - جىلعى مەجە ەسەپ جوباسى جونىندەگى باياندامانى تەكسەرەدى جانە بەكىتەدى، ورتالىقتىڭ 2016 - جىلعى مەجە ەسەبىن بەكىتەدى؛ مەملەكەتتىك حالىق قۇرىلتايى تۇراقتى كوميتەتىنىڭ قايىر - ساحابات زاڭى جوباسىن قاراۋعا ۇسىنۋ جونىندەگى كەڭەستىك جوباسىن قارايدى؛ مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن تىڭدايدى جانە قارايدى؛ ەڭ جوعارى حالىق سوتى مەكەمەسىنىڭ قىزمەت بايانداماسىن تىڭدايدى جانە قارايدى؛ ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدايدى جانە قارايدى.

　　مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى لي جيانگو، ۋاڭ شىڭجۇن، چىن چاڭجى، يان جۇنچي، ۋاڭ چىن، شىن يۋەيۋە، جي بيڭشۋان، جاڭ پيڭ، شياڭباپيڭسو، ەركىن يمىرباقى، ۋان ى - شياڭ، جاڭ باۋۋىن، چىن جۋلار جيىنعا قاتىناستى.

　　شينحۋا اگەنتتىگىنىڭ 4 - ناۋرىزدا بەيجيڭنەن بەرگەن حابارى. مەملەكەتتىك 12 - كەزەكتى حالىق قۇرىلتايى 4 - ءماجىلىسىنىڭ ءتوراعالار القاسى 4 - ناۋرىز كۇنى تۇستەن بۇرىن حالىق سارايىندا 1 - جيىنىن وتكىزدى. جيىندى مەملەكەتتىك حالىق قۇرىلتايى تۇراقتى كوميتەتىنىڭ باستىعى جاڭ دىجياڭ باسقاردى.

　　ءتوراعالار القاسىنىڭ جيىنىنا قاتىناسۋعا ءتيىستى 170 ادامنىڭ 162سى جيىنعا قاتىناستى، 8 ادام جيىنعا قاتىناسا المادى، قاتىناسقاندار زاڭدا بەلىگىلەنگەن ادام سانىنا ۇيلەسەدى.

　　مەملەكەتتىك حالىق قۇرىلتايىنىڭ ءىس قاراۋ ەرەجەسى بويىنشا جيىندا ەڭ الدىمەن، مەملەكەتتىك 12 - كەزەكتى حالىق قۇرىلتايى 4 - ءماجىلىسى ءتوراعالار القاسىنىڭ تۇراقتى ءتوراعالارى سايلاندى. مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ باستىعى، ورىنباسار باستىقتارى، باس حاتشىسى ءماجىلىس ءتوراعالار القاسىنىڭ تۇراقتى ءتوراعالىق مىندەتىن وتەيدى. ءتوراعالار القاسىنىڭ جيىنىن ءتوراعالار القاسىنىڭ تۇراقتى ءتوراعالارى شاقىرىپ اشادى ءارى باسقارادى.

　　جيىن مەملەكەتتىك 12 - كەزەكتى حالىق قۇرىلتايىنىڭ 4 - ءماجىلىسىنىڭ كۇن ءتارتىبىن داۋىسقا سالىپ ماقۇلدادى. ءماجىلىستىڭ كۇن تارتىبىنە ساي، ءماجىلىس 5 - ناۋرىز تۇستەن بۇرىن باستالىپ، 16 - ناۋرىز تۇستەن بۇرىن جابىلادى، 11 جارىم كۇن اشىلادى.

　　مەملەكەتتىك حالىق قۇرىلتايىنىڭ ءىس قاراۋ ەرەجەسىنە ساي، ءتوراعالار القاسىنىڭ 1 - جيىنىندا كورسەتىلگەن ءتوراعالار القاسىنىڭ قۇرامىنداعىلاردىڭ اراسىنان بىرنەشە ادام ءار جولعى جالپى جيىننىڭ اتقارۋشى ءتوراعالىعى مىندەتىن ۇستىنە الادى. جيىن داۋىسقا سالۋ ارقىلى ءماجىلىستىڭ جالپى جيىندارىنىڭ اتقارۋشى ءتوراعالارىن سايلادى. داۋىسقا سالۋ ارقىلى ۋاڭ چىن، شين چۇنيىڭ، چياۋ شياۋياڭ، لي شىڭلين، فۋ يىڭ، چىن شىجۇي، مىڭ ياڭداردى ءماجىلىستىڭ ورىنباسار باس حاتشىلىعىنا تاعايىنداۋدى، فۋ يىڭدى ءماجىلىستىڭ قوسىمشا مالىمدەمەشىلىگىنە تاعايىنداۋدى ۇيعاردى.

　　جيىن داۋىسقا سالۋ ارقىلى مەملەكەتتىك 12 - كەزەكتى حالىق قۇرىلتايى 4 - ءماجىلىسىنىڭ كەڭەس جوبالاردى داۋىسقا سالۋ ءادىسىن بەلگىلەدى؛ ۋاكىلدەردىڭ كەڭەس جوباسىن 11 - ناۋرىز ساعات 12گە دەيىن قابىلداۋدى ۇيعاردى. «شينجياڭ گازەتى»