لي كىچياڭ قىرعىزستان پرەزيدەنتى اتامبايەۆپەن كەزدەستى
لي كىچياڭ الدىمەن مەملەكەت ءتوراعاسى شي جينپيڭنىڭ پرەزيدەنت اتامبايەۆكە جولداعان ىقىلاستى سالەمىن جەتكىزدى. لي كىچياڭ بىلاي دەدى: جۇڭگو – قىرعىزستان ىرگەلەس جاتقان تاتۋ كورشىلەر. بيىل ماۋسىمدا ەكى ەل باسشىلارى شاڭحاي سەلبەستىك ۇيىمىنىڭ تاشكەنتتەگى باسشىلار ءماجىلىسى مەزگىلىندە كەزدەسىپ، ماڭىزدى جاقتاردا ورتاق تانىمدارعا كەلگەن. جۇڭگو جاق ءوزارا قۇرمەتتەۋ، تەڭ تۇرعىدا مامىلە جاساۋ، ءوزارا تيىمدىلىك جاراتىپ، يگىلىككە بىرلىكتە كەنەلۋ پرينسيپىندە باستان – اقىر تاباندى بولىپ، قىرعىزستان جاقپەن ساياسي جاقتاعى ءوزارا سەنىمدىلىكتى تەرەڭدەتىپ،ناقتى ىستەردەگى سەلبەستىكتەردى كۇشەيتىپ، گۋمانيتارلىق سالاداعى بارىس – كەلىستەردى تەرەڭدەتىپ، حالىقارالىق جانە وڭىرلىك ىستەردە سايكەسۋدى كۇشەيتىپ،ەكى ەل قارىم–قاتىناسىن، سەلبەستىگىن ۇزدىكسىز دامىتۋدى جانە ەكى ەل حالقىنا باقىت جاراتۋدى ىلگەرىلەتە ءتۇسۋدى قالايدى.
لي كىچياڭ قىرعىزستاندا رەسمي ساپاردا بولدى
قىرعىزستاننىڭ پرەمەر - مينيسترى جانىبەكوۆ شاقىرۋىمەن مەملەكەتتىك كەڭەستىڭ زۇڭليى لي كىچياڭ سول جەر ۋاقىتى بويىنشا 2 – قاراشا تۇستەن كەيىن ارناۋلى ۇشاقپەن بيشكەكتەگى ماناس حالىقارالىق اۋەجايىنا جەتىپ، قىرعىزستانداعى رەسمي ساپارىن باستادى، الداعى جەردە شاڭحاي سەلبەستىك ۇيىمىنا مۇشە ەلدەر ۇكىمەت باسشىلارى (زۇڭليلەرى) القالار كەڭەسىنىڭ 15 – ماجىلىسىنە قاتىناسادى. پرەمەر - مينيستر جانىبەكوۆ اۋەجايعا بارىپ قارسى الدى، قۇرمەت قاراۋىلى قىزىل كىلەمنىڭ ەكى شەتىندە ساپ تۇزەپ قۇرمەت ءبىلدىردى. قىرعىزستان جاستارى گۇل ۇسىندى ءارى لي كىچياڭ زۇڭليدى قىرعىزدىڭ ءداستۇرلى تاعامىنان ءدام تاتتىردى. جۇڭگونىڭ قىرعىزستانداعى باس ەلشىسى شياۋ چيڭحۋا دا اۋەجايعا بارىپ قارسى الدى.
ساپار جايلى مالىمەت
سىرتقى ىستەر مينيسترلىگى تورابىنىڭ 31 – قازاندا حابارلاۋىنشا، لي كىچياڭ زۇڭلي قىرعىزستاندا ساپاردا بولادى جانە شاڭحاي سەلبەستىك ۇيىمىنا مۇشە ەلدەر ۇكىمەت باسشىلارى (زۇڭليلەرى) القالار كەڭەسىنىڭ 15 – ماجىلىسىنە قاتىناسادى، قازاقستاندا ساپاردا بولادى جانە جۇڭگو – قازاقستان ۇكىمەت باسشىلارىنىڭ 3 – رەتكى مەرزىمدى كەزدەسۋىن وتكىزەدى، لاتۆيادا ساپاردا بولادى جانە 5 – رەتكى جۇڭگو – ورتا، شىعىس ەۆروپا ەلدەرى باسشىلارىنىڭ كەزدەسۋىنە قاتىناسادى، رەسەيدە ساپاردا بولادى جانە جۇڭگو – رەسەي ۇكىمەت باسشىلارىنىڭ 21 – رەتكى مەرزىمدى كەزدەسۋىن وتكىزەدى.
|
|
|
|
|
جاڭالىقتار
- لي كىچياڭ تاجىكستاننىڭ پرەمەر – مينيسترى راسۇلزودامەن كەزدەستى
- قازاقستان پرەمەر – مينيسترى سالتاناتتى قارسى الۋ سالتىن وتكىزىپ …
- لي كىچياڭ شاڭحاي سەلبەستىك ۇيىمىنا مۇشە ەلدەر ۇكىمەت باسشىلارى (…
- لي كىچياڭ استاناعا جەتىپ جۇڭگو – قازاقستان پرەمەر – مينيسترلەرىن…
- لي كىچياڭ قازاقستان پرەزيدەنتى نازاربايەۆپەن كەزدەستى
- لي كىچياڭ قىرعىزستاندا رەسمي ساپاردا بولدى
كەسكىن