بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ارناۋلى تاقىرىپ>>التىنشى جالپى ءماجىلىس>>ورتالىقتىڭ ءۇنى

شي جينپيڭ: «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» جونىندەگى تۇسىنىك

2021.11.17 15:51     كەلۋ قاينارى : شينجياڭ گازەتى

  شينحۋا اگەنتتىگىنىڭ 11 - ايدىڭ 16 - كۇنى بەيجيڭنەن جولداعان تەلەگرامماسى

   «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» جونىندەگى تۇسىنىك

  شي جينپيڭ

  ورتالىق كوميتەت ساياسي بيۋروسىنىڭ تاپسىرۋىمەن مەن «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» دايىنداۋ احۋالى جونىندە جالپى ماجىلىسكە تۇسىنىك جاسايمىن.

  

  ٴبىرىنشى، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ كەڭەس تاقىرىبى تۋرالى ويلار


  پارتيامىز ەجەلدەن تاريحي تاجىريبەلەردى قورىتىندىلاۋعا باسا ٴمان بەرىپ كەلەدى. سوناۋ يان-انداعى كەزدىڭ وزىندە، ماۋ زىدۇڭ جولداس بىلاي دەپ اتاپ كورسەتكەن ەدى: ”ەگەر پارتيانىڭ تاريحىن تولىق بىلمەسەك، پارتيانىڭ تاريحتا جۇرگەن جولدارىنا قانىق بولماساق، وندا ٴىستى ٴتىپتى دە جاقسى ىستەي الۋىمىز مۇمكىن ەمەس.“ جاپون شاپقىنشىلارىنا قارسى سوعىستىڭ ەڭ سوڭعى جەڭىسىن قولعا كەلتىرەر ساتتە، 1945 - جىلى، پارتيا 6 - كەزەكتى ورتالىق كوميتەتىنىڭ جەتىنشى جالپى ٴماجىلىسى «ٴبىرقانشا تاريحي ماسەلە تۋرالى قاراردى» ماقۇلداپ، پارتيا قۇرىلعاننان كەيىنگى، اسىرەسە، پارتيا 6 - كەزەكتى ورتالىق كوميتەتىنىڭ ٴتورتىنشى جالپى ماجىلىسىنەن زۇن - ي ماجىلىسىنە دەيىنگى وسى ٴبىر كەزەڭدەگى پارتيا تاريحىن جانە ونىڭ تاجىريبە - ساباقتارىن قورىتىندىلاپ، ٴبىرقانشا كەلەلى تاريحي ماسەلە تۋرالى قورىتىندى جاساپ، بۇكىل پارتيانىڭ، اسىرەسە، پارتيانىڭ جوعارى دارەجەلى كادرلارىنىڭ جۇڭگو توڭكەرىسىنىڭ نەگىزگى ماسەلەسى جونىندەگى تانىمىن بىرلىككە كەلتىرىپ، بۇكىل پارتيانىڭ ىنتىماعىن نىعايتتى، پارتيا 7 - قۇرىلتايىنىڭ جەڭىسپەن اشىلۋىنا تولىق جاعداي جاساپ، جۇڭگونىڭ توڭكەرىستىك ىستەرىنىڭ دامۋىن پارمەندى جەبەدى.

  رەفورمالاۋ، ەسىك اشۋدىڭ جاڭا كەزەڭىنە اياق باسقاندا، دىڭ شياۋپيڭ جولداس بىلاي دەگەن ەدى: ”تاريحتاعى تابىستى تاجىريبەلەر باعالى بايلىق، قاتە تاجىريبەلەر، ٴساتسىز تاجىريبەلەر دە باعالى بايلىق. باعىت - ساياساتتاردى وسىلاي بەلگىلەگەندە عانا، بۇكىل پارتيانىڭ يدەياسىن بىرلىككە كەلتىرىپ، جاڭا ىنتىماققا جەتۋگە بولادى. مۇنداي نەگىز ەڭ سەنىمدى بولماق.“ 1981 - جىلى پارتيا 11 - كەزەكتى ورتالىق كوميتەتىنىڭ التىنشى جالپى ٴماجىلىسى «پارتيانىڭ رەسپۋبليكامىز قۇرىلعاننان بەرگى ٴبىرقانشا تاريحي ماسەلەسى تۋرالى قاراردى» ماقۇلداپ، جاڭا جۇڭگو قۇرىلۋدان بۇرىنعى پارتيا تاريحىن ەسكە الىپ، سوتسياليستىك توڭكەرىس پەن قۇرىلىستىڭ تاريحي تاجىريبەلەرىن قورىتىندىلادى، ٴبىرقىدىرۋ كەلەلى ىستەر مەن ماڭىزدى ادامدارعا باعا بەردى، اسىرەسە، ماۋ زىدۇڭ جولداس پەن ماۋ زىدۇڭ يدەياسىنا دۇرىس باعا بەرىپ، دۇرىس پەن بۇرىستىڭ ارا جىگىن اجىراتىپ، ”سولشىل“ وڭشىل ەكى جاقتاعى قاتە كوزقاراستاردى تۇزەتىپ، بۇكىل پارتيانىڭ يدەياسىن بىرلىككە كەلتىرىپ، پارتيانىڭ بەرەكە - بىرلىكتە بولا وتىرىپ، العا باسۋىن ىلگەرىلەتۋگە، رەفورمالاۋ، ەسىك اشۋدى جانە سوتسياليستىك وسىزامانداندىرۋ قۇرىلىسىن اناعۇرلىم ويداعىداي ىلگەرىلەتۋگە كەلەلى ىقپال جاسادى.

  قازىر، ٴبىرىنشى تاريحي قاراردىڭ جاسالعانىنا 76 جىل ٴوتتى، ەكىنشى تاريحي قاراردىڭ جاسالعانىنا دا 40 جىل ٴوتتى. 40 جىلدان بەرى، پارتيا مەن مەملەكەت ىستەرى الىپ ادىممەن العا باستى، پارتيانىڭ نازارياسى مەن امالياتى دا الىپ ادىممەن العا باستى. جاڭا تاريحي باستامادا تۇرىپ، وتكەندى ەسكە الىپ، بولاشاققا كوز جىبەرىپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن، اسىرەسە، رەفورما جۇرگىزىپ، ەسىك اشقان 40 نەشە جىلدان بەرگى كەلەلى تابىستارى مەن تاريحي تاجىريبەلەرىن جان - جاقتى قورىتىندىلاۋ ٴارى وبيەكتيۆ جاقتان قاجەتتى ٴارى وعان سۋبيەكتيۆ شارت - جاعداي دا دايىن.

  پارتيا ورتالىق كوميتەتى بىلاي دەپ قارادى: پارتيا قۇرىلعاندىعىنىڭ 100 جىلدىعى سىندى ماڭىزدى تاريحي ساتتە، پارتيا مەن حالىق ٴبىرىنشى 100 جىلدىق كۇرەس نىساناسىن جەڭىسپەن جۇزەگە اسىرىپ، جاپپاي دوڭگەلەك داۋلەتتى قوعام ورناتىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ەكىنشى 100 جىلدىق كۇرەس نىساناسىنا قاراي قادام تاستاپ وتىرعان كەلەلى تاريحي كەزەڭدە، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلاۋ بۇكىل پارتيانىڭ يدەيانى ونان ارى بىرلىككە كەلتىرۋىن، ەرىك - جىگەردى بىرلىككە كەلتىرۋىن، ارەكەتتى بىرلىككە كەلتىرۋىن ىلگەرىلەتىپ، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، جاڭا داۋىردەگى جۇڭگوشا سوتسياليزمنىڭ جاڭا ۇلى جەڭىسىنە قول جەتكىزۋ جونىنەن كەلەلى رەال ماڭىزعا جانە تەرەڭ تاريحي ماڭىزعا يە.

  پارتيا ورتالىق كوميتەتى بىلاي دەپ قارادى: پارتيانىڭ 100 جىلدىق كۇرەسىنىڭ ايبىنى اسقاق، ۋاقىت ارالىعى ۇزاق، شارپيتىن كولەمى كەڭ، زەرتتەۋگە ٴتيىستى ماسەلەلەر كوپ. جالپى العاندا، تاريحتى قورىتىندىلاۋ، زاڭدىلىقتى يگەرۋ، سەنىمدى بەكەمدەۋ، بولاشاقتى بەتكە الۋ تالابى بويىنشا، پارتيا باسىپ وتكەن شۇعىلالى بارىستى ويداعىداي قورىتىندىلاۋ، پارتيانىڭ حالىقتى ىنتىماقتاستىرىپ جانە باستاپ قول جەتكىزگەن شۇعىلالى تابىستارىن ويداعىداي قورىتىندىلاۋ، پارتيانىڭ توڭكەرىستى، قۇرىلىستى، رەفورمانى ىلگەرىلەتۋدەگى باعالى تاجىريبەلەرىن ويداعىداي قورىتىندىلاۋ، پارتيا 18 - قۇرىلتايىنان بەرگى پارتيا مەن مەملەكەت ىستەرىنىڭ ۇدەرە العا تارتۋ نازارياسى مەن امالياتىن ويداعىداي قورىتىندىلاۋ كەرەك. ناقتىلاپ ايتقاندا، پارتيا حالىققا باسشىلىق ەتىپ توڭكەرىس، قۇرىلىس، رەفورما جۇرگىزگەن 100 جىلدىق بارىستى ىشكەرىلەي زەرتتەپ، پارتيانىڭ جەڭىستەن جەڭىسكە جەتۋىنىڭ ۇلى تاريحي بارىسىن، مەملەكەت پەن ۇلتقا سىڭىرگەن ۇلى تاريحي ەڭبەگىن جالپى بەتتىك قورىتىندىلاۋ؛ پارتيانىڭ ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا، جۇڭحۋانىڭ تاڭداۋلى ٴداستۇرلى مادەنيەتىمەن ۇشتاستىرۋعا تاباندى بولىپ، ماركسيزم جۇڭگوشالانعان 100 جىلدىق بارىستى ۇزدىكسىز ىلگەرىلەتىپ، جاڭا داۋىردەگى پارتيانىڭ جاسامپازدىق نازارياسىن ٴتۇسىنۋدى جانە يگەرۋدى تەرەڭدەتۋ؛ پارتيانىڭ پارتيانىڭ ىنتىماعىن ۇزدىكسىز قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ٴبىرتۇتاس باسشىلىعىن قورعاعان 100 جىلدىق بارىستى ىشكەرىلەي زەرتتەپ، وسى ماركسيزمدىك ساياسي پارتيانىڭ پارتيانىڭ ساياسي قۇرىلىسىن كۇشەيتۋ سىندى ايقىن ەرەكشەلىگى مەن ساياسي ابزالدىلىعىن تەرەڭ ۇعىنۋ؛ پارتيا جۇڭگو حالقىن باقىتقا كەنەلتۋدى، جۇڭحۋا ۇلتىن گۇلدەندىرۋدى كوزدەگەن 100 جىلدىق بارىستى ىشكەرىلەي زەرتتەپ، پارتيا مەن حالىقتىڭ تاعدىرلاس، قۋانىش پەن جۇبانىشتا بىرگە بولعان ەتەنە بايلانىسىن جەتە تانىپ، حالىقتى اناعۇرلىم ويداعىداي باقىتقا كەنەلتىپ، حالىققا سۇيەنە وتىرىپ تاريحي ۇلى ىستەردى ىستەۋ؛ پارتيا وزىندىك قۇرىلىسىن كۇشەيتىپ، وزىنە-ٴوزى توڭكەرىس جاساۋدى ىلگەرىلەتكەن 100 جىلدىق بارىستى ىشكەرىلەي زەرتتەپ، پارتيانى جاپپاي قاتاڭ باسقارۋدى ماڭگى جالعاستىراتىن تاباندىلىق پەن قايسارلىقتى كۇشەيتىپ، پارتيانىڭ جاڭا داۋىردەگى جۇڭگوشا سوتسياليزمگە تاباندى بولۋ جانە ونى دامىتۋدىڭ تاريحي بارىسىندا باستان - اياق قۇدىرەتتى باسشىلىق ۇيتقى بولۋىنا شىنايى كەپىلدىك ەتۋ؛ تاريحتىڭ دامۋ زاڭدىلىعى مەن زور اۋقىمىن ىشكەرىلەي زەرتتەپ، جاڭا داۋىردەگى جاڭا جورىقتا پارتيا مەن مەملەكەت ىستەرى دامۋىنىڭ تاريحي ىرىقتىلىعىن باستان - اياق يگەرىپ، بەلگىلەنگەن كۇرەس نىساناسىن كوزدەپ، تاسقىنداعان جىگەرمەن بولاشاققا بەت الاتىن باتىلدىقتى جانە كۇش - قۋاتتى ارتتىرۋ كەرەك.

  پارتيا ورتالىق كوميتەتى بىلاي دەپ قارادى: پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاعاندا، ديالەكتيكالىق ماتەرياليزم مەن تاريحي ماتەرياليزمنىڭ ادىستەمەسىنە تاباندى بولىپ، پارتيا تاريحىنا ناقتى تاريحي، وبيەكتيۆ جان - جاقتى، دامۋمەن بايلانىستى كوزقاراسپەن مامىلە جاساۋ كەرەك. دۇرىس پارتيا تاريحى كوزقاراسىنا تاباندى بولىپ، ۇلى تاريح كوزقاراسىن ورناتىپ، پارتيانىڭ تاريحي دامۋىنىڭ باستى تاقىرىبى مەن نەگىزگى جەلىسىن، نەگىزگى اعىمى مەن ٴمانىن دۇرىس يگەرىپ، پارتيانىڭ العا باسۋ جولىندا وتكىزگەن اعاتتىقتارى مەن باسىپ وتكەن بۇراڭ جولدارىنا دۇرىس مامىلە جاساپ، تابىستان تاجىريبە قابىلداۋ، اعاتتىقتان ساباق الۋ، جەڭىسكە جەتۋ جولىن ۇزدىكسىز اشۋ كەرەك. تاريحتى تەرىستەۋشىلدىككە تۋى ايقىن تۇردە قارسى تۇرىپ، يدەيالىق جاقتان جەتەكشىلىك ەتۋ مەن نازاريالىق جاقتان تالداۋ جاساۋدى كۇشەيتىپ، پارتيا تاريحىنداعى كەيبىر كەلەلى تاريحي ماسەلەلەر جونىندەگى كۇڭگىرت تانىم مەن سىڭارجاقتى تۇسىنىكتى اداقتاپ، ٴتۇپ قاينارىنان ويداعىداي تۇزەتۋ كەرەك.

  وسى رەتكى جالپى ٴماجىلىستىڭ قارارىن دايىنداۋدا، پارتيا ورتالىق كوميتەتى مىنا تۇيىندەردى ايرىقشا ويداعىداي يگەرۋ جونىندە ايقىن تالاپ قويدى.

  ٴبىرىنشى، نازاردى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋعا شوعىرلاندىرۋ. پارتيامىز ىلگەرىندى - كەيىندى ەكى تاريحي قارار شىعاردى. پارتيا قۇرىلعاننان رەفورمالاۋ، ەسىك اشۋدىڭ باستاپقى كەزىنە دەيىنگى پارتيا تاريحىنداعى كەلەلى دۇرىس پەن بۇرىس ماسەلەسىن وسى ەكى تاريحي قارار نەگىزىنەن شەشتى، ونىڭ نەگىزگى بايىمداۋلارى مەن قورىتىندىلارى كۇنى بۇگىنگە دەيىن قولدانىلىپ كەلەدى. رەفورما جۇرگىزىپ، ەسىك اشقاننان بەرى، پارتيا قىزمەتىندە دە كەيبىر ماسەلەلەر جارىققا شىققانىمەن، ٴبىراق، جالپى تۇلعالىق جاقتان ايتقاندا، پارتيا مەن مەملەكەت ىستەرىنىڭ دامۋى ٴساتتى، العا باسۋ بەتالىسى دۇرىس بولىپ، قول جەتكىزگەن تابىستارى دۇنيەنى جالت قاراتتى. وسى نەگىزدە، وسى رەتكى جالپى ٴماجىلىستىڭ قارارى كۇش سالۋ ٴتۇيىنىن پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋعا قويىپ، سول ارقىلى بۇكىل پارتيانىڭ اقىل - پاراساتىن ۇشتاۋى، ىنتىماعىن نىعايتۋى، سەنىمىن بەكەمدەۋى، جىگەرىن اسقاقتاتۋى كەرەك.

  ەكىنشى، جۇڭگوشا سوتسياليزمنىڭ جاڭا ٴداۋىرى دەگەن ٴتۇيىندى كورنەكتىلەندىرۋ. وسى رەتكى جالپى ٴماجىلىستىڭ قارارى جاڭا داۋىردەگى پارتيا مەن مەملەكەت ىستەرىندە قول جەتكىزگەن تاريحي تابىستاردى، تۋىلعان تاريحي وزگەرىستەردى جانە توپتالعان سونى تاجىريبەلەردى ٴتۇيىندى تۇردە قورىتىندىلايدى، مۇندا باستىسى مىنالار ەسكەرىلەدى: پارتيانىڭ جاڭا دەموكراتيالىق توڭكەرىس كەزەڭىندەگى، سوتسياليستىك توڭكەرىس پەن قۇرىلىس كەزەڭىندەگى، پارتيا 11 - كەزەكتى ورتالىق كوميتەتىنىڭ ٴۇشىنشى جالپى ماجىلىسىنەن پارتيا 11 - كەزەكتى ورتالىق كوميتەتىنىڭ التىنشى جالپى ماجىلىسىنە دەيىنگى كەزەڭىندەگى تاريحى جونىندە الدىڭعى ەكى تاريحي قارار جۇيەلى قورىتىندى جاسادى؛ رەفورمالاۋ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ تاريحي جاڭا كەزەڭدەگى تابىستارى مەن تاجىريبەلەرى جونىندە پارتيا 11 - كەزەكتى ورتالىق كوميتەتى ٴۇشىنشى جالپى ٴماجىلىسى اشىلعاندىعىنىڭ 20 جىلدىعىندا، 30 جىلدىعىندا پارتيا ورتالىق كوميتەتى تۇگەلدەي مۇقيات قورىتىندى جاسادى، رەفورمالاۋ، ەسىك اشۋدىڭ 40 جىلدىعىن قۇتتىقتاۋ جينالىسىندا مەن دە ٴسوز سويلەپ، جۇيەلى قورىتىندى جاسادىم. سوندىقتان، پارتيا 18 - قۇرىلتايىنان بۇرىنعى تاريحي كەزەڭدەر جونىندە وسى رەتكى جالپى ٴماجىلىستىڭ قارارى بۇرىنعى بار قورىتىندى جانە تۇجىرىم نەگىزىندە قىسقاشا شولۋ جاسايدى. جۇڭگوشا سوتسياليزمنىڭ جاڭا ٴداۋىرى دەگەن وسى ٴتۇيىندى كورنەكتىلەندىرۋ بۇكىل پارتيانى سەنىمدى ونان ارى بەكەمدەۋگە جەتەكتەپ، نازاردى ىستەپ وتىرعان ىستەرىمىزگە شوعىرلاندىرىپ، اناعۇرلىم اسقاق بەينەمەن جاڭا جورىققا قادام تاستاپ، جاڭا داۋىرگە ۇلەس قوسۋعا ٴتيىمدى.

  ٴۇشىنشى، كەلەلى ىستەردى، ماڭىزدى ماجىلىستەردى، ماڭىزدى ادامداردى باعالاۋدى پارتيا ورتالىق كوميتەتىنىڭ قورىتىندىلارىمەن ٴوزارا ۇشتاستىرۋعا ٴمان بەرۋ. پارتيا 18 - قۇرىلتايىنان بۇرىنعى پارتيا تاريحىنداعى كەلەلى ىستەر، ماڭىزدى ماجىلىستەر، ماڭىزدى ادامدار جونىندە الدىڭعى ەكى تاريحي قارار، پارتيانىڭ ٴبىرقىدىرۋ ماڭىزدى قۇجاتى قىرۋار بايىمداۋلار جاساپ، بارلىعىندا بايىپتىلىقپەن قورىتىندى جاسادى. وسى رەتكى جالپى ٴماجىلىستىڭ قارارى وسى نەگىزگى بايىمداۋلار مەن قورىتىندىلارعا تاباندى بولادى. پارتيا 18 - قۇرىلتايىنان بەرى، مەن جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسى، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسى، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسى، اسىرەسە، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى قاتارلى ماڭىزدى جينالىستاردا پارتيا تاريحى جونىندە قورىتىندى جانە بايىمداۋ جاسادىم، بۇل پارتيا ورتالىق كوميتەتىنىڭ پارتيانىڭ 100 جىلدىق كۇرەسى جونىندەگى جاڭا تانىمىن ايگىلەدى. وسى رەتكى جالپى ٴماجىلىستىڭ قارارى وسى جاڭا تانىمدى ايگىلەۋ كەرەك.

  ەكىنشى، قارار نۇسقاسىن دايىنداۋ بارىسى

  بيىل 3 - ايدا، ورتالىق كوميتەت ساياسي بيۋروسى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلاۋ ماسەلەسىن ٴتۇيىندى تۇردە زەرتتەۋدى ۇيعاردى، قۇجات دايىنداۋ گرۋپپاسى قۇرىلىپ، مەن گرۋپپا باستىعى بولدىم، ۋاڭ حۋنيڭ، جاۋ لىجي جولداس ورىنباسار گرۋپپا باستىعى بولدى، پارتيا مەن مەملەكەتتىڭ قاتىستى باسشىلارى جانە ورتالىقتاعى قاتىستى تاراۋلار مەن جەرگىلىكتى ورىندارداعى جاۋاپتى جولداستار قاتىناسىپ، ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا قۇجات دايىنداۋ قىزمەتىن ۇستىمىزگە الدىق.

  4 - ايدىڭ 1 - كۇنى، پارتيا ورتالىق كوميتەتى «پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ پارتيانىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلاۋ ماسەلەسىن ٴتۇيىندى تۇردە زەرتتەۋ جونىندە پىكىر الۋ تۋرالى ۇقتىرۋدى» تاراتىپ، پارتيا ٴىشى - سىرتىندا بەلگىلى كولەمدە پىكىر الدى.

  اڭىس ەتىلگەن پىكىرلەردەن قاراعاندا، وڭىرلەر، تاراۋلار، ٴارقايسى جاقتار ٴبىر اۋىزدان بىلاي دەپ قارادى: پارتيا ورتالىق كوميتەتىنىڭ پارتيا 19 - كەزەكتى ورتالىق كوميتەتىنىڭ التىنشى جالپى ٴماجىلىسىن اشۋ ارقىلى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلاۋدى ۇيعارۋى − بايىپتىلىقپەن جاساعان تاريحي، ستراتەگيالىق شەشىم، ول پارتيانىڭ اۋەلگى ماقسات پەن بورىشتى ەستە بەرىك ساقتاپ، ومىرشەڭدىك قۋاتىن ماڭگى ساقتاۋ سىندى كۇشتى جىگەرى مەن بەرىك بەكىمىن تولىق ايگىلەدى، پارتيانىڭ تاريحتىڭ دامۋ زاڭدىلىعىن جەتىك يگەرىپ، پارتيا مەن مەملەكەت ىستەرى دامۋىنىڭ تاريحي ىرىقتىلىعىن جانە بورىشى مەن جاۋاپكەرشىلىگىن باستان - اياق مەڭگەرگەندىگىن تولىق ايگىلەدى، پارتيانىڭ قازىرگى جاعدايدى تياناق ەتىپ، بولاشاققا كوز جىبەرىپ، تاريحي تاجىريبەلەردى قورىتىندىلاۋعا جانە ودان پايدالانۋعا ٴمان بەرەتىن بولجامپازدىعى مەن كورەگەندىگىن تولىق ايگىلەدى. وسى رەتكى جالپى ٴماجىلىستىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋعا باسا ٴمان بەرۋىن ٴبىر اۋىزدان قۇپتادى ٴارى قارار زەرتتەپ شەشۋگە ٴتيىستى كەلەلى ماسەلەلەر جونىندە كوپتەگەن جاقسى پىكىر مەن ۇسىنىستى العا قويدى.

  وڭىرلەر، تاراۋلار، ٴارقايسى جاقتار جاپپاي بىلاي دەپ قارادى: 100 جىلدان بەرى، پارتيا حالىقتى ىنتىماقتاستىرىپ جانە باستاپ توڭكەرىس، قۇرىلىس، رەفورمانىڭ ٴارقايسى تاريحي كەزەڭدەرىندە ۇزدىكسىز كۇرەس جۇرگىزىپ، جۇڭحۋا ۇلتىنىڭ دامۋ تاريحىندا، دۇنيە ٴجۇزى سوتسياليزمىنىڭ دامۋ تاريحىندا، ادامزات قوعامىنىڭ دامۋ تاريحىندا ۇمىتىلماس كەرەمەتتەر جاراتتى، تاياۋ زاماننان بەرگى جۇڭحۋا ۇلتىنىڭ تاريحي ٴۇردىسىن تۇبەگەيلى وڭادى، دۇنيە ٴجۇزى سوتسياليزمىنىڭ تاريحي دامۋى جونىندەگى شۇعىلالى داستاندى اسەرلى ەتىپ جازدى، ماركسيزمنىڭ تىڭ ٴورىسىن ٴساتتى اشتى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا وشپەس ەڭبەك ٴسىڭىرىپ، ادامزاتتىڭ العا باسۋىن جەبەۋ جولىندا كەلەلى ۇلەس قوستى. وسى ۇلى جورىقتا پارتيا مەن حالىق ەرەكشە مول باعالى تاريحي تاجىريبە توپتادى. بۇلاردىڭ بارلىعى جۇيەلى قورىتىندىلاۋعا تاتيدى. وڭىرلەر، تاراۋلار، ٴارقايسى جاقتار وسى رەتكى جالپى ٴماجىلىستىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلاۋ نەگىزىندە، جاڭا داۋىردەگى پارتيا مەن مەملەكەت ىستەرىندە قول جەتكەن تاريحي تابىستاردى، تۋىلعان تاريحي وزگەرىستەردى جانە سونى تاجىريبەلەردى ٴتۇيىندى تۇردە قورىتىندىلاۋىن ۇسىنىس ەتتى.

  پارتيا ورتالىق كوميتەتىنىڭ ورنالاستىرۋى بويىنشا، قۇجات دايىنداۋ گرۋپپاسى پارتيانىڭ ماڭىزدى تاريحي قۇجاتتارىن مۇقيات ۇيرەنىپ، وڭىرلەردىڭ، تاراۋلاردىڭ، ٴارقايسى جاقتاردىڭ پىكىرلەرى مەن ۇسىنىستارىن تولىق قابىلداپ، كەلەلى ماسەلەلەردى ىشكەرىلەي زەرتتەپ، قارار نۇسقاسىن دايىنداۋ قىزمەتىن مۇقيات ورىستەتتى.

  9 - ايدىڭ 6 - كۇنى، ورتالىق كوميتەت ساياسي بيۋروسى ٴماجىلىسىنىڭ قاۋلىسىنا ساي، قاراردىڭ پىكىر الۋ نۇسقاسى پارتيا ىشىندە بەلگىلى كولەمدە پىكىر الۋعا تاراتىپ بەرىلدى، جۇيەدەن پارتيا ىشىندەگى ٴبىر ٴبولىم ساقا جولداستاردان پىكىر الۋدان سىرت، تاعى ٴارقايسى دەموكراتيالىق پارتيا-توپتاردىڭ ورتالىق كوميتەتتەرىنىڭ، مەملەكەتتىك ونەركاسىپشىلەر مەن ساۋداگەرلەر بىرلەستىگىنىڭ جاۋاپتىلارى مەن پارتيادا، توپتا جوق قايراتكەرلەردىڭ ۋاكىلدەرىنەن ارناۋلى پىكىر الىندى.

  اڭىس ەتىلگەن پىكىرلەردەن قاراعاندا، وڭىرلەر، تاراۋلار، ٴارقايسى جاقتار قاراردىڭ پىكىر الۋ نۇسقاسىن تولىق تۇراقتاندىرىپ، قارار نۇسقاسىنىڭ جۇلگەلىك قۇرىلىمى مەن باستى مازمۇنىن ٴبىر اۋىزدان قۇپتادى. ٴبىر اۋىزدان بىلاي دەپ قارادى: قارار نۇسقاسىنىڭ ەڭ ايقىن ەرەكشەلىگى − شىندىقتى ٴىس جۇزىنەن ىزدەپ، تاريحقا قۇرمەت ەتىپ، پارتيانىڭ 100 جىلدىق كۇرەسىنىڭ اۋەلگى ماقساتى مەن بورىشىن بەينەلەگەن، تاريحي شىندىققا ۇيلەسەدى؛ قارار نۇسقاسى كەلەلى ىستەر، ماڭىزدى ماجىلىستەر، ماڭىزدى ادامدار جونىندەگى بايىمداۋلار مەن باعالاردى پارتيانىڭ تاريحي قۇجاتتارىنداعى بايىمداۋلارمەن جانە قورىتىندىلارمەن ٴوزارا ۇشتاستىرىپ، پارتيا 18 - قۇرىلتايىنان بەرگى، پارتيا ورتالىق كوميتەتىنىڭ پارتيا تاريحى جونىندەگى جاڭا تانىمىن ايگىلەدى. قارار نۇسقاسى قورىتىندىلاپ جيناقتاعان ”جۇڭگو كوممۋنيستىك پارتياسىنىڭ 100 جىلدىق كۇرەسىنىڭ تاريحي ماڭىزى“ پارتيانىڭ جۇڭگوعا، ادامزاتقا قوسقان تاريحي ۇلەسىن جان - جاقتى، تەرەڭ، جۇيەلى بەينەلەدى؛ قورىتىندىلاپ جيناقتاعان ”جۇڭگو كوممۋنيستىك پارتياسىنىڭ 100 جىلدىق كۇرەسىنىڭ تاريحي تاجىريبەلەرى“ تاريحتى، قازىرگىنى، بولاشاقتى ۇلاستىرىپ، كەلەلى تاريحي ماڭىزعا جانە رەال جەتەكشىلىك ماڭىزعا يە بولدى.

  وڭىرلەر، تاراۋلار، ٴارقايسى جاقتار جاپپاي بىلاي دەپ قارادى: قارار نۇسقاسى − جاڭا داۋىردەگى جۇڭگو كوممۋنيستەرىنىڭ اۋەلگى ماقسات پەن بورىشتى ەستە بەرىك ساقتاپ، جۇڭگوشا سوتسياليزمگە تاباندى بولۋىنىڭ جانە ونى دامىتۋىنىڭ ساياسي جارناماسى، تاريحتى اينا ەتىپ، بولاشاققا جول اشىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنىڭ ارەكەت باعدارناماسى، پارتيانىڭ الدىڭعى ەكى تاريحي قارارىنا ٴارى تامىرلاس ٴارى داۋىرمەن بىرگە دامىپ وتىرادى، ونىڭ بۇكىل پارتيانى جاڭا داۋىردەگى جاڭا جورىقتا اناعۇرلىم زور داڭققا قول جەتكىزۋگە ىنتالاندىراتىندىعى داۋسىز.

  پىكىر الۋ بارىسىندا وڭىرلەر، تاراۋلار، ٴارقايسى جاقتار كوپتەگەن جاقسى پىكىر مەن ۇسىنىستى العا قويدى. قۇجات دايىنداۋ گرۋپپاسى بۇل پىكىرلەر مەن ۇسىنىستارعا ٴبىر - بىردەن تالداۋ جاساپ، قابىلداۋعا بولاتىندارىن مۇمكىندىگىنشە قابىلدادى. قايتا-قايتا اقىلداسۋ، وي ەلەگىنەن وتكىزۋ ارقىلى قارار نۇسقاسىنىڭ 547 جەرىنە وزگەرىس ەنگىزىپ، وڭىرلەردىڭ، تاراۋلاردىڭ، ٴارقايسى جاقتىڭ پىكىرلەرى مەن ۇسىنىستارىن تولىق بەينەلەدى.

  قارار نۇسقاسىن دايىنداۋ بارىسىندا، ورتالىق كوميتەت ساياسي بيۋروسىنىڭ تۇراقتى كوميتەتى ٴۇش رەت ٴماجىلىس اشىپ، ورتالىق كوميتەت ساياسي بيۋروسى ەكى رەت ٴماجىلىس اشىپ قاراپ، وسى رەتكى جالپى ٴماجىلىستىڭ قاراۋىنا ۇسىنىلاتىن قارار نۇسقاسىن دايىندادى.

   ٴۇشىنشى، قارار نۇسقاسىنىڭ نەگىزگى جۇلگەسى جانە باستى مازمۇنى

  قارار نۇسقاسى العى ٴسوز بەن سوڭعى سوزدەن سىرت، جيىنى جەتى بولىمنەن قۇرالادى.

  ٴبىرىنشى ٴبولىمى ”جاڭا دەموكراتيالىق توڭكەرىستىڭ ۇلى جەڭىسىنە قول جەتكىزۋ“. وسى كەزەڭدەگى پارتيا ٴدوپ كەلگەن باستى مىندەت − يمپەرياليزمگە، فەوداليزمگە، بيۋروكرات كاپيتاليزمگە قارسى تۇرىپ، ۇلتتىڭ تاۋەلسىزدىگىنە، حالىقتىڭ ازاتتىعىنا قول جەتكىزۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ٴۇشىن ٴتۇبىرلى قوعامدىق شارت - جاعداي ازىرلەۋ ەكەندىگى ەگجەي - تەگجەيلى باياندالدى. پارتيا دۇنيەگە كەلگەن تاريحي ارتقى كورىنىسكە تالداۋ جاسالىپ، پارتيانىڭ حالىققا باسشىلىق ەتىپ، پارتيا قۇرىلعان العاشقى كەزدە جانە زور توڭكەرىس كەزىندە، جەر توڭكەرىسى سوعىسى كەزىندە، جاپون شاپقىنشىلارىنا قارسى سوعىس كەزىندە، ازاتتىق سوعىس كەزىندە جۇرگىزگەن توڭكەرىستىك كۇرەستەرىنىڭ تاريحي بارىسى مەن جاراتقان ۇلى تابىستارى، سونداي-اق ماۋ زىدۇڭ يدەياسىنىڭ جاراتىلۋى، پارتيا قۇرىلىسى ۇلى ينجەنەرياسىن اتقارۋدىڭ جانە ىلگەرىلەتۋدىڭ كەلەلى تابىستارى قورىتىندىلاندى. جۇڭحۋا حالىق رەسپۋبليكاسى قۇرىلىپ، ۇلت تاۋەلسىزدىگىنىڭ، حالىقتىڭ ازاتتىعىنىڭ جۇزەگە اسىپ، جۇڭگونىڭ نەشە مىڭ جىلدىق فەودالدىق دارا بيلىك ساياسيدان حالىق دەموكراتياسىنا دەيىنگى ۇلى سەكىرۋىن جۇزەگە اسىرعاندىعى؛ جۇڭگو كوممۋنيستىك پارتياسى مەن جۇڭگو حالقى ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە جۇڭگو حالقىنىڭ وسىدان باستاپ ورنىنان تۇرعاندىعىن، جۇڭحۋا ۇلتىن كىم كورىنگەن باسىناتىن، قورلايتىن ٴداۋىردىڭ ەندىگارى كەلمەسكە كەتكەندىگىن، جۇڭگونىڭ دامۋى وسىدان باستاپ جاڭا عاسىر اشقاندىعىن سالتاناتپەن جاريالاعاندىعى باسا دارىپتەلدى.

  ەكىنشى ٴبولىمى ”سوتسياليستىك توڭكەرىستى ورىنداۋ جانە سوتسياليستىك قۇرىلىستى ىلگەرىلەتۋ“. وسى كەزەڭدە پارتيا ٴدوپ كەلگەن باستى مىندەت − جاڭا دەموكراتيزمنەن سوتسياليزمگە بۇرىلىس جاساۋدى جۇزەگە اسىرىپ، سوتسياليستىك توڭكەرىس جۇرگىزىپ، سوتسياليستىك قۇرىلىستى ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ٴۇشىن ٴتۇبىرلى ساياسي العى شارت جانە تۇزىمدىك نەگىز قالاۋ ەكەندىگى ەگجەي - تەگجەيلى باياندالدى. جاڭا جۇڭگو قۇرىلعاننان كەيىن پارتيانىڭ حالىققا باسشىلىق ەتىپ، ٴبىرقىدىرۋ اۋىر سىن - سايىستى جەڭىپ، جاڭا بيلىكتى بەكەمدەپ، سوتسياليستىك وزگەرىس جاساۋدى ٴساتتى ورىنداپ، سوتسياليستىك ٴتۇزىم ورناتىپ، جاپپاي كەڭ كولەمدى سوتسياليستىك قۇرىلىس جۇرگىزىپ، سىرتقا باعىتتالعان قىزمەتتە جاڭا جاعداي جاراتۋىنىڭ تاريحي بارىسى جانە جاراتقان ۇلى تابىستارى قورىتىندىلاندى. پارتيانىڭ بيلىك باسىنداعى پارتيا قۇرىلىسىن كۇشەيتۋ جولىنداعى قۇلشىنىستارى مەن توپتاعان العاشقى تاجىريبەلەرى قورىتىندىلانىپ، وسى كەزەڭدە پارتيا قول جەتكىزگەن دارا جاسامپازدىققا يە نازاريالىق جەتىستىكتەردى بايانداۋ نەگىزىندە ماۋ زىدۇڭ يدەياسىنا عىلمي باعا بەرىلدى. وسى كەزەڭدەگى پارتيانىڭ حالىققا باسشىلىق ەتىپ ۇلى تابىستار جاراتىپ، بىرىنشىدەن كەدەي، ەكىنشىدەن اق، جان سانى كوپ شىعىستاعى ٴىرى ەل سوتسياليستىك قوعامعا ارشىندى قادام تاستاعان ۇلى سەكىرۋدى جۇزەگە اسىرعاندىعى؛ جۇڭگو كوممۋنيستىك پارتياسى مەن جۇڭگو حالقى ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە جۇڭگو حالقىنىڭ ەسكى دۇنيەنى قيراتا بىلۋمەن بىرگە جاڭا دۇنيەنى ورناتا دا بىلەتىندىگىن، تەك سوتسياليزم عانا جۇڭگونى قۇتقارا الاتىندىعىن، سوتسياليزم عانا جۇڭگونى دامىتا الاتىندىعىن سالتاناتپەن جاريالاعاندىعى باسا دارىپتەلدى.

  ٴۇشىنشى ٴبولىمى ”رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسىن جۇرگىزۋ“. وسى كەزەڭدە پارتيا ٴدوپ كەلگەن باستى مىندەت − جۇڭگونىڭ سوتسياليزمدى كوركەيتۋىنىڭ دۇرىس جولىن ۇزدىكسىز قاراستىرىپ، قوعامدىق وندىرگىش كۇشتەردى ازات ەتىپ جانە دامىتىپ، حالىقتى كەدەيلىكتەن ارىلتىپ، تەز ارادا بايىتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ٴۇشىن تىڭ ومىرشەڭدىككە تولى تۇزىلىستىك كەپىلدىك جانە تەز دامۋدىڭ ماتەريالدىق شارت - جاعدايىن ازىرلەۋ ەكەندىگى ەگجەي - تەگجەيلى باياندالدى. پارتيا 11 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ تاريحي ماڭىزى باسا دارىپتەلىپ، دىڭ شياۋپيڭ جولداستى باستى ۋاكىل ەتكەن جۇڭگو كوممۋنيستەرى، جياڭ زىمين جولداستى باستى ۋاكىل ەتكەن جۇڭگو كوممۋنيستەرى، حۋ جينتاۋ جولداستى باستى ۋاكىل ەتكەن جۇڭگو كوممۋنيستەرى قوسقان تاريحي ۇلەستەر قورىتىندىلانىپ، پارتيانىڭ بىلىقپالىقتى وڭاۋدى جاپپاي ورىستەتۋگە باسشىلىق ەتۋ، جۇڭگوشا سوتسياليزمنىڭ نازاريالىق جۇيەسىن قالىپتاستىرۋ، رەفورمالاۋ، ەسىك اشۋدى جانە سوتسياليستىك وسىزامانداندىرۋ قۇرىلىسىن ىلگەرىلەتۋ، ەلىمىزدىڭ رەفورما، دامۋ، ورنىقتىلىق جالپى جاعدايىنا ساياتىن ٴبىرقىدىرۋ حاۋىپ - قاتەر مەن سىناقتارعا بايىپتىلىقپەن توتەپ بەرۋ، وتاندى بىرلىككە كەلتىرۋ ۇلى ٴىسىن ىلگەرىلەتۋ، دۇنيە ٴجۇزىنىڭ بەيبىتشىلىگىن قورعاۋ جانە بىرگە دامۋدى جەبەۋ، پارتيا قۇرىلىسىنىڭ جاڭا ۇلى ينجەنەرياسىنىڭ نەگىزىن سالۋ جانە ونى ىلگەرىلەتۋ سياقتى جاقتاردا جاڭا ٴداۋىردىڭ ايبىندى تاريحي كارتيناسى جانە دۇنيەنى جالت قاراتقان ۇلى تابىستارى ايگىلەندى. وسى كەزەڭدەگى پارتيانىڭ حالىققا باسشىلىق ەتىپ جاراتقان ۇلى تابىستارى، جۇڭحۋا ۇلتىنىڭ ەڭسە كوتەرۋدەن بايۋعا دەيىنگى ۇلى سەكىرۋىن ىلگەرىلەتۋى؛ جۇڭگو كوممۋنيستىك پارتياسى مەن جۇڭگو حالقى ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە رەفورمالاۋ، ەسىك اشۋدىڭ زامانىمىزداعى جۇڭگونىڭ بولاشاعى مەن تاعدىرىن بەلگىلەيتىن شەشۋشى شارا ەكەندىگىن، جۇڭگوشا سوتسياليزم جولىنىڭ جۇڭگونىڭ دامۋىنا، كوركەيىپ - گۇلدەنۋىنە جەتەكشىلىك ەتەتىن دۇرىس جول ەكەندىگىن، جۇڭگو ارشىندى قاداممەن ٴداۋىر كوشىن قۋىپ جەتكەندىگىن سالتاناتپەن جاريالاعاندىعى باسا دارىپتەلدى.

  ٴتورتىنشى ٴبولىمى ”جۇڭگوشا سوتسياليزمنىڭ جاڭا داۋىرىنە جول اشۋ“. وسى كەزەڭدە پارتيا ٴدوپ كەلگەن باستى مىندەت − جاپپاي دوڭگەلەك داۋلەتتى قوعام ورناتۋدىڭ ٴبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ەكىنشى 100 جىلدىق كۇرەس نىساناسىنىڭ جاڭا جورىعىن باستاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ۇلى نىساناسىنا قاراي ۇزدىكسىز العا باسۋ ەكەندىگى ەگجەي - تەگجەيلى باياندالدى. جۇڭگوشا سوتسياليزمنىڭ جاڭا ٴداۋىرىنىڭ ەلىمىزدىڭ دامۋىنداعى جاڭا تاريحي ورنى باياندالىپ، پارتيا 18 - قۇرىلتايىنان بەرگى پارتيانىڭ نازاريادا جاڭالىق اشۋ جەتىستىكتەرى جيناقتالىپ، جاڭا داۋىردەگى پارتيا ٴدوپ كەلگەن جاعدايعا، ٴدوپ كەلگەن حاۋىپ - قاتەرلەر مەن سىن - سايىستارعا ىشكەرىلەي تالداۋ جاسالىپ، پارتيانىڭ جالپى بەتتىك باسشىلىعىنا تاباندى بولۋ، پارتيانى جاپپاي قاتاڭ باسقارۋ، ەكونوميكالىق قۇرىلىس، رەفورمالاۋ، ەسىك اشۋدى جاپپاي تەرەڭدەتۋ، ساياسي قۇرىلىس، مەملەكەتتى جاپپاي زاڭمەن باسقارۋ، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى، مەملەكەت قورعانىسى مەن ارميا قۇرىلىسى، مەملەكەت حاۋىپسىزدىگىن قورعاۋ، ”ٴبىر ەل، ەكى تۇزىمگە“ تاباندى بولۋ جانە وتاننىڭ بىرلىككە كەلۋىن ىلگەرىلەتۋ، ديپلوماتيالىق قىزمەت سياقتى 13 جاقتان جاڭا داۋىردەگى پارتيا مەن مەملەكەت ىستەرىندە قول جەتكەن تاريحي تابىستار، تۋىلعان تاريحي وزگەرىستەر سالالار بويىنشا قورىتىندىلانىپ، توعىز جىلدان بەرگى اۋەلگى يدەيا، توڭكەرىس سيپاتتى اماليات، شەشۋشى ىلگەرىلەۋشىلىكتەر، بەلگى سيپاتتى جەتىستىكتەر ٴتۇيىندى تۇردە قورىتىندىلاندى. وسى كەزەڭدەگى پارتيانىڭ حالىققا باسشىلىق ەتىپ جاراتقان ۇلى تابىستارىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ٴۇشىن اناعۇرلىم كەمەلدى تۇزىمدىك كەپىل، اناعۇرلىم بەرىك ماتەريالدىق نەگىز، اناعۇرلىم ىرىقتى رۋحاني كۇش ازىرلەگەندىگى؛ جۇڭگو كوممۋنيستىك پارتياسى مەن جۇڭگو حالقى ەرلىكپەن، قايسارلىقپەن كۇرەس جۇرگىزۋ ارقىلى دۇنيە جۇزىنە جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى سەكىرۋدى قارسى العاندىعىن سالتاناتپەن جاريالاعاندىعى باسا دارىپتەلدى.

  بەسىنشى ٴبولىمى ”جۇڭگو كوممۋنيستىك پارتياسىنىڭ 100 جىلدىق كۇرەسىنىڭ تاريحي ماڭىزى“. پارتيانىڭ 100 جىلدىق كۇرەس بارىسى مەن كەلەلى تابىستارىن جالپى بەتتىك ەسكە الۋ جانە قورىتىندىلاۋ نەگىزىندە، پارتيانىڭ 100 جىلدىق كۇرەسىنىڭ تاريحي ماڭىزى اناعۇرلىم كەڭ كوز ايامەن قورىتىندىلاندى، ياعني، پارتيانىڭ 100 جىلدىق كۇرەسى جۇڭگو حالقىنىڭ بولاشاعى مەن تاعدىرىن تۇبىرىنەن وزگەرتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولىن اشتى، ماركسيزمنىڭ قۇدىرەتتى ومىرشەڭدىك قۋاتىن ايگىلەدى، دۇنيە تاريحىنىڭ ۇردىسىنە تەرەڭ اسەر ەتتى، ٴداۋىردىڭ الدىڭعى لەگىندە جۇرگەن جۇڭگو كوممۋنيستىك پارتياسىن شىڭدادى، پارتيانىڭ جۇڭگو حالقىنا، جۇڭحۋا ۇلتىنا، ماركسيزمگە، ادامزاتتىڭ العا باسۋ ىستەرىنە، ماركسيزمدىك ساياسي پارتيا قۇرىلىسىنا قوسقان تاريحي ۇلەسىن باياندادى. وسى بەس تارماقتى جيناقتاساق: ٴارى كەڭ بايتاق جۇڭحۋا دالاسىن تياناق ەتىپ ٴارى ادامزاتتىڭ بولاشاعىنا كوز جىبەرىپ، جۇڭگو كوممۋنيستىك پارتياسى مەن جۇڭگو حالقىنىڭ، جۇڭحۋا ۇلتىنىڭ قاتىناسىن ايگىلەدى، جۇڭگو كوممۋنيستىك پارتياسى مەن ماركسيزمنىڭ، دۇنيە ٴجۇزى سوتسياليزمىنىڭ، ادامزات قوعامىنىڭ دامۋ قاتىناسىن ايگىلەدى، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ تاريحي لوگيكاسىن، نازاريالىق لوگيكاسىن، امالياتتىق لوگيكاسىن توعىستىردى.

  التىنشى ٴبولىمى ”جۇڭگو كوممۋنيستىك پارتياسىنىڭ 100 جىلدىق كۇرەسىنىڭ تاريحي تاجىريبەلەرى“. ٴتۇبىرلى جانە ۇزاق بولاشاقتىق جەتەكشىلىك ماڭىزعا يە 10 ٴتۇرلى تاريحي تاجىريبە جيناقتالدى، اتاپ ايتقاندا، پارتيا باسشىلىعىنا تاباندى بولۋ، حالىقتى بارىنەن جوعارى قويۋعا تاباندى بولۋ، نازاريادا جاڭالىق اشۋعا تاباندى بولۋ، دەربەس، وزىنە - ٴوزى قوجايىن بولۋعا تاباندى بولۋ، جۇڭگو جولىنا تاباندى بولۋ، كۇللى دۇنيەگە كەڭ پەيىل بولۋعا تاباندى بولۋ، تىڭنان جاڭالىق اشۋعا تاباندى بولۋ، باتىل كۇرەس جۇرگىزۋگە تاباندى بولۋ، بىرلىكساپقا تاباندى بولۋ، وزىنە - ٴوزى توڭكەرىس جاساۋعا تاباندى بولۋ. وسى 10 ٴتۇرلى تاريحي تاجىريبە جۇيەسى كەمەلدى، ٴبىر - بىرىمەن بايلانىستى ورگانيكالى تۇتاس تۇلعا بولىپ، پارتيا مەن حالىقتىڭ ىستەرىنىڭ ۇزدىكسىز تابىسقا جەتۋىنىڭ ٴتۇبىرلى كەپىلىن اشىپ كورسەتتى، پارتيانىڭ باستان - اياق جەڭىمپاز ورىندا تۇرۋىنىڭ كۇش قاينارىن اشىپ كورسەتتى، پارتيانىڭ باستان - اياق تاريحي ىرىقتىلىقتى مەڭگەرۋىنىڭ ٴتۇبىرلى سەبەبىن اشىپ كورسەتتى، پارتيانىڭ العاباسارلىعى مەن كىرشىكسىزدىگىن ماڭگى ساقتاپ، باستان - اياق ٴداۋىردىڭ الدىڭعى لەگىندە ٴجۇرۋىنىڭ ٴتۇبىرلى جولىن اشىپ كورسەتتى. وسى 10 ٴتۇرلى تاريحي تاجىريبەنىڭ ۇزاق ۋاقىتتىق اماليات ارقىلى توپتالعان باعالى تاجىريبە، پارتيا مەن حالىق بىرگە جاراتقان رۋحاني بايلىق ەكەندىگى، ونى، ٴسوز جوق، بارىنشا قاستەرلەپ، وعان ۇزاق ۋاقىت تاباندى بولىپ ٴارى جاڭا داۋىردەگى اماليات بارىسىندا ۇزدىكسىز بايىتۋ جانە دامىتۋ كەرەكتىگى باسا دارىپتەلدى.

  جەتىنشى ٴبولىمى ”جاڭا داۋىردەگى جۇڭگو كوممۋنيستىك پارتياسى“. ەكىنشى 100 جىلدىق كۇرەس نىساناسىن جۇزەگە اسىرۋدى ارقاۋ ەتىپ، بۇكىل پارتيا العان بەتتەن قايتپايتىن قايسارلىقپەن بەلگىلەنگەن نىسانانى كۇش سالا جۇزەگە اسىرىپ، ٴجۇز شاقىرىم جولدىڭ توقسان شاقىرىمىن باسساڭ دا جارىم جولدا ٴجۇرمىن دەپ ٴبىل دەيتىن تاباندىلىقپەن جۇڭحۋا ۇلتىنىڭ ۇلى گۇلدەنۋىن ىلگەرىلەتۋ كەرەكتىگى باسا دارىپتەلدى؛ پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا، ٴسوز جوق، تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، جوعارى ساپالى دامۋدى ىلگەرىلەتىپ، حالىقتى بايىتۋدى، مەملەكەتتى قۇدىرەتتەندىرۋدى، كورىكتى جۇڭگو قۇرۋدى سايكەستى ىلگەرىلەتۋ كەرەكتىگى باسا دارىپتەلدى؛ حالىق بۇقاراسىمەن ەتەنە بايلانىستى، ٴسوز جوق، ماڭگى ساقتاپ، ەڭ كوپ حالىقتىڭ ٴتۇبىرلى مۇددەسىن ۇزدىكسىز ويداعىداي جۇزەگە اسىرۋ، ويداعىداي قورعاۋ، ويداعىداي دامىتۋ كەرەكتىگى باسا دارىپتەلدى؛ ۋايىم مەن تارشىلىق ادامدى ٴومىر سۇرۋگە جەتەلەيتىندىگىن، جايلى، راحات تىرشىلىك زاۋالعا قاراي يتەرمەلەيتىندىگىن، قاشان دا ۇزاق بولاشاقتى كوزدەۋ كەرەكتىگىن، امانشىلىقتا جامانشىلىقتىڭ بولارىن، ٴسوز جوق، ەستەن شىعارماي، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتۋ كەرەكتىگى باسا دارىپتەلدى؛ ٴسوز جوق، ٴىزباسارلار بولۋ كەرەك دەگەن وسى ٴتۇبىرلى ۇلى جوسپاردى ويداعىداي يگەرۋ كەرەكتىگى باسا دارىپتەلدى. بۇكىل پارتيانى، بۇكىل ارميانى، بۇكىل ەلدەگى ٴار ۇلت حالقىن كەشەگى ازاپتى كۇندەر مەن شۇعىلالى شاقتاردى ۇمىتپاي، بۇگىنگى بورىش پەن مىندەتكە ادال بولىپ، ەرتەڭگى ۇلى ارماندى ورىنداپ، تاريحتى اينا ەتىپ، بولاشاققا جول اشىپ، قاجىرلىلىقپەن قۇلشىنا ىستەپ، ەرلىكپەن العا باسىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋگە ۇندەدى.

  جولداستار! بۇل قاراردى قاراپ ماقۇلداۋ وسى رەتكى جالپى ٴماجىلىستىڭ باستى مىندەتى. كوپشىلىك پارتيا ورتالىق كوميتەتىنىڭ تالابىن دايەكتى تياناقتاندىرىپ، تاريحتى، قازىرگىنى، بولاشاقتى جەتىك يگەرىپ، ىشكەرىلەي وي جۇگىرتىپ، ۇڭىلە زەرتتەۋ جۇرگىزىپ، بار زەيىندى شوعىرلاندىرىپ، كوپتىڭ اقىل-پاراساتىن ساۋلەلەندىرىپ، سىندارلى پىكىرلەر مەن ۇسىنىستاردى العا قويىپ، وسى رەتكى جالپى ٴماجىلىستى بىرگە ويداعىداي اشىپ، قارار نۇسقاسىن ويداعىداي وزگەرتۋگە ٴتيىس.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار