شينجياڭ اقاۋسىز، ورنىقتى ورمان ەكولوگيالىق جۇيەسىن قالىپتاستىرۋدى جەدەلدەتتى
2021.01.14 15:23 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جاڭ يۇنمەي 1 - ايدىڭ 12 - كۇنى ۇرىمجىدەن حابارلايدى. اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋعا قاراعاندا، قاتاڭ شارالار قولدانىپ بارلىق تابيعي ورماندى قورعاپ، تابيعي ورماندى نەگىزگى تۇلعا ەتكەن اقاۋسىز، ورنىقتى ورمان ەكولوگيالىق جۇيەسىن قالىپتاستىرۋدى جەدەلدەتۋ ءۇشىن جۋىقتا اۆتونوميالى رايوندىق پارتكوم كەڭسەسى، اۆتونوميالى رايوندىق حالىق ۇكىمەتى كەڭسەسى «اۆتونوميالى رايوننىڭ تابيعي ورماندى قورعاۋ، قالپىنا كەلتىرۋ ءتۇزىمىن اتقارۋ جوباسىن» (تومەندە قىسقاشا «جوبا» دەلىنەدى) باسىپ تاراتتى.
«جوبادا» مىنالار ايقىندالدى: 2035 - جىلعا جەتكەندە، تابيعي ورماننىڭ ساقتالۋ مولشەرى ورنىقتىرىلىپ، تابيعي ورمان ەكولوگيالىق جۇيەسى اناعۇرلىم تۇراقتاندىرىلادى، ورمان الابىنىڭ ساپاسى ونان ارى جوعارىلاتىلىپ، تۇرلەردىڭ الۋاندىعى ونان ارى مولايادى. وسى عاسىردىڭ ورتا شەنىنە جەتكەندە، تابيعي ورماندى نەگىزگى تۇلعا ەتكەن اقاۋسىز، ورنىقتى، فۋنكتسياسى كەمەلدى ورمان ەكولوگيالىق جۇيەسى جالپى بەتتىك قالىپتاسىپ، حالىق بۇقاراسىنىڭ كورىكتى ەكولوگيالىق ورتاعا، ساپالى ەكولوگيالىق ونىمدەرگە جانە مول ورمان شارۋاشىلىعى ونىمدەرىنە بولعان قاجەتى قاناعاتتاندىرىلىپ، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋعا بەرىك ەكولوگيالىق نەگىز قالانادى.
«جوبادا» ءتۇزىم قۇرىلىسى كورنەكتىلەندىرىلىپ، تابيعي ورماندى باسقارۋ، قورعاۋ ءتۇزىمىن، پايدالانۋدى باسقارۋ ءتۇزىمىن، قالپىنا كەلتىرۋ ءتۇزىمىن جانە قالپىنا كەلتىرۋدى باقىلاۋ - باسقارۋ ءتۇزىمىن تياناقتاندىرۋ باسا دارىپتەلدى. اۆتونوميالى رايوندىق تابيعي ورماندى قورعاۋ ورتالىعىنىڭ (اۆتونوميالى رايوندىق ورمان، باقشا باسقارۋ ورتالىعى) مەڭگەرۋشىسى ساۋ ديڭگۇي بىلاي دەدى: «جوبانىڭ» شىعارىلۋى رايونىمىزدىڭ تابيعي ورماندى قورعاۋ ىستەرىن تۇزىمدەنۋ، زاڭمەن جونگە سالۋ ارناسىنا ءتۇسىردى. رايونىمىزدىڭ تابيعي ورماندى قورعاۋى دا بۇرىنعى جالاڭ قورعاۋدى كورنەكتىلەندىرۋدەن جالپى بەتتىك قورعاۋعا، جۇيەلى قالپىنا كەلتىرۋگە، پايدالانۋدى باسقارۋ - مەڭگەرۋگە، جاۋاپكەرشىلىك پەن ۇقىقتى ايقىنداۋعا قاراي بۇرىلىس جاسادى.
«جوبادا» بۇدان بىلاي ۇكىمەت جەتەكشىلىك ەتەتىن، قوعام ات سالىساتىن، جەرگىلىكتى ءار دارەجەلى ۇكىمەتتەر جاۋاپكەرشىلىك ارقالايتىن تابيعي ورماندى قورعاۋ، قالپىنا كەلتىرۋ تۇلعالىق جاۋاپكەرشىلىگىنە تاباندى بولۋ اناعۇرلىم ايقىندالىپ، جەرگىلىكتى ۇكىمەتتەردىڭ تابيعي ورماندى قورعاۋعا اكىمشىلىك باستىق جاۋاپتى بولۋ ءتۇزىمىن جانە نىسانالىق جاۋاپكەرشىلىكتى باعالاۋ ءتۇزىمىن ورناتىپ ءارى تابيعي ورماندى قورعاۋدى، قالپىنا كەلتىرۋدى باقىلاۋ - تەكسەرۋ تەبىنىن كۇشەيتىپ، ناتيجە بويىنشا باسقارۋدى جولعا قويىپ، تابيعي ورماندى قورعاۋ، قالپىنا كەلتىرۋ ناتيجەسىن باسشى كادرلاردىڭ تابيعي بايلىق مال - مۇلكىنە مىندەتتەن بوساعان سوڭ (مىندەت وتەۋ بارىسىندا) قازىنالىق باقىلاۋ جۇرگىزۋ ىستەرىنە ەنگىزىپ، ءار دارەجەلى پارتكوم مەن ۇكىمەتتى، سونداي - اق باسشى كادرلاردى جالپىلىق باعالاۋدىڭ ماڭىزدى پايدالانۋ ماتەريالى ەتۋ كەرەكتىگى العا قويىلدى.
«جوبادا» تابيعي ورماندى قورعاۋ، قالپىنا كەلتىرۋ جاۋاپكەرشىلىگىن قۋزاستىرۋ كۇشەيتىلىپ، تابيعي ورماندى قورعاۋ ساياساتىن جانە ورنالاستىرۋىن تياناقتاندىرۋ پارمەندى بولماعان، كوزسىزدىكپەن شەشىم جاساپ، اۋىر زارداپ تۋدىرعانداردى؛ تابيعي ورماندى قورعاۋدا، قالپىنا كەلتىرۋدە جاۋاپكەرشىلىك ارقالاماي، ىسكەرلىك كورسەتپەي، اۋىر زارداپ تۋدىرعانداردى؛ تابيعي ورمان بايلىعىن ءبۇلدىرۋ ۋاقيعالارىن ءبىر جاقتى ەتۋى پارمەندى بولماي، رەتتەۋ - تۇزەتۋدى اتقارۋى تياناقتى بولماي، ەلەۋلى ىقپال تۋدىرعانداردى بەلگىلەمە بويىنشا، ءتارتىپ بويىنشا، زاڭ بويىنشا قاتاڭ جاۋاپقا تارتۋ العا قويىلدى.
ۇعىسۋعا قاراعاندا، شينجياڭدا تابيعي ورمان، باستىسى، تيانشان تاۋىنا، التاي تاۋىنا جانە كۇنلۇن تاۋىنا تارالعان، 1998 - جىلى تابيعي ورماندى قورعاۋ ينجەنەرياسى سىناق ءتۇيىنى ىسكە قوسىلعان. 22 جىلدان بەرى شينجياڭنىڭ تابيعي ورماندى قورعاۋ ينجەنەرياسىندا قۇرىلىس جانە قارجى قوسۋ تەبىنى ۇزدىكسىز ارتتىرىلىپ، جالپى 5 ميلليارد 870 ميلليون يۋان قارجى قوسىلىپ، تابيعي ورمان ءونىمدى قورعالعان.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
