جاڭا دامۋ ۇستانىمىن تولىق، دۇرىس، جاپپاي دايەكتىلەندىرەيىك
− باس شۋجي شي جينپيڭنىڭ ولكە، مينيسترلىك دارەجەلى ارناۋلى تاقىرىپتىق زەرتتەۋ - تالقىلاۋ كۋرسىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2021.01.14 16:06 كەلۋ قاينارى : حالىق تورابى
پارتيانىڭ حالىققا باسشىلىق ەتىپ، ەل باسقارىپ، بيلىك جۇرگىزۋىنىڭ ەڭ ماڭىزدى ءبىر جاعى قانداي دامۋدى جۇزەگە اسىرۋ، دامۋدى قالاي جۇزەگە اسىرۋ سىندى كەلەلى ماسەلەگە ويداعىداي جاۋاپ بەرۋ بولىپ تابىلادى.
ولكە، مينيسترلىك دارەجەلى نەگىزگى باسشى كادرلاردىڭ پارتيا 19 – كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىبىنداعى زەرتتەۋ – تالقىلاۋ كۋرسىنىڭ ساباق باستاۋ سالتىندا باس شۋجي شي جينپيڭ بىلاي دەپ ىشكەرىلەي اتاپ كورسەتتى: جاڭا دامۋ ۇستانىمى − جۇيەلى نازاريالىق جۇيە، وندا دامۋدىڭ ماقساتى، قوزعاۋشى كۇشى، ءتاسىلى، جولى سياقتى ءبىرقىدىرۋ نازاريالىق جانە امالياتتىق ماسەلەگە جاۋاپ بەرىلىپ، پارتيامىزدىڭ دامۋ جونىندەگى ساياسي مايدانى، قۇن بەتالىسى، دامۋ ۇلگىسى، دامۋ جولى سياقتى كەلەلى ساياسي ماسەلەلەر پايىمدالدى، بۇكىل پارتيادان جاڭا دامۋ تانىمىن، ءسوزسىز، تولىق، دۇرىس، جاپپاي دايەكتىلەندىرۋ ايقىن تالاپ ەتىلدى.
ۇستانىم − ارەكەتتىڭ جەتەكشىسى، بەلگىلى دامۋ امالياتىنىڭ بارلىعىنا بەلگىلى دامۋ ۇستانىمى ارقىلى جەتەكشىلىك ەتىلەدى. دامۋ ۇستانىمىنىڭ دۇرىس - بۇرىستىعى دامۋدىڭ ونىمدىلىگىن، ءتىپتى، جەڭىس - جەڭىلىسىن تۇبىرىنەن بەلگىلەيدى. پارتيانىڭ 18 – قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتى ەكونوميكالىق جاعدايعا عىلمي تۇجىرىم جاساپ، ەكونوميكالىق، قوعامدىق دامۋ جونىنەن كوپتەگەن كەلەلى نازاريا جانە يدەيانى ورتاعا قويىپ، دامۋ تانىمى مەن وي جەلىسىن دەر كەزىندە رەتتەدى، مۇنىڭ ىشىندە جاڭا دامۋ تانىمى ەڭ ماڭىزدى، ەڭ باستى ورىندا تۇرادى، ول ەلىمىز ەكونوميكاسىنىڭ دامۋىندا تاريحي تابىسقا قول جەتكىزىلىپ، تاريحي وزگەرىس جارىققا شىعۋىنا جەتەكشىلىك ەتتى. اماليات مىنانى تولىق دالەلدەدى: جاڭا دامۋ ۇستانىمىنىڭ اسا كۇشتى ستراتەگيالىق، باعدارلامالىق، جەتەكشىلىك سيپاتى بار، ول − قولباسشىلىق تاياقشاسى، قىزىل، جاسىل شىراق، ەلىمىزدىڭ دامۋ وي جەلىسىنىڭ، دامۋ باعىتىنىڭ، دامۋداعى كۇش سالۋ ءتۇيىنىنىڭ شوعىرلى بەينەلەنۋى، جالپى جاعدايدى، نەگىزدى، ۇزاق بولاشاقتى مەڭگەرەتىن بەتالىس. «14 – بەسجىلدىق» كەزىندە ەلىمىز جاڭا دامۋ ساتىسىنا قادام تاستادى، ءۇرتىس دامۋ جاعىندا كوپ جاقتى ابزالدىققا جانە شارت – جاعدايعا يە بولدىق، سونىمەن بىرگە، ەلىمىز دامۋىنىڭ بىركەلكى، تولىق بولماۋ ماسەلەسى ءالى دە كورنەكتى بولىپ وتىر، دامۋ بارىسىنداعى قايشىلىقتار مەن ماسەلەلەر دامۋ ساپاسىندا شوعىرلى بەينەلەندى. جاڭا دامۋ ۇستانىمىن بۇلجىتپاي دايەكتىلەندىرىپ، دامۋ ساپاسى ماسەلەسىن اناعۇرلىم كورنەكتى ورىنعا قويىپ، دامۋ ساپاسى مەن ونىمدىلىگىن كۇش سالا جوعارىلاتىپ، دامۋ تاسىلىندە شىنايى بۇرىلىس جاساپ، ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتكەندە عانا ساپالى دامۋدى جۇزەگە اسىرۋعا بولادى.
جاڭا دامۋ ۇستانىمىن قايتكەندە كەمەلدى، دۇرىس، جاپپاي دايەكتىلەندىرۋگە بولادى؟ باس شۋجي شي جينپيڭ ءۇش جاقتان ىشكەرىلەي پايىمداۋ جاسادى. ءبىرىنشى، جاڭا دامۋ ۇستانىمىن ءتۇبىرلى ماقساتتان يگەرۋ. حالىق − پارتيامىزدىڭ بيلىك جۇرگىزۋىنىڭ ەڭ تەرەڭ نەگىزى جانە ەڭ ۇلكەن تىرەگى. حالىقتىڭ باقىتىن، ۇلتتىڭ گۇلدەنۋىن كوزدەۋ − پارتيامىزدىڭ وسىزامانداندىرۋ قۇرىلىسىنا باسشىلىق ەتۋىنىڭ شىعار ءتۇيىنى جانە تابان تىرەر تياناعى، سونداي - اق جاڭا دامۋ ۇستانىمىنىڭ تامىرى جانە جانى. حالىقتى وزەك ەتكەن دامۋ يدەياسىندا تاباندى بولىپ، دامۋدا حالىقتى كوزدە ۇستاۋدا، دامۋدا حالىققا سۇيەنۋدە، دامۋ جەتىستىكتەرىنەن حالىق ورتاق يگىلىكتەنۋدە تاباندى بولعاندا عانا دۇرىس دامۋ كوزقاراسى، وسىزاماندانۋ كوزقاراسى بولادى. بىرگە اۋقاتتانۋدى جۇزەگە اسىرۋ ەكونوميكالىق ماسەلە عانا ەمەس، ونىڭ ۇستىنە پارتيانىڭ بيلىك جۇرگىزۋ نەگىزىنە قاتىستى كەلەلى ساياسي ماسەلە. قاجەت پەن مۇمكىندىكتى ءبىر تۇتاس ويلاستىرىپ، ەكونوميكالىق، قوعامدىق دامۋدىڭ زاڭدىلىعى بويىنشا بىرتىندەپ ىلگەرىلەپ، وڭىرلىك پارىق، قالا مەن اۋىلدىڭ پارقى، كىرىس پارقى سياقتى ماسەلەلەردى سانالى، ىرىقتى تۇردە شەشىپ، حالىق بۇقاراسىنىڭ تابىس، باقىت، حاۋىپسىزدىك سەزىمىن ۇزدىكسىز كۇشەيتۋ كەرەك. ەكىنشى، جاڭا دامۋ ۇستانىمىن ماسەلەنى نىشان ەتە وتىرىپ يگەرۋ. ەلىمىزدىڭ دامۋى جاڭا تاريحي باستامادا تۇر، جاڭا دامۋ ساتىسىنداعى جاڭا تالاپقا ساي، ماسەلەنى نىشان ەتۋدەن جازباي، جاڭا دامۋ ۇستانىمىن اناعۇرلىم دالمە - ءدال دايەكتىلەندىرىپ، شارالاردى اناعۇرلىم دالمە - ءدال، ناقتى قولدانىپ، دامۋدىڭ بىركەلكى، تولىق بولماۋى ماسەلەسىن شىن مانىندە ويداعىداي شەشكەندە عانا ساپالى دامۋدى شىن مانىندە جۇزەگە اسىرۋعا بولادى. ءۇشىنشى، جاڭا دامۋ ۇستانىمىن تاۋقىمەت تانىمىنان يگەرۋ. ەلىمىز قوعامىنداعى باستى قايشىلىقتىڭ وزگەرۋى مەن حالىقارالىق كۇشتەردىڭ سالىستىرماسىنىڭ تەرەڭ رەتتەلۋىنە بايلانىستى، ءسوز جوق، تاۋقىمەت تانىمىن كۇشەيتىپ، تومەنگى شەكتە ويلاۋدا تاباندى بولىپ، اناعۇرلىم كۇردەلى، قيىن جاعدايعا توتەپ بەرۋگە قاي - قاشان دا دايىن تۇرۋ كەرەك. ساياسي حاۋىپسىزدىكتىڭ، حالىق حاۋىپسىزدىگىنىڭ، مەملەكەت مۇددەسىن بارىنەن جوعارى قويۋدىڭ ورگانيكالى بىرلىگىندە تاباندى بولىپ، كۇرەس جۇرگىزۋگە باتىل بولۋمەن بىرگە، كۇرەس جۇرگىزۋگە شەبەر بولىپ، ءوزىمىزدى جاپپاي الۋەتتەندىرۋىمىز كەرەك.
«وي - سانامىز اشىق بولعان سايىن، ءىس - ارەكەتىمىز سولعۇرلىم ناتيجەلى بولادى». جاڭا دامۋ ۇستانىمى اناعۇرلىم ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋدا، ءسوزسىز، باسىپ وتەتىن جولدى تەرەڭ اشىپ كورسەتتى، جاڭا دامۋ ۇستانىمىن دايەكتىلەندىرۋ، تياناقتاندىرۋ − ەلىمىز دامۋىنىڭ جالپى جاعدايىنا ساياتىن تەرەڭ وزگەرىس. جاڭا دامۋ ۇستانىمىن دامۋدىڭ تۇتاس بارىسىنا جانە ءار سالاسىنا ءسىڭىرىپ، جاڭالىق اشۋدىڭ ءبىرىنشى قوزعاۋشى كۇشكە اينالۋىن، سايكەستىرۋدىڭ ىشكى ەرەكشەلىككە اينالۋىن، جاسىل دامۋدىڭ جالپىلىق كۇيگە اينالۋىن، ەسىك اشۋدىڭ باسىپ وتەتىن جولعا اينالۋىن، بىرگە يگىلىكتەنۋدىڭ ءتۇبىرلى ماقساتقا اينالۋىن ۇزدىكسىز جەبەپ، دامۋداعى قيىن ماسەلەلەردى ۇزدىكسىز شەشىپ، دامۋدىڭ قوزعاۋشى كۇشىن ارتتىرىپ، دامۋ ابزالدىعىن بەكەمدەپ، جاڭا دامۋ جاعدايىن جەدەل قالىپتاستىرعاندا عانا، ءبىز، ءسوز جوق، «14 - بەسجىلدىق» جوسپار مەزگىلىندەگى ساپالى دامۋدى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدا جاقسى باستاما اشىپ، تىڭعىلىقتى قادام تاستاۋعا كەپىلدىك ەتە الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
