بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

سۇن چۇنلان مەملەكەتتىك ىندەتتەن ساقتانۋ – تىزگىندەۋ قىزمەتى جونىندەگى تەلەۆيزور – تەلەفون ماجىلىسىندە مىنانى باسا دارىپتەدى

بوساڭسۋ، سالعىرتتانۋ يدەياسىن باتىل جويىپ، وڭايلىقپەن قولعا كەلمەگەن ساقتانۋ – تىزگىندەۋ جەتىستىكتەرىن بەكەمدەيىك

2021.01.15 15:08     كەلۋ قاينارى : حالىق تورابى

  حالىق گازەتىنىڭ 1 – ايدىڭ 14 – كۇنى بەيجيڭنەن بەرگەن حابارى. مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى 1 – ايدىڭ 14 – كۇنى بەيجيڭدە تەلەۆيزور – تەلەفون ءماجىلىسىن اشتى، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان ماجىلىسكە قاتىناستى ءارى ءسوز سويلەدى. ول مىنانى باسا دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ ىندەتتەن ساقتانۋ – تىزگىندەۋ جونىندەگى شەشىمدەرى مەن ورنالاستىرۋلارىن تياناقتاندىرىپ، ىندەتتەن ساقتانۋ – تىزگىندەۋ ادىرناسىن باستان – اياق مىقتاپ تارتىپ، «ءتورت جاق جاۋاپكەرشىلىگىن» اناعۇرلىم شىنايى قاتاڭداتىپ، قىس، كوكتەم مەزگىلدەرىندەگى ىندەتتەن ساقتانۋ – تىزگىندەۋ قىزمەتىن ەش بوساڭسىماستان ويداعىداي ىستەپ، ىندەتتىڭ قايتا تارالماۋىنا كەپىلدىك ەتۋ كەرەك.

  مەملەكەتتىك كەڭەستىڭ مۇشەسى، مەملەكەتتىك كەڭەستىڭ باس حاتشىسى شياۋ جيە ءماجىلىستى باسقاردى.

  سۇن چۇنلان مىنانى اتاپ كورسەتتى: قازىر ەلىمىزدە ىندەت جاعدايى جالپى جاقتان ءونىمدى تىزگىندەلدى، جۋىردان بەرى كوپ جەرلەردە جاڭادان شوعىرلى سيپات العان ىندەت جاعدايى بايقالدى، ىندەتتەن ساقتانۋ – تىزگىندەۋ مىندەتى ءالى دە جاپالى دا اۋىر. جەر – جەر ىندەتتەن ساقتانۋ – تىزگىندەۋدى ماڭداي الدى ءىرى ءىس رەتىندە قاراپ، ءتۇرلى ساياسات، بەلگىلەمەلەردى جانە ورنالاستىرۋ تالاپتارىن ۇيرەنۋى، مەڭگەرۋى، قولباسشىلىق جۇيەسى 24 ساعات بويى جۇمىس ۇستىندەگى كۇيىندە تۇرۋى، «بايقالماسا دا مالىمدەپ وتىرۋ» ءتۇزىمىن اتقارۋ كەرەك. ساقتانۋدى ۇدايىلاندىرۋ، ويداعىداي ۇستاۋ، ماسكى تاعۋ، قولدى ءجيى جۋۋ، توپتاسپاۋ قاتارلى تالاپتاردى تياناقتاندىرۋ، ادام كۇشى، زاتتىق ماتەريالدار، تەحنيكا قاتارلىلاردىڭ زاپاس قورىن كۇشەيتۋ، ىندەتتىڭ قايتا تارالۋ حاۋىپ – قاتەرىن تومەندەتۋ كەرەك؛ ىندەت تۋىلعان جاعدايدا قولباسشىلىق جۇيەسىن دەرەۋ ىسكە قوسىپ، نۋكلەين قىشقىلىن تەكسەرۋدى دەرەۋ ورىستەتىپ، ءتۇيىندى ادامداردى دالمە – ءدال تابۋ ءارى اۋاشالاپ باسقارۋ، ىندەتتىڭ تارالۋ جولىن ءۇزۋ كەرەك.

  سۇن چۇنلان مىنانى باسا دارىپتەدى: اۋىل – قىستاقتار ىندەتتەن ساقتانۋ – تىزگىندەۋدە وتە ماڭىزدى، الەۋمەتتىك اۋماق، اۋىل – قالاشىق، قىستاق كوميتەتى قاتارلىلاردىڭ جاۋاپكەرشىلىگىن قاتاڭداتۋ، اۋەجايلاردىڭ ماڭى، قالا مەن اۋىل تۇتاسقان جەرلەر قاتارلى وڭىرلەردە ىندەتتەن ساقتانۋ – تىزگىندەۋدى كۇشەيتىپ، سىرت جەردەگى جۇمىسىنان اۋىلىنا قايتقانداردىڭ ينفورماتسياسىن تىزىمگە الۋ مەن دەنساۋلىعىن باقىلاۋدى ويداعىداي ىستەۋ كەرەك. اۋىل – قىستاقتارداعى دەنساۋلىق ساقتاۋ ورىندارى، جەكەلىك ەمحانالار، ءدارى دۇكەندەرى قاتارلىلار العاش رەتكى دياگنوزدى مالىمدەپ وتىرۋ ءتۇزىمىن اتقارىپ، قىزۋى ورلەۋ قاتارلى كۇماندى اۋرۋلار بايقالسا، 2 ساعات ىشىندە دەرەۋ مالىمدەۋى كەرەك. ۋاقىتى وتكەن داستۇرلەردى وزگەرتۋدى دارىپتەپ، بۇتحانا جارمەڭكەسى قاتارلى ۇلتتىق سالت – سانا قيمىلدارىن قاتاڭ مەڭگەرۋ كەرەك، ءدىني ورىنداردا شوعىرلى ارەكەت جاساۋدى ۋاقىتشا توقتاتىپ، ادامداردىڭ شوعىرلانۋىن ازايتۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار