بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

تۇلا بويىنداعى جىگەرىن وتانعا ارنادى

زى نيۋ

2021.01.18 15:54     كەلۋ قاينارى : حالىق تورابى

  [كەيىپكەر] «پامير قىرانى» — لاچين بايكا

  [حيكايا] جۋىردا، شينجياڭ قاشقار ايماعىندا جان كۇزەلتەتىن ءبىر وقيعا تۋىلدى. قاشقار داشۋەسىندە كۋرستا وقىپ جاتقان مەملەكەتتىك ەڭبەك ەرى، مەملەكەتتىك حالىق قۇرىلتايىنىڭ ۋاكىلى لاچين بايكا مەن جاتاقتاسى مۇساجان نۇردۇن ۇدايىلانعان نۋكلەين قىشقىلىن تەكسەرتۋگە قاتىناسىپ، ەندى اسحاناعا تاماقتانۋعا بارعالى تۇرعاندا، كەنەتتەن ايعايلاعان داۋىس ەستىلدى، ولار جالما - جان داۋىس شىققان جاققا قاراي جۇگىردى. ءبىر بالا كولدىڭ بەتىندە ويناپ جۇرگەن كەزدە، مۇزدىڭ بەتى جارىلىپ كەتىپ، بالا مۇزدىڭ ويىعىنا ءتۇسىپ كەتكەن ەكەن، شاراسىز كۇيدە قالعان اناسى كولدىڭ جاعاسىندا كومەك سۇراپ جىلاپ ءجۇر ەكەن. لاچين بايكا كوپ ويلانباستان بالانى قۇتقارۋعا ۇمتىلدى، الايدا، بالانى قۇتقارۋ بارىسىندا مۇز جارىلىپ كەتىپ، ول ابايسىزدا سۋعا ءتۇسىپ كەتەدى، ول سوندا دا بار كۇش - قايراتىمەن بالانى سۋدىڭ بەتىنە كوتەرىپ شىعاردى. ەڭ سوڭىندا، بالا قۇتقارىلدى، لاچين بايكانىڭ ءومىر تىنىسى 41 جاسىندا ماڭگى توقتادى.

  [باعا]

  ەرلىكپەن ادام قۇتقارعان لاچين بايكا قۇتقارۋعا ۇمتىلعان ساتتە قاھارماندىق جىگەرىن ايگىلەپ، قاشقاردىڭ بايتاق دالاسىندا ءومىر شۇعىلاسىن قالدىردى. جۇرت ونىڭ ارەكەتىنەن اسەرلەندى، ونىڭ باقىتقا قارسى قازا بولعان حابارىن ەستىگەن سوڭ، تىپتەن شەكسىز قاسىرەتتەندى، قايعىعا باتتى. بۇلاي بولاتىنى، لاچين بايكانىڭ سالاۋاتى مەن بۇل حيكايا تىعىز بايلانىستى بولاتىن.

  لاچين بايكا كىم؟ ونىڭ كىم ەكەنىن جاڭا بىلگەن ادام وزگە ءۇشىن ءوزىن قۇربان ەتكەن قاھارمان ۇلگى دەيتىنى حاح؛ ونى تانيتىندار، ونى «پامير قىرانى» دەپ اتايدى. ءاسىلى، لاچين بايكانىڭ اتاسى مەن اكەسى دە ەرىكتى شەكارا قورعاۋشى مىندەتىن نەشە ون جىل بويى اتقارعان. 2004 – جىلى ول اكەسىنەن بۇل «اماناتتى» وتكىزىپ الىپ، وتان ءۇشىن شەكارانى قورعاۋدى ومىرلىك جۇمىسى ەتتى، پامير ۇستىرتىندەگى شەكارا قورعانىسى سىزىعىنداعى ءاربىر شەكارا تاسىنىڭ ماڭىندا، ءاربىر وزەندە، ءاربىر ساي – سالادا ونىڭ ءىزى قالعان. سول جەردەگى مالشىلار بۇلت ۇستىندەگى شەكارا قورعاۋشى دەپ اتاعان «پامير قىرانى» جاۋاپكەرشىلىگىنىڭ اۋىر، بورىشىنىڭ داڭقتى ەكەنىن تەرەڭ سەزىنىپ، وتانعا شەكسىز ادال بولدى ءارى وتاندى شەكسىز ءسۇيدى. وسىنداي رۋح پەن قاسيەت بولعاندىقتان، ول باسقالاردىڭ حاۋىپكە دۋشار بولعانىن بىلگەن ساتتە، قول قۋسىرىپ قاراپ تۇرماستان، تەك العا قاراي ۇمتىلدى.

  كوزىنىڭ تىرىسىندە لاچين بايكا: «بۇل ومىردە اسكەري كيىم كيمەگەن شەكارا قورعانىسى جاۋىنگەرى بولۋدان تانبايمىن، وتاننىڭ شەكارا سىزىعىن ماڭگى ويداعىداي قورعايمىن»، — دەگەن ءسوزدى ۇنەمى اۋزىنان تاستامايتىن. ول اينىماس سەرتىن جۇرەك تۇكپىرىنە ساقتاپ، شەكارانى قورعاۋ ارەكەتى ارقىلى وتاننىڭ شەكاراسىنداعى ءاربىر سۇيەم جەردى قورعادى. وسىلاي ىستەگەن سايىن، جاۋاپكەرشىلىك دەگەن سوزگە قۇرمەتى ارتا ءتۇستى، وندا وتاننىڭ شەكاراسىن قورعاۋ جاۋاپكەرشىلىگى، اۋىلداستاردىڭ تىنىشتىعىن قورعاۋ جاۋاپكەرشىلىگى، جۇرەكتەگى سەنىمدى قورعاۋ جاۋاپكەرشىلىگى قامتىلعان. جاستىق كوكتەمى مەن جىگەرىن وتانعا ارناۋ — ۇلى دا داڭقتى ءىس؛ ءوز ءومىرىن ارناۋ ارقىلى باسقالارعا تىنىشتىق پەن اماندىق باعىشتاۋ مۇنداي داڭقتى ارەكەتتى ونان ارى قاستەرلى ەتەرى داۋسىز. لاچين بايكا وتانشىلدىقتىڭ، ارميانى قولداۋدىڭ مەملەكەتتىك ۇلگىسى، سونىمەن بىرگە، مەملەكەتتىك ەڭبەك ەرى، ونىڭ رۋحى مەن ارەكەتى ۇلگى بولۋدىڭ ءمانىن تەرەڭ ءتۇسىندىردى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار