شىعىستان سامال ەسىپ كوكتەم قۇلپىردى
− باس شۋجي شي جينپيڭنىڭ پارتيانىڭ سىرتقا باعىتتالعان قىزمەتىندە جاڭا جاعداي اشۋدى ىلگەرىلەتكەندىگى تۋرالى ەستەلىك
شينحۋا اگەنتتىگىنىڭ تىلشىلەرى ياڭ يجۇن، جىڭ ميڭدا، ۋىن شين، ۋاڭ بين
2021.01.18 16:03 كەلۋ قاينارى : شينجياڭ گازەتى
”ساياسي پارتيا مەملەكەتتىڭ ساياسي ومىرىندە ماڭىزدى رول اتقارادى ءارى ول ادامزات وركەنيەتىنىڭ العا باسۋىن ىلگەرىلەتەتىن ماڭىزدى كۇش“.
جۇڭگو كوممۋنيستىك پارتياسى دۇنيە جۇزىندەگى ەڭ ۇلكەن ساياسي پارتيا. ادامزات ءۇشىن جاڭا دا اناعۇرلىم زور ۇلەس قوسۋ، جۇڭگو كوممۋنيستىك پارتياسىنىڭ وسى جولدا تالماي كۇرەس جۇرگىزۋىنىڭ وسكەلەڭ مۇراتى.
پارتيانىڭ سىرتقا باعىتتالعان قىزمەتى ەجەلدەن پارتيانىڭ ماڭىزدى شەبى، جاڭا جۇڭگو قۇرىلعاننان كەيىن تىپتەن مەملەكەتتىڭ جالپىلىق ديپلوماتياسىنىڭ ماڭىزدى قۇرامداس بولىگىنە اينالدى.
پارتيا 18 - قۇرىلتايىنان بەرى باس شۋجي شي جينپيڭ ءوزى جوسپارلاپ، ءوزى جەتەكشىلىك ەتىپ، ءوزى ىلگەرىلەتىپ، ءوزى ات سالىستى، پارتيانىڭ سىرتقا باعىتتالعان قىزمەتى جاڭا ءورىس اشىپ، جاۋاپكەرشىلىك ارقالاپ جاڭا ىسكەرلىك تانىتىپ، جاڭا بەينە كورسەتىپ، جۇڭگولىق ەرەكشەلىككە يە ءىرى ەل ديپلوماتياسىنىڭ وزگەشە جارقىن كورىنىسىن سالدى.
(1) كوپىر بولدى ىقىلاسپەن كوسىلە جاتقان كوك تاۋلار
”بيرمانىڭ تاياۋدا زور سايلاۋدى ءساتتى وتكىزگەندىگىن، ءسىزدىڭ باسشىلىعىڭىزداعى بيرما مەملەكەتتىك دەموكراتيا وداعىنىڭ تاماشا ناتيجەگە قول جەتكىزگەنىن ەستىپ قۋاندىم، مەن ءسىزدى جانە بيرما حالقىن شىنايى قۇتتىقتايمىن“.
2020 - جىلى 11 - ايدىڭ 16 - كۇنى باس شۋجي شي جينپيڭ ەندى عانا سايلاۋدا جەڭىسكە جەتكەن بيرما مەملەكەتتىك دەموكراتيا وداعىنىڭ ءتوراعاسى اڭشانسۋجيگە قۇتتىقتاۋ حاتىن جولدادى.
ىزگى تىلەك ادامداردىڭ ويىنا ەكى كىسىنىڭ 5 جىلدىڭ الدىنداعى تۇڭعىش ديدارلاسقان كەزدەگى كورىنىستى ورالتتى.
2015 - جىلى 6 - ايدىڭ 11 - كۇنى، شي جينپيڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى سالاۋاتىمەن، بەيجيڭدە اڭشانسۋجي باستاعان بيرما دەموكراتيا وداعىنىڭ ۋاكىلدەر ۇيىرمەسىندەگىلەرمەن كەزدەستى.
كىشكەنتاي عانا ءبىر ءىس تۇڭعىش رەت جۇڭگوعا ساپارلاي كەلگەن اڭشانسۋجيدى قاتتى اسەرلەندىردى: ديدارلاسۋ حالىق سارايىنىڭ فۋجيان زالىنا ورنالاستىرىلدى. فۋجيان ءدال ونىڭ اكەسى اڭشان گەنەرال ساپارلاي بارعان جەر ەدى.
كەزدەسۋدە باس شۋجي شي جينپيڭ اڭشانسۋجيگە بىلاي دەدى: ”وسى جولعى ساپار ارقىلى ءسىزدىڭ جۇڭگونى جانە جۇڭگو كوممۋنيستىك پارتياسىن ءتىپتى ىشكەرىلەي تۇسىنەتىندىگىڭىزگە سەنەمىن، بۇل ءبىزدىڭ ارامىزداعى ءوزارا ءتۇسىنىسۋ مەن سەنىمدى تەرەڭدەتىپ، ەكى پارتيانىڭ، ەكى ەلدىڭ قارىم - قاتىناسىنىڭ دامۋىن ونان ارى ىلگەرىلەتۋگە سەپتىگىن تيگىزەدى“.
وسىدان كەيىنگى 4 جىلدا شي جينپيڭ بيرما مەملەكەتتىك ىستەر اقىلشىسى اڭشانسۋجيمەن ىلگەرىندى - كەيىندى 5 رەت ديدارلاستى. 2020 - جىلى 1 - ايدا، جۇڭگو مەن بيرمانىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى قارساڭىندا، شي جينپيڭ بيرمادا مەملەكەتتىك ساپاردا بولىپ، ەكى ەل قارىم - قاتىناسىنىڭ جۇڭگو مەن بيرمانىڭ تاعدىرلاس ورتاق تۇلعاسىن ورناتۋ جاڭا داۋىرىنە ءوتىپ، مىڭ جىلدىق باۋىرلاستىق سۇيىسپەنشىلىكتىڭ شىت جاڭا تاراۋىنىڭ جازىلۋىن ىلگەرىلەتتى.
مەملەكەتتەر اراسىنداعى قارىم - قاتىناستىڭ بەتالىسىنا ساياتىن شەشۋشى ساتتە، ۇكىمەت ارالىق ديپلوماتيادان وزگەشە ارنا رەتىندە، ساياسي پارتيانىڭ ديپلوماتياسى قاشاندا ەرەكشە رول اتقارىپ، ماسەلەلەردىڭ شەشىلۋىن ىلگەرىلەتەتىن كىلتكە اينالدى.
جاڭا جۇڭگو قۇرىلعان العاشقى تۇستا، يمپەرياليزمنىڭ جاۋ كوزبەن قاراپ وقشاۋلاۋىنا قاراتا، پارتيا ورتالىق كوميتەتى جۇڭگو كوممۋنيستىك پارتياسى ورتالىق كوميتەتىنىڭ شەتەلدەرمەن بايلانىس جاساۋ ءبولىمىن قۇرۋدى بەكىتتى، ول جۇڭگو كوممۋنيستىك پارتياسىنىڭ ءار ەلدىڭ كوممۋنيستىك پارتيالارىمەن، جۇمىسشى پارتيالارىمەن جانە باسقا دا العاباسار كۇشتەرىمەن كەڭ كولەمدە دوستىق قارىم - قاتىناس ورناتۋىنا جاۋاپتى بولىپ، جاڭا ومىرگە كەلگەن بيلىكتى بەكەمدەۋدە، ديپلوماتيا جاعدايىن اشۋدا، سوتسياليزم ىستەرىن ىلگەرىلەتۋدە ماڭىزدى رول اتقاردى. پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن كەيىن، جۇڭگو كوممۋنيستىك پارتياسى پارىقتاردى ساقتاپ ورتاقتىققا ۇمتىلۋ پرينسيبىن ۇستانىپ، دۇنيە جۇزىندەگى ءار ەلدىڭ ساياسي پارتيالارىمەن كەڭ كولەمدە دوستاسىپ، تەرەڭ دوستاسىپ، پارتيانىڭ حالىقاراداعى ىقپالىن ۇزدىكسىز كەڭەيتتى.
باس شۋجي شي جينپيڭ پارتيانىڭ سىرتقا باعىتتالعان قىزمەتىنە ەجەلدەن كوڭىل ءبولىپ جانە ءمان بەرىپ كەلەدى. جەرگىلىكتى ورىندا قىزمەت ىستەگەندە، ول پارتيانىڭ شەتەلدەرمەن بارىس - كەلىس جاساۋىنا ءوزى ات سالىستى جانە العا ىلگەرىلەتتى. ورتالىققا قىزمەتكە كەلگەن سوڭ، ول پارتيانىڭ سىرتقا باعىتتالعان قىزمەتىن باسقارىپ، تالاي رەت ماڭىزدى نۇسقاۋ بەرىپ، بەكىتۋ جازدى، ايقىن تالاپتار قويدى.
پارتيا 18 - قۇرىلتايىنان بەرى، باس شۋجي شي جينپيڭ پارتيا مەن مەملەكەت ىستەرى دامۋىنىڭ جالپى جاعدايىنىڭ بيىگىندە تۇرىپ، پارتيانىڭ سىرتقا باعىتتالعان قىزمەتىنىڭ سيپاتىن بەلگىلەۋدە ءبىر قىدىرۋ ماڭىزدى تۇجىرىمدار جاساپ، پارتيانىڭ سىرتقا باعىتتالعان قىزمەتىنىڭ جاسامپازدىقپەن ىلگەرىلەۋىنە جانە ۇزاق بولاشاقتىق دامۋىنا ايقىن بەتالىس كورسەتتى.
2015 - جىلى گەرمانيا سوتسيال دەموكراتتار پارتياسىنىڭ ءتوراعاسى گابريەلمەن كەزدەسكەندە، باس شۋجي شي جينپيڭ مىنانى العا قويدى: پارىقتاردى ساقتاپ ورتاقتىققا ۇمتىلۋدان ۇقساستىقتاردى ۇيىستىرىپ، پارىقتاردى ازايتۋعا ويىسىپ، مۇددە، جاۋاپكەرشىلىك، سىن - سايىس جاقتارىنداعى ۇقساستىقتاردى ۇيىستىرىپ، يدەولوگيا، ساياسي ءتۇزىم، دامۋ كەزەڭى جاقتارىنداعى پارىقتار جونىندەگى تالاس - تارتىستى قايىرىپ قويىپ، ءداۋىر دامۋىنا ساي كەلەتىن پارتيالار ارا جاڭاشا قارىم - قاتىناستى تۇلعالاۋ كەرەك.
2016 - جىلى جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىندا، باس شۋجي شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى دەربەس، ءوز - وزىنە قوجايىن بولۋ، بۇكىلدەي تەرەزەسى تەڭ بولۋ، ءوزارا قۇرمەت ەتۋ، ءبىر - ءبىرىنىڭ ىشكى ىسىنە كيلىكپەۋ پرينسيبى نەگىزىندە، ءار ەل، ءار وڭىردەگى ساياسي پارتيالارمەن جانە ساياسي ۇيىمدارمەن بارىس - كەلىس، سەلبەستىكتى دامىتىپ، مەملەكەتتەر قارىم - قاتىناسىنىڭ دامۋىن جەبەيدى.
2017 - جىلى جۇڭگو كوممۋنيستىك پارتياسىنىڭ دۇنيە جۇزىندەگى ساياسي پارتيالارمەن جوعارى دارەجەلىلەر كەڭەسىندە، باس شۋجي شي جينپيڭ جاڭاشا ساياسي پارتيالار قارىم - قاتىناسىنىڭ كەلەلى تاقىرىبىن ىشكەرىلەي ءتۇسىندىرىپ، ۇقساماعان مەملەكەتتەردىڭ ساياسي پارتيالارىنىڭ ءوزارا سەنىمدى ارتتىرىپ، قارىم - قاتىناستى كۇشەيتىپ، سەلبەستىكتى نىعايتىپ، جاڭاشا حالىقارالىق قارىم - قاتىناس نەگىزىندە پارىقتاردى ساقتاپ ورتاقتىققا ۇمتىلاتىن، ءوزارا قۇرمەت ەتەتىن، ءوزارا ۇيرەنىپ، ءوزارا ۇلگى الاتىن جاڭاشا ساياسي پارتيالار قارىم - قاتىناسىن ورناتۋ جونىندە ىزدەنىس جاساۋى كەرەكتىگىن اتاپ كورسەتتى...
باس شۋجي شي جينپيڭنىڭ كوڭىل ءبولىپ ىلگەرىلەتۋىمەن پارتيانىڭ سىرتقا باعىتتالعان قىزمەتىندە شىت جاڭا جاعداي اشىلدى.
8 جىلدا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، جۇڭگونىڭ مەملەكەت ءتوراعاسى سىندى ەكى سالاۋاتپەن شي جينپيڭ 3 رەت شەتەلگە ساپارلاپ، شامامەن 40 رەت ساپارلاي كەلۋشىلەردى قابىلدادى. جۇڭگو كوممۋنيستىك پارتياسىنىڭ سوتسياليستىك مەملەكەتتەردىڭ بيلىك باسىنداعى ساياسي پارتيالارىمەن بارىس - كەلىسى جاپپاي تەرەڭدەدى، توڭىرەكتەگى مەملەكەتتەردىڭ ساياسي پارتيالارىمەن قارىم - قاتىناسى ونان ارى نىعايدى، وركەندەپ كەلە جاتقان ەلدەردىڭ ساياسي پارتيالارىمەن بارىس - كەلىسى ونان ارى بايىدى، نەگىزگى مەملەكەتتەردىڭ ساياسي پارتيالارىمەن مەحانيزمدەنگەن بارىس - كەلىسى بىرتىندەپ تولىسا ءتۇستى، جاڭادان گۇلدەنگەن ساياسي پارتيالارمەن بارىس - كەلىسىندە تىڭ سەرپىلىس جۇزەگە استى.
ءبىر سارىندىلىقتان اۋلاق بارىس - كەلىس فورماسى اۋىزدان - اۋىزعا جاپپاي تارالعان ”ديپلوماتيا كلاسسيكاسىن“ جەتىلدىردى −
چاۋشياننىڭ باسشىسى جين جىڭىنمەن بىرگە تەڭىز جاعاسىندا سەرۋەندەدى، ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن ”قىسقى شاي كەڭەسىن“ وتكىزدى، سول كەزدەگى لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى بەنياڭمەن ”جىلدىق ديدارلاسۋ“ وتكىزدى، كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى راۋل كاستروعا ”دوستىق وردەنىن“ ۇسىندى... ءداستۇرلى دوستىقتى جالعاستىرعان پارتيالار ارا بارىس - كەلىس مەملەكەتتەر ارا قارىم - قاتىناستى جەبەۋدە وزگەشە رول اتقاردى.
كۇننەن - كۇنگە تولىسا تۇسكەن كەڭەس مەحانيزمى پارتيالار اراسىنداعى بارىس - كەلىستىڭ بەرىكتىگىن ونان ارى نىعايتتى، ومىرشەڭدىگىن ونان ارى كۇشەيتتى −
جۇڭگو مەن رەسەيدىڭ بيلىك باسىنداعى پارتيالارىنىڭ كەڭەسى مەرزىم سايىن وتكىزىلدى، نازاردى حالىقارالىق، وڭىرلىك جاعدايعا، ەكى پارتيا، ەكى ەل قارىم - قاتىناسى جانە بيلىك باسىنداعى پارتيالاردىڭ وزىندىك قۇرىلىسى سياقتى ماكرولىق، ستراتەگيالىق، بولجامپازدىق تاقىرىپتارعا شوعىرلاندىرىپ، ورتاق تانىمدى ۇزدىكسىز تۇلعالاپ، مول تابىستارعا قول جەتكىزىپ، جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق ىستەستىگىنىڭ ۇزدىكسىز تەرەڭدەۋىن ىلگەرىلەتتى؛
جۇڭگو مەن انگليانىڭ ساياسي پارتيالارىنىڭ كەڭەسى ءوزارا سەنىمدى ارتتىرۋدىڭ، ورتاق تانىمدى ۇيىستىرۋدىڭ ماڭىزدى تۇعىرى، ەكى ەل ساياساتكەرلەرى اراسىندا قىرۋار بايلانىس جۇيەسىن توپتادى، كوپتەگەن قاتىسۋشىلار ۇكىمەتتە مينيستر - ءۋازىر مىندەتتەرىن اتقارىپ، ەكى ەل قارىم - قاتىناسىنىڭ تىڭ ساتىعا كوتەرىلۋىندەگى قىمباتتى بايلىققا اينالدى؛
جۇڭگو مەن جاپونيانىڭ ساياسي پارتيالارىنىڭ اۋىس - كۇيىس مەحانيزمى، جۇڭگو - اراب ەلدەرى ساياسي پارتيالارىنىڭ كەڭەسى، جۇڭگو - لاتىن امەريكاسى ساياسي پارتيالارىنىڭ تالقى مىنبەرى، جۇڭگو - افريكا ساياسي پارتيالارىنىڭ نازاريالىق زەرتتەۋ - تالقى ءماجىلىسى، جۇڭگو - ورتا ازيا ەلدەرى ساياسي پارتيالارىنىڭ تالقى مىنبەرى، جۇڭگو كوممۋنيستىك پارتياسىنىڭ شىعىس وڭتۇستىك ازيا ەلدەرىنىڭ ساياسي پارتيالارىمەن كەڭەسى... كەڭەسكە قاتىناسقان ساياسي پارتيا ۋاكىلدەرىمەن ديدارلاستى نەمەسە تەلەگرامما، حات جولداپ قۇتتىقتادى، باس شۋجي شي جينپيڭ جۇڭگو كوممۋنيستىك پارتياسىنىڭ ءار ەل ساياسي پارتيالارىمەن بارىس - كەلىس، سەلبەستىگىن كوپ ءتۇرلى تاسىلمەن ىلگەرىلەتىپ، ىلگەرىلەۋشىلىككە جانە تابىسقا قول جەتكىزدى.
2017 - جىلى 12 - ايدىڭ 1 - كۇنى، بەيجيڭ، حالىق سارايى. جۇڭگو كوممۋنيستىك پارتياسىنىڭ دۇنيە جۇزىندەگى ساياسي پارتيالارمەن جوعارى دارەجەلىلەر كەڭەسىنىڭ باستالۋ سالتى وسى ارادا وتكىزىلدى.
جۇڭگو كوممۋنيستىك پارتياسى ”الەمدەگى ساياسي پارتيالاردى بىرگە جينالىس اشۋعا ۇسىنىس ەتتى“، جينالىسقا ۇسىنىس ەتىلۋشىلەر جان - جاقتان جينالدى. جينالىس الاڭىندا باس شۋجي شي جينپيڭ ارقاۋ ءسوز سويلەدى، 120 نەشە مەملەكەتتەن كەلگەن 300گە تاياۋ ساياسي پارتيا مەن ساياسي ۇيىمنىڭ باسشىلارى ۇيىپ تىڭدادى...
شەتەلدىك ءبىر اقپارات قۇرالى ءسۇيىنىپ بىلاي دەدى: كوپتەگەن ساياسي پارتيالار ءوز ەلدەرىندە وت پەن سۋداي وتاسپايدى، ءبىراق جۇڭگو كوممۋنيستىك پارتياسىمەن ءبىر داستارقاندا وتىردى. جۇڭگو كوممۋنيستىك پارتياسىنىڭ ىقپالىن، اسەرلەندىرۋ قۋاتىن، باۋرامدىلىعىن وسىدان كورۋگە بولادى.
”جۇڭگو كوممۋنيستىك پارتياسى شار تاراپپەن دوستاسۋدى قالايدى“. ىقىلاستى، جۇرەككە جىلى ءسوز تەلەگراف، راديو، تەلەۆيزور جانە ينتەرنەت ارقىلى جالپاق جاھانعا تارادى.
يدەولوگياعا قاراپ شەكارانى بولمەي، ۇلكەن - كىشى، كۇشتى - ءالسىز دەمەي ءبارىن جاقىن تارتقان جۇڭگو كوممۋنيستىك پارتياسى دارقان پەيىلى مەن وسكەلەڭ قاسيەتىن كورسەتتى.
بۇگىنگى كۇندە جۇڭگو كوممۋنيستىك پارتياسى 160تان استام مەملەكەت پەن وڭىردەن 600 نەشە ساياسي پارتيامەن جانە ساياسي ۇيىممەن تۇرلىشە فورمادا بايلانىستى ساقتاپ، دۇنيە جۇزىندەگى ساياسي پارتيالاردىڭ جان - جاقتى، كوپ ارنالى، كەڭ سالالى، تەرەڭ ساتىلى سەرىكتەستىك قارىم - قاتىناس تورىن ورناتىپ وتىر.
بۇگىنگى كۇندە دۇنيە ءجۇزى ساحناسىنىڭ تورىنە جەتۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ داڭعىل جولىندا جۇڭگو كوممۋنيستىك پارتياسىنىڭ تۇسىنۋشىلەرى، قولداۋشىلارى، جولداستارى بارعان سايىن كوبەيۋدە...
(2) ادالدىق ەتسەڭ جۇرت قادىرلەيدى
ءبىرى باستاسا ءجۇزى قوستادى، جۇڭگو كوممۋنيستىك پارتياسى مۇندا نەگە سۇيەندى؟
تاريحتىڭ ءدۇربىسىن قولعا الساق، مۇنىڭ جاۋابىن ايقىن كورۋ قيىن ەمەس.
بىرىنشىدەن كەدەي، ەكىنشىدەن اق، بارلىق ءىس گۇلدەندىرۋدى كۇتىپ تۇرۋدان، دۇنيە جۇزىندەگى 2 - ءىرى ەكونوميكالىق تۇلعا بولىپ جەتىلۋگە دەيىن؛ ۇزاق ۋاقىت كەدەيلىك تارتۋدان، مىڭ جىل ارمانعا تالپىنۋدان اۋىل - قىستاقتاعى قازىرگى ولشەمدەگى كەدەي جان سانىن تۇگەلدەي كەدەيلىكتەن ارىلتۋدى جۇزەگە اسىرۋعا دەيىن؛ بۇكىل الەم كولەمىندە جاڭا تيپتى ايدارشا ۆيرۋس وكپە قابىنۋ ىندەتىن الدىمەن تىزگىندەۋدەن ىندەتتىڭ سوققىسىنا توتەپ بەرىپ، العاشقى وڭ ارتۋدى جۇزەگە اسىرعان دۇنيە جۇزىندەگى باستى ەكونوميكالىق تۇلعا بولۋعا دەيىن...
باس شۋجي شي جينپيڭنىڭ جول باستاپ، رول ۇستاۋىندا، جۇڭگو كوممۋنيستىك پارتياسى ءبىر ميلليارد 400 ميلليون جۇڭگو حالقىن ىنتىماقتاستىرىپ، باستاپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىن بەتكە الىپ ەرلىكپەن شەرۋ تارتۋدا.
”جۇڭگونىڭ دامۋىنىڭ تەتىگى جۇڭگو حالقىنىڭ جۇڭگو كوممۋنيستىك پارتياسىنىڭ باسشىلىعىندا جۇڭگونىڭ مەملەكەت جاعدايىنا ۇيلەسەتىن دامۋ جولىمەن جۇرۋىندە“. باس شۋجي شي جينپيڭ جۇڭگو كۇرەسىن وسىلاي دەپ ”شەشكەن“ بولاتىن.
كەزىندە، باتىس ەلدەرىنىڭ وسىزاماندانۋ جولى اسىل رەتىندە كوتەرمەلەندى، ءتىپتى، كەيبىرەۋلەر ايتىلمىس ” تاريح اقىرلاسادى ءپاتۋاسىن“ ورتاعا قويدى. الايدا، ءبىر مەزگىل ۋاقىتتان بەرى، ”جۇڭگونىڭ جونگە سالۋى“ مەن ”باتىستىڭ بىلىقپالىعى“ ايقىن سالىستىرما قالىپتاستىردى، بۇل جاڭا تيپتى ايدارشا ۆيرۋس وكپە قابىنۋ ىندەتى سىندى الەمدىك الەۋمەتتىك دەنساۋلىق ساقتاۋ داعدارىسى الدىندا ءتىپتى دە كورنەكتىلەنە ءتۇستى.
ادالدىق ەتسەڭ جۇرت قادىرلەيدى.
شىعىسقا بارايىق، جۇڭگوعا بارايىق! بارعان سايىن كوبەيگەن ساياسي پارتيا باسشىلارى جۇڭگو كوممۋنيستىك پارتياسىنىڭ ”بيلىك جۇرگىزۋ قۇپياسىن“ بىلۋگە ىنتىزار بولىپ، جۇڭگونىڭ ەل باسقارۋىنان تاجىريبە الىپ جانە وي قورىتۋدى اڭسادى.
ۇلكەننىڭ ۇلكەنگە ءتان بەينەسى بولۋ كەرەك! باس شۋجي شي جينپيڭ جۇڭگو كوممۋنيستىك پارتياسىنا باسشىلىق ەتىپ، اشىق كوز ايامەن، دارقان كوكىرەكپەن ءار ەلدىڭ ساياسي پارتيالارىمەن تەڭ تۇرعىدا اۋىس - كۇيىس جاساپ، ءوزارا ۇلگى الىپ، اناعۇرلىم تاماشا دۇنيە جۇزىنە باستايتىن جولدى بىرگە ىزدەدى.
نەمەسە شىنايى قۇرمەتپەن، نەمەسە ازداعان قىزىعۋمەن، ولار جۇڭگوعا كەلىپ تاجىريبە الدى −
”جۇڭگو كوممۋنيستىك پارتياسى حالىققا قالاي باسشىلىق ەتىپ كەدەيلىكتەن ارىلتتى؟“
بۇل ءار ەل ساياسي پارتيالارى ەڭ كوپ سۇراعان، جاۋابى كوكەيىن ەڭ تەسكەن سۇراۋ. كەزىندە لاوس حالىق توڭكەرىستىك پارتياسى ورتالىق كوميتەتىنىڭ باس شۋجي بولعان بىنياڭ سولاردىڭ ءبىرى.
2017 - جىلى 11 - ايدا باس شۋجي شي جينپيڭ لاوسقا ساپارلاعان كەزدە، جۇڭگو مەن لاوس باسشىلارىنىڭ اراسىندا مىنانداي رياسىز اڭگىمە بولعان ەدى:
بىنياڭ: لاوس اۋىل شارۋاشىلىعىنىڭ جاراتىلىستىق قاسيەتى ءبىرشاما جاقسى، ءبىراق قارجى مەن تەحنيكانىڭ شەكتەمەسىنە ۇشىراپ وتىر، - دەدى.
شي جينپيڭ بۇعان بىلاي دەپ جاۋاپ بەردى: اۋىل شارۋاشىلىعى سالاسى ەكى جاق سەلبەستىك جاسايتىن ءتۇيىندى سالا بولا الادى، جۇڭگو لاوستىڭ جاراتىلىستىق ارتىقشىلىعىن ساۋلەلەندىرۋىنە كومەكتەسىپ قانا قالماستان، لاوس شارۋالارىنىڭ كەدەيلىكتەن ارىلىپ بايۋىنا كومەكتەسە الادى.
وسىدان كەيىنگى 2 جىلدا، بىنياڭ ىلگەرىندى - كەيىندى حۋنان شياڭشي شىبادۇڭ قىستاعىنا، فۋجيان نيڭدى شياچي قىستاعىنا كەلىپ، باس شۋجي شي جينپيڭنىڭ كەزىندە جۇرگەن ىزدەرىن باسىپ، ”كەدەيلەردى دالمە - ءدال سۇيەمەلدەۋدىڭ“ جۇڭگو امالياتىن سەزىندى. ”جۇڭگولىق جولداستاردىڭ كەدەيلىكتەن ارىلتۋدان قامال الۋداعى تابىستى تاجىريبەسى ەرەكشە قىمباتتى، ءبىز جۇڭگولىق جولداستاردىڭ جاقسى ءادىس - امالىن لاوسقا الا قايتامىز“، - دەدى بىنياڭ.
”جۇڭگو وسىنشاما ۇلكەن، ءبىر شەشىم قالاي ورتالىقتان جەرگىلىكتى ورىنعا دەيىن تياناقتانادى؟“
2020 - جىلى 9 - ايدىڭ 22 - كۇنى، گۇيجوۋ ولكەسى حۇيشۇي اۋدانى، جەرگىلىكتى ەرەكشە ءونىم الاقانشا قيارىن ءوندىرۋ - ساتۋ ماسەلەسىن توڭىرەكتەي وتىرىپ اشىلعان اۋداندىق پارتكوم تۇراقتى كوميتەتىنىڭ ءماجىلىسى قىزۋ جۇرگىزىلدى.
جەر شارىنىڭ انا باسىندا، لاتىن امەريكاسىنداعى 16 مەملەكەت، 70تەن استام ساياسي پارتيا مەن ساياسي پارتيا ۇيىمىنىڭ 200دەن استام باسشىسى ينتەرنەت بەينە ەكراندىق تىكە تاراتۋ ارقىلى جەلىدە كوردى.
”تۇرلىشە سالالاردىڭ جاۋاپتىلارى تەرەڭدەي اقىلداسۋ، قايتا - قايتا تالقىلاۋ ارقىلى ەڭ اقىرىندا توپتىق شەشىم جاسادى، بۇل جۇڭگو كوممۋنيستىك پارتياسىنىڭ دەموكراتيالىق شەشىم جاساۋ بارىسىن تولىق كورسەتىپ، جۇڭگونىڭ نەلىكتەن وسىنشاما زور دامۋ جەتىستىگىنە قول جەتكىزگەندىگىن تاماشا ءتۇسىندىردى“، - دەدى پاناما دەموكراتيالىق توڭكەرىستىك پارتياسىنىڭ باس شۋجيى پەدرو كونسالەس.
2017 - جىلدان بەرى، وسى سياقتى ”جۇڭگو كوممۋنيستىك پارتياسىنىڭ حيكاياسى − جەرگىلىكتى پارتكومنىڭ امالياتى“ قيمىلى جۇڭگونىڭ كوپتەگەن ولكە، رايون، قالالارىندا 11 رەت ءساتتى وتكىزىلىپ، شەتەل ساياسي پارتيالارىنىڭ جۇڭگونى جانە جۇڭگو كوممۋنيستىك پارتياسىن ءتۇسىنۋىنىڭ ەرەكشە تەرەزەسىنە اينالدى.
ءبىر پارتيانى ءتۇسىنۋ ءۇشىن، الدىمەن، بۇل پارتيانىڭ جول باستاۋشىسىنا قاراۋ كەرەك −
دۇنيە جۇزىندەگى كوپتەگەن ساياسي پارتيالار باسشىلارىنىڭ ۇستەلىندە، «شي جينپيڭ ەل باسقارۋ جونىندە» اتتى شىعارما تۇرادى. 2014 - جىلدان بۇگىنگە دەيىن، «شي جينپيڭ ەل باسقارۋ جونىندە» بۇكىل الەمدى بەتكە الىپ، نەشە ونداعان تىلدە جانە باسىلىمدا باسپادان شىعىپ، دۇنيە جۇزىندەگى 160تان استام مەملەكەت پەن ءوڭىردى قامتىپ، ساتىلۋ سانى 10 ميلليوننان استى.
ءبىر شەتەل ساياسي پارتياسىنىڭ باسشىسى بىلاي دەپ باعا بەردى: ”قىستاق پارتيا ياچەيكاسىنىڭ شۋجيىنەن پارتيانىڭ باس شۋجيى بولۋعا دەيىنگى نەشە ونداعان جىلدىق شىنىعۋ شي جينپيڭنىڭ مەملەكەت جاعدايىن، حالىق تۇرمىسىن شىنايى دا تولىق يگەرۋىنە مۇمكىندىك اپەردى، سول ارقىلى ول بۇكىلدەي حالىقتىڭ مۇددەسىن ارقاۋ ەتە وتىرىپ شەشىم جاسايتىن بولدى“، ”بۇل كىتاپتى وقىعاندا، جۇڭگو كوممۋنيستەرىنىڭ حاۋىپ - قاتەردەن، جەتەرسىزدىك پەن قيىنشىلىقتان تايساقتامايتىن رۋحىن كوردىم“.
«شي جينپيڭ <ءبىر بەلدەۋ، ءبىر جول> جونىندە»، «ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تاباندى بولۋ تۋرالىدان» «كەدەيلىكتەن ارىلۋ»، «جىجياڭداعى جاڭا لەپكە» دەيىن، ونان «جۇڭگو كىندىك ءسوزى»، «جۇڭگونى وقىپ ءتۇسىنۋ»، «جىبەك جولىنداعى ءجۇز قالا بايانى» سياقتى جەلىلەس مول ساتىلعان كىتاپتارعا دەيىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە شي جينپيڭ جولداستىڭ جەرگىلىكتى ورىندا قىزمەت ىستەگەن امالياتىن بەينەلەيتىن ءبىر قىدىرۋ شىعارمالار ءار ەل ساياسي پارتيالارىنىڭ جۇڭگونى تۇسىنۋىنە ”يدەيا تەرەزەسىن“ اشتى.
ءار ەل ساياسي پارتيالارىنىڭ جۇڭگونى تۇسىنۋگە دەگەن قىزۋ ىنتاسىنا سايكەس، جۋىرداعى جىلداردان بەرى ءار رەت پارتيانىڭ ماڭىزدى ءماجىلىسى وتكىزىلگەن، ماڭىزدى ساياسات شىعارىلعان سايىن، جۇڭگو كوممۋنيستىك پارتياسى بارلىعىندا ”سىرتقا شىعۋ“ مەن ”ىشكە كىرگىزۋدى“ ۇشتاستىرىپ، جۇڭگودا تۇرعان ەلشىلەرگە قۇلاققاعىس ەتۋ جيىنىن اشۋ، شەتەلدەرگە باعىتتالعان ۇگىتتەۋ - تانىستىرۋ ۇيىرمەسىن ۇيىمداستىرۋ، شەتەل ساياسي پارتيالارى مەن اقىل - پاراسات قويمالارى وقىمىستىلارىنا باعىتتالعان ۇگىتتەۋ - تانىستىرۋ ءماجىلىسىن اشۋ سياقتىلار ارقىلى ءار ەل، ءار ءوڭىر ساياسي پارتيالارىنا جاعدايدى تانىستىرىپ وتىردى.
باس شۋجي شي جينپيڭ ءار ەل ساياسي پارتيالارىنىڭ ءجىتى قاداعالاپ وتىرعان ىستەرى مەن قاجەتتەرىن كوكەيىنە ساقتادى. ءار رەت باسقا مەملەكەتتەردىڭ جانە وڭىرلەردىڭ ساياسي پارتيالارىنىڭ باسشىلارىمەن ديدارلاسقاندا، ول تۇگەلدەي جۇڭگو كوممۋنيستىك پارتياسىنىڭ حيكاياسىن ىقىلاسپەن اڭگىمەلەپ، دۇنيە جۇزىندەگى ءىرى پارتيا باسشىسىنىڭ شىن نيەت، اق تىلەگىن كورسەتتى −
”جۇڭگو كوممۋنيستىك پارتياسى جۇڭگو حالقىنىڭ باقىتىن كوزدەيتىن پارتيا ءارى ادامزاتتىڭ العا باسۋ ىستەرى ءۇشىن كۇرەسەتىن پارتيا“؛
”ءبىز ءوز ءىسىمىزدى جاقسى ىستەۋىمىز كەرەك، مۇنىڭ ءوزى ادامزاتتىڭ تاعدىرلاس ورتاق تۇلعاسىن قۇرۋعا ۇلەس قوسقاندىق. ءبىز جۇڭگونىڭ دامۋىن ىلگەرىلەتۋ ارقىلى دا دۇنيە جۇزىنە اناعۇرلىم كوپ وراي جاراتامىز، ءوز امالي ىزدەنىسىمىزدى تەرەڭدەتۋ ارقىلى ادامزات قوعامىنىڭ دامۋ زاڭدىلىعىنا ىزدەنىس جاسايمىز ءارى دۇنيە جۇزىندەگى ءار ەلمەن ورتاقتاسامىز“؛
”ءبىز شەتەلدىڭ ۇلگىسىن ’ەنگىزبەيمىز‘، جۇڭگونىڭ ۇلگىسىن دە ’شىعارمايمىز‘، باسقا ەلدىڭ جۇڭگونىڭ ءادىسىن’ كوشىرىپ قولدانۋىن‘ دا تالاپ ەتپەيمىز“؛
”جۇڭگو كوممۋنيستىك پارتياسىندا بۇكىل ەلدەگى ءار ۇلت حالقىن ىنتىماقتاستىرىپ، باستاپ، ءارقانداي قيىنشىلىقتار مەن كەدەرگىلەردى جانە حاۋىپ - قاتەر مەن سىن - سايىستاردى جەڭىپ، ’قوس 100 جىلدىق‘ كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاراي ەرلىكپەن العا باساتىن بەكىم، سەنىم بار“؛
...
شىنايى سوزدەرگە شىنايى دوستىق ۇيىدى؛ تەڭ اۋىس - كۇيىس جاساۋ، سەلبەستىكتىڭ مول جەمىسىن تۋدىردى.
كەنيا جۋبيلە پارتياسىنىڭ باس شۋجيى رافا ەل تۇجۇ جۇڭگو كوممۋنيستىك پارتياسىنىڭ ءادىس - امالىنان ۇيرەنىپ پارتيا مەكتەبىن قۇرۋدى ءۇمىت ەتتى ءارى پارتيا مۇشەلەرىن جۇڭگو كوممۋنيستىك پارتياسىنىڭ ەل باسقارۋ تاجىريبەسىن ۇيرەنۋگە جۇڭگوعا جىبەردى؛ وڭتۇستىك افريكاداعى 6 باۋىرلاس پارتيا بىرلەسىپ نيرەرە باسشىلىق قابىلەتى شۋەيۋانىن قۇرىپ، جۇڭگو - افريكا ساياسي پارتيالارىنىڭ اۋىس - كۇيىس جاساۋى، ءوزارا تاجىريبە قابىلداۋى ارقىلى ساياسي پارتيانىڭ ءوز قۇرىلىسىن كۇشەيتۋگە، بيلىك جۇرگىزۋ قابىلەتىن جوعارىلاتۋعا كۇش سالدى...
”ءبىر ەل دامۋ بارىسىندا باسقا ەلدەردىڭ جولىنا بۇكىلدەي ەلىكتەۋگە بولماعانىمەن، جۇڭگونىڭ دامۋ جولى وسىزاماندانۋعا بەت الۋدى كوكسەپ وتىرعان وركەندەپ كەلە جاتقان ەلدەرگە جاڭا ءۇمىت كورسەتتى“.
ماروككو شىنشىلدىق جانە وسى زامان پارتياسىنىڭ كەزىندەگى باس شۋجيى وماردىڭ ءسوزى دۇنيە جۇزىندەگى كوپتەگەن تۇرلىشە ۇستانىمداعى ساياسي پارتيالاردىڭ ورتاق جۇرەك ءۇنىن تاراتتى.
(3) الەمگە ادىلەت ورناتۋدىڭ ۇلى جولى
”ءسىزدىڭ كەمەڭگەر باسشىلىعىڭىزدا جۇڭگو كوممۋنيستىك پارتياسى ىندەتتى تۇبەگەيلى جويا الادى“؛
”ءبىز ءسىزدىڭ كەمەڭگەر كەسىمىڭىزدى، سونداي - اق جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ ىندەتكە ەرلىكپەن قارسى اتتانعان وراسان زور ەرلىگىن ايرىقشا القايمىز“؛
”ءبىز حالىقارالىق قوعامنىڭ بار كۇشىن جۇمساپ كومەك قولىن سوزىپ، ۆيرۋستى جويۋدىڭ ءونىمدى رەتسەبىن بىرگە قۇلشىنا قاراستىراتىندىعىنا سەنەمىز“...
باس شۋجي شي جينپيڭگە جازىلعان حاتتاردان شىن كوڭىل، شىنايى تىلەك لەبى ەسەدى.
2020 - جىلدىڭ باسىندا جۇڭگو جاڭا تيپتى ايدارشا ۆيرۋس وكپە قابىنۋ ىندەتىنىڭ سۇراپىل سوققىسىنا ۇشىراعان شاقتا، دۇنيە جۇزىندەگى ءار ەل ساياسي پارتيالارىنىڭ حال سۇراۋ تەلەگرامما - حاتتارى بەيجيڭنىڭ فۋشيڭ جولىنداعى جۇڭگو كوممۋنيستىك پارتياسى ورتالىق كوميتەتىنىڭ شەتەلدەرمەن بايلانىس جاساۋ بولىمىنە تۇس - تۇستان كەلىپ جاتتى. مۇنىڭ كوبى باس شۋجي شي جينپيڭگە جازىلعان.
بيلىك باسىنداعى ءبىر پارتيا جونىنەن ايتقاندا، توسىننان كەلگەن ىندەتتىڭ ۇلكەن سىناق بولاتىندىعى ءشۇباسىز؛ 140قا جۋىق مەملەكەتتەگى 330 نەشە ساياسي پارتيانىڭ جانە ساياسي ۇيىمنىڭ جالپى 650دەن استام ساياسي پارتياسىنىڭ، ساياسي قايراتكەرلەرىنىڭ حال سۇراۋى مەن قولداۋى وسى ساياسي پارتيانىڭ دۇنيە جۇزىندەگى ”جاقسى باعاسى“ مەن ”جاناسىمدىلىعىن“ بەينەلەدى.
حالىقتى بارىنەن جوعارى قويۋ، ءومىردى بارىنەن جوعارى قويۋ − بۇل نەگىزگى ساتىدان تولىسىپ - جەتىلگەن ساياسي پارتيا باسشىسىنىڭ قاراپايىم حالىققا دەگەن سۇيىسپەنشىلىگى، سونداي - اق اۋمالى - توكپەلى وزگەرىسكە تولى دۇنيە جۇزىندەگى ءبىر ءىرى پارتيا، ءىرى ەل كوسەمىنىڭ ۇلكەن جاۋاپكەرشىلىك ارقالاۋى.
باس شۋجي شي جينپيڭنىڭ تىكە قولباسشىلىعىندا، تىكە ورنالاستىرۋىندا جۇڭگو كوممۋنيستىك پارتياسى ءوز ەل حالقىنا باسشىلىق ەتىپ ىندەتكە قارسى اتتانۋ كۇرەسىنىڭ كەلەلى ستراتەگيالىق جەڭىسىنە قول جەتكىزىپ قانا قويماي، ونىڭ ۇستىنە، ادامزات تاعدىرلاس ورتاق تۇلعاسىنىڭ تۋىن بيىك ۇستاپ، دۇنيە جۇزىندەگى ءار ەل ساياسي پارتيالارىمەن ىنتىماقتاسا ىندەتكە قارسى اتتانىپ، قيىندىقتاردى بىرگە ەڭسەردى −
ىندەتتىڭ بۇكىل جەر شارىندا ورشۋىنە قاراتا جۇڭگو كوممۋنيستىك پارتياسى 60 نەشە مەملەكەتتىڭ 110نان استام ساياسي پارتيا باسشىلارىنا حات جولداپ، جۇڭگونىڭ ىندەتتەن ساقتانۋ - تىزگىندەۋ تاجىريبەلەرىن، ادىستەرىن جالپى بەتتىك ءتۇسىندىردى؛ 400گە جۋىق ساياسي پارتيانى ىندەتتەن ساقتانۋ - تىزگىندەۋ جانە دياگنوز قويۋ - ەمدەۋ جوباسىمەن قامدادى؛ شەتەل ساياسي پارتيالارىن، ساياسي پارتيانىڭ حالىقارالىق ۇيىمدارىن ءزارۋ بولعان قاجەتتى ەمدەۋ زاتتىق ماتەريالدارىمەن جانە تەحنيكالىق كومەكپەن قامدادى.
ءىشىنارا مەملەكەت ساياساتپازدارىنىڭ ىندەتتى سىلتاۋ ەتىپ بىلىقپالىق تۋدىرۋىنا، قالاعانىنشا ”ساياسي ۆيرۋس“ تاراتۋىنا مەڭزەس، جۇڭگو كوممۋنيستىك پارتياسى 110 نەشە مەملەكەتتىڭ 240تان استام ساياسي پارتياسىمەن بىرگە ىندەتكە قارسى اتتانۋ حالىقارالىق سەلبەستىگىن كۇشەيتۋ جونىندە ورتاق ۇندەۋ شىعارىپ، الەۋمەتتىك دەنساۋلىق ساقتاۋ ماسەلەسىن ساياسيلاندىرۋعا قارسى تۇرىپ، ىندەتتى سىلتاۋراتىپ وزگە ەلدى داتتاۋدى باتىل شەكتەدى...
”جۇڭگو باسشىلارى بارلىق بايلىقتى جانە ءتاسىلدى كەسكىن قولدانىپ، ىندەتتىڭ ءورشۋىن ءونىمدى تۇردە تىزگىندەدى“. سريلانكا كوممۋنيستىك پارتياسىنىڭ سول كەزدەگى باس شۋجيى گۋناسەكرا شىن جۇرەكتەن تەبىرەنىپ: ”جۇڭگو كوممۋنيستىك پارتياسىنىڭ ادامزات ىستەرىنە قوسقان ۇلەسىن ەرەكشە القايمىز جانە وعان ءتانتى بولامىز“، - دەدى.
جاڭا تيپتى ايدارشا ۆيرۋس وكپە قابىنۋ ىندەتىنىڭ بۇكىل جەر شارىندا كەڭىنەن تارالۋى جانە دۇنيە جۇزىندە 100 جىلدا بولماعان زور وزگەرىستىڭ تەرەڭدەي قاباتتاسۋىندا ادامزات بولاشاق تاعدىرىنا ساياتىن جول تۇيىلىسىنە تاعى كەلدى. ىنتىماقتاسۋ كەرەك پە، جوق، الدە بولشەكتەنۋ كەرەك پە؟ قول ۇستاسۋ كەرەك پە، جوق، الدە قويا بەرۋ كەرەك پە؟ ساياسي پارتيا قانداي جاۋاپكەرشىلىك ارقالاۋى ءتيىس؟
”ادامزاتتىڭ تاعدىرلاس ورتاق تۇلعاسىن قۇرىپ، كورىكتى دۇنيە ءجۇزىن بىرگە قۇرۋ: ساياسي پارتيانىڭ جاۋاپكەرشىلىگى“ − 2017 - جىلدىڭ سوڭىندا اشىلعان جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى دارەجەلىلەر كەڭەسىنىڭ نەگىزگى تاقىرىبى ءار ەل ساياسي پارتياسىنىڭ ”ءداۋىر سۇراعىنا“ جاۋاپ بەردى.
”ادامزاتتىڭ تاعدىرلاس ورتاق تۇلعاسىن قۇرۋ ءۇشىن ءبىز قاجىماي - تالماي، تىنىم تاپپاي قۇلشىنىس جاساۋىمىز كەرەك، رەال جاعدايدىڭ كۇردەلىلىگىنە بولا ارماننان باز كەشۋگە بولمايدى، ارمان - مۇراتتىڭ الىستىعىنا بولا تالپىنىستان بەزۋگە دە بولمايدى“. باس شۋجي شي جينپيڭنىڭ ماجىلىستە بايسالدىلىقپەن العا قويعان ۇندەۋى ۋاقىت پەن كەڭىستىكتى كەسىپ ءوتىپ، تەرەڭ وي سالدى.
ادامزاتتىڭ تاعدىرلاس ورتاق تۇلعاسى ۇستانىمى ايقىن مادەنيەت گەنى نەگىزىندە تەرەڭ تامىر تارتىپ، تەرەڭ تاريحي ۇلاسۋدان باستاۋ الىپ، وسكەلەڭ ساياسي قاسيەتكە كوتەرىلدى. ادامزاتتىڭ تاعدىرلاس ورتاق تۇلعاسىن قۇرۋدا جۇڭگو ارەكەتىمەن ايتقانىن ايگىلەپ، ايتقانىن ورىندادى −
پارتيا 19 - قۇرىلتايى بايانداماسىنان، «جۇڭگو كوممۋنيستىك پارتياسىنىڭ ۆستاۋىنان» «جۇڭحۋا حالىق رەسپۋبليكاسىنىڭ نەگىزگى زاڭىنا» دەيىن ادامزاتتىڭ تاعدىرلاس ورتاق تۇلعاسىن قۇرۋ بۇكىل پارتيانىڭ ارەكەت باعدارناماسىنا ەنگىزىلىپ، مەملەكەتتىڭ ەرىك - جىگەرىنە اينالدى. جاڭا داۋىردەگى جۇڭگو كوممۋنيستىك پارتياسى ”ادامزاتتىڭ تاعدىرلاس ورتاق تۇلعاسى“ ارقىلى سىرتقى دۇنيەمەن تەرەڭ بايلانىسىپ ىقپالداستىق جاساۋدىڭ ايقىن بەلگىسىن ناقىشتادى.
ادامدار كوپتەگەن حالىقارالىق، وڭىرلىك تولعاقتى، كىلتەڭ ماسەلەلەردە جۇڭگو كوممۋنيستىك پارتياسىنىڭ بەلسەنە تاتۋلاستىرعاندىعىن، كەڭەسۋگە جەبەگەندىگىن، سىڭار جاقتىلىققا، زورەكەرلىك ارەكەتكە باتىل قارسى تۇرىپ، حالىقارالىق ادىلدىك پەن ادىلەتتىلىكتى باتىل قورعاعاندىعىن ەسىنەن شىعارمايدى. جۇڭگوعا ساياتىن كەڭەستىك تاقىرىپتاردا ءار ەل ساياسي پارتيالارى دا جۇڭگو ءۇشىن ارت - ارتىنان كوللەكتيۆ ءۇن قاتىپ، جۇڭگو كوممۋنيستىك پارتياسىمەن بىرگە تاريحتىڭ دۇرىس جاعىندا تاباندىلىقپەن تۇردى...
باس شۋجي شي جينپيڭ بىلاي دەدى: جۇڭگو كوممۋنيستىك پارتياسى مەن جۇڭگو حالقى جاپا - ماشاقاتتى باسىنان وتكەرگەن، بەيبىتشىلىكتىڭ قادىر - قىمباتىن، دامۋدىڭ قۇنىن ابدەن بىلەدى، دۇنيە ءجۇزىنىڭ بەيبىتشىلىگى مەن دامۋىن جەبەۋدى ءوزىنىڭ قاسيەتتى بورىشى سانايدى.
جاھاندانۋشىلدىقتىڭ باستى قورعاۋشىسى − كەيبىر شەتەل اقپارات قۇرالدارى جۇڭگو كوممۋنيستىك پارتياسىنىڭ دۇنيە جۇزىندەگى رولىن وسىلايشا باعالادى.
دۇنيە ءجۇزىنىڭ ۇلكەن بەتالىسىنا كوز جىبەرسەك، 100 جىلدا بولماعان زور وزگەرىس جەدەل قۇبىلۋدا. ساياسي پارتيا كوسەمدەرىنىڭ ساياسي كورەگەندىگى ادامزاتتىڭ بولاشاق بەتالىسىنا قاشاندا ىقپال جاسايدى.
”ءار ۇلتتىڭ، ءار ەلدىڭ بولاشاق تاعدىرى تۇگەلدەي ءبىر - بىرىمەن تىعىز بايلانىسقان، قيىن - قىستاۋ شاقتاردا تىزە قوسىپ، بەينەت پەن زەينەتتى تەڭ كوتەرىپ، تۋىپ - وسكەن وسىناۋ عالامشاردا بەرەكەلى ۇلكەن وتباسىن قۇرىپ، دۇنيە جۇزىندەگى ءار ەل حالقىنىڭ تاماشا تۇرمىسقا دەگەن تالپىنىسىن رەالعا اينالدىرۋىمىز ءتيىس“.
باس شۋجي شي جينپيڭنىڭ دارىپتەۋىندە جانە ىلگەرىلەتۋىندە دۇنيە جۇزىندە كوپتەگەن ساياسي پارتيا ادامزاتتىڭ تاعدىرلاس ورتاق تۇلعاسىن قۇرۋ ۇلى ىسىنە ات سالىسۋعا كۇش قوستى.
تۇڭعىش رەت پارتيا اتىنان لاوسپەن ادامزاتتىڭ تاعدىرلاس ورتاق تۇلعاسىن قۇرۋ ەكى جاقتى سەلبەستىك حۇجاتىنا قول قويىستى؛ ءار جاقپەن ماڭىنداعى ەلدەردىڭ، ازيا تىنىق مۇحيت ەلدەرىنىڭ، جۇڭگو - افريكانىڭ، جۇڭگو - اراب ەلدەرىنىڭ، جۇڭگو - لاتىن امەريكاسىنىڭ تاعدىرلاس ورتاق تۇلعاسىن ورناتۋ جونىندە ورتاق تانىمعا كەلدى...
بىرگە اقىلداسۋعا، بىرگە قۇرۋعا، بىرگە يگىلىكتەنۋگە تاباندى بولىپ، 7 جىلدان استام ۋاقىتتان بەرى باس شۋجي شي جينپيڭ دارىپتەپ قۇرعان ”ءبىر بەلدەۋ، ءبىر جول“ ادامزاتتىڭ تاعدىرلاس ورتاق تۇلعاسىن قۇرۋدىڭ ماڭىزدى امالياتتىق تۇعىرىنا اينالدى. ساياسي پارتيالاردىڭ بىرگە اقىلداسۋ مەحانيزمى سياقتى ارنالاردىڭ ىلگەرىلەتۋىندە ”ءبىر بەلدەۋ، ءبىر جول“ قۇرىلىسىنىڭ ساياسي باسشىلىعى ۇزدىكسىز كۇشەيىپ، جۇرت جۇرەگىنىڭ توعىسۋى ۇزدىكسىز بەكەمدەلىپ، سەلبەستىك اياسى ۇزدىكسىز كەڭەيىپ، بىرگە يگىلىككە كەنەلۋ بولاشاعىنان ءتىپتى دە مول ءۇمىت بايقالدى...
اقيقات جولى كوپكە ورتاق، الەم اياسى ءبىر شاڭىراق.
پارتيا 19 - قۇرىلتايى جەڭىسپەن اشىلعاننان كەيىن كوپ وتپەي، باس شۋجي شي جينپيڭ جۇڭگو كوممۋنيستىك پارتياسى اتىنان دۇنيە جۇزىندەگى ءار ەل ساياسي پارتيالارىنا بولاشاق ۋادەسىن العا قويدى −
”ءارقايسى ساياسي پارتيالار ءداۋىردىڭ دامۋ اۋقىمىنا ۇيلەسۋى، ادامزاتتىڭ العا باسۋ ۇلكەن بەتالىسىن يگەرۋى، حالىقتىڭ ورتاق ارمان - تىلەگىنە ۇيلەسۋى كەرەك، ءوزىنىڭ دامۋىن مەملەكەتتىڭ، ۇلتتىڭ، ادامزاتتىڭ دامۋىمەن تىعىز بىرلەستىرۋى كەرەك“؛
”تاريحي ورايدى يگەرىپ، دۇرىس تالعام جاساپ، ادامزاتتىڭ اناعۇرلىم جارقىن بولاشاعىن بىرگە اشۋىمىز كەرەك“.
2021 - جىلى جۇڭگو كوممۋنيستىك پارتياسى 100 جىلدىق تۋعان كۇنىن قارسى الادى.
جۇڭگو حالقىن باقىتقا كەنەلتەدى، جۇڭحۋا ۇلتىنىڭ گۇلدەنۋىن جۇزەگە اسىرادى، ادامزاتتىڭ بەيبىتشىلىگى مەن دامۋىن كوزدەيدى.
بولاشاقتى بەتكە العاندا جۇڭگو كوممۋنيستىك پارتياسى دۇنيە جۇزىندەگى ءار ەل ساياسي پارتيالارىمەن بىرگە ادامزاتتىڭ تاعدىرلاس ورتاق تۇلعاسىن بىرگە قۇرىپ، اناعۇرلىم كوركەم دۇنيە ءجۇزىن قول ۇستاسا قۇرادى!
(شينحۋا اگەنتتىگىنىڭ 1 - ايدىڭ 16 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
