لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
«ەكى مەرەكە» كەزىندە ىندەتتىڭ ىقپالىنا ۇشىراعان بۇقارانىڭ جانە ەڭ تومەنگى تۇرمىسى قامتاماسىزداندىرىلاتىندار قاتارلى بۇقارالىق توپتىڭ تۇرمىسىن قامتاماسىزداندىرۋدى كۇشەيتۋ جونىندە ورنالاستىرۋ جاسادى؛ ءدارى - دارمەكتى شوعىرلى، مولشەرلى ساتىپ الۋ رەفورماسىن ىشكەرىلەي ىلگەرىلەتىپ، ۇدايىلاندىرۋ، تۇزىمدەندىرۋ شارالارىمەن بۇقارانىڭ ەمدەلۋ اۋىرتپالىعىن جەڭىلدەتۋ جونىندە ورنالاستىرۋ جاسادى
2021.01.18 16:24 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 15 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 1 - ايدىڭ 15 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، «ەكى مەرەكە» كەزىندە ىندەتتىڭ ىقپالىنا ۇشىراعان بۇقارانىڭ جانە ەڭ تومەنگى تۇرمىسى قامتاماسىزداندىرىلاتىندار قاتارلى بۇقارالىق توپتىڭ تۇرمىسىن قامتاماسىزداندىرۋدى كۇشەيتۋ جونىندە ورنالاستىرۋ جاسادى؛ ءدارى - دارمەكتى شوعىرلى، مولشەرلى ساتىپ الۋ رەفورماسىن ىشكەرىلەي ىلگەرىلەتىپ، ۇدايىلاندىرۋ، تۇزىمدەندىرۋ شارالارىمەن بۇقارانىڭ ەمدەلۋ اۋىرتپالىعىن جەڭىلدەتۋ جونىندە ورنالاستىرۋ جاسادى.
ءماجىلىس بىلاي دەپ اتاپ كورسەتتى: ج ك پ ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، جەر - جەر جانە قاتىستى تاراۋلار ىندەتتەن ساقتانۋ – تىزگىندەۋ بارىسىندا حالىق تۇرمىسىن ەڭ تومەنگى شەكتەن تۇسىرمەي قامتاماسىزداندىرۋ شارالارىن مۇقيات تياناقتاندىرىپ، اپاتقا ۇشىراعانداردىڭ تۇرمىستىق قۇتقارۋىن ويداعىداي ىستەپ، ەڭ تومەنگى تۇرمىسى قامتاماسىزداندىرىلاتىندارعا قاراتىلعان تۇرمىس قوسىمشا قاراجاتى مەن باعا قوسىمشا قاراجاتىن كوبەيتىپ تاراتتى، بۇل قيىنشىلىعى بار بۇقارانىڭ نەگىزگى تۇرمىسىن قامتاماسىزداندىرۋدا ماڭىزدى رول اتقاردى. كوكتەم مەرەكەسى تاياپ قالدى، قۇتقارۋ، قامتاماسىز ەتۋ قاجەت بولعان قيىنشىلىعى بار قاۋىمدى سۇيەمەلدەۋ قىزمەتىن اناعۇرلىم دالمە - ءدال جاقسى ىستەۋ كەرەك. ءبىرىنشى، بازاردى قامداۋدىڭ جەتكىلىكتى بولۋى مەن باعانىڭ ورنىقتى بولۋىن ساقتاپ، قوعامدىق قۇتقارۋ جانە قامتاماسىزداندىرۋ ولشەمى مەن زات باعاسىنىڭ جوعارىلاۋىن بايلانىستىرۋ مەحانيزمىن ىسكە قوسىپ، ەڭ تومەنگى تۇرمىسى قامتاماسىزداندىرىلاتىندار قاتارلى بۇقارالىق توپقا دەر كەزىندە قاتىستى قوسىمشا قاراجات تاراتىپ، نەگىزگى تۇرمىستى ويداعىداي قامتاماسىزداندىرۋ كەرەك. ەكىنشى، كەدەيلىكتەن ارىلعان حالىق سانى مەن كۇي – جايى كەدەيلىككە جۋىق حالىق سانىن باقىلاۋ - تەكسەرۋدى كۇشەيتىپ، قوعامدىق قۇتقارۋعا، قامتاماسىز ەتۋگە تيىستىلەرىنىڭ قاعىس قالماۋىنا كەپىلدىك ەتۋ كەرەك. ءۇشىنشى، جەر - جەردى جانە قاتىستى تاراۋلاردى سول جەردە قالعان شارۋا جۇمىسكەرلەر، مەكتەپتە قالعان وقۋشىلار قاتارلىلاردىڭ تۇرمىسقا قاتىستى ىستەرىن ويداعىداي ورنالاستىرۋعا قۋزاپ، اۋىل - قىستاقتاعى ۇيدە قالعان بالالار مەن قارتتارعا قامقورلىق جاساۋ، قىزمەت وتەۋدى كۇشەيتۋ كەرەك. ءتورتىنشى، ەگجەي - تەگجەيلى تەكسەرىپ، جەتىم بالالار، مۇگەدەكتەر، رۋحاني اۋرۋعا شالدىققاندار سياقتى ەرەكشە قيىنشىلىعى بار قاۋىمنىڭ تۇرمىس قيىنشىلىعىن شەشۋىنە كومەكتەسىپ، تۇرمىسىندا ۋاقىتتىق قيىنشىلىعى بار بۇقاراعا باعىتتامالى كومەكتەسۋ كەرەك. بەسىنشى، تاسقىن، سەل اپاتىنا ۇشىراعان بۇقارانىڭ، اسىرەسە، ۋاقىتشا ورنالاستىرىلعان بۇقارانىڭ نەگىزگى تۇرمىسىن قامتاماسىز ەتۋ كەرەك. التىنشى، حالىق تۇرمىسىن قولداۋدى، حالىق تۇرمىسىن قامتاماسىز ەتۋدى ارقاۋ ەتىپ، ورتالىق قازىنادان الدىن الا بوساتىلعان 100 ميلليارد يۋان قۇتقارۋ قوسىمشا قاراجاتىنان ويداعىداي پايدالانىپ، باقىلاۋ - باسقارۋدى كۇشەيتىپ، باسقاعا جۇمساۋدان ساقتانۋ كەرەك. جەرگىلىكتى ۇكىمەتتەردىڭ جاۋاپكەرلىگىن ناقتىلاندىرىپ، نەگىزگى حالىق تۇرمىسىن قامتاماسىز ەتۋ قارجىسىن تولىق ىسكە قوسىپ، قارجىنى تىكە جەتكىزۋ تالابى بويىنشا، كومەكتەسۋ - سۇيەمەلدەۋ، قۇتقارۋ قاجەت بولعان بۇقارانىڭ قولىنا دەر كەزىندە تولىق تاراتۋ كەرەك.
ءماجىلىس مىنالاردى دارىپتەدى: قازىرگى ءبىر ءبولىم ءوڭىردىڭ ءىشىنارا شوعىرلى ىندەت جاعدايىنا قاراتا باسقارۋ - تىزگىندەۋدى كۇشەيتىپ، ىندەتتەن ساقتانۋ - تىزگىندەۋدى جانە بۇقارانىڭ نەگىزگى تۇرمىسىن قامتاماسىز ەتۋدى قاتار ىلگەرىلەتىپ، كۇرىش، ماي، كوكونىس، ەت، جۇمىرتقا، ءسۇت سياقتى تۇرمىستىق بۇيىمدارمەن بازاردى قامتاماسىز ەتۋدى ويداعىداي ىستەپ، بۇقارانىڭ مەرەكەنى الاڭسىز وتكىزۋىنە مۇمكىندىك جاساۋ كەرەك.ءماجىلىس مىنالاردى اتاپ كورسەتتى: سالاماتتىق − حالىق بۇقاراسىنىڭ ءتول مۇددەسىنە ساياتىن ءىرى ءىس. ناۋقاس كورسەتۋ اقىسى جوعارى بولۋ ماسەلەسىن بىرتىندەپ شەشۋ ءۇشىن، سوڭعى جىلداردان بەرى مەملەكەت ءدارى - دارمەكتى شوعىرلى ساتىپ الۋ جانە پايدالانۋ سىندى كەلەلى رەفورمانى ىلگەرىلەتىپ، وتكەن جىلدىڭ سوڭىنا دەيىن 3 توپتا شوعىرلى ساتىپ الۋ ءىسىن ورىستەتتى، وندا قامتىلىعان ءدارى - دارمەكتىڭ ورتاشا باعاسى %54 تومەندەتىلىپ، ءار جىلى 53 ميلليارد يۋاننان استام قاراجات ۇنەمدەلىپ، 100 ميلليونداعان ناۋقاسقا يگىلىك جەتكىزىلدى. تاياۋدا تاعى دا 4 - توپتاعى شوعىرلى ساتىپ الۋ ءىسى ورىستەتىلەدى ءارى قىمبات مەديتسينالىق ماتەريالدى شوعىرلى ساتىپ الۋ كولەمى كەڭەيتىلەدى. ءماجىلىس مىنالاردى تالاپ ەتتى: ەمدەۋ، ءدارى - دارمەك، دەنساۋلىق ساقتاۋ رەفورماسىنىڭ ورنالاستىرۋىنا ساي، ەمدەۋ، ءدارى - دارمەك جاعىنداعى شوعىرلى ساتىپ الۋدىڭ ۇدايىلانۋىن، تۇزىمدەنۋىن ىلگەرىلەتۋ كەرەك. ءبىرىنشى، نەگىزدى قامتاماسىزداندىرۋ، كلينيكاعا كەپىلدىك ەتۋ پرينسيبى بويىنشا، نەگىزگى ەمدەلۋدى قامسىزداندىرۋداعى ءدارى - دارمەك تىزىمدىگىندەگى ىستەتىلۋ مولشەرى كوپ، ساتىپ الۋ سوماسى جوعارى ءدارى - دارمەكتى ساتىپ الۋ كولەمىنە ءتۇيىندى تۇردە ەنگىزىپ، ەل ىشىندە بازارعا سالۋعا قاجەتتى، ساپاسى سەنىمدى ءتۇرلى ءدارى - دارمەك پەن ماتەريالداردى بىرتىندەپ قامتۋ كەرەك. ۇكىمەت باسقارۋىنداعى ەمدەۋ قۇرىلىمدارى شوعىرلى ساتىپ الۋعا قاتىناسۋى كەرەك. سيرەك كەزدەسەتىن اۋرۋلاردى ەمدەۋ دارىلەرىن ساتىپ الۋ جونىندە ەرەكشە ورنالاستىرۋ جاساۋ كەرەك. ەكىنشى، شارتقا ۇيلەسەتىن ۇقساتىپ جاسالعان ءدارى - دارمەك، بۇرىنعى زەرتتەپ جاسالعان ءدارى - دارمەك جانە سالىستىرمالى ءدارى - دارمەك تۇگەلدەي جالپىلىق اتپەن شوعىرلى ساتىپ الۋعا قاتىناستىرىلۋى، ساپا جانە باعا جاعىنداعى ءادىل باسەكە ارقىلى كاسىپورىن جانە ءدارى - دارمەك، ماتەريالدار تاڭدالۋى كەرەك. ەمدەۋ قۇرىلىمدارى الدىمەن پايدالانۋ بارىسىندا تاڭدالعان ءدارى - دارمەكتى الدىمەن پايدالانۋعا كەپىلدىك ەتىپ، قاجەتكە قاراي ساتىپ الۋ مولشەرىن مۇمكىندىكتىڭ بارىنشا جوعارىلاتۋى كەرەك. تاڭدالعان كاسىپورىندار باعانى تومەندەتكەندە ساپانى تومەندەتپەۋگە، ەمدەۋ ونىمدىلىگىن تومەندەتپەۋگە، قامداۋعا كەپىلدىك ەتۋى كەرەك. تاڭداپ الىنعان ءدارى - دارمەكتى جانە ونىڭ ماتەريالدارىن ءوندىرۋ، اينالىمعا سالۋ، پايدالانۋ سىندى تۇتاس تىزبەكتى باقىلاۋ - باسقارۋدى كۇشەيتۋ كەرەك. ءۇشىنشى، شوعىرلى ساتىپ الۋدا ناۋقاستاردىڭ اۋىرتپالىعىن جەڭىلدەتۋمەن بىرگە، كاسىپورىنداردىڭ ۇيلەسىمدى پايداسىنا تەڭ ءمان بەرىپ، ءدارى - دارمەك، ماتەريال سارىپ كاسىبىنىڭ باسەكە بارىسىندا شوعىرلانۋ دارەجەسىن جوعارىلاتۋدى ىلگەرىلەتىپ، ونىمدەردىڭ جاڭالىق جاراتۋ دارەجەسىن جوعارىلاتۋدى جەبەپ، ۇنەمدەلگەن ەمدەۋ قامسىزداندىرۋ قاراجاتىن بەلگىلەمە بويىنشا ەمدەۋ قۇرىلىمدارىنىڭ ىركىندى قالدىق رەتىندە الىپ قالۋىنا شابىت بەرىپ، وسى رەفورمادا ناۋقاستار مەن كاسىپورىنداردىڭ، ەمدەۋ قۇرىلىمدارىنىڭ يگىلىككە كەنەلۋىنە كۇش سالۋ كەرەك.
ءماجىلىس باسقا دا ىستەردى اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
