اقدالا قالاشىعىنىڭ جاڭا تۇرمىسى
انار بۇلت/ شينجياڭ گازەتىنىڭ ءتىلشىسى جاڭ تيڭ، ەرىكتى ءتىلشى حۋاڭ چۇنحۋا
2021.01.19 13:27 كەلۋ قاينارى : شينجياڭ گازەتى
قاقاعان قىس مەزگىلىندە، شىڭگىل اۋدانىنىڭ اقدالا قالاشىعىنا بارساڭىز، دابىرالى باۋلۋ ناق مايدانى، جاپ - جاسىل بولىپ جايقالعان كوكونىس جىلىجايلارى، ەرەكشەلىگى ايقىن حالىقتىق تۇسەلحانالارى قىستىگۇنگى شاعىن قالاشىقتى تىرشىلىك تىنىسىنا تولتىرىپ تۇرعاندىعىن بايقايسىز.
”ونەر ۇيرەنگەندە عانا ءتىپتى دە كوپ بايۋ جولىن تابۋعا بولادى، ورنىقتى جۇمىستاندىرۋ كىرىستى ارتتىرىپ بايۋداعى ’كەتپەس ىرىس‘ سانالادى“، - دەدى اقدالا قالاشىعى كەدەيلىكتەن ارىلتۋدان قامال الۋعا باۋلۋ كۋرسىندا، كۋرسانتتار ۋاكىلى، بايۋ شەبەرى ايىپقان كەنجە.
ءار جىلى قىس پەن كوكتەمدەگى ەگىس جۇمىسىنىڭ سايابىر كەزىندە اقدالا قالاشىعى باعىتتامالى تۇردە مەملەكەتتە ءبىر تۇتاس قولدانىلاتىن ءتىل - جازۋ، باعىمشىلىق، توكشىلىك، كۇرەۋىش ماشيناسىن جۇرگىزۋ، اسپازدىق، كەستەشىلىك سياقتى ءتۇرلى - تۇستەگى كۋرستاردى اشادى، 3 جىلدان بەرى مەملەكەتتە ءبىر تۇتاس قولدانىلاتىن ءتىل - جازۋ ۇيرەنۋىنە قاتىناسقاندار 53 مىڭ ادام - رەتكە، ءتۇرلى ونەرگە باۋلۋعا قاتىناسۋشىلار 810 ادام - رەتكە جەتتى. باۋلۋ ارقىلى كەزەكتە 98 ادام توكشىلىك، دانەكەرشىلىك، كۇرەۋىش ماشيناسىن جانە توپىراق قازۋ ماشيناسىن جۇرگىزۋ، ءۇي اشەكەيلەۋ، سۋ، توك جولدارىن جوندەۋ، پار ورناتۋ سياقتى جۇمىستارمەن شۇعىلدانۋدا، 79 ادام ءوز كۇشىنە سۇيەنىپ شارۋاشىلىق قۇرىپ، تاعامجاي تيجاراتىن، ۇن تاعامدارى دۇكەنىن، ەرەن بازاردى، شاشتارازحانا، كەستەشىلىك دۇكەنى سياقتىلاردى جۇرگىزۋمەن شۇعىلدانۋدا.
2020 - جىلى 12 - ايدىڭ 24 - كۇنى، اقدالا قالاشىعى حىپيڭ الەۋمەتتىك اۋماعىنىڭ تۇرعىنى دۇكەي قايبار مال قوراعا قاراي تارتىپ، ءبىر كۇندىك قاربالاستىعىن باستادى. قازىر تۋىس - تۋعان، دوس - جاراندارىنىڭ ءبارى دۇكەيدى عيماراتتا تۇراتىن ”وسى زامانعى مالشى“ دەسەدى.
50 جاستاعى دۇكەي بۇرىن شىڭگىل اۋدانى سارتوعاي اۋىلى قاراشورا قىستاعىنىڭ تۇرعىنى بولاتىن، وتباسىندا 4 جان بار، 2014 - جىلى ارحيۆ تۇرعىزىلىپ، كارتچكالاندىرىلعان كەدەي وتباسى قاتارىنا ەنگىزىلدى. 2016 - جىلى دۇكەي وتباسى كەدەيلەردى قونىس جاڭالاپ سۇيەمەلدەپ وتىرىقتاندىرۋ ءتۇيىنى اقدالا قالاشىعىنا كوشىپ كەلىپ، 76 شارشى مەترلىك كەرپىش - بەتون قۇرىلىمىنداعى جاڭا عيماراتتاعى ۇيگە جايعاستى، ونىڭ ۇستىنە تاعى 40 مۋ جەرگە جانە 200 شارشى مەترلىك مال قوراعا يە بولدى.
اقدالا قالاشىعى تۇرعىنداردىڭ 36 مال قوراسىن 6 باعىمشىلىق شاعىن رايونىنا ءبولىپ، جەم - ءشوپ قامباسى، ءدارى ۆاننا سياقتى قوسىمشا قۇرىلعىلاردى بىرگە سالىپ، الەۋمەتتىك اۋماقتى بىرلىك ەتە وتىرىپ باعىمشىلىق شاعىن رايونىنا ءبولىپ، الەۋمەتتىك اۋماق پارتيا ۇيىمىنىڭ باستاماشىلدىق ەتۋىمەن سەلبەستىك كووپەراتيۆىن قۇرىپ، باقتاشىلىق ونەرى ۇستەم 235 كەدەيلىكتەن ارىلعان وتباسىن جارنا قوسىپ كاسىپپەن اينالىسۋعا باۋراپ، بۇقارانىڭ كىرىستەرىن ارتتىرىپ بايۋىنا ”قانات ءبىتىردى“.
باعىمشىلىققا باۋلۋ ارقىلى وزىندىك ونەر يگەرىپ، باقىتتى تۇرمىسقا كەنەلگەن دۇكەي بىلاي دەدى: ”قازىر مەن 30 سيىر جانە 20 قوي باعىپ وتىرمىن، ءار كۇنى سيىر ءسۇتىن ساتامىن، سيىر، قوي ساتۋدان كەلگەن كىرىسىمدى قوسقاندا، جىلىنا تەك باعىمشىلىقتىڭ وزىنەن كىرەتىن كىرىسىم 50 نەشە مىڭ يۋاننىڭ ۇستىندە. بۇدان سىرت، جەرىمدى كوتەرمەگە بەرۋدەن 13 مىڭ 800 يۋان كىرىس كىرگىزەمىن“.
قىستاق تۇرعىنى باقىتگۇل الەۋمەتتىك اۋماق پارتيا ياچەيكاسىنىڭ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتىنىڭ كومەگىندە، تۇرعان ءۇيى شوفەرلىك ەمتيحان مايدانىنا جاقىن بولۋ ابزالدىعىنان پايدالانىپ، حالىقتىق تۇسەلحانا اشىپ الدى. ءار رەتكى شوفەرلىك كۋالىك الۋعا ەمتيحان بەرۋ كۇنىندە، باقىتگۇل قاقان وتباسىنىڭ حالىقتىق تۇسەلحاناسى قوناققا لىق تولادى. باقىتگۇلدىڭ حالىقتىق تۇسەلحاناسىندا جيىنى 11 توسەك ورىن بار، تازا دا رەتتى بولعاندىقتان، ادام اياعى ۇزىلمەيدى. سايابىر كەزدەردە باقىتگۇل تاعى قازاقى كەستە بۇيىمدارىن كەستەلەپ ساتادى ەكەن.
”ءبىز كوپشىلىكتى حالىقتىق تۇسەلحانا اشىپ، ەرەكشە شارۋالار شاتتىعى ساياجايىن دامىتۋعا جىگەرلەندىرىپ، بۇقارانىڭ كىرىستەرىن ارتتىرىپ بايۋىنا كومەكتەسەمىز“، - دەدى اقدالا قالاشىعى حىپيڭ الەۋمەتتىك اۋماعى پارتيا ياچەيكاسنىڭ شۋجيى اينۇر قادىلقان.
اقدالا قالاشىعىندا، وسىزاماندانعان باعىمشىلىق، ەڭبەككۇشتى باسقا سالاعا ويىستىرۋ، ءوز كۇشىنە سۇيەنىپ كاسىپ جاراتۋ سياقتى كىرىستى ارتتىرۋ ارنالارى ارقىلى ارحيۆ تۇرعىزىلىپ، كارتچكالاندىرىلعان كەدەي وتباسىلارىنىڭ جان باسىندىق تازا كىرىسى 2016 - جىلعى 4220 يۋاننان 2020 - جىلعى 11 مىڭ 800 يۋانعا ارتىپ، ۇمىتكە تولى ”وسىزاماندانعان“ تۇرمىسقا كەنەلدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
