بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

اۋىل شارۋاشىلىعى ءوندىرىسىنىڭ جوعارى ساپالى دامۋ نەگىزى اناعۇرلىم كورنەكتىلەندى

انار بۇلت/شينجياڭ گازەتىنىڭ ءتىلشىسى ليۋ ي

2021.01.19 13:27     كەلۋ قاينارى : شينجياڭ گازەتى

  ”13 - بەسجىلدىقتان“ بەرى شينجياڭ جاڭا دامۋ ۇستانىمىن جەتەكشى ەتىپ، جوعارى ساپالى دامۋ تالابىن تياناقتاندىرىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ۇزدىكسىز ىلگەرىلەتتى، تۇتاس رايوننىڭ اۋىل شارۋاشىلىعى ءوندىرىسىنىڭ ساپاسى، ونىمدىلىگى ورنىقتى ارتىپ، اۋىل شارۋاشىلىعىنىڭ جوعارى ساپالى دامۋ نەگىزى اناعۇرلىم كورنەكتىلەندى.

  ءونىم مولشەرى مەن ونىمدىلىك تەڭ جوعارىلادى

  ”13 - بەسجىلدىق“ كەزىندە شينجياڭ استىق حاۋىپسىزدىگىن قامتاماسىزداندىرۋدى باستان - اياق كورنەكتى ورىنعا قويدى، استىقتىڭ جالپىلىق ءوندىرىس قۋاتى ۇزدىكسىز ارتىپ، ءونىم مولشەرى ورنىقتى جوعارىلاپ، ساپا مەن ونىمدىلىك ۇزدىكسىز جوعارىلادى. تۇتاس رايون استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ ستراتەگياسىن جاپپاي تياناقتاندىرىپ، جوعارى ولشەمدى ەگىس اتىزى، سۋ ۇنەمدەپ سۋارۋ، عىلىم - تەحنيكانى جالپىلاستىرۋ سياقتى نىسانداردى بەلسەنە ىلگەرىلەتۋدە ءتۇيىندى استىق ءوندىرۋ القاپتارىنا قاراي بەيىمدەلىپ، ءبيدايدىڭ، اسىرەسە، دۇمبە ءبيدايدىڭ ءوندىرىسىن ورنىقتىردى، وڭتۇستىك، سولتۇستىك شينجياڭدا دۇمبە ءبيدايدىڭ ەڭ جوعارى بىرلىك ءونىمى جاعىندا ءۇرتىس 3 جىل تىڭ ورە جاراتىلىپ، مۋ باسىندىق بىرلىك ءونىم ەڭ جوعارى بولعاندا 832 كيلوگرامعا جەتىپ، بۇكىل ەل بويىنشا وزىق ورەگە جەتتى.

  ”ساپالى تۇقىم جانە عىلمي باسقارۋ تەحنيكاسىنا سۇيەنىپ، 2020 - جىلى سالعان ءبيدايىمنىڭ مۋ باسىندىق بىرلىك ءونىمى 779 كيلوگرامعا جەتىپ، الدىڭعى جىلداعىدان 84 كيلوگرام جوعارى بولدى“، - دەدى شونجى اۋدانى شيبەيۋان قالاشىعى ليۋشۋحىزى قىستاعىنىڭ ەگىنشىسى فىڭ رۋگاڭ.

  قازىر شينجياڭنىڭ استىق وندىرىسىندە ساپالى تۇقىمنىڭ جالپىلاسۋ سالىستىرماسى %99تەن استى، 2020 - جىلى تۇتاس رايونىمىزدا تۇرلىشە سورتتاعى ءبيدايدىڭ ساتىپ الۋ باعاسى كيلوگرامىنا 0.5 − 0.1 يۋان ارتتى، كوپتەگەن شارۋالار دۇمبە ءبيداي + سۇرلەمدىك جۇگەرىنى قايتالاي ەگۋ سىندى ەگۋ ۇلگىسىنەن پايدالانىپ، مۋ باسىنان ورتاشا ەسەپپەن 1000 يۋاننىڭ ۇستىندە كىرىس كىرگىزدى، بۇل وتكەن جىلدارداعى سايكەس مەزگىلدەگىدەن الدەقايدا جوعارى بولىپ، استىق ءوندىرىسىنىڭ جالپىلىق ونىمدىلىگى دە كورنەكتى جوعارىلادى.

  ماقتا ءوندىرىسى سالاسىندا، شينجياڭدا ماقتا ەگىلگەن جەر اۋدانى، بىرلىك ءونىمى، جالپى ءونىمى، تاۋار مولشەرى، شىعارۋ مولشەرى جاعىندا ءۇرتىس 26 جىل مەملەكەت بويىنشا الدىڭعى ورىندى يەلەپ، ساپالى ماقتا ءوندىرىس بازاسىندىق ورنى ۇزدىكسىز بەكەمدەلدى. ”13 - بەسجىلدىقتان“ بەرى شينجياڭنىڭ ماقتا ءوندىرىسى باسىمدىققا يە ءوندىرىس رايوندارىنا اناعۇرلىم شوعىرلاندى، ماقتا ەگۋگە ىڭعايلىلىعى تومەن اۋماقتار مەن قاتەرلى اۋماقتار ماقتا ەگىمشىلىگىنەن شەگىنىپ شىقتى، وڭتۇستىك شينجياڭدا جەمىس اعاشى مەن ماقتا كىرىستىرىلىپ ەگىلەتىن جەر اۋدانى ونان ارى ازايىپ، ماقتا ءوندىرىسىنىڭ كولەمدەنگەن، شوعىرلانعان دەڭگەيى كورنەكتى جوعارىلادى. سونىمەن قاتار، تۇتاس رايون ماقتانى ۇقساس ەكولوگيالىق الاپتاردا ”ءبىر نەگىزگى، ەكى قوسىمشادان پايدالانىپ“ ەگۋ ۇلگىسىن ۇزدىكسىز جالپىلاستىرىپ، 10 مىڭ مۋدان جوعارعى نەگىزگى ەگىس سورتىنىڭ قامتۋ سالىستىرماسىن %75كە جەتكىزدى، ماقتا نەگىزگى ەگىس سورتىنىڭ سانى 5 جىلدىڭ الدىنداعى 200 نەشەدەن 60 نەشەگە ازايىپ، سورتى كوپ، رەتسىز، الا - قۇلا بولۋ جاعدايى وزگەرىپ، تابيعي ماقتا ساپاسىنىڭ بىركەلكىلىگى جوعارىلادى.

  ەسەپتەۋگە قاراعاندا 2020 - جىلى نەگىزگى ەگىس داقىلدارىنان مول ءونىم الۋدىڭ ارقاسىندا، استىق، ماقتا كىرىسىنىڭ شينجياڭداعى شارۋالاردىڭ اۋىل شارۋاشىلىعى كىرىسىندەگى ۇستاعان سالىستىرماسى ونان ارى جوعارىلاپ، كەدەيلىكتەن ارىلتۋ جەتىستىكتەرىن بەكەمدەۋگە، شارۋالار كىرىسىنىڭ باياندى، ورنىقتى ارتۋ نەگىزىن نىعايتۋعا پارمەندى قامتاماسىزدىق ازىرلەگەن.

  جاسىل دامۋدىڭ ونىمدىلىگى ەسەلەپ ارتتى

  ”13 - بەسجىلدىقتان“ بەرى شينجياڭ جاسىل دامۋ ارقىلى اۋىل - قىستاقتى گۇلدەندىرۋگە جەتەكشىلىك ەتىپ، جاسىل اۋىل شارۋاشىلىعى ءوندىرىس ءتاسىلىن جالپىلاستىرۋدى جەدەلدەتىپ، ۇقساق بايلىق ورتاسىنىڭ كوتەرىمدىلىك قۋاتىمەن سايكەسىمدى، وندىرىسكە، تۇرمىسقا، ەكولوگياعا ۇيلەسىمدى اۋىل شارۋاشىلىعى دامۋ ارناسىن قالىپتاستىرۋدى جەبەدى.

  ”تىڭايتقىشتى اعاش تۇبىندەگى توپىراققا شاشۋ تىڭايتقىش ۇنەمدەۋدىڭ سىرتىندا، ءونىمدى ارتتىرۋعا دا پايدالى بولدى“. حوتان اۋدانى لايقا اۋىلى تومەنگى لايقا قىستاعىنىڭ تۇرعىنى ءاليتوحتى مامەت: بۇرىندارى تىڭايتقىشتى اعاشتىڭ تۇبىنە ءۇيىپ قوياتىنبىز، بۇل ىسىراپ بولىپ قانا قالماستان، ورتانى لاستاپ جاڭعاقتىڭ ساپاسىن تومەندەتەتىن، اۋىل شارۋاشىلىعى تەحنيكتەرىنىڭ جەتەكشىلىگىندە قازىر ەككەن جاڭعاعىمنىڭ ساپاسى مەن ونىمدىلىگى ۇزدىكسىز جوعارىلاپ كەلەدى، - دەدى.

  ”13 - بەسجىلدىق“ مەزگىلىندە شينجياڭنىڭ ەگىمشىلىك كاسىبىندە ەگىس دارىلەرىن پايدالانۋ مولشەرى ءۇرتىس تومەندەدى. ەگىس دارىلەرىنىڭ مولشەرىن ازايتىپ ونىمدىلىگىن ارتتىرۋ تەحنيكاسىن جالپىلاستىرۋ، حيميالىق ەگىس دارىلەرىن پايدالانۋ مولشەرىن تومەندەتۋ سىندى شارالاردى جالپىلاستىرۋ ارقىلى جوعارى ءونىمدى، حاۋىپسىز، بايلىق ۇنەمدەلگەن، ورتاعا ءتيىمدى وسىزاماندانعان اۋىل شارۋاشىلىعىنىڭ وسىمدىك جامىلعىسىن قورعاۋداي دامۋ جولىنا بەلسەنە ىزدەنىس جاسادى. كەزەكتە بۇكىل رايوندا نەگىزگى اۋىل شارۋاشىلىق داقىلدارىنىڭ زالالسىز ساقتانۋ - تىزگىندەۋمەن قامتىلۋ سالىستىرماسى %30تىڭ ۇستىندە، ماماندانعان ءبىر تۇتاس ساقتانۋ، ءبىر تۇتاس جونگە سالۋمەن قامتىلۋ سالىستىرماسى %38تىڭ ۇستىندە بولدى.

  سونىمەن بىرگە ەگىستىك جەردىڭ ساپاسىن قورعاۋ جانە ساپاسىن جوعارىلاتۋ ارەكەتى مەن حيميالىق تىڭايتقىشتىڭ ورنىنا ورگانيكالىق تىڭايتقىش پايدالانۋ ارەكەتى دە جالپى بەتتىك ورىستەتىلدى. بۇكىل رايون توپىراقتىڭ قۇرامىن ولشەپ تىڭايتقىش بەرۋ، سابان - توپاندى اتىزعا قايتارۋ، اۋلا تىڭايتقىشتارىن وتتەكتى جاعدايدا ءۇيىپ تىڭايتقىش شىعارۋ سىندى توپىراقتاعى ورگانيكالىق قوسىلىستاردى جوعارىلاتۋ جانە قۇنارلى جەر باپتاۋ جەلىلەس جاڭا تەحنيكالارىن، جاڭا ۇلگىلەرىن ءتۇيىندى جالپىلاستىرىپ، حيميالىق تىڭايتقىشتان پايدالانۋ سالىستىرماسىن جوعارىلاتتى، شارۋالاردىڭ تىڭايتقىشتى عىلمي جولمەن بەرۋ تانىمى كورنەكتى جوعارىلادى. ساناققا قاراعاندا 2020 - جىلى تۇتاس رايوندا ورگانيكالىق تىڭايتقىشتىڭ پايدالانىلۋ جالپى مولشەرى 59 ميلليون 425 مىڭ 700 تونناعا جەتىپ، وتكەن جىلداعىمەن سالىستىرعاندا %2.76 ارتىپ، 3 ميلليون 324 مىڭ مۋ جەرگە جاسىل تىڭايتقىش بەرىلدى، تۇتاس رايوندا تىڭايتقىشتى ۇيلەسىمسىز بەرۋ جايتىندە كورنەكتى بۇرىلىس تۋىلىپ، اۋىل - قىستاقتاردىڭ الاپتىق لاستانۋى دا ءونىمدى تىزگىندەلىپ، حيميالىق تىڭايتقىشتىڭ ءنول ارتۋ قىزمەت نىساناسىن ىسكە اسىردى.

  وسى زامانعى اۋىل شارۋاشىلىعى قارىشتاپ دامىدى

  ”13 - بەسجىلدىقتان“ بەرى كولەمدەنگەن، شوعىرلانعان، ولشەمدەنگەن اۋىل شارۋاشىلىعىنىڭ ءوندىرىس ءتاسىلى شينجياڭ اۋىل شارۋاشىلىعىنىڭ ۇزدىكسىز وسىزاماندانۋعا قادام تاستاعاندىعىنىڭ ماڭىزدى بەلگىسىنە اينالدى. بۇكىل رايون اۋىل - قىستاق جەرى تيجارات ۇقىعىنىڭ ءتارتىپتى اينالىمىن بەلسەنە ىلگەرىلەتۋ ارقىلى شارۋالاردىڭ جەر ۇقىق - مۇددەسى مەن تابىسىن شىنايى قامتاماسىز ەتۋمەن قاتار، اۋىل شارۋاشىلىعى ءوندىرىسىنىڭ وزىندىك قۇنىن تومەندەتىپ، ونىمدىلىگىن ارتتىرۋدى جۇزەگە اسىردى.

  ”جەردى اينالىمعا سالۋدىڭ جانە كولەمدەنگەن ءوندىرىستىڭ ارقاسىندا كووپەراتيۆىمىز ماقتا ءوندىرىسىنىڭ جالپى بارىسىن باسقارۋدى جۇزەگە اسىردى“. اۋات اۋدانى شينحۇيچىڭ اۋىل شارۋاشىلىعى ماشينالارىنىڭ شارۋالارعا قىزمەت وتەۋ كاسىپتىك سەلبەستىك كووپەراتيۆىنىڭ القا مەڭگەرۋشىسى لەي يانگاڭ تانىستىرىپ بىلاي دەدى: ماقتا ەگىمشىلىگىندە كولەمدەنگەن، شوعىرلانعان، ولشەمدەنگەن ءوندىرىس ءتاسىلى اتقارىلعاننان كەيىن، مۋ باسىندىق ءوندىرىس وزىندىك قۇن 380 يۋان تومەندەدى، مۋ باسىندىق ورتاشا ءونىم 120 كيلوگرام ارتتى، ماقتا وندىرىسىندە مۋ باسىندىق پايدا 1100 يۋاننىڭ ۇستىندە ارتتى، ونىمدىلىك كورنەكتى جوعارىلادى.

  ”13 - بەسجىلدىق“ مەزگىلىندە شينجياڭ اۋىل - قىستاقتارىنىڭ نەگىزدىك تيجارات ءتۇزىمى ونان ارى بەكەمدەلىپ كەمەلدەندى، مەملەكەت تۇسىرگەن 35 ميلليون 620 مىڭ مۋ اۋىل - قىستاق كوللەكتيۆ ەگىستىك جەرىنىڭ ۇقىعىن تۇراقتاندىرۋ، تىزىمدەۋ، كۋالىك تاراتۋ قىزمەت مىندەتى ورىندالدى، ءبىر ميلليون 806 مىڭ 100 شارۋا وتباسىنا اۋىل - قىستاق جەرىن كوتەرمەگە الۋ، تيجارات جۇرگىزۋ ۇقىعى كۋالىگى تاراتىلدى، بۇل وتباسىلارعا كوتەرمەگە بەرىلگەن ەگىستىك جەردى اينالىمعا سالۋعا سەنىمدى تۇزىمدىك قامتاماسىزدىق ازىرلەدى. كەزەكتە بۇكىل رايوندا وتباسىلارعا كوتەرمەگە بەرىلگەن ەگىستىك جەردىڭ اينالىمعا سالىنعان كولەمى 10 ميلليون 600 مىڭ مۋدان اسىپ، وتباسىلارعا كوتەرمەگە بەرىلگەن جالپى ەگىستىك جەر كولەمىنىڭ %36ىن ۇستاپ، وسى زامانعى اۋىل شارۋاشىلىعى ءوندىرىس ءتاسىلى جەدەل جالپىلاستىرىلدى.

  جەردى اينالىمعا سالۋ قىزمەتىن ۇزدىكسىز ىلگەرىلەتۋدىڭ ارقاسىندا، تۇتاس رايوندا وتباسىلىق ەگىس الاڭى، شارۋالار سەلبەستىك كووپەراتيۆى سياقتى جاڭاشا اۋىل شارۋاشىلىعى تيجارات تۇلعالارى قارىشتاپ دامىپ، جالپى سانى 28 مىڭنان اسىپ، شارۋالار كاسىپتىك سەلبەستىك كووپەراتيۆى مۇشەلەرىنىڭ، سونداي - اق جەتەكتەگەن مۇشە بولماعانداردىڭ سانى جالپى شارۋا وتباسى سانىنىڭ %38ىن يەلەدى. سەلبەستىك كووپەراتيۆىنىڭ، سونداي - اق جاڭاشا تيجارات تۇلعالارىنىڭ قارىشتاپ دامۋى اۋىل شارۋاشىلىعى ءوندىرىسىنىڭ ساپا ونىمدىلىگىن اناعۇرلىم جوعارىلاتىپ، شاعىن شارۋا وتباسىلارىنىڭ وسى زامانعى اۋىل شارۋاشىلىعىنىڭ دامۋىمەن ورگانيكالى ۇشتاسۋىنىڭ ماڭىزدى دانەكەرىنە اينالدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار