جۇڭگوشا شيپاگەرلىك، ءدارى - دارمەك قىزمەت وتەۋى ەسىگىمىزدىڭ الدىنا دەيىن كەلدى
□ انار بۇلت/ شينجياڭ گازەتىنىڭ ءتىلشىسى چاۋ جين
2021.01.20 14:14 كەلۋ قاينارى : شينجياڭ گازەتى
قول تەلەفون ارقىلى الدىن الا كەلىسسە بولعانى، ايگىلى جۇڭگوشا شيپاگەرلىك مامانعا كورىنۋگە ءنومىر الۋعا بولادى؛ جۇڭگوشا شيپاگەرلىك، ءدارى - دارمەك دياگنوز قويۋ - ەمدەۋ قىزمەت وتەۋىمەن قامدايتىن دەنساۋلىق ساقتاۋ قۇرىلىمى ماڭايىمىزدا بار؛ تامىر ۇستاپ، ءدارى جازىپ بەرگەن سوڭ، قايناتپاي - اق دايىندالعان تۋرامالى كۇيدەگى جۇڭگوشا ءدارى ناۋقاستىڭ ۇيىنە جەتكىزىلەدى... ”13 - بەسجىلدىقتان“ بەرى رايونىمىزدىڭ جۇڭگوشا شيپاگەرلىك، ءدارى - دارمەك ىستەرى قارىشتاپ دامىدى، ءار ۇلت بۇقاراسى ءۇي ماڭىندا - اق قولايلى، ساپالى جۇڭگوشا شيپاگەرلىك، ءدارى - دارمەك قىزمەت وتەۋىنەن يگىلىكتەندى.
بۇقارا جۇڭگوشا شيپاگەرلىك، ءدارى - دارمەك قىزمەت وتەۋىنەن يگىلىكتەندى
1 - ايدىڭ 4 - كۇنى گۇما اۋدانى قوستاۋ قالاشىعى ورتالىق ەمحاناسى جۇڭگوشا شيپاگەرلىك فيزيكالىق ەمدەۋ ۇيىندەگى جۇڭگوشا شيپاگەرلىك دارىگەرى تاڭەرتەڭ ەرتەمەن قاربالاسقا ءتۇستى، كۇنى بۇرىن كەلىسىپ قويعان قىستاق تۇرعىندارى كەلىپ، ينەمەن ەمدەۋ، لوڭقا قويۋ، ەرمەنمەن قىزدىرۋ، ۋقالاۋ سياقتى جۇڭگوشا شيپاگەرلىك ەرەكشە ەمدەۋلەرىن قابىلداپ جاتتى.
جۇڭگوشا شيپاگەرلىك دارىگەرى رۇقيا ءمۇتالىپ قىستاق تۇرعىنى ابلەز يميننىڭ قان تامىر ۇياشىقتارىن ۋقالاي وتىرىپ، ونىڭ بىلەگىن كوتەرىپ اقىرىن اينالدىردى. ”ءبىر جىلدىڭ الدىندا قولىمدى يىعىمنان اسىرىپ جوعارى كوتەرە الماۋشى ەدىم، ءتىپتى، تاماقتانۋىمنىڭ ءوزى مۇڭ بولعان. الدىڭعى ءبىر مەزەتتە ەمحانادا دا جۇڭگوشا شيپارگەرلىك بويىنشا فيزيكالىق جولمەن ەمدەۋ بار ەكەندىگىن ەستىپ، سىناپ كورۋگە كەلدىم“، - دەپ ابىلەز ورنىنان تۇرىپ بىلەگىن ارى - بەرى قوزعادى، ”قاراشى، قازىر كورىم بوپ قالدى، جۇمىس ىستەي بەرەتىن بولدىم“.
”نەگىزگى ساتىداعى بۇقارا جۇڭگوشا شيپاگەرلىك، ءدارى - دارمەك قىزمەت وتەۋىن قاجەت ەتەدى“. قوستاۋ قالاشىعى ورتالىق ەمحاناسىنىڭ اتقارۋشى ەمحانا باستىعى ابلاجان ۇسەن بىلاي دەدى: ەمحانادا قازىر 5 جۇڭگوشا شيپاگەرلىك تەحنيگى بار، ينەمەن ەمدەۋ، ۋقالاۋ، لوڭقا قويۋ سەكىلدى 20 نەشە ءتۇرلى جۇڭگوشا شيپاگەرلىك تەحنيكاسىمەن جۇرىلەتىن جۇڭگوشا شيپاگەرلىك بويىنشا فيزيكالىق جولمەن ەمدەۋ ءۇيى اشىلعان، ”ەڭ قاراپايىم ادىستەرمەن ەڭ نەگىزگى ماسەلەنى شەشەمىز، مۇمكىندىكتىڭ بارىنشا از اقىمەن قىستاق تۇرعىندارىنىڭ دەنساۋلىعىن قورعايمىز“.
اۆتونوميالى رايوندىق دەنساۋلىق ساقتاۋ جانە سالاماتتىق كوميتەتى جۇڭگوشا شيپاگەرلىك باسقارماسىنىڭ باستىعى گو ۋيجياڭ بىلاي دەپ تانىستىردى: ”13 - بەسجىلدىقتان“ بەرى رايونىمىزدىڭ نەگىزگى ساتى جۇڭگوشا شيپاگەرلىك، دارىگەرلىك قىزمەت وتەۋ قابىلەتى ۇزدىكسىز جوعارىلادى، جۇڭگوشا شيپاگەرلىك دياگنوز قويۋ، ەمدەۋ اۋماعىنان (جۇڭگوشا شيپاگەرلىك سارايى) جالپى 958ى قۇرىلدى. قازىر بۇكىل رايوندا 80 پايىزدان استام الەۋمەتتىك اۋماق دەنساۋلىق ساقتاۋ قىزمەت وتەۋ ورتالىعى، اۋىل - قالاشىق ەمحاناسى جانە 60 پايىزدان استام قىستاق ەمحاناسى 6 تۇرلىدەن استام جۇڭگوشا شيپاگەرلىك تەحنيكاسىمەن ەمدەۋ ءادىسىن ورىستەتىپ وتىر، جۇڭگوشا شيپاگەرلىك، دارىگەرلىك قىزمەت وتەۋىنىڭ وتىمدىلىگى كورنەكتى كۇشەيدى، جۇڭگوشا شيپاگەرلىك، دارىگەرلىكتى تۇسىنەتىن، جۇڭگوشا شيپاگەرلىك، دارىگەرلىكتىڭ پايداسىن كورگەن بۇقارا بارعان سايىن كوبەيۋدە.
«باياۋ ەمشى» ىندەتپەن بەلدەسۋدىڭ «ەڭ ەكپىندى كۇشىنە» اينالدى
سونشا كوپ ادام جۇڭگوشا شيپاگەرلەرگە كورىنۋدى، جۇڭگوشا دارىلەردى تۇتىنۋدى قالاعانىمەن، ءبىراق جۇڭگوشا شيپاگەرلىكتىڭ ءونىمى ىلعي دا «باياۋ» بولىپ كورىنەدى. الايدا جاڭا تيپتى ايدارشا ۆيرۋس وكپە قابىنۋىنان قۇتقارۋ - ەمدەۋدە جۇڭگوشا شيپاگەرلىك، دارىگەرلىكتىڭ اتقارعان رولى تيتتەي دە باياۋ بولعان جوق.
اۆتونوميالى رايوندىق جاڭا تيپتى ايدارشا ۆيرۋس وكپە قابىنۋىن ەمدەۋ، قۇتقارۋ ماماندار گرۋپپاسىنىڭ ورىنباسار باستىعى، اۆتونوميالى رايوندىق جۇڭگوشا شيپاگەرلىك شيپاحاناسى جۇڭگوشا شيپاگەرلىك پەن باتىسشا شيپاگەرلىكتى بىرلەستىرىپ ەمدەۋ تىنىس جولى ىشكى اۋرۋلارى ءبولىمىنىڭ اعا شيپاگەرى لي فىڭسىن رايونىمىزدىڭ جاڭا تيپتى ايدارشا ۆيرۋس وكپە قابىنۋىنا شالدىققانداردى قۇتقارۋ - ەمدەۋ قىزمەتىنە تولىق قاتىناستى. بىلتىر جىل باسىندا اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانادا ءبىر جۇپ ەرلى - زايىپتى قاريانىڭ ناۋقاسى قايتالانىپ قالادى، لي فىڭسىن جۇڭگوشا شيپاگەرلىك رەتسەبىن جازىپ بەرەدى. 3 كۇننەن كەيىن ەكى قاريانىڭ اۋرۋ جاعدايى تۇراقتانىپ، ەڭ سوڭىندا ساۋىعىپ شيپاحانادان شىعادى، وسىدان كەيىن ونىڭ جۇڭگوشا شيپاگەرلىكتى، دارىگەرلىكتى جاڭا تيپتى ايدارشا ۆيرۋس وكپە قابىنۋىن قۇتقارۋ - ەمدەۋگە قولدانۋ سەنىمى نىعايا ءتۇستى. قۇتقارۋ - ەمدەۋ كەزىندە ول 2000نان استام جۇڭگوشا شيپاگەرلىك رەتسەبىن جازدى ءارى اۋرۋدىڭ شۇعىل پايدا بولۋ مەزگىلىنە، قالپىنا كەلۋ مەزگىلىنە، سونداي - اق الدىن الۋ مەزگىلىنە قاراتا جاساعان ءبىر تۇتاس قولدانىلاتىن 3 رەتسەپتىڭ كلينيكالىق ءونىمى كورنەكتى بولدى.
”ديالەكتيكالىق ەمدەۋ“ جۇڭگوشا شيپاگەرلىكتىڭ جانى. جاڭا تيپتى ايدارشا ۆيرۋس وكپە قابىنۋ ىندەتىنە شالدىققان ناۋقاستاردا كوبىندە دەمى سىعىلۋ، جۇرەك قىسىلۋ، اسقازانى كەبۋ سياقتى اۋرۋ بەلگىلەرى بولادى، قۇتقارۋ - ەمدەۋگە بەلگىلەنگەن شيپاحانانىڭ ەمدەۋ - كۇتىمدەۋ قىزمەتكەرلەرى ينە قويۋ، ەرمەنمەن قىزدىرۋ، ۋقالاۋ سياقتى ەمدەۋ تاسىلدەرىن ناۋقاستاردى قۇتقارۋ - ەمدەۋگە پايدالانىپ، ناۋقاستارعا ۇياشىقتى باسۋ تەحنيكاسى مەن بادۋانجين سياقتى ساۋىقتىرۋ جاتتىعۋ ءادىسىن قولما - قول ۇيرەتىپ، ناۋقاستاردىڭ ساۋىعۋىن جەدەلدەتتى.
”ناۋقاسقا شالدىعۋ سالىستىرماسىن، سالماقتى ناۋقاسقا اينالۋ سالىستىرماسىن ءونىمدى تومەندەتىپ، نۋكلەين قىشقىلىنىڭ بولىمسىز بولۋعا وزگەرۋىن جەبەپ، ساۋىقتىرۋ سالىستىرماسىن جوعارىلاتتى... جۇڭگوشا شيپاگەرلىكتىڭ، دارىگەرلىكتىڭ بەينەسى ايتا قالسىن جاقسى بولدى“. لي فىڭسىن بىلاي دەدى: جاڭا تيپتى ايدارشا ۆيرۋس وكپە قابىنۋىنا دياگنوز قويىپ، ەمدەۋدىڭ تۇتاس بارىسىندا جۇڭگوشا شيپاگەرلىك قاعىس قالمادى، قايتا ىشكەرىلەي كىرىسىپ، كەڭ كولەمدە ارالاستى. جۇڭگوشا شيپاگەرلىك پەن باتىسشا شيپاگەرلىكتى بىرلەستىرۋ ارتىقشىلىقتارىن ءوزارا تولىقتاپ، سايكەسە كۇش قوسىپ، ”2〉1+1“ بولۋداي ونىمدىلىگىن ساۋلەلەندىردى.
مۇراگەرلىك ەتىپ، جۇڭگوشا شيپاگەر دارىندىلارىن باۋلىدى
1 - ايدىڭ 8 - كۇنى تۇستەن بۇرىن شينجياڭ مەديتسينا داشۋەسىنە قاراستى 5 - شيپاحاناسى امبولاتورياسىنىڭ 4 - قاباتىنداعى امبولاتوريا بولمەسىندە ۋاڭ جياپيڭ تامىر ۇستاپ ناۋقاس كورىپ، رەتسەپتى دەن قويا جازىپ، ناۋقاستارعا كوڭىل بولەتىن ىستەردى قاداعالاي تاپسىردى. جۋىق جىلداردان بەرى ”80 - جىلداردىڭ تۇلەگى“ بولعان جۇڭگوشا شيپاگەر ۋاڭ جياپيڭ وسى شيپاحانانىڭ ناۋقاستار تالاسا كورىنەتىن مامانىنا اينالدى.
جاس ماگيستير جەتەكشىسى رەتىندە ۋاڭ جياپيڭ بىلتىر ءبىر اسپيرانت جانە ءبىر ”ۇستاز جەتەكتەيتىن شاكىرت“ وقۋشى قابىلدادى. ونىڭ شاكىرتى جاۋ شىجيە 2014 - جىلى بەيجيڭدەگى ءبىر مەديتسينا مەكتەبىنەن وقۋ تاۋىسقان باتىسشا ەمدەۋ شيپاگەرى بولاتىن. ”جارتى جىلدان بەرى ۇستازىما ىلەسىپ ناۋقاس كورىپ، اۋرۋعا تالداۋ جاساپ، تاپسىرما مەن تاقىرىپتى ورىندادىم، پايداسى كوپ بولدى“، - دەدى جاۋ شىجيە.
”جۇڭگوشا شيپاگەرلىك تاجىريبە عىلىمى، اۋىزبەن ايتىپ، كوڭىلمەن وقىتۋ ارقىلى ولاردىڭ ارتىق جول باسپاۋىنا كومەكتەستىم“. ۋاڭ جياپيڭ بىلاي دەپ قارادى: جۇڭگوشا شيپاگەرلىگىن دامىتۋدا دارىندىلاردىڭ مۇراگەرلىك ەتۋى شەشۋشى رول اتقارادى، جاس جۇڭگوشا شيپاگەرلەر اۋىر مىندەت ارقالاۋى كەرەك، اسىرەسە، ”ۇيرەتۋ، كومەكتەسۋ، جەتەكتەۋدى“ ويداعىداي ىستەۋ كەرەك.
”وسى بىرنەشە جىل شينجياڭنىڭ جۇڭگوشا شيپاگەرلىك، دارىگەرلىك ىستەرى قارىشتاپ دامىعان مەزگىل بولدى، سونداي - اق جۇڭگوشا شيپاگەرلىك دارىندىلارىن تاربيەلەۋدىڭ قاۋىرت مەزگىلى بولدى“. مەملەكەتتەگى ايگىلى جۇڭگوشا شيپاگەر، شينجياڭ مەديتسينا داشۋەسىنىڭ پروفەسسورى جوۋ ميڭشين بىلاي دەپ قارادى: ايگىلى شيپاگەر بولۋ ءبىر ادامنىڭ ۇزدىك بولۋى ەمەس، قايتا ءبىر قوسىندى باستاپ، ءبىر توپ تاڭداۋلى دارىندى تاربيەلەپ، اناعۇرلىم كوپ ناۋقاسقا قىزمەت وتەۋ. وسى بىرنەشە جىلدا ول تاربيەلەگەن پوسدوكتور، دوكتور، ماگيستير اسپيرانت، شاكىرتتەرى 74كە جەتتى، مۇنىڭ ىشىندە كوبى عىلىم سالاسىنىڭ تىرەكتىلەرىنە جانە جوعارى دارەجەلى جۇڭگوشا شيپاگەرگە، جۇڭگوشا - باتىسشا شيپاگەرلىكتى ۇشتاستىرعان دارىندىلارعا اينالدى.
قازىر بۇكىل ەلگە ايگىلى جۇڭگوشا شيپاگەر جوۋ ميڭشيننىڭ مۇراگەرلىك ەتۋ قىزمەت كەڭسەسى قۇرىلدى ءارى كوپ جەردە قىزمەت پۋنكتىن قۇردى، جوۋ ميڭشين ۇجىمى بەلگىلى ۋاقىتتا نەمەسە كەي مەزگىلدە بارىپ ناۋقاس كورىپ، پىكىر الماستىرىپ، نەگىزگى ساتىنىڭ جۇڭگوشا ەمدەۋ، ءدارى - دارمەك دارىندىلارىن جەتىلدىرۋدى پارمەندى جەبەپ، نەگىزگى ساتىنىڭ جۇڭگوشا دياگنوز قويۋ، ەمدەۋ دەڭگەيىن جوعارىلاتتى.
”13 - بەسجىلدىق“ مەزگىلىندە اۆتونوميالى رايوندا جۇڭگوشا شيپاگەرلىك، دارىگەرلىك دارىندىلارىن جەتىلدىرۋدە مەكتەپتە تاربيەلەۋ، مەكتەپ بىتىرگەن سوڭ تاربيەلەۋ، جالعاستى تاربيەلەۋ سىندى 3 كەزەڭ ورگانيكالى ۇشتاسقان، ۇستاز ونەرى تاربيەسى باستان - اياق ساباقتاسقان جۇڭگوشا شيپاگەرلىك، دارىگەرلىك دارىندىلارىن جەتىلدىرۋ ومىرلىك تاربيەسى جۇيەسى قالىپتاستى. گو ۋيجياڭ بىلاي دەپ تانىستىردى: نەگىزگى ساتىنىڭ جۇڭگوشا شيپاگەرلىك، دارىگەرلىك دارىندىلار قوسىن قۇرىلىسىن كۇشەيتۋ ءۇشىن، رايونىمىز جۇڭگوشا ەمدەۋ تۇرىندەگى اۋىل - قىستاقتارعا تاپسىرىستى، باعىتتامالى مەديتسينا وقۋشىلارىن تەگىن تاربيەلەۋ قىزمەتىن اتقارىپ، اۋىل - قىستاق ەمدەۋ - دەنساۋلىق ساقتاۋ ىستەرىن دامىتۋ قاجەتىنە ۇيلەسەتىن ءبىر توپ ”تۇسە الاتىن، كادەگە جارايتىن، تۇراقتاپ قالاتىن“ جوعارى ساپالى جۇڭگوشا شيپاگەرلىك، دارىگەرلىك دارىندىلارىن جەتىلدىردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
