سۋرەتتە: 1 – ايدىڭ 19 – كۇنى، شارۋا دانجياجي مال بازارىندا سيىردىڭ سالماعىن ولشەتۋدە.
كوكتەم مەرەكەسى تاياعان سايىن، نيڭشيانىڭ گۋيۋان قالاسى شيجي اۋدانىنداعى ەتتى سيىر بازارىندا ساۋدا جاندانا ءتۇستى. شيجي اۋدانى شيڭلۇڭ قالاشىعى دانجياجي ءتىرى مال بازارىندا، نيڭشياداعى جەرگىلىكتى ورىن ساۋداگەرلەرىنەن سىرت، گانسۋ، چۇڭچيڭ، گۋاڭدۇڭ قاتارلى جەرلەردەن كەلگەن ساۋداگەرلەر دە ەتتى سيىر ساتىپ الادى. اتالعان بازار جەرگىلىكتى ورىنداعى كولەمى ەڭ ءىرى قىستاق دارەجەلى ءتىرى مال بازارى، قازىر بۇل بازاردا جىلىنا 200 مىڭنان استام سيىر ساتىلادى. ۇعىسۋعا قاراعاندا، قازىر شيجي اۋدانىندا 400 مىڭ اينالاسىندا ەتتى سيىر باعىلىپ وتىر، ەتتى سيىر باعىمشىلىعى جەرگىلىكتى ورىنداعى شارۋالاردىڭ كىرىسىن ارتتىرىپ، اۋقاتتانۋىنداعى باستى كاسىپ سالاسى. شينحۋا اگەنتتىگىنىڭ ءتىلشىسى فىڭ كايحۋا فوتوسى
كەلۋ قاينارى: حالىق تورابى