2020 - جىلى جۇڭگو ەكونوميكاسى قيىن – قىستاۋ جاعدايدا %2.3 ارتتى، بۇل وڭاي – وسپاق ناتيجە ەمەس!
2021.01.20 16:59 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 18 - كۇنى، بەيجيڭ. مەملەكەتتىك ساناق مەكەمەسى 1 - ايدىڭ 18 - كۇنى ساندى مالىمەت جاريالادى، العاشقى ەسەپكە قاراعاندا، 2020 - جىلى ەلىمىزدىڭ ىشكى ءوندىرىس جالپى ءونىم قۇنى (GDP) 101 تريلليون 598 ميلليارد 600 ميلليون يۋان بولىپ، سالىستىرمالى باعا بويىنشا ەسەپتەگەندە، الدىنداعى جىلداعىدان %2.3 ارتقان. ماۋسىمعا ءبولىپ قاراعاندا، ءبىرىنشى توقساندا سايكەس مەزگىلدەگىدەن %6.8 تومەندەگەن، ەكىنشى توقساندا %3.2 ارتقان، ءۇشىنشى توقساندا %4.9 ارتقان، 4 –توقساندا %6.5 ارتقان.
مەملەكەتتىك دامۋ جانە رەفورما كوميتەتى مەڭگەرۋشىسىنىڭ ورىنباسارى، قوسىمشا مەملەكەتتىك ساناق مەكەمەسىنىڭ باستىعى نيڭ جيجى سول كۇنى وتكىزىلگەن مەملەكەتتىك كەڭەس اقپارات كەڭسەسىنىڭ اقپار جاريالاۋ ماجىلىسىندە بىلاي دەدى: 2020 – جىلى ەل ءىشى – سىرتىنداعى قاتاڭ دا كۇردەلى ورتانىڭ، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى الدىندا ەلىمىز ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ، ەكونوميكالىق اينالىمدى ورنىقتى قالپىنا كەلتىرىپ، جۇمىستاندىرۋدى، حالىق تۇرمىسىن پارمەندى قامتاماسىزداندىردى، ەكونوميكالىق، قوعامدىق دامۋدىڭ باستى نىسانا، مىندەتتەرىنىڭ ورىندالۋ جاعدايى مەجەدەگىدەن جاقسى بولدى.
ءوندىرىس تۇرعىسىنان قاراعاندا، استىق ءونىمى تاعى دا تىڭ ورەگە كوتەرىلىپ، ءتىرى شوشقا ءوندىرىسى ءۇرتىس ءبىرشاما تەز قالپىنا كەلدى. تۇتاس جىلدا بۇكىل ەل بويىنشا كولەمدەنگەن ونەركاسىپتىڭ ارتقان قۇنى وتكەن جىلداعىدان %2.8 ارتتى، جوعارى تەحنيكالى جاساۋ كاسىبى مەن جابدىق جاساۋ كاسىبى ءبىرشاما تەز ارتتى. تۇتاس جىلدا بۇكىل ەل بويىنشا قىزمەت وتەۋ كاسىبىنىڭ ءوندىرىس كورسەتكىشى وتكەن جىلداعىمەن تەڭەستى، وسى زامانعى قىزمەت وتەۋ كاسىبىنىڭ ارتۋ جاعدايى جاقسى بولدى.
سۇرانىس تۇرعىسىنان قاراعاندا، تۇتاس جىلدا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 39 تريلليون 198 ميلليارد 100 ميلليون يۋان بولىپ، الدىنداعى جىلداعىدان %3.9 تومەندەگەن؛ 4 - توقساندا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىنىڭ ارتۋ قارقىنى 3 - توقسانداعىدان 3.7 پايىز تەزدەگەن. تۇتاس جىلدا بۇكىل ەل بويىنشا تۇراقتى مۇلىككە قوسىلعان قارجى الدىنداعى جىلداعىدان %2.9 ارتقان، جوعارى تەحنيكالى شارۋاشىلىق پەن قوعامدىق سالالارعا قوسىلعان قارجىنىڭ ارتۋى ءبىرشاما تەز بولعان. تۇتاس جىلدا زات يمپورت - ەكسپورت جالپى سوماسى الدىنداعى جىلداعىدان %1.9 ارتىپ، ساۋدا قۇرىلىمى ۇزدىكسىز ساپالىلانعان.
سونىمەن بىرگە، تۇتاس جىلدا تۇرعىنداردىڭ تۇتىنۋ باعاسى %2.5 ارتىپ، الدىنداعى جىلعى %2.9 تىك ارتۋ مولشەرىنەن تومەن بولعان، %3.5 اينالاسىنداعى تۇتاس جىلدىق مەجەلى نىسانادان دا تومەن بولعان. جۇمىستانۋ جاعدايى جالپى جاقتان ورنىقتى بولعان، تۇتاس جىلدا قالا - قالاشىقتاردا 11 ميلليون 860 مىڭ ادام تىڭنان جۇمىستانىپ، تۇتاس جىلدىق نىسانا %131.8 ورىندالعان. 2020 - جىلى قالا – قالاشىقتاردا تەكسەرىلگەن جىلدىق ورتاشا جۇمىسسىزدىق شاماسى %5.6 بولىپ، %6 اينالاسىنداعى مەجەلى نىسانادان تومەن بولعان. تۇتاس جىلدا بۇكىل ەلدەگى تۇرعىنداردىڭ جان باسىندىق يگەرىلمەلى كىرىسى 32 مىڭ 189 يۋان بولىپ، باعا فاكتورىن شىعارىپ تاستاعاندا ءىس جۇزىندە %2.1 ارتىپ، ەكونوميكانىڭ ارتۋىمەن نەگىزىنەن قادامداس بولعان.
نيڭ جيجى بىلاي دەدى: سونىمەن بىرگە ىندەت وزگەرىسى مەن سىرتقى ورتادا كوپتەگەن تۇراقسىزدىق ءومىر ءسۇرىپ وتىرعانىن، ەلىمىز ەكونوميكاسىنىڭ قالپىنا كەلۋ نەگىزى ءالى دە بەرىك ەمەس ەكەنىن كورە ءبىلۋىمىز كەرەك. كەلەسى قادامدا ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدىڭ تابىستارىن بەكەمدەپ، كەڭەيتىپ، «التىنى ورنىقتىرۋ» قىزمەتىن تىڭعىلىقتى ىستەپ، «التىنى قامتاماسىز ەتۋ» مىندەتىن جاپپاي تياناقتاندىرىپ، ماكرولىق ساياساتتى عىلمي، دالمە - ءدال اتقارىپ، ەكونوميكالىق اينالىمنىڭ ۇيلەسىمدى ارالىقتا بولۋىن قۇلشىنا ساقتاپ، «14 – بەسجىلدىق» جوسپاردا جاقسى باستاما اشۋعا، تىڭعىلىقتى قادام تاستاۋعا كەپىلدىك ەتۋ كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
