ۇشقىن وسى ارادا العاش رەت قاۋلادى
2021.01.21 15:14 كەلۋ قاينارى : شينجياڭ گازەتى
【بەتاشار】
بيىل جۇڭگو كوممۋنيستىك پارتياسى 100 جىلدىق مەرەيلى كۇنىن قارسى الادى. جۇڭگو كوممۋنيستىك پارتياسىنىڭ پارمەندى باسشىلىعىندا جۇڭگودا دۇنيە ءجۇزىن ءدۇر سىلكىندىرگەن وزگەرىستەر تۋىلدى، نەشە ءجۇز ميلليونداعان حالىق مەملەكەت پەن ۇلت دامۋىنىڭ ايبىندى داستانىن جازدى. ”بولاشاقتىق ۇلى ءىس، 100 جىلدىق كەمەلىنە كەلگەن شاققا تۋرا كەلدى“. بۇگىنگى تاڭدا جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعى باستالدى، ەكىنشى 100 جىلدىق كۇرەس نىساناسىنا قاراي جورىق جاساۋدىڭ ايبىندى جوباسى جاسالدى.
گازەتىمىز بۇگىننەن باستاپ ”100 جىلدىق كۇرەس جولىندا جاڭا ساپارعا اتتانايىق“ ارناۋلى ايدارىن اشىپ، پارتيامىزدىڭ ىشكى الاساپىراندىق پەن سىرتقى شاپقىنشىلىق بارىسىندا دۇنيەگە كەلگەندىگىن، قيىنشىلىقتار مەن ساتسىزدىكتەر بارىسىندا تولىسقاندىعىن، قامال الۋ، قيىندىقتاردى ەڭسەرۋ بارىسىندا الۋەتتەنگەندىگىن، حالىقپەن تىنىستاس، تاعدىرلاس، جۇرەكتەس بولىپ، جەڭىستەن - جەڭىسكە جەتكەن ۇلى تاريحي بارىسىن جان - جاقتىلى ايگىلەيدى؛ پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرا باستاپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس جوسپارلاپ ىلگەرىلەتۋدە قول جەتكىزگەن تاريحي تابىستارىن كورنەكتىلەندىرە ايگىلەپ، بۇكىل رايونداعى ءار ۇلت كادرلارىن، بۇقاراسىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءورىس اشا ەكپىندەي ىلگەرىلەپ، قامال الىپ، قيىندىقتاردى جەڭىپ، جاڭا داۋىردەگى جۇڭگوشا سوتسياليستىك شينجياڭ قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋ جولىندا قۇلشىنا كۇرەس جۇرگىزۋگە شابىتتاندىرادى جانە جۇمىلدىرادى.
شينحۋا اگەنتتىگىنىڭ تىلشىلەرى گو جيڭدان، شۇي شياۋچيڭ
جۇڭگو كوممۋنيستىك پارتياسى 1 - قۇرىلتايىنىڭ ورنىنان شامامەن ءبىر كيلومەتر قاشىقتىقتاعى جەر − شاڭحاي قالاسى حۋاڭپۋ رايونى نانچاڭ جولى 100 - كوشە 2 - ءنومىرىنىڭ قابىرعاسىنداعى ايقىندامادا ”جۇڭگو كوممۋنيستىك پارتياسىن قۇرۋ گرۋپپاسى قۇرىلعان جەر“ جانە ”«جاڭا جاستار» رەداكسياسىنىڭ بۇرىنعى مەكەن جايى“ دەپ كورسەتىلگەن. بۇل ارادا 100 جىلدىق بارىستى وتكەرگەن كوپتەگەن قىزىل ەستەلىكتەر بار، بۇگىنگى تاڭدا وسى تاس قاقپالى قۇرىلىستى ەكسكۋرسيالاي كەلەتىندەردىڭ اياعى ۇزىلمەيدى.
100 نەشە جىلدىڭ الدىندا بۇل ارا فرانسيا جالعا العان جەر بايىرعى يۇيياڭلي 2 - ءنومىر بولاتىن. 1920 - جىلى چىن دۋشيۋ قاتارلىلار وسى ارادا قىزمەت ىستەدى، جۇڭگو كوممۋنيستىك پارتياسىنىڭ شاڭحايداعى قۇرۋ گرۋپپاسى وسى ارادا شاڭىراق كوتەردى. «جاڭا جاستار» رەداكسياسىندا العاباسار جاستار قىزۋ تالقى ورىستەتىپ وتاندى قۇتقارۋ بەتالىسىن قاراستىردى. وسى قاراپايىم تار كوشە ماركسيزمدى زەرتتەۋ، تاراتۋ ورتالىعى بولىپ قالماستان، تاعى قىرۋار مۇراتتى جاستاردى جۇڭگو توڭكەرىسىنىڭ جولى جونىندە ىزدەنىس جاساۋعا باۋرادى.
شاڭحاي قالالىق جۇڭگو كوممۋنيستىك پارتياسى تاريحى عىلمي قوعامىنىڭ باستىعى شين پيڭ بىلاي دەدى: يۇيياڭليدا ”ۇشقىن العاش قاۋلاۋدان“ جۇڭگو كوممۋنيستىك پارتياسىنىڭ 1 - قۇرىلتايى اشىلعانعا دەيىن پارتيامىز وسى زامانعى ساياسي پارتيانىڭ نەگىزگى فاكتورلارى مەن قۇرىلۋدىڭ لوگيكالىق بارىسىن العاشقى قادامدا ازىرلەپ بولدى.
بايىرعى يۇيياڭلي 2 - نومىردە چىن دۋشيۋ چىن ۋاڭداۋ اۋدارعان «كوممۋنيستىك پارتيا جارناماسىنىڭ» حانزۋ تىلىندەگى العاشقى تولىق اۋدارما نۇسقاسىن سالىستىردى. 1920 - جىلى 8 - ايدا جۇڭگو تاريحىنا ىقپال كورسەتكەن وسى كىتاپشا رەسمي باسپادان شىقتى. ”ەۆروپانى ەلەس كەزىپ ءجۇر، بۇل − كوممۋنيزم ەلەسى...“ 100 جىلدان استام ۋاقىتتان بەرى كىتاپشاداعى اقيقات قورەگى جۇڭگونىڭ بايتاق دالاسىن نارلەندىرىپ، تولاسسىز ءتاتتى شىرىندى جەمىس بەردى. قازىر تۇڭعىش باسىلعان قىزىل مۇقابالى « كوممۋنيستىك پارتيا جارناماسىنان» بۇكىل ەل بويىنشا 12 نۇسقاسى عانا تابىلدى، شاڭحايدا 5 نۇسقاسى ساقتالعان.
يۇيياڭليدان شامامەن 2 كيلومەتر ارالىقتا ”فۋدىلي“ دەپ اتالاتىن بايىرعى تاس قاقپالى قۇرىلىس جۇڭگو كوممۋنيستىك پارتياسى 2 - قۇرىلتايى ورنى ەسكەرتكىش سارايى تۇرعان جەر. ونىڭ جۇڭگو كوممۋنيستىك پارتياسى 1 - قۇرىلتايىنىڭ ۋاكىلى لي دانىڭ تۇرارجايى دەگەن تاعى ءبىر ”سالاۋاتى“ بار، سونداي - اق پارتيا باسشىلىق ەتكەن حالىق باسپاسى، پيڭمين قىزدار مەكتەبى سياقتىلار ىلگەرى وسى ارادا جۇمىس جۇرگىزگەن، «كوممۋنيستىك پارتيا» ايلىق جۋرنالى وسى ارادا رەداكسيالانعان، تۇڭعىش پارتيا ۆستاۋى وسى ارادا دۇنيەگە كەلگەن... پارتيا ىستەرى اناعۇرلىم كەڭ ورىسكە بەت العان.
قازىر جۇڭگو كوممۋنيستىك پارتياسى 1 - قۇرىلتايىنىڭ ورنى جوندەلۋ ۇستىندە، جۇڭگو كوممۋنيستىك پارتياسى 1 - قۇرىلتايى ەسكەرتكىش سارايى جەدەل سالىنۋدا، جۇڭگو كوممۋنيستىك پارتياسى 2 - قۇرىلتايى ورنى ەسكەرتكىش سارايى دا ىشكى ورنالاستىرۋلارىنىڭ دەڭگەيىن جەدەل جوعارىلاتۋدا، وسى سارايلار بيىل ”7 - ايدىڭ 1 - كۇنىنەن“ بۇرىن جاڭا بەينەمەن اشىلىپ، قىزىل تاريحتى باياندايتىن بولادى.
”شاڭحايدىڭ ۇلكەندى - كىشىلى كوشەلەرىن ارالاساڭىز، جۇڭگو كوممۋنيستىك پارتياسىنىڭ قۇرىلۋ تاريحىنداعى كوپتەگەن ’ بىرىنشىلەردى‘ كورەسىز“. جۇڭگو كوممۋنيستىك پارتياسى شاڭحاي قالالىق كوميتەتى پارتيا مەكتەبىنىڭ ۇنەمىلىك ىستەرگە جاۋاپتى ورىنباسار مەكتەپ باستىعى شۇي جيانگاڭ بىلاي دەدى: بۇل قالا جۇڭگو كوممۋنيستىك پارتياسىنىڭ قۇرىلۋىنا وسى زامانعى پرولەتاريادتىق ساياسي پارتيانىڭ توڭكەرىستىك قوزعالىسقا باسشىلىق ەتەتىن ءتۇرلى شارت - جاعدايلاردى ازىرلەدى، ول اۋەلگى ماقسات ورناعان جەر، داڭقتى قالا.
شاڭحاي قالاسىنىڭ ەڭ جاڭا قايتالاي تەكسەرۋ ساناعىنا نەگىزدەلگەندە، شاڭحايدا 1919 - جىلعى 4 - مامىر قوزعالىسىنان 1949 - جىلى شاڭحاي ازات بولعانعا دەيىنگى وسى مەزگىل ىشىندەگى ءتۇرلى قىزىل بايلىقتان 612 ورىن ساقتالعان، ول 497 بۇرىنعى مەكەن - جايدى، ەسكى جۇرتتى، 115 ەسكەرتكىش قۇرىلعىسىن قامتيدى.
كورىكتى دە دۋماندى كوشەلەردە وسى قىزىل جەر بەلگىلەرى ءۇنسىز قاسقايىپ تۇرىپ، 100 جىلدىڭ الدىنداعى العاباسار جاستاردىڭ ويى مەن ۇرانىن ەستەلىككە العان ءارى قازىرگى كۇن سايىن جاڭارعان دامۋعا كۋا بولۋدا: فۋدان داشۋەسىنىڭ « كوممۋنيستىك پارتيا جارناماسى» كورمە سارايىندا ”ۇشقىن“ دەپ اتالعان پارتيالى ەرىكتى قىزمەت وتەۋ اترەتى جارناما حيكاياسىن تۇسىندىرۋدە، جارناما رۋحىن امالياتتا ايگىلەۋدە؛ 2019 - جىلدان باستاپ جۇڭگو كوممۋنيستىك پارتياسى 1 - قۇرىلتايى ورنى ەسكەرتكىش سارايى ”1 - قۇرىلتايدى اڭگىمەلەۋ: 2000 - جىلدىڭ تۇلەكتەرى پارتيا قۇرىلۋ حيكاياسىن بايانداۋ“ ورتا، باستاۋىش مەكتەپ وقۋشىلارىنىڭ زەرتتەۋ - ۇيرەنۋ قيمىلىن ورنالاستىرىپ، بالدىرعان ورەندەردىڭ وزدەرى ۇيرەنگەن پارتيانىڭ قۇرىلۋ شاعىن حيكايالارىن بالا تىلدەرىمەن بايانداۋىنا مۇمكىندىك جاسادى...
شاڭحايدا قىزىل تاريح بايىرعى قۇرىلىستاردان ”شىعىپ“ ، قالانىڭ كۇندەلىكتى ومىرىنە توعىستى.
(شينحۋا اگەنتتىگىنىڭ 1 - ايدىڭ 19 - كۇنى شاڭحايدان بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
