تارباعاتاي ءتۇيىندى وركەندەتۋ، ەسىك اشۋ سىناق رايونى جوباسى قىزمەتى جاپپاي باستالدى
2021.01.21 15:15 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ءرايدا 1 - ايدىڭ 19 - كۇنى شاۋەشەكتەن حابارلايدى. تارباعاتاي ايماقتىق اكىمشىلىك مەكەمەسىنەن ۇعىسۋعا قاراعاندا، 1 - ايدىڭ 19 - كۇنى تاڭەرتەڭ تارباعاتاي ءتۇيىندى وركەندەتۋ، ەسىك اشۋ سىناق رايونى قۇرىلىسى قولباسشىلىق شتابىندا قىزمەتكەرلەر قاتىستى ساياساتتار مەن نىسانداردى رەتتەۋمەن قاربالاس بولىپ، سىناق رايونى جوباسىنىڭ الدىڭعى مەرزىمدىك دايىندىق قىزمەتتەرىن ىستەي باستادى. كەزەكتە تارباعاتاي ءتۇيىندى وركەندەتۋ، ەسىك اشۋ سىناق رايونى جوبا قىزمەتى جاپپاي باستالدى.
2020 - جىلى 12 - ايدىڭ 15 - كۇنى مەملەكەتتىك كەڭەس حابارلاندىرۋ جاريالاپ، شينجياڭ تارباعاتاي ءتۇيىندى وركەندەتۋ، ەسىك اشۋ سىناق رايونىن (تومەندە قىسقارتىلىپ سىناق رايونى دەلىنەدى) قۇرۋعا قوسىلىپ بەكىتۋ جاۋابىن قايتارعان بولاتىن. سىناق رايونى قۇرىلىسىنىڭ ءتۇرلى قىزمەتتەرىن جاپپاي ىلگەرىلەتۋ ءۇشىن، تارباعاتاي ايماقتىق پارتكوم مەن اكىمشىلىك مەكەمەسى تىزگىن ۇشىمەن سايلاۋىت قوسىندى تاڭداپ جىبەرىپ، سىناق رايونى قۇرىلىسى قولباسشىلىق شتابىن قۇرىپ، سىناق رايونى قۇرىلىسىنا قاتىستى ساياساتتاردى دايەكتىلەندىرىپ، اتقارۋعا، قىزمەت شارالارىن بەلگىلەۋگە، سىناق رايونىنىڭ جالپىلىق رەفورما، قارجى قوسۋ، ساۋدا، فينانس، دارىندى سياقتى ءتۇرلى رەفورما جاساۋ سىناق ءتۇيىنى مىندەتتەرىن تياناقتاندىرۋدى سايكەستى ىلگەرىلەتۋگە جاۋاپتى بولدى، سىناق رايونى رەفورماسى جاڭالىق اشۋ بارىسىندا ءدوپ كەلگەن قيىنشىلىقتار مەن ماسەلەلەردى اقىلداسىپ ءبىر جاقتى ەتتى.
بەكىتۋگە يە بولعاننان كەيىنگى ءبىر اي ۋاقىتتا تارباعاتاي ايماعىنداعى اكىمشىلىك، بانكە، كاسىپورىنداردىڭ اڭگىمە ءماجىلىسى، سىناق رايونى نىساندارىن ورنالاستىرۋ جيىنى، ت. ب لار ءجيى اشىلىپ، «تارباعاتاي ءتۇيىندى وركەندەتۋ، ەسىك اشۋ سىناق رايونى ”14 - بەسجىلدىق“ جوباسى ءتۇيىندى نىساندار قامباسىن» «تارباعاتاي ءتۇيىندى وركەندەتۋ، ەسىك اشۋ سىناق رايونى 2021 - جىلعى نىساندار قامباسىن» اقىلداسىپ جاسادى، بۇل جالپىلىق قاتىناس، ەنەرگيا، كاسىپ سالاسى، تۇقىم شارۋاشىلىعى، نەگىزدىك قۇرىلعى قۇرىلىسى سياقتى ءتۇيىندى سالالارعا سايدى.
ۇعىسۋعا قاراعاندا، سىناق رايونىنىڭ جوباداعى كولەمى شامامەن 16 مىڭ شارشى كيلومەتر بولىپ، كولەم اۋماعى شاۋەشەك قالاسىنىڭ تۇتاس اۋماعىن جانە ءدوربىلجىن اۋدانىنىڭ، شيحۋ قالاسىنىڭ، ساۋان اۋدانىنىڭ، قوبىقسارى موڭعۇل اۆتونوميالى اۋدانىنىڭ، تولى اۋدانىنىڭ، شاعانتوعاي اۋدانىنىڭ ءبىر ءبولىم ءوڭىرىن (قالا اۋماعى، ونەركاسىپ باقشا رايونى تۇرعان اۋىل - قالاشىقتى جانە ەگىن، مال شارۋاشىلىعىن، ساياحات كاسىبىن دامىتۋداعى ءتۇيىندى اۋىل - قالاشىقتاردى)، بيڭتۋان 9 - شىسىنىڭ ءبىر ءبولىم تۋان الاڭدارىن، ت. ب لاردى، كەڭىستىك ورنالاسۋىندا ”ءبىر وزەك“ (شاۋەشەك قالاسىنىڭ تۇتاس اۋماعى)، ”ەكى ءدالىزدى“ (تارباعاتايدىڭ سولتۇستىگى مەن وڭتۇستىگى سىندى 2 ۇلكەن ەكونوميكالىق ءدالىز)، ”ءۇش اۋماقتى“ (وسى زامانعى ەگىن، مال شارۋاشىلىعىن دامىتۋدان ۇلگى كورسەتۋ اۋماعىن، جاساۋ كاسىبىندە جاڭالىق اشا دامۋدان ۇلگى كورسەتۋ اۋماعىن جانە ەكولوگيالىق ساياحاتتان ۇلگى كورسەتۋ اۋماعىن“ قامتىدى.
تارباعاتاي ايماقتىق پارتكومنىڭ مۇشەسى، اكىمشىلىك مەكەمەسىنىڭ ۇنەمىلىك ىستەرگە جاۋاپتى ورىنباسار ءۋاليى شۋە گۇيچياڭ مىنالاردى ءبىلدىردى: كەلەسى قادامدا تارباعاتاي ايماعى ءتۇزىلىس، مەحانيزمدە جاڭالىق اشۋدى ىلگەرىلەتۋ، نەگىزدىك قۇرىلعىلاردىڭ ۇلاسۋ، تۇتاسۋ دەڭگەيىن جوعارىلاتۋ، ەرەكشە، باسىمدىققا يە كاسىپ سالاسى جۇيەسىن ورناتۋ، سىرتقى قارىم - قاتىناس، اۋىس - كۇيىس دەڭگەيىن جوعارىلاتۋ، شارۋاشىلىق - ساۋدا ورتاسىن ءۇرتىس ساپالىلاندىرۋ، ەكولوگيالىق وركەنيەت قۇرىلىسىن كۇشەيتۋ، قالا مەن اۋىل قوعامىن ءبىر تۇلعالاندىرىپ دامىتۋدى ءبىر تۇتاس جوسپارلاۋ سىندى 7 جاقتان سىناق رايونى قۇرىلىسىنا كىرىسىپ، سىناق رايونىن جىبەك جولى ەكونوميكالىق بەلدەۋىنىڭ ماڭىزدى تىرەك ءتۇيىنى، ورتا ازيا ەلدەرىمەن سەلبەستىكتى تەرەڭدەتەتىن ماڭىزدى تۇعىر، شەكارا بويىنداعى وڭىرلەردىڭ ەكونوميكالىق دامۋىنداعى جاڭا ارتۋ ۇيەگى، شەكارانى جانە مەملەكەت تەرريتورياسى حاۋىپسىزدىگىن قورعاۋداعى ماڭىزدى قالتقى ەتىپ قۇرۋعا قۇلشىنادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
