ەلىمىزدىڭ ناقتى پايدالانىلعان شەتەل قارجىسى كولەمى تىڭ دەڭگەيگە كوتەرىلدى
سايكەس مەزگىلدەگىدەن %6.2 ارتىپ، دۇنيە ءجۇزى بويىنشا ۇستايتىن سالىستىرماسى ۇزدىكسىز جوعارىلادى
2021.01.21 19:41 كەلۋ قاينارى : حالىق تورابى
«حالىق گازەتى»، 1 - ايدىڭ 20 - كۇنى، بەيجيڭ (ءتىلشى لو شانشان). تۇتاس جىلدا ناقتى پايدالانىلعان شەتەل قارجىسى ءبىر تريلليون يۋانعا جۋىقتاپ، سايكەس مەزگىلدەگىدەن %6.2 ارتىپ، دۇنيە ءجۇزى بويىنشا ۇستايتىن سالىستىرماسى ءۇرتىس جوعارىلادى... ساۋدا مينيسترلىگى 1 - ايدىڭ 20 - كۇنى جاريالاعان 2020 – جىلعى ەلىمىزدىڭ شەتەل قارجىسىنان پايدالانۋ تابىستارىندا كورسەتىلۋىنشە، وتكەن جىلى قارجى ەنگىزۋ جالپى مولشەرى، ارتۋ شاماسى، دۇنيە ءجۇزى بويىنشا ۇستايتىن سالىستىرماسى ءۇش جاقتان بىردەي جوعارىلاعان.
ساۋدا مينيسترلىگىنىڭ ساندى مالىمەتىندە كورسەتىلۋىنشە، 2020 – جىلى بۇكىل ەل بويىنشا فينانسقا جاتپايتىن سالالاردا ناقتى پايدالانىلعان شەتەل قارجىسى 999 ميلليارد 980 ميلليون يۋان بولعان. تۇتاس جىلدا شەتەل ساۋداگەرلەرى قارجى قوسقان 38 مىڭ 570 كاسىپورىن جاڭادان قۇرىلىپ، ورتا ەسەپپەن كۇنىنە 100 دەن استام كاسىپورىن تىڭنان قۇرىلعان. جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسىنان ەل ارالىق قارجى قوسۋ زور مولشەردە تومەندەگەن جاعدايدا ەلىمىزدىڭ ناقتى پايدالانىلعان شەتەل قارجىسى كولەمى تاريحتاعى جوعارى دەڭگەيگە جەتكەن.
ەلىمىزدىڭ شەتەل قارجىسىن باۋراۋىندا تاعى قۇرىلىم ونان ارى ساپالىلانۋ، نەگىزگى قاينارلار ورنىقتى بولۋ سياقتى ەرەكشەلىكتەر بار. مۇنىڭ ىشىندە قىزمەت وتەۋ كاسىبىندە ناقتى پايدالانىلعان شەتەل قارجىسى 776 ميلليارد 770 ميلليون يۋان بولىپ، %13.9 ارتىپ، سالىستىرماسى %77.7 بولدى. گوللانديانىڭ، ۇلى بريتانيانىڭ جۇڭگوعا قوسقان قارجىسى جەكە - جەكە %47.6، %30.7 ارتتى.
بۇدان سىرت، ەلىمىز قىسىلتاياڭ جاعدايدا ەسىك اشۋدى كەڭەيتىپ، شەتەل قارجىسىن ورنىقتىرۋ جونىندە ءبىرقىدىرۋ ساياسات شىعارىپ، ساۋدا ورتاسىن ۇزدىكسىز ساپالىلاندىردى. شەتەل ساۋداگەرلەرىنىڭ قارجى قوسۋىنداعى شەكتەلگەن سالالار ءتىزىمىن مىسالعا الساق، بۇل ءتىزىم 7 جىلدا 6 رەت ىقشامدالدى، 2020 - جىلى بۇكىل ەل بويىنشا شەكتەلگەن سالالار ءتىزىمى الدىنداعى جىلداعىدان %17.5 ازايدى. حاينان ەركىن ساۋدا پورتى قۇرىلىسى باستالىپ، ەركىن ساۋدا سىناق رايونى ونان ارى كەڭەيدى. شەتەل قارجىسىنىڭ ءتۇيىندى نىسان قىزمەتى ارناۋلى توبى قۇرىلىپ، شەتەل كاپيتالىمەن قۇرىلعان كاسىپورىنداردىڭ ىندەتتەن ساقتانۋ بارىسىنداعى زات تاپشىلىعى، كەدەننەن ءوتۋ قولايلىلىعى، جوعارى، تومەنگى اعارداعى سەلبەسىپ قايتا جۇمىس ىستەۋ سياقتى 3 مىڭنان استام قيىن ماسەلەنى شەشۋىنە كومەك كورسەتىلدى.
ساۋدا مينيسترلىگىنىڭ تاياۋ مەزگىلدەگى تەكسەرۋىنە قاراعاندا، شەتەل كاپيتالىمەن قۇرىلعان كاسىپورىنداردىڭ %60 كە جۋىعىندا 2020 – جىلعى تيجارات كىرىسىندە، پايدادا ارتۋ نەمەسە تەڭەسۋ جۇزەگە اسقان، %90 كە جۋىق كاسىپورىن بولاشاققا ۇمىتكەرلىك پوزيتسياسىن ۇستانعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
