ەلىمىزدىڭ ءبىلىم مەنشىك ۇقىعىنىڭ ساپاسى مەن ونىمدىلىگى جەدەل جوعارىلادى
ءار ون مىڭ ادامعا تۋرا كەلەتىن تاپقىرلىق پاتەنت مولشەرى 15.8 داناعا جەتتى
2021.01.22 13:58 كەلۋ قاينارى : حالىق تورابى
حالىق گازەتىنىڭ ءتىلشىسى گۋ يەكاي 1 – ايدىڭ 21 – كۇنى بەيجيڭنەن حابارلايدى. ءتىلشىنىڭ 1 – ايدىڭ 21 – كۇنى اشىلعان مەملەكەتتىك ءبىلىم مەنشىك ۇقىعى مەكەمەسى باستىقتارىنىڭ ماجىلىسىنەن ۇعىسۋىنشا، «13 – بەسجىلدىق» جوسپار مەزگىلىنەن بەرى، ەلىمىزدىڭ ءبىلىم مەنشىك ۇقىعىنىڭ ساپاسى مەن ونىمدىلىگى جەدەل جوعارىلاعان. 2020 – جىلدىڭ سوڭىنا دەيىن، ءار ون مىڭ ادامعا تۋرا كەلەتىن تاپقىرلىق پاتەنت ۇقىعىنىڭ مولشەرى 15.8 كە جەتىپ، مەملەكەتتىڭ «13 –بەسجىلدىق» جوسپارداعى نىساناسى اسىرا ورىندالعان.
ساۋدا ماركاسى جاعىندا، ەلىمىزدىڭ تىركەۋگە الىنعان كۇشىنە يە ساۋدا ماركاسىنىڭ مولشەرى 30 ميلليون 173 مىڭ داناعا جەتكەن؛ تىركەۋگە الىنعان وڭىرلىك ايگىلى ماركانىڭ كوللەكتيۆتىك ساۋدا ماركاسى، ىسپاتتىق ماركالار سانى 192 دانا، جاعراپيالىق بەلگىلىك ساۋدا ماركاسى 6085 دانا بولعان، جاعراپيالىق بەلگىلىك قورعالاتىن ونىمدەردەن 2391 داناسى تۇراقتاندىرىلعان، جاعراپيالىق بەلگىلىك ونىمدەردىڭ ءونىم قۇنى تريلليون يۋاننان اسقان.
«13 – بەسجىلدىق» جوسپار مەزگىلىنەن بەرى، ەلىمىزدىڭ ءبىلىم مەنشىك ۇقىعىنان پايدالانۋ ورەسى ۇزدىكسىز جوعارىلادى. ءبىلىم مەنشىك ۇقىعىن كەپىلگە قويۋ ارقىلى قارجى قۇراۋ جالپى سوماسى 709 ميلليارد 500 ميلليون يۋان بولىپ، «12 – بەسجىلدىق» جوسپار مەزگىلىندەگىدەن ەكى ەسە ارتقان؛ ءبىلىم مەنشىك ۇقىعىنان پايدالانۋ اقىسىنا قاتىستى يمپورت – ەكسپورت سوماسى 2015 – جىلداعى 23 ميلليارد 110 ميلليون ا ق ش دوللارىنان 2019 – جىلداعى 40 ميلليارد 980 ميلليون ا ق ش دوللارىنا جوعارىلاپ، جىلدىق ارتۋ مولشەرى ورتا ەسەپپەن %15.4 بولعان؛ جۇڭگو پاتەنت سيلىعىنان 130 ءتۇر سارالانىپ، جاڭادان ارتقان ساتىلىم سوماسى ءبىر تريلليون يۋاننان اسقان؛ پاتەنت ۇقىعى شوعىرلانعان تيپتەگى كاسىپ سالالارىندا ارتقان قۇن 11 تريلليون 500 ميلليارد يۋانعا جەتىپ، سايكەستى مەزگىلدەگىمەن سالىستىرعاندا %7 ارتقان.
ماجىلىستە 2021 – جىلداعى ءبىلىم مەنشىك ۇقىعى جاعىنداعى ءتۇيىندى قىزمەتتەرگە ورنالاستىرۋ جاسالدى. ءبىرىنشى، ءبىلىم مەنشىك ۇقىعىن ەڭ جوعارى ساتىدا جوبالاۋدى ويداعىداي ىستەپ، ءبىلىم مەنشىك ۇقىعى جاعىندا قۋاتتى مەملەكەت بولۋ ستراتەگياسىن جانە «13 – بەسجىلدىق» جوسپاردى باستاۋ، اتقارۋ كەرەك. ەكىنشى، ءبىلىم مەنشىك ۇقىعى جاعىنداعى زاڭ – تۇزىمدەردى كەمەلدەندىرىپ، ءبىلىم مەنشىك ۇقىعى قىزمەتىن زاڭمەن جونگە سالۋ ورەسىن جوعارىلاتۋ كەرەك. ءۇشىنشى، ءبىللىم مەنشىك ۇقىعى جاعىندا جاسامپازدىق ساپاسىن كۇش سالا جوعارىلاتۋ قاجەت. ءتورتىنشى، ءبىلىم مەنشىك ۇقىعىن قورعاۋدى جاپپاي كۇشەيتۋ، جوعارى ولشەمدى بازار جۇيەسىن قۇرۋدى ىلگەرىلەتۋ قاجەت. بەسىنشى، ءبىلىم مەنشىك ۇقىعىنىڭ پايدالانۋ ونىمدىلىگىن كۇش سالا جوعارىلاتىپ، ناقتى تۇلعالىق ەكونوميكانىڭ دامۋىنا تىرەك بولۋ كەرەك. التىنشى، ءبىلىم مەنشىك ۇقىعى جاعىنداعى الەۋمەتتىك قىزمەت وتەۋ قۋاتىن جوعارىلاتۋ ينجەنەرياسىن اتقارۋ كەرەك. جەتىنشى، ءبىلىم مەنشىك ۇقىعىن قورعاۋ جاعىندا حالىقارالىق سەلبەستىك پەن باسەكەنى ءبىرتۇتاس جوسپارلاپ ىلگەرىلەتۋ قاجەت. سەگىزىنشى، ءبىلىم مەنشىك ۇقىعى ىستەرىن دامىتۋ نەگىزىن بەكەمدەپ، باسقارۋ جانە قىزمەت وتەۋ قابىلەتى مەن ورەسىن كۇش سالا جوعارىلاتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
