شي جينپيڭ لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى تۇڭلۇنمەن تەلەفوندا سويلەستى
2021.01.22 14:33 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 21 - كۇنى، بەيجيڭ. 1 - ايدىڭ 21 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۋادە بويىنشا لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى تۇڭلۇنمەن تەلەفوندا سويلەستى.
شي جينپيڭ جۇڭگو پارتياسى، ۇكىمەتى، حالقى اتىنان تۇڭلۇننىڭ لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى بولىپ سايلانعانىن قۇتتىقتادى. شي جينپيڭ مىنانى ءبىلدىردى: لاوس پارتياسىنىڭ 11 - قۇرىلتايى جەڭىسپەن اشىلىپ، پارتيانى، مەملەكەتتى جونگە سالۋدىڭ ءبىرقىدىرۋ جاڭا وي جەلىسى، جاڭا شاراسى العا قويىلدى، بۇل لاوس سوتسياليزم ىستەرىنىڭ ۇزدىكسىز العا قاراي دامۋىن ىلگەرىلەتۋدە كەلەلى مانگە يە. تۇڭلۇن جولداس باستاعان جاڭا كەزەكتى لاوس پارتيا ورتالىق كوميتەتىنىڭ باسشىلىعىندا، لاوستىڭ بۇكىل پارتياسىنىڭ، بۇكىل ەل حالقىنىڭ ءبىر نيەتپەن ىنتىماقتاسىپ، 11 - قۇرىلتايدا بەلگىلەنگەن نىسانا - مىندەتتەردى قۇلشىنا جۇزەگە اسىراتىنىنا سەنەمىن.
شي جينپيڭ بىلاي دەپ اتاپ كورسەتتى: جۇڭگو مەن لاوس − تاۋ - سۋى جالعاسقان تاتۋ كورشى ەلدەر، كوممۋنيستىك پارتيانىڭ باسشىلىعىندا، سوتسياليزم بەتالىسىندا تاباندى بولۋ − جۇڭگو - لاوس قاتىناسىنىڭ ماندىك ەرەكشەلىگى. قازىر جۇڭگو مەن لاوستىڭ قاتىناسى تاريحتاعى ەڭ جاقسى مەزگىلدە تۇر، دۇنيە جۇزىندە ءجۇز جىلدان بەرى بولماعان زور وزگەرىس جاعدايى مەن دۇنيە ءجۇزى بويىنشا ىندەتتىڭ قابات كەلۋىنىڭ ىقپالى الدىندا جۇڭگو لاوسپەن بىرگە جوعارى جىكتەگىلەردىڭ بارىس - كەلىسىن اناعۇرلىم جيىلەتىپ، ستراتەگيالىق پىكىرلەسۋدى كۇشەيتىپ، پارتيانى، مەملەكەتتى جونگە سالۋ تاجىريبەلەرىن ىشكەرىلەي اۋىستىرۋدى قالايدى. ەكى جاق جۇڭگو - لاوس ەكونوميكالىق ءدالىزى جانە جۇڭگو - لاوس تەمىر جولى سياقتى ءىرى نىساندار قۇرىلىسىن ورنىقتى ىلگەرىلەتىپ، جۇڭگو مەن لاوستىڭ «ءبىر بەلدەۋ، ءبىر جولدى» بىرگە قۇرۋدا ءتىپتى كوپ تابىسقا قول جەتكىزۋىن ىلگەرىلەتۋى كەرەك. سونىمەن بىرگە، ەكى جاق مادەنيەت، جاستار، ساياحات سياقتى سالالارداعى اۋىس - كۇيىستى، سەلبەستىكتى تەرەڭدەتىپ، جۇڭگو مەن لاوستىڭ تاعدىرلاس ورتاق تۇلعاسىنىڭ گۋمانيتارلىق مازمۇنىن ۇزدىكسىز بايىتۋى كەرەك. جۇڭگو لاوستىڭ ىندەتكە قارسى اتتانۋ قۇلشىنىسىن ۇزدىكسىز قولدايدى، لاوسقا ءبىر توپتا جاڭا تيپتى ايدارشا ۆيرۋس وكپە قابىنۋى ۆاكسيناسىن بەرۋدى ويلاستىرادى. جۇڭگو لاوسپەن حالىقارالىق جانە وڭىرلىك ىستەردەگى سايكەسۋ مەن سەلبەسۋدى كۇشەيتىپ، بىرگە دامۋدى، گۇلدەنۋدى جەبەۋگە پەيىل. شي جينپيڭ تۇڭلۇننىڭ جاڭا ماڭىزدى قىزمەت ورنىندا تىڭ دا اناعۇرلىم زور تابىستارعا قول جەتكىزۋىن تىلەدى.
تۇڭلۇن مىنانى ءبىلدىردى: باس شۋجي شي جينپيڭ جولداستىڭ لاوس پارتياسىنىڭ 11 - قۇرىلتايى تابىسپەن جابىلعاننان كەيىن كوپ وتپەي مەنىمەن تەلەفوندا سويلەسكەنىنە ەرەكشە العىس ايتامىن، بۇل باس شۋجي جولداستىڭ لاوس - جۇڭگو قاتىناسىنا ايرىقشا ءمان بەرەتىنىن جانە لاوس - جۇڭگو پارتيالارىنىڭ، ەلدەرىنىڭ، ەكى ەل حالىقتارىنىڭ تەرەڭ دوستىعى مەن ءداستۇرلى دوستىعىن تولىق ايگىلەدى. وسى رەت لاوس پارتياسىنىڭ 11 - قۇرىلتايى ءبىرقىدىرۋ ماڭىزدى تابىسقا قول جەتكىزدى، لاوس پارتياسى پرينسيپتىك جاقتان جان - جاقتى جاڭالىق جاراتۋ لۋشيانىندا تاباندى بولىپ، حالىقتى باستاپ، ءبىرقىدىرۋ تىڭ جەڭىسكە قول جەتكىزىپ، لاوستىڭ سوتسياليستىك قۇرىلىسىن ىلگەرىلەتۋگە بەرىك نەگىز قالادى. لاوس جۇڭگونىڭ لاوستىڭ ءارقايسى دامۋ مەزگىلىندە، سونىڭ ىشىندە جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋىندە لاوس جاققا كورسەتكەن قاستەرلى قولداۋى مەن كومەگىنە شىن جۇرەكتەن العىس ايتادى، لاوس پەن جۇڭگونىڭ تاعدىرلاس ورتاق تۇلعا ارەكەت جوسپارىن تياناقتاندىرۋ قىزمەتىن ۇزدىكسىز ىلگەرىلەتىپ، جۇڭگومەن «ءبىر بەلدەۋ، ءبىر جولدى» بىرگە قۇرۋ سياقتى سالالارداعى سەلبەستىكتى كۇشەيتىپ، ءار جىكتەگى دوستىق اۋىس - كۇيىستى جەبەيدى. لاوس شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ باسشىلىعىندا جۇڭگو حالقىنىڭ، ءسوز جوق، جاپپاي سوتسياليستىك وسىزاماندانعان مەملەكەت قۇرۋدا تىڭ تابىسقا قول جەتكىزىپ، بەلگىلەنگەن كۇرەس نىساناسىن ۋاعىندا جۇزەگە اسىراتىنىنا كامىل سەنەدى.
تەلەفوندا سويلەسۋ كەزىندە شي جينپيڭ تۇڭلۇنمەن بىرگە جۇڭگو - لاوس دوستىق جىلىنىڭ رەسمي باستالعانىن، جەلىلەس قۇتتىقتاۋ قيمىلدارى وتكىزىلىپ، جۇڭگو - لاوس دوستىعىنىڭ جۇرت جۇرەگىنە تەرەڭ ۇيالاۋى ىلگەرىلەتىلەتىنىن جاريالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
