بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

شارالاردى كۇشەيتىپ، ءتۇزىمدى كەمەلدەندىرىپ، كاسىپورىندارعا ساياتىن الباتى اقى الۋدى باتىل تەجەپ، زاڭدا بەلگىلەنگەن باجى - اقىنى جيناۋ قىزمەتىن ءتارتىپتى ويداعىداي ىستەپ، كاسىپورىندار مەن بۇقارانىڭ اۋىرتپالىعىن ۇيلەسىمسىز ارتتىرماۋعا كەپىلدىك ەتۋدى ورنالاستىردى

2021.01.22 14:40     كەلۋ قاينارى : حالىق تورابى

  شينحۋا اگەنتتىگى، 1 - ايدىڭ 21 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 1 - ايدىڭ 20 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، شارالاردى كۇشەيتىپ، ءتۇزىمدى كەمەلدەندىرىپ، كاسىپورىندارعا ساياتىن الباتى اقى الۋدى باتىل تەجەپ، زاڭدا بەلگىلەنگەن باجى - اقىنى جيناۋ قىزمەتىن ءتارتىپتى ويداعىداي ىستەپ، كاسىپورىندار مەن بۇقارانىڭ اۋىرتپالىعىن ۇيلەسىمسىز ارتتىرماۋعا كەپىلدىك ەتۋدى ورنالاستىردى.

  ءماجىلىس بىلاي دەپ اتاپ كورسەتتى: قالىڭ بازار تۇلعاسى − سوتسياليستىك بازار شارۋاشىلىعىن دامىتۋدىڭ كۇش قاينارى، ول ءجۇز ميلليونداعان بۇقارانىڭ مۇددەسىنە تىكەلەي قاتىستى. بازار تۇلعالارىن، اسىرەسە، ورتا، شاعىن، ۇساق كاسىپورىنداردى قولداۋدى جانە وعان قىزمەت ەتۋدى ارقاۋ ەتىپ، ولاردىڭ قيىن ماسەلەلەردى شەشۋىنە كوبىرەك شارا قولدانىپ كومەكتەسىپ، ۇيلەسىمسىز اۋىرتپالىقتاردى جەڭىلدەتىپ، بازار تۇلعالارىنىڭ ومىرشەڭدىك كۇشىن بارىنشا قاۋلاتۋ كەرەك. تاياۋ جىلداردان بەرى رايوندار مەن قاتىستى تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، كاسىپورىندارعا ساياتىن اقى الۋدى زور كۇشپەن اداقتادى جانە ارناعا ءتۇسىردى، ورتالىق بەلگىلەگەن اكىمشىلىك ورىندار، ءىسورىندار سيپاتىنداعى اقىلار مەن ۇكىمەتتىك قور جەكە - جەكە %70 جانە %30 تەن استام ازايدى، جەر - جەر ءبىر توپ اقى الۋ ءتۇرىن كۇشىنەن قالدىردى. اسىرەسە، بىلتىر شىعارىلعان باجىنى كەمەيتۋ، اقىنى تومەندەتۋ، قوعامدىق قامسىزداندىرۋ اقىسىن كەزەڭدىك كەمەيتۋ، كەشىرۋ سياقتى ساياساتتار بازار تۇلعالارىن ساقتاپ قالۋدا، ەكونوميكانىڭ نەگىزگى جاعدايىن ورنىقتىرۋدا شەشۋشى رول اتقاردى.

  ءماجىلىس مىنالاردى اتاپ كورسەتتى: قازىر ىندەت جاعدايى مەن ەكونوميكالىق جاعداي كۇردەلى، بازار تۇلعالارى ءالى دە كوپتەگەن قيىنشىلىققا ءدوپ كەلىپ وتىر، ۇستىنەن وڭاۋ مەن تۇبىرىنەن وڭاۋدى ۇشتاستىرىپ، الباتى اقى الۋدى ۇزدىكسىز جونگە سالىپ، كاسىپورىنداردىڭ اۋىرتپالىعىن جەڭىلدەتىپ، ەكونوميكانىڭ ورنىقتى قالپىنا كەلۋ نەگىزىن بەكەمدەۋ كەرەك. ءبىرىنشى، بۇكىل ەل بويىنشا كاسىپورىندارعا ساياتىن بەلگىلەمەگە قايشى اقى الۋ ارناۋلى تەكسەرۋىن ورىستەتىپ، ءوز بەتىمەن اقى الۋ تۇرلەرىن بەلگىلەۋ، اقى الۋ ولشەمىن جوعارىلاتۋ، اقى الۋ كولەمىن كەڭەيتۋ، الباتى سالىق سالۋ سياقتى ماسەلەلەردى قاتاڭ تەكسەرىپ ءبىر جاقتى ەتىپ، كاسىپورىنداردىڭ اڭىسى كۇشتى بولعان، قوعامدا ناشار ىقپال تۋدىرعان الباتى اقى الۋ ارەكەتتەرىن اشكەرەلەۋ كەرەك. كاسىپتىك قوعامداردىڭ، ساۋدا قوعامدارىنىڭ اقى الۋىنا قاراتا ءوزىن - ءوزى تەكسەرۋدى، ۇلگى الىپ تەكسەرۋدى جاپپاي ورىستەتۋ كەرەك. ەكىنشى، قاتىناس، باجى، شۇعىل جاعدايعا توتەپ بەرۋ سياقتى سالالارداعى زاڭ اتقارۋدى ارناعا ءتۇسىرىپ، قىسقارتۋ ولشەمىن عىلمي بەلگىلەپ، قاتىناس زاڭىنا جەڭىل قايشىلىق جاساعان، قاتىناس زاڭىنا ادەتتەگىدەي قايشىلىق جاساعان العاش قىلمىس وتكىزگەن قىلمىسكەرلەرگە ەسكەرتۋ بەرۋ ءتاسىلىن كوبىرەك قولدانىپ، ايىپ سالۋ ءتاسىلىن ابايلاپ قولدانۋ نەمەسە قولدانباۋ، باجى ىستەرىندە زاڭ اتقارۋ سالاسىندا «تۇڭعىش رەت قايشىلىق جاساعانداردى جازالاماۋ» تىزىمدىگى ءتۇزىمىن اقىلداسىپ جالپىلاستىرۋ كەرەك. ايىپ سالۋ، تاركىلەۋ ىستەرىن باسقارۋ ءتۇزىمىن تياناقتاندىرىپ جانە كەمەلدەندىرىپ، ايىپ سالۋ، تاركىلەۋ كىرىسىن تۇگەلدەي مەملەكەت قازىناسىنا تاپسىرىپ، «كىرىس – شىعىس سىندى ەكى لەنيا» بويىنشا باسقارۋ كەرەك. ءۇشىنشى، ءتۇيىندى سالالارداعى اقى الۋدى ۇزدىكسىز اداقتاۋ جانە جۇيەگە ءتۇسىرۋ كەرەك. جاڭادان قۇرىلعان، كاسىپورىنداردان اقى الاتىن ۇكىمەتتىك قور جونىنەن زاڭدا بەلگىلەنگەن تارتىپكە قاتاڭ بويسۇنۋ، مەرزىمى تولعان قوردىڭ كۇشىنەن قالدىرۋعا بولاتىندارىن تۇگەلدەي كۇشىنەن قالدىرۋ، قازىرشە كۇشىنەن قالدىرۋ قيىن بولعاندارىنا قاراتا جيناۋ ولشەمىن تومەندەتۋ كەرەك. اكىمشىلىك ورىندار، ءىسورىندار سيپاتىنداعى اقى الۋ تۇرلەرىن باسقارۋدى كۇشەيتىپ، اقى الۋ ولشەمى كورنەكتى جوعارىلارىنا ولشەمدى تومەندەتۋ شاراسىن قولدانىپ، ادەتتەگى باسقارۋ فۋنكتسياسىن ايگىلەيتىن اقى الۋ تۇرلەرىن كۇشىنەن قالدىرۋ كەرەك. ءتورتىنشى، تەڭىز تاسىمالى وتكەلدەرىنەن اقى الۋدى باقىلاۋ - باسقارۋدى كۇشەيتىپ، كەدەنگە مالىمدەۋ، زات اينالىمى، قامبادا ساقتاۋ، جۇك تيەۋ - ءتۇسىرۋ سياقتى بۋىنداردا زورلىقتى قىزمەت وتەۋ اقىسىن الۋ جانە باعانى اشىق بەلگىلەۋ ىستەرى ارناعا تۇسپەۋ سياقتى بەلگىلەمەگە قايشى ارەكەتتەردى زاڭ بويىنشا تەكسەرىپ ءبىر جاقتى ەتۋ كەرەك. بەسىنشى، باعاداعى زاڭعا قايشى ارەكەتتەرگە اكىمشىلىك جازا بەرۋ سياقتى جاقتارداعى زاڭ - ەرەجەلەرگە جەدەل وزگەرىس ەنگىزىپ، ۇيلەسىمسىز اكىمشىلىك جازا ىستەرىنە دەر كەزىندە وزگەرىس ەنگىزىپ نەمەسە ونى كۇشىنەن قالدىرىپ، كاسىپورىندارعا ساياتىن الباتى اقى الۋدان ءتۇزىم جاعىنان ساقتانۋ كەرەك.

  ءماجىلىس مىنانى تالاپ ەتتى: زاڭدا بەلگىلەنگەن باجى - اقىنى قالىپتى جيناۋ قىزمەتىن ويداعىداي ىستەۋ كەرەك، تاريحي قارىزدى ءوز الدىنا شوعىرلى اداقتاپ تاپسىرتۋعا بولمايدى، قوعامدىق قامسىزداندىرۋ اقىسىن الۋ مىندەتىن ءبولىپ بەرۋگە بولا كاسىپورىنداردىڭ، اسىرەسە، ورتا، شاعىن، ۇساق كاسىپورىنداردىڭ اقى تاپسىرۋ اۋىرتپالىعىن ارتتىرۋعا بولمايدى. بيىل بارلىق ولكە، اۆتونوميالى رايون، توتە قاراستى قالا قوعامدىق قامسىزداندىرۋ اقىسىنىڭ قازىرگى جيناۋ ءتاسىلىن وزگەرتپەۋى كەرەك. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتىپ، قوعامدىق قامسىزداندىرۋ اقىسىن تاپسىرۋ كاسىپ ءتارتىبىن ساپالىلاندىرىپ، «جاناسپايتىن» قىزمەت وتەۋ كولەمىن كەڭەيتىپ، 7 - ايدىڭ سوڭىنان بۇرىن كاسىپورىنداردىڭ قوعامدىق قامسىزداندىرۋ قاراجاتىن نەگىزىنەن توراپتا ءبىتىرۋدى جۇزەگە اسىرىپ، جىل سوڭىنان بۇرىن جەكەلەردىڭ اقى تاپسىرۋىن نەگىزىنەن توراپ ارقىلى ءبىتىرۋدى جۇزەگە اسىرۋ كەرەك. شارالاردى جاڭالاپ، قارتتار، اۋىر دارەجەدەگى مۇگەدەكتەر سياقتى ەرەكشە قاۋىمنىڭ اقى تاپسىرۋىنىڭ ىركىلىسسىز، قولايلى بولۋىن تولىق قامتاماسىز ەتۋ كەرەك. قوعامدىق قامسىزداندىرۋ اقىسىن جيناۋ جاعدايىن باقىلاۋدى، وعان تالداۋ جاساۋدى كۇشەيتىپ، بايقالعان ماسەلەلەردى دەر كەزىندە ءبىر جاقتى ەتۋ كەرەك. باقىلاۋ - تەكسەرۋدى كۇشەيتىپ، بەلگىلەمەگە قايشى ارەكەتتەرگە قاراتا ەرەجە، ءتارتىپ بويىنشا جاۋاپكەرلىكتى قاتاڭ قۋزاۋ كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار