بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

مەملەكەتتىك ساياسي كەڭەس قوس اپتالىق كەڭەس اڭگىمە ءماجىلىسىن اشتى

«ساۋدا ورتاسىن ۇزدىكسىز ساپالىلاندىرۋدى» ارقاۋ ەتىپ ۇكىمەت ءىسىن كەڭەستى

ۋاڭ ياڭ ءماجىلىستى باسقاردى

2021.01.22 14:56     كەلۋ قاينارى : حالىق تورابى

  «حالىق گازەتى»، 1 - ايدىڭ 21 - كۇنى، بەيجيڭ (ءتىلشى لي چاڭيۇي). ساياسي كەڭەس مەملەكەتتىك 13 – كەزەكتى كوميتەتىنىڭ 46 – رەتكى قوس اپتالىق كەڭەس اڭگىمە ءماجىلىسى 1 - ايدىڭ 21- كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى. ول مىنالاردى دارىپتەدى: باس شۋجي شي جينپيڭنىڭ ساۋدا ورتاسىن جاقسارتۋ جونىندەگى ماڭىزدى پايىمداۋلارىن ىشكەرىلەي ءتۇسىنىپ، ەلىمىزدىڭ ساۋدا ورتاسى قۇرىلىسىندا قول جەتكەن ىلگەرىلەۋشىلىكتەر مەن ورىن تەپكەن جەتەرسىزدىكتەرگە تاريح، ديالەكتيكا تۇرعىسىنان جان - جاقتى مامىلە جاساپ، مەملەكەت جاعدايىنىڭ ءىس جۇزىندىگىن تياناق ەتۋدە تاباندى بولىپ، بازارلانعان، زاڭمەن جونگە سالىناتىن، حالىقارالانعان ساۋدا ورتاسىن قالىپتاستىرىپ، جاپپاي سوتسياليستىك وسىزاماندانعان مەملەكەت قۇرۋعا پارمەندى تىرەك ازىرلەۋ كەرەك.

  11 مۇشە مەن ۇسىنىس ەتىلگەن ۋاكىل ءماجىلىستىڭ نەگىزگى تاقىرىبىن ارقاۋ ەتىپ، تۇرلىشە تۇرعىدان اقىل - كەڭەس بەردى. 100 دەن استام مۇشە مەملەكەتتىك ساياسي كەڭەستىڭ جىلجىمالى مىندەت وتەۋ تەكشەسىندە پىكىر ايتتى. كوپشىلىك بىلاي دەپ قارادى: پارتيانىڭ 18 - قۇرىلتايىنان بەرى پارتيا ورتالىق كوميتەتى، مەملەكەتتىك كەڭەس ساۋدا ورتاسىن ساپالىلاندىرۋعا ايرىقشا ءمان بەرىپ، ءتۇزىم جۇيەسىن ۇزدىكسىز كەمەلدەندىرىپ، بازارعا كىرۋ رۇقساتىن بارىنشا كەڭەيتىپ، ءادىل باقىلاۋ - باسقارۋدى جەدەل ىلگەرىلەتىپ، اكىمشىلىك قىزمەت وتەۋدى ۇزدىكسىز ساپالىلاندىرىپ، ەلىمىزدىڭ ساۋدا ورتاسىنىڭ حالىقارالىق رەت ءتارتىبىن كورنەكتى جوعارىلاتتى. سونىمەن بىرگە، بازارلانۋ دەڭگەيى، زاڭمەن جونگە سالۋ قامتاماسىزدىعى، حالىقارالانۋ اياق الىسى، قولايلىلانۋ دەڭگەيى جاعىندا ءالى دە اناعۇرلىم جوعارىلاتاتىنداي مۇمكىندىك بار، بىرەگەي تيجارات - ساۋدا ورتاسىن قالىپتاستىرۋ ءۇشىن ءالى دە ۇزاق ۋاقىت ۇلەس قوسۋعا تۋرا كەلەدى.

  كەيبىر مۇشەلەر مىناداي ۇسىنىس بەردى: جوعارى ولشەمدى ساۋدا ورتاسىن قالىپتاستىرۋدى «14 - بەسجىلدىق» جوبانى ويداعىداي اتقارۋدىڭ ماڭىزدى شارتى ەتىپ، ساۋدا ورتاسىن ۇزدىكسىز ساپالىلاندىرۋدى ساپالى دامۋدى ىلگەرىلەتۋدىڭ ماڭىزدى مىندەتى ەتۋ كەرەك. بازارعا كىرۋگە رۇقسات بەرۋدەگى شەكتەلگەن سالالار ءتىزىمى مەن ءادىل باسەكەنى تەكسەرۋ ءتۇزىمىن جاپپاي تياناقتاندىرىپ، ءبىر تۇتاس ساۋدا ىستەرىن تىزىمدەۋ ءتۇزىمىن ىلگەرىلەتىپ، كوپ جاقتى تەكسەرىپ بەكىتۋدى، قايتالاي تەكسەرىپ بەكىتۋدى اداقتاپ، بازار تۇلعالارىنىڭ يگىلىك، جاڭالىق جاراتۋ ومىرشەڭدىك كۇشىن تاسقىنداتۋ كەرەك. ءىس بارىسىنداعى، ىستەن كەيىنگى باقىلاۋ - باسقارۋدى ساپالىلاندىرىپ، كاسىپورىندارعا ساياتىن تەكسەرۋدى ارناعا ءتۇسىرىپ، زاڭعا بويسۇنۋشىلاردى ەشتەڭەدەن الاڭداتپاۋ، زاڭعا قايشىلىق جاساۋشىلاردى قاتاڭ جازالاۋ كەرەك. تاراۋلاردىڭ، وڭىرلەردىڭ اكىمشىلىك ىستەر ساندى مالىمەتتەرىنىڭ وقشاۋ ارالدارىن اشىپ، ساندى مالىمەتتەردىڭ كوپتەپ الماسۋىنا، بۇقارانىڭ از جۇگىرۋىنە مۇمكىندىك جاساۋ كەرەك. ورتا، شاعىن كاسىپورىنداردىڭ كەشەۋىلدەتىلگەن ەسەبىن اداقتاۋدىڭ باياندى مەحانيزمىن كەمەلدەندىرىپ، «جاڭا باسشىلاردىڭ كونە ەسەپتى ەلەمەۋىنە» تيىم سالۋ كەرەك. كاسىپورىندارعا ساياتىن اقى الۋدى ارناعا ءتۇسىرىپ، مەملەكەت بويىنشا ءبىر تۇتاس اقى الۋ تىزىمدىگىن جاساپ، الماۋعا تيىستىلەرىنە تۇگەلدەي تيىم سالۋ، الۋعا تيىستىلەرىن اشىق، جاريالى الۋ كەرەك. كاسىپورىنشىلاردىڭ زاڭدى ۇقىق - مۇددەسىن زاڭ بويىنشا قورعاپ، كاسىپورىندار مەن كاسىپورىنشىلاردىڭ زاڭدىق جاۋاپكەرلىگىن قاتاڭ پارىقتاپ، كاسىپورىنداردىڭ مال - مۇلىك ۇقىعىنا سۇعاناقتىق جاساعان قاتە دەلولاردى، ناقاق دەلولاردى ۇزدىكسىز سارالاۋ، تۇزەتۋ كەرەك. كاسىپورىنداردىڭ ۇقىعىن قورعاۋ مەحانيزمىن كەمەلدەندىرىپ، ءوڭىر اتتاعان، كاسىپ اتتاعان ءبىلىم مەنشىگى ۇقىعىنا جانە ساۋدا قۇپيالىعىنا قول سۇعۋ ارەكەتتەرىنە سوققى بەرۋ تەبىنىن ارتتىرۋ كەرەك. ساۋدا ورتاسىن باعالاۋ كورسەتكىشىن جەرگىلىكتى ۇكىمەتتىڭ باعالاۋ جۇيەسىنە ەنگىزىپ، ءۇشىنشى جاقتىڭ باعالاۋىنان ويداعىداي پايدالانىپ، جەر - جەردىڭ جاقسى تاجىريبەلەرىن، جاقسى ادىستەرىن دەر كەزىندە قورىتىندىلاۋ، جالپىلاستىرۋ كەرەك.

  مەملەكەتتىك ساياسي كەڭەس ءتوراعاسىنىڭ ورىنباسارلارى جاڭ چيڭلي، لي بين ماجىلىسكە قاتىناستى. مەملەكەتتىك ساياسي كەڭەس ءتوراعاسىنىڭ ورىنباسارى گاۋ يۇنلۇڭ تاقىرىپتىق ءسوز سويلەدى. مەملەكەتتىك ساياسي كەڭەستىڭ مۇشەلەرى ياڭ ۋەيمين، گۋ جىنچۇن، مياۋ شۇي، گى حۇڭلين، جاڭ جانبين، ليۋ جىندۇڭ، ليۋ ميڭجۇڭ، جياڭ يىڭ، حۋاڭ لي، چىن جىليە جانە ۇسىنىس ەتىلگەن ۋاكىل چۇي لۇنچۋان ءسوز سويلەدى. مەملەكەتتىك دامۋ جانە رەفورما كوميتەتىنىڭ جاۋاپتىسى قاتىستى جاعدايلاردى تانىستىردى، ءادىليا مينيسترلىگىنىڭ، قازىنا مينيسترلىگىنىڭ، ساۋدا مينيسترلىگىنىڭ، مەملەكەتتىك بازار باقىلاۋ - باسقارۋ باس مەكەمەسىنىڭ جاۋاپتىلارى كەڭەسكە قاتىناسىپ، پىكىر الماستىردى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار