بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ بەيجيڭدە، حىبەيدا قىزمەت تەكسەرگەندە، سونداي - اق بەيجيڭ 2022 - جىلعى قىسقى وليمپياداسى مەن مۇگەدەكتەر قىسقى وليمپياداسىنىڭ دايىندىق قىزمەتىنەن مالىمەت بەرۋ ءماجىلىسىن باسقارىپ اشقاندا بىلاي دەپ باسا دارىپتەدى

2021.01.22 15:14     كەلۋ قاينارى : شينجياڭ گازەتى

  1 - ايدىڭ 18 - كۇنىنەن 20 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە، حىبەيدا قىزمەت تەكسەردى، سونداي - اق بەيجيڭ 2022 - جىلعى قىسقى وليمپياداسى مەن مۇگەدەكتەر قىسقى وليمپياداسىنىڭ دايىندىق قىزمەتىنەن مالىمەت بەرۋ ءماجىلىسىن باسقارىپ اشتى. سۋرەتتە: 1 - ايدىڭ 20 - كۇنى تۇستەن بۇرىن شي جينپيڭ بەيجيڭ حالىق سارايىندا بەيجيڭ 2022 - جىلعى قىسقى وليمپياداسى مەن مۇگەدەكتەر قىسقى وليمپياداسىنىڭ دايىندىق قىزمەتىنەن مالىمەت بەرۋ ءماجىلىسىن باسقارىپ اشتى ءارى ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

  شي جينپيڭ بەيجيڭدە، حىبەيدا قىزمەت تەكسەرگەندە، سونداي - اق بەيجيڭ 2022 - جىلعى قىسقى وليمپياداسى مەن مۇگەدەكتەر قىسقى وليمپياداسىنىڭ دايىندىق قىزمەتىنەن مالىمەت بەرۋ ءماجىلىسىن باسقارىپ اشقاندا بىلاي دەپ باسا دارىپتەدى

  سەنىمدى بەكەمدەپ، قايراتتانا ءىس تىندىرىپ، كەمەلدەندىرە تۇسۋگە ۇمتىلىپ، قيىنشىلىقتى جەڭىپ، بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ دايىندىق قىزمەتىن بار كۇشپەن جاقسى ىستەۋ كەرەك

  حان جىڭ مالىمەت بەرۋ ماجىلىسىنە قاتىناستى


  شينحۋا اگەنتتىگىنىڭ 1 - ايدىڭ 20 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىردا بەيجيڭدە، حىبەيدا قىزمەت تەكسەردى، بەيجيڭ 2022 - جىلعى قىسقى وليمپياداسى مەن مۇگەدەكتەر قىسقى وليمپياداسىنىڭ دايىندىق قىزمەتىنەن مالىمەت بەرۋ ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: بەيجيڭ قىسقى وليمپياداسىن، مۇگەدەكتەر قىسقى وليمپياداسىن ويداعىداي وتكىزۋ پارتيا مەن مەملەكەتتىڭ ءىرى ءىسى، ءبىزدىڭ حالىقارالىق قوعامعا بەرگەن ايبىندى ۋادەمىز، بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ دايىندىق قىزمەتىن جاقسى ىستەۋدىڭ بورىشى داڭقتى، ماڭىزى زور. سەنىمدى بەكەمدەپ، قايراتتانا ءىس تىندىرىپ، كەمەلدەندىرە تۇسۋگە ۇمتىلىپ، قيىنشىلىقتى جەڭىپ، جاڭا دامۋ ۇستانىمىن مۇقيات دايەكتىلەندىرىپ، وليمپيادانى جاسىل وتكىزۋدى، وليمپيادانى بىرگە يگىلىككە كەنەلىپ وتكىزۋدى، وليمپيادانى اشىق وتكىزۋدى، وليمپيادانى پاكتىكپەن وتكىزۋدى دايىندىق قىزمەتىنىڭ تۇتاس بارىسىمەن ساباقتاستىرىپ، ءتۇرلى دايىندىق قىزمەتتەرىن بار كۇشپەن جاقسى ىستەپ، دۇنيە جۇزىنە تارتىمدى، ەرەكشە، ەرەن وليمپيادا سالتاناتتى جينالىسىن سيلاۋعا قۇلشىنۋ كەرەك.

  شي جينپيڭ بارلىق سپورتشىلارعا، جاتتىقتىرۋشىلارعا، بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ دايىندىق قىزمەتىنە ات سالىسىپ جاتقان بارلىق قۇرىلىسشىلارعا، باسقارۋشىلارعا جانە قىزمەتكەرلەرگە وسكەلەڭ قۇرمەت ءبىلدىردى جانە شىنايى العىس ايتتى، كوپشىلىككە كوكتەم مەرەكەسى بايلانىسىمەن ىزگى تىلەك ءبىلدىردى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ مالىمەت بەرۋ ماجىلىسىنە قاتىناستى.

  قاقاعان قىس ماۋسىمى، حۋابەيدىڭ بايتاق دالاسىنىڭ اسپانى شايداي اشىق، تاۋلى القاپ اق مامىققا ورانىپ جاتىر. 1 - ايدىڭ 18 - كۇنىنەن 19 - كۇنىنە دەيىن، شي جينپيڭ جەكە - جەكە جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چيدىڭ جانە قالا باستىعى چىن جينيڭنىڭ، حىبەي ولكەلىك پارتكومنىڭ شۋجيى ۋاڭ دۇڭفىڭنىڭ سەرىك بولۋىمەن، قاقاعان قىسقا قاراماي حايديان، يانچيڭ، جاڭجياكوۋ قاتارلى جەرلەرگە ىركەس - تىركەس بارىپ، دەنە تاربيە الاڭ - سارايلارىن، جاتتىعۋ بازالارىن، قاتىناس تۇيىندەرىن ارالاپ، بەيجيڭ 2022 - جىلعى قىسقى وليمپياداسىنىڭ، مۇگەدەكتەر قىسقى وليمپياداسىنىڭ دايىندىق جاعدايىن ۇعىستى.

  1 - ايدىڭ 18 - كۇنى تۇستەن بۇرىن، شي جينپيڭ الدىمەن بەيجيڭ قالاسىنىڭ حايديان رايونىنداعى استانا دەنە تاربيە سارايىنا كەلىپ، بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ دايىندىق قىزمەتىنىڭ جالپى احۋالى، جارىسقا قاتىناسۋ، جارىسقا دايىندالۋ جانە بۇقارالىق قار - مۇز سپورتىن ورىستەتۋ جاعدايى جونىندەگى تانىستىرۋدى تىڭداپ، ءتۇرلى دايىندىق قىزمەتتەرىندە قول جەتكەن ىلگەرىلەۋشىلىكتەردى تۇراقتاندىردى.

  استانا دەنە تاربيە سارايى ەل ىشىندەگى تۇڭعىش بولمە ىشىندەگى جاساندى مۇز الاڭى، جاڭالاپ، كەڭەيتىپ سالۋ ارقىلى قىسقى وليمپيادانىڭ قىسقا ارالىقتا تەز سىرعاناۋدىڭ جانە مانەرلەپ سىرعاناۋدىڭ جارىس، جاتتىعۋ شارت - جاعدايىن ازىرلەگەن. شي جينپيڭ جاتتىعۋ الاڭىنىڭ شەتىنە بارىپ، سارايدى جاڭالاپ سالۋ جاعدايىن كورىپ، مەملەكەتتىك مانەرلەپ سىرعاناۋ كومانداسى مەن قىسقا ارالىقتا تەز سىرعاناۋ كومانداسى سپورتشىلارىنىڭ، جاتتىقتىرۋشىلارىنىڭ ۋاكىلدەرىمەن ىقىلاستى اڭگىمەلەستى. شي جينپيڭ بىلاي دەپ اتاپ كورسەتتى: دەنە تاربيەدە قۋاتتى ەل قۇرۋ − جاپپاي سوتسياليستىك وسىزاماندانعان مەملەكەت قۇرۋداعى ءبىر ماڭىزدى نىسانا. دەنە تاربيەدە قۋاتتى ەل بولۋدىڭ نەگىزى بۇقارالىق دەنە تاربيەدە. بەيجيڭ قىسقى وليمپياداسىن، مۇگەدەكتەر قىسقى وليمپياداسىن وتكىزۋ ارقىلى ەلىمىزدىڭ قار - مۇز سپورتىنىڭ قارىشتاپ دامۋىن جەبەپ، ولقى تۇرلەردى تولىقتاپ، ءالسىز تۇرلەردى كۇشەيتىپ، باسەكەلىك دەنە تاربيەدە قۋاتتى، بۇقارالىق دەنە تاربيەدە ءالسىز جانە ”جازعى سپورت تۇرلەرىندە قۋاتتى، قىسقى سپورت تۇرلەرىندە ءالسىز“، ”مۇز سپورتىندا قۋاتتى، قار سپورتىندا ءالسىز“ بولۋداي ماسەلەنى بىرتىندەپ شەشىپ، جاڭا داۋىردەگى دەنە تاربيە ىستەرىنىڭ جوعارى ساپالى دامۋىن ىلگەرىلەتۋ كەرەك. وسى زامانعى باسەكەلىك دەنە تاربيە دەڭگەيىن جوعارىلاتۋدا جىگەر - قايراتقا سۇيەنۋمەن بىرگە، شەبەرلىككە دە سۇيەنۋ كەرەك. سپورتشىلاردا وتانعا داڭق اپەرۋ، ەرلىكپەن تاماشا ناتيجە جاراتۋ ەرىك - جىگەرى بولۋ، شىلىڭگىر جازدا، قاقاعان قىستا جاتتىعىپ، شەبەرلىكتە جاڭالىق اشۋدى كۇشەيتىپ، شەتەلدىڭ وزىق ۇستانىمى مەن تەحنيكاسىنان ۇيرەنىپ، ۇلگى الىپ، جاتتىعۋ جانە جارىس ورەسىن ۇزدىكسىز جوعارىلاتۋ كەرەك.

  1 - ايدىڭ 18 - كۇنى تۇستەن كەيىن، شي جينپيڭ بەيجيڭ قالاسى يانچيڭ رايونىنداعى مەملەكەتتىك قارلى تاۋدان سىرعاناۋ ورتالىعىنا بارىپ قىزمەت تەكسەرىپ، تەكسەرۋ - زەرتتەۋ جۇرگىزدى. مەملەكەتتىك قارلى تاۋدان سىرعاناۋ ورتالىعىندا 7 سىرعاناۋ جولىن سالۋ جوسپارلانعان، جارىس كەزىندە بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ قارلى تاۋدان سىرعاناۋ تۇرلەرىنىڭ بارلىق جارىستارىن وتكىزۋدى ۇستىنە الادى. شي جينپيڭ اسپالى ارباعا وتىرىپ سىرعاناۋ جولىنىڭ ورتاسىنداعى تۇعىرعا بارىپ، مەملەكەتتىك قارلى تاۋدان سىرعاناۋ ورتالىعىنىڭ سالىنۋ جاعدايىن ۇعىستى. شي جينپيڭ بىلاي دەپ باسا دارىپتەدى: وليمپيادانى جاسىل وتكىزۋ ۇستانىمىن كورنەكتىلەندىرىپ، دەنە تاربيە ىستەرىن دامىتۋدى ەكولوگيالىق وركەنيەت قۇرىلىسىن جەبەۋمەن ۇشتاستىرىپ، دەنە تاربيە قۇرىلعىلارىن جاراتىلىستىق كورىنىسپەن جاراسىمدى توعىستىرىپ، ادامداردىڭ قار - مۇز سپورتىنىڭ شەكسىز باۋراۋ قۋاتىنان ءلاززات الۋمەن بىرگە، دارقان تابيعاتتىڭ ەكولوگيالىق كوركەمدىگىمەن قاۋىشۋىنا شىنايى كەپىلدىك ەتۋ كەرەك.

  كومبە اۋماعىندا، شي جينپيڭ ورتالىقتىڭ ساقتانۋ - قورعانۋ تورىن ورناتۋ، سىرعاناۋ جولدارىن شارلاپ تەكسەرۋ، سپورتشىلاردى قۇتقارۋ - كومەك بەرۋ سياقتى جارىس قامتاماسىزدىعى قىزمەتىنىڭ كورسەتپەلى تۇسىندىرمەسىن جانە قارلى تاۋدان سىرعاناۋ باسەكە جارىسىنا جاتتىعۋ جاعدايىن كوردى. شي جينپيڭ بىلاي دەپ اتاپ كورسەتتى: حاۋىپسىزدىك − ماڭىزدى دەنە تاربيە جارىس ىستەرىندە، ءسوز جوق، بەرىك تۇرۋعا ءتيىستى تومەنگى شەك. قارلى تاۋدان سىرعاناۋ ”ەرجۇرەكتەردىڭ سپورتى“، ءار جاقتارداعى حاۋىپسىزدىك قامتاماسىزدىعىن كۇشەيتىپ، باسقارۋ ۇجىمى، قۇتقارۋ - قورعاۋ كۇشتەرى جانە قۇرىلعىلاردى قورعاۋ، جوندەۋ قوسىنى قۇرىلىسىن ويداعىداي يگەرىپ، ىندەتتەن ساقتانۋ، ورتتەن ساقتانۋ، شىرعالاڭنان ساقتانۋ سياقتى حاۋىپ - قاتەرلەردەن ساقتانۋ شارالارىن كەمەلدەندىرىپ، توتەنشە جاعدايعا توتەپ بەرۋ بويىنشا جاتتىعۋدى كۇشەيتىپ، ەشقانداي اعاتتىق جىبەرمەۋگە شىنايى كەپىلدىك ەتۋ كەرەك. كوپشىلىكتىڭ عىلمي جاتتىعىپ، حاۋىپسىزدىككە كوڭىل ءبولىپ، باس اماندىعىن قورعاپ، ورەنى جوعارىلاتىپ، ”ەسىك الدىندا“ جارىسقا قاتىناسۋدىڭ ابزالدىلىعىن ساۋلەلەندىرىپ، قارلى تاۋدان سىرعاناۋ تۇرىندە مەدال الۋدان ءنولدى جارۋدى جۇزەگە اسىرۋعا قۇلشىنۋىن ءۇمىت ەتەمىن.

  وسىدان كەيىن شي جينپيڭ مەملەكەتتىك قار اربا، قار شانا ورتالىعىنا بارىپ، سىرعاناۋ جولىنا شىعۋ اۋماعىندا، كومبە اۋماعىندا قار اربا، قار شانا سپورتشىلارىنىڭ باستالۋ تۇيىنىنەن شىعىپ مارەگە جەتۋگە دەيىنگى تۇتاس جاتتىعۋ بارىسىن كوردى. مەملەكەتتىك قار اربا، قار شانا كومانداسى سپورتشىلارىنىڭ، جۇڭگولىق - شەتەلدىك جاتتىقتىرۋشىلاردىڭ جانە يانچيڭ جارىس رايونى جۇمىس اينالىم قامتاماسىزدىعى ۇجىمىنىڭ، قۇرىلىسشىلاردىڭ ۋاكىلدەرى باس شۋجيگە اسقاق ۇنمەن امانداستى. شي جينپيڭ كوپشىلىكتەن حال سۇراپ، كوپشىلىكتى قاجىرلىلىقپەن جاتتىعۋعا، جاتتىعۋدى، ەڭبەكتى دەمالىسپەن ۇشتاستىرۋعا شابىتتاندىردى. شي جينپيڭ بىلاي دەپ باسا دارىپتەدى: ەلىمىزدىڭ قار - مۇز سپورتىنىڭ قارىشتاپ دامۋىن ىلگەرىلەتۋ − ەكىنشى 100 جىلدىق كۇرەس نىساناسىن جۇزەگە اسىرۋدىڭ ماڭىزدى قۇرامداس بولىگى ءارى قالىڭ قار - مۇز سپورتشىلارىنىڭ ومىرىندە تاپتىرماس وراي جاراتتى. قازىر ەلىمىزدە ىندەتتىڭ سىرتتان كىرۋىنەن ساقتانۋدىڭ، ىشتە قايتا بەلەڭ بەرۋدەن ساقتانۋدىڭ قىسىمى ءالى دە وتە اۋىر، ىندەتتەن ساقتانۋ - تىزگىندەۋ سىندى ارقاۋدى باستان - اياق مىقتاپ شيراتىپ، ىندەتتەن ساقتانۋ - تىزگىندەۋ شارالارىن قاتاڭ اتقارىپ، تۇتاس بارىستى جابىق باسقارۋ ءتارتىبىن جاقسارتىپ، حاۋىپسىزدىككە شىنايى كەپىلدىك ەتۋ كەرەك.

  بەيجيڭ - جاڭجياكوۋ جوعارى قارقىندى تەمىر جولىنىڭ تايزىچىڭ ۆوكزالى جاڭجياكوۋ جارىس رايونىنىڭ وزەكتى اۋماعىنا ورنالاسقان، وليمپيادا جارىس الاڭىنا توتە باراتىن دۇنيە جۇزىندەگى تۇڭعىش جوعارى قارقىندى تەمىر جول ۆوكزالى، ءبىر جىلدىڭ الدىندا رەسمي ىسكە قوسىلعان. 1 - ايدىڭ 19 - كۇنى شي جينپيڭ پويەزعا وتىرىپ، بەيجيڭ - جاڭجياكوۋ تەمىر جولىن بويلاپ تايزىچىڭ ۆوكزالىنا جەتتى، ۆوكزالدىڭ سپورتشىلارعا قىزمەت وتەۋ زالىنا كىرىپ، قۇم مودەلدەن بەيجيڭ - جاڭجياكوۋ جوعارى قارقىندى تەمىر جولى جانە تايزىچىڭ ۆوكزالى قۇرىلىسى سارا ينجەنەرياسىن، بەيجيڭ قىسقى وليمپياداسىنا، مۇگەدەكتەر قىسقى وليمپياداسىنا قىزمەت وتەۋدىڭ، قامتاماسىز ەتۋدىڭ قاتىستى جاعدايلارىن ۇعىستى. شي جينپيڭ بىلاي دەپ باسا دارىپتەدى: بەيجيڭ - جاڭجياكوۋ جوعارى قارقىندى تەمىر جولى ءۇش ءىرى جارىس رايونىن تۇتاستىراتىن ماڭىزدى مىندەتتى ارقالاپ وتىر، ىسكە قوسۋ، قىزمەت وتەۋ، تەحنيكالىق قامتاماسىزدىعى، حاۋىپسىزدىك قامتاماسىزدىعى سياقتى سىناقتاردى مىقتى يگەرىپ ورىستەتىپ، جەتەرسىزدىكتەردى دەر كەزىندە بايقاپ، ساڭلاۋلاردى بىتەپ، ءدال، ەگجەي - تەگجەيلى باسقارۋ جانە قىزمەت وتەۋ ورەسىن جوعارىلاتىپ، قىسقى وليمپيادا مەزگىلىندەگى حاۋىپسىز، جوعارى ءونىمدى جۇمىس جۇرگىزۋ ءۇشىن تاجىريبە توپتاپ، ويداعىداي تولىق دايىندىق جاساۋ كەرەك.

  تايزىچىڭ ۆوكزالىنان اتتانعاننان كەيىن، شي جينپيڭ تۇعىردان سەكىرىپ قاردا سىرعاناۋ مەملەكەتتىك ورتالىعىندا قىزمەت تەكسەرىپ، تەكسەرۋ - زەرتتەۋ جۇرگىزدى. مەملەكەتتىك تۇعىردان سەكىرىپ قاردا سىرعاناۋ ورتالىعى − ەلىمىزدەگى تۇعىردان سەكىرىپ قاردا سىرعاناۋدى نەگىزگى ماقسات ەتكەن العاشقى سپورت سارايى، تۇلعالىق قۇرىلىسىتى جوبالاۋ شابىتى جۇڭگونىڭ ءداستۇرلى اشەكەي بۇيىمى ”رۋ - يدان“ كەلگەن. شي جينپيڭ تۇعىردان سەكىرىپ قاردا سىرعاناۋ مەملەكەتتىك ورتالىعىنىڭ ەڭ ۇستىڭگى قاباتىنداعى اينالمالى دالىزگە شىعىپ، جاڭجياكوۋ جارىس اۋماعى جالپى تۇلعالىق قۇرىلىس جاعدايى جونىندەگى تانىستىرۋدى تىڭداپ، جاڭجياكوۋ جارىس اۋماعى گۋياڭشۋ الاڭ - ساراي شوعىرىنىڭ تۇتاس كەلبەتىن ۇستىنەن كوردى، سودان كەيىن تۇعىردان سەكىرىپ قاردا سىرعاناۋدىڭ كومبە اۋماعىنداعى كورەرمەندەر مىنبەسىنە بارىپ، تۇعىردان سەكىرىپ قاردا سىرعاناۋ سپورتشىلارىنىڭ جاتتىعۋ، كورسەتپەلى ءتۇسىندىرۋ جاعدايىن كوردى. شي جينپيڭ بىلاي دەپ اتاپ كورسەتتى: بەيجيڭ قىسقى وليمپياداسى، مۇگەدەكتەر قىسقى وليمپياداسى الاڭ - سارايلارىن جاڭالاپ سالۋ كوپتەگەن جۇڭگو ەلەمەنتتەرىن كىرىستىرىپ، ءبىزدىڭ مادەنيەت سەنىمىمىزدى ايگىلەدى. ءبىز ءبىر كەزەك قىسقى وليمپيادا سالتاناتتى جينالىسىن ويداعىداي وتكىزىپ قانا قالماستان، ەرەكشە، تارتىمدى، ماڭداي الدى ەتىپ وتكىزۋىمىز كەرەك.

  مەملەكەتتىك قىسقى ەكى ءتۇر ورتالىعىنىڭ كورەرمەندەر مىنبەسىندە، شي جينپيڭ قىسقى ەكى ءتۇر − دالالىق قاردا سىرعاناۋ جانە نىسانا اتۋ سپورتشىلارىنىڭ ۇتىلاپ جاتتىعۋ جاعدايىن كوردى ءارى مەملەكەتتىك قىسقى ەكى ءتۇر، تۇعىردان سەكىرىپ قاردا سىرعاناۋ كومانداسى سپورتشىلارىنا، جاتتىقتىرۋشىلارىنا جانە جاڭجياكوۋ جارىس رايونىنىڭ جۇمىس جۇرگىزۋ، قامتاماسىز ەتۋ ۇجىمىنىڭ، قۇرىلىسشىلارىنىڭ ۋاكىلدەرىنە امانداسىپ، حال سۇرادى. شي جينپيڭ شىنايى ىقىلاسپەن كوپشىلىككە بىلاي دەدى: مەن وسى رەت بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ دايىندىق جاعدايىن تەكسەرۋگە، سونداي - اق سيىر جىلىنداعى كوكتەم مەرەكەسى الدىندا كوپشىلىككە امانداسا كەلدىم. كوپشىلىك ءبىر كەزەكتى ءساتتى قىسقى وليمپيادا سالتاناتتى جينالىسىن ويداعىداي وتكىزۋ ءۇشىن قۇلشىنۋدا، سپورتشىلار قاجىرلىلىقپەن جاتتىعۋدا، قۇرىلىس سالۋشى ورىندار مەن قۇرىلىسشىلار، قامتاماسىزداندىرۋ ۇجىمدارى تىڭعىلىقتى ىستەپ، ءبىر توپ دۇنيە جۇزىندە بىرەگەي سارا ينجەنەريالاردى ءساتتى تۇلعالادى، كوپشىلىكتىڭ كۇرەس جاساۋ رۋحى، ۇلەس قوسۋ رۋحى ادامدى جىگەرلەندىرەدى. شي جينپيڭ بىلاي دەپ باسا دارىپتەدى: بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ الاڭ - سارايلارى قۇرىلىسى ءبىر جىل بۇرىن اياقتادى، ەلىمىزدىڭ كوپتەگەن قار - مۇز تۇرلەرى 2 جىلدان استام ۋاقىت ىشىندە جوقتان بار بولۋدى جۇزەگە اسىردى، كەيبىر تۇرلەر دۇنيە جۇزىندە وزىق دەڭگەيگە جەتىپ، پارتيانىڭ باسشىلىعى مەن مەملەكەتتىك ءتۇزىلىستىڭ، كۇشتى شوعىرلاندىرىپ ءىرى ءىس تىندىرۋدىڭ ءتۇزىم ابزالدىلىعىن تولىق ايگىلەدى.

  1 - ايدىڭ 20 - كۇنى تۇستەن بۇرىن، شي جينپيڭ حالىق سارايىندا بەيجيڭ 2022 - جىلعى قىسقى وليمپياداسى مەن مۇگەدەكتەر قىسقى وليمپياداسىنىڭ دايىندىق قىزمەتىنەن مالىمەت بەرۋ ءماجىلىسىن باسقارىپ اشتى. بەيجيڭ قالالىق پارتكومنىڭ شۋجيى ساي چي، حىبەي ولكەلىك پارتكومنىڭ شۋجيى ۋاڭ دۇڭفىڭ، دەنە تاربيە باس مەكەمەسىنىڭ باستىعى گوۋ جۇڭۋىن، جۇڭگو مۇگەدەكتەر بىرلەستىگىنىڭ ءتوراعاسى جاڭ حايدي ىركەس - تىركەس ءسوز سويلەپ، دايىندىق جاعدايىنان مالىمەت بەردى ءارى كەلەسى باسقىشتاعى قىزمەتتەر جونىندە پىكىر - ۇسىنىستارىن ورتاعا قويدى.

  كوپشىلىكتىڭ ءسوزىن تىڭداعاننان كەيىن، شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: بەيجيڭ قىسقى وليمپياداسى، مۇگەدەكتەر قىسقى وليمپياداسى ەلىمىزدىڭ ”14 - بەسجىلدىقتىڭ“ العاشقى مەزگىلىندە وتكىزەتىن كەلەلى، بەلگى سيپاتتى قيمىلى. بەيجيڭ قىسقى وليمپياداسىن، مۇگەدەكتەر قىسقى وليمپياداسىن وتكىزۋدىڭ كەلەلى ماڭىزىن تولىق تانىپ، دايىندىق قىزمەتىن ويداعىداي ىستەۋدەگى جاۋاپكەرشىلىك سەزىمدى، بورىشتىلىق سەزىمدى، كوكەي تەستىلىك سەزىمدى كۇشەيتۋ كەرەك.

  شي جينپيڭ بىلاي دەپ باسا دارىپتەدى: 5 جىلدان بەرى، قىسقى وليمپيادا قىزمەتى باسشىلىق گرۋپپاسىنىڭ ءبىر تۇتاس جوسپارلاپ قولباسشىلىق ەتۋىندە قىسقى وليمپيادا ۇيىمداستىرۋ القاسى ناقتى ۇيىمداستىرىپ، ءارقايسى جاقتار كۇش بىرىكتىرە سەلبەسىپ، حالىقارالىق دەنە تاربيە ۇيىمدارىمەن تىعىز سايكەسىپ، ءتۇرلى دايىندىق قىزمەتتەرىن ويداعىداي ىستەپ، قاناعاتتانارلىقتاي ناتيجەلەرگە قول جەتكىزدى. سونىمەن بىرگە، ءسوز جوق، كۇن ىلگەرى دايىندالىپ، عىلمي تۇجىرىم جاساپ، دايىندىق جوبانى ويداعىداي جاساپ، قىزمەتتەردى كۇشەيتۋ كەرەك. ءتۇرلى دايىندىق قىزمەتتەرىن كەمەلدەندىرە ويداعىداي ىستەپ، جاڭا جاعدايمەن ۇشتاستىرىپ، قىزمەتتەرگە قايتادان جوبالاۋ، رەتتەۋ جۇرگىزىپ، دايىندىق قىزمەتىنىڭ ءتۇيىنىن ىندەتتەن ساقتانۋ - تىزگىندەۋدى ويداعىداي يگەرۋ مەن جارىستى ويداعىداي ۇيىمداستىرۋدى ءبىر تۇتاس جوسپارلاۋعا شىن مانىندە اۋدارۋ كەرەك. ”ىقشام، حاۋىپسىز، تارتىمدى بولۋ“ سىندى جارىس وتكىزۋ تالاپتارىن كورنەكتىلەندىرىپ، ءتۇرلى حاۋىپ - قاتەرلەردەن جاپپاي ساقتانىپ، جويىپ، جارىس ۇيىمداستىرۋ، جارىسقا، جينالىسقا قىزمەت وتەۋ، عىلىم - تەحنيكانى قولدانۋ، مادەنيەت قيمىلدارى سياقتى ءتۇرلى دايىندىق قىزمەتتەرىن زەر سالا ويداعىداي ىستەپ، ىندەتتىڭ حاۋىپ - قاتەرىن بارىنشا تومەندەتۋ كەرەك.

  شي جينپيڭ بىلاي دەپ باسا دارىپتەدى: بەيجيڭ قىسقى وليمپياداسىنا، مۇگەدەكتەر قىسقى وليمپياداسىنا دايىندالۋ شەشۋشى كەزەڭگە ءوتتى، جارىستى ۋاعىندا وتكىزۋ نىساناسىن ارقاۋ ەتىپ، ءتۇرلى قىزمەتتەردى تياناقتاندىرۋدى جاپپاي سالالاۋ ءارى شىن مانىندە جاقسى يگەرۋ كەرەك. ءبىرىنشى، الاڭ - ساراي قۇرىلىسىن جانە باسقارۋدى جاقسى ىستەپ، الاڭ مەن قۇرىلعى جابدىقتارىن ولشەمگە ساي كەمەلدەندىرىپ، جارىسقا جاتپايتىن الاڭ - ساراي قۇرىلىسىن ۋاعىندا اياقتاتىپ، ءتۇرلى سايكەستى قۇرىلعىلاردى جانە كەدەرگىسىز ورتا قۇرىلىسىن ءبىر ۋاقىتتا ىلگەرىلەتىپ، ءتۇرلى الاڭ - سارايلارعا ىندەت بويىنشا تەكسەرۋ، اۋاشالاۋ، توتەنشە جاعدايدا ءبىر جاقتى ەتۋ سىندى قاجەتتى قۇرىلعىلاردى باعىتتامالى تۇردە ۇستەمەلەپ، الاڭ - سارايلاردىڭ جۇمىس جۇرگىزۋ، باسقارۋ قىزمەتىن جاقسى ىستەپ، جارىستان بۇرىنعى ءتۇرلى سىناپ كورۋ قيمىلدارىن جاقسى يگەرۋ كەرەك. ەكىنشى، جارىس كەزىندەگى جۇمىس جۇرگىزۋ قىزمەتىن جاقسى ىستەپ، جارىس كەزىندەگى جۇمىس جۇرگىزۋگە قولباسشىلىق ەتۋدىڭ جوعارى ءونىمدى، پارمەندى جۇيەسىن ورناتىپ، ءوڭىر اتتاعان، سالا اتتاعان قولباسشىلىق ەتۋ، ورنالاستىرۋ جانە شۇعىل جاعدايدا قامتاماسىز ەتۋ قابىلەتىن ارتتىرىپ، جارىس كەزىندە حاۋىپسىز، جوعارى ءونىمدى جۇمىس جۇرگىزۋگە شىنايى كەپىلدىك ەتۋ كەرەك. ءۇشىنشى، جارىسقا قىزمەت وتەۋدى، قامتاماسىز ەتۋدى ىلگەرىلەتىپ، ”ءۇش جارىس اۋماعى ءبىر ولشەم“ پرينسيبىنە ساي، جاتاق، اس - سۋ، قاتىناس، ەمدەۋ، اماندىق ساقتاۋ سياقتى جارىسقا قىزمەت وتەۋ، قامتاماسىز ەتۋ قىزمەتتەرىن جالپى بەتتىك جاقسى ىستەۋ كەرەك. ءتورتىنشى، حالىقارالىق وليمپيادا كوميتەتى سياقتى حالىقارالىق دەنە تاربيە ۇيىمدارىمەن بايلانىس جاساۋدى، سەلبەسۋدى كۇشەيتىپ، ىندەتتەن ساقتانۋ - تىزگىندەۋدىڭ ءتۇرلى شارالارىن قاتاڭ تياناقتاندىرىپ، توسەلۋدى كۇشەيتىپ، قامتاماسىز ەتۋدى جاقسى ىستەۋ كەرەك. بەسىنشى، قار - مۇز سپورتىن دامىتۋ دەڭگەيىن جوعارىلاتىپ، ساياساتتىق جەتەكتەۋ مەن سۇيەمەلدەۋدى كۇشەيتىپ، ءتىپتى دە كوپ جاستار مەن ورەندەردى قار - مۇز سپورتىنا قاتىناسۋعا شابىتتاندىرىپ، ءتىپتى دە كوپ بۇقارانى مۇز الاڭىنا، قار الاڭىنا بارۋعا جەتەكتەۋ كەرەك. التىنشى، بەيجيڭنىڭ، تيانجيننىڭ، حىبەيدىڭ سايكەسە دامۋىن ىلگەرىلەتىپ، قاتىناس، قورشاعان ورتا، كاسىپ سالاسى، الەۋمەتتىك قىزمەت وتەۋ سياقتى سالالاردا ءتىپتى كوپ جەتىستىكتەرگە قول جەتكىزۋگە قۇلشىنۋ كەرەك. قىسقى وليمپيادا الاڭ - سارايلارىنىڭ جارىستان كەيىنگى پايدالانىلۋىن بەلسەنە جوبالاپ، ءىرى جارىس وتكىزۋدى جالپى حالىقتىق دەنە شىنىقتىرۋعا قىزمەت وتەۋمەن بايلانىستىرىپ، بەيجيڭ - جاڭجياكوۋ دەنە تاربيە، مادەنيەت، ساياحات بەلدەۋىن جەدەل قۇرۋ كەرەك.

  شي جينپيڭ بىلاي دەپ اتاپ كورسەتتى: قىسقى وليمپيادا قىزمەتى باسشىلىق گرۋپپاسى ءبىر تۇتاس جوسپارلاپ ورنالاستىرۋدى كۇشەيتىپ، دايىندىق قىزمەتى بارىسىندا كەزدەسكەن كەلەلى ماسەلەلەردى دەر كەزىندە زەرتتەپ شەشۋ كەرەك. ءارقايسى مۇشە ورىندار قىزمەت جاۋاپكەرشىلىگىن اتقارىپ، ءتۇرلى قىزمەت مىندەتتەرىن جوعارى ساپامەن ورىنداۋ كەرەك. ءارقايسى ارناۋلى سايكەستىرۋ گرۋپپالارى جاۋاپكەرشىلىكتى ىرىقتىلىقپەن ارقالاپ، سايكەستىرۋدى كۇشەيتىپ، ءوڭىر اتتاعان، تاراۋ اتتاعان، دارەجە اتتاعان ءتۇيىندى، قيىن ماسەلەلەردى ءبىر تۇتاس جوسپارلاپ شەشۋ كەرەك. بەيجيڭ قالاسى، حىبەي ولكەسى نەگىزگى وتكىزۋشى قالا جاۋاپكەرشىلىگىن تياناقتاندىرىپ، ءتۇرلى مىندەتتەردى دەر كەزىندە، ساپالى ورىنداۋ كەرەك. بەيجيڭ قىسقى وليمپيادا ۇيىمداستىرۋ القاسى قىزمەت جاۋاپكەرشىلىگىن ءتىپتى دە جاقسى اتقارىپ، ءتۇرلى ەرەجە - تۇزىمدەردى قاتاڭ اتقارىپ، مەجە ەسەپ باسقارۋدى قاتايتىپ، وليمپيادا وتكىزۋ وزىندىك قۇنىن مەڭگەرىپ، ۇقىپتى دا ۇنەمشىل بولىپ، شىرىكتەسۋدى جويىپ، بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ قارداي اپپاق، مۇزداي كىرشىكسىز بولۋىنا مۇمكىندىك جاساۋ كەرەك.

  حان جىڭ مىنالاردى ءبىلدىردى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، ءتۇسىنىپ، سەنىمدى بەكەمدەپ، تاباندىلىقتى ساقتاپ، ”ىقشام، حاۋىپسىز، تارتىمدى بولۋ“ سىندى جارىس وتكىزۋ تالابىن ويداعىداي دايەكتىلەندىرىپ، تياناقتاندىرىپ، جارىستى ۋاعىندا وتكىزۋ نىساناسىنا قاراي ورنىقتى قاداممەن العا ىلگەرىلەۋ كەرەك. ءتۇرلى دايىندىق قىزمەتتەرىن استە بوساڭسىماي جاقسى يگەرىپ، الاڭ - ساراي قۇرىلىسىن، جارىس كەزىندەگى جۇمىس جۇرگىزۋ، جارىسقا قىزمەت وتەۋ، قامتاماسىز ەتۋ، قىسقى وليمپيادا سايىسىنا دايىندالۋ سياقتى ءتۇيىندى مىندەتتەردى تىڭعىلىقتى، تارتىپپەن ىلگەرىلەتۋ كەرەك. حاۋىپسىزدىكتىڭ تومەنگى شەگىن باتىل ساقتاپ، ىندەتتەن ساقتانۋ - تىزگىندەۋدى ماڭداي الدى ورىنعا قويىپ، ءتۇرلى حاۋىپ - قاتەرگە، سىن - سايىسقا باعىتتاي وتىرىپ قىزمەت جوبالارىن جانە ساقتىق جوبالارىن كەمەلدەندىرىپ، ءونىمدى توتەپ بەرۋ شارالارىن قولدانىپ، تيتتەي دە اعاتتىق جىبەرمەۋگە شىنايى كەپىلدىك ەتۋ كەرەك. جارىستى ىقشام وتكىزۋ قىزمەتىن جاقسى ىستەپ، ءىس جۇزىندىك جاعدايدى تياناق ەتىپ، قاجەتسىز بۋىنداردى، قيمىلداردى جانە ادام سانىن ىقشامداپ، قاتىستى شارالاردى ناقتىلاندىرۋ، كەمەلدەندىرۋ كەرەك. سىناپ كورۋ قيمىلدارىن يكەمدى ويداعىداي ورنالاستىرىپ، دايىندىق قىزمەتىن جالپى بەتتىك تەكسەرۋ جانە ساپالىلاندىرۋ، كەمەلدەندىرۋ كەرەك. سايكەسۋدى، سەلبەسۋدى كۇشەيتىپ، جاۋاپكەرشىلىكتى ىرىقتىلىقپەن تياناقتاندىرىپ، قىزمەتتىڭ بىرىككەن كۇشىن قالىپتاستىرىپ، ءتۇرلى دايىندىق مىندەتتەرىن بىرگە ويداعىداي ورىنداۋ كەرەك.

  ديڭ شۋەشياڭ قىزمەت تەكسەرۋدە بىرگە بولدى ءارى مالىمەت بەرۋ ماجىلىسىنە قاتىناستى، سۇن چۇنلان، حى ليفىڭ مالىمەت بەرۋ ماجىلىسىنە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، قاتىستى ولكەدەگى، قالاداعى جاۋاپتى جولداستار قاتىستى قيمىلدارعا قاتىناستى.
  1 - ايدىڭ 18 - كۇنىنەن 20 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە، حىبەيدا قىزمەت تەكسەردى، سونداي - اق بەيجيڭ 2022 - جىلعى قىسقى وليمپياداسى مەن مۇگەدەكتەر قىسقى وليمپياداسىنىڭ دايىندىق قىزمەتىنەن مالىمەت بەرۋ ءماجىلىسىن باسقارىپ اشتى. سۋرەتتە: 1 - ايدىڭ 18 - كۇنى تۇستەن بۇرىن شي جينپيڭ بەيجيڭ قالاسىنىڭ حايديان رايونىنداعى استانا دەنە تاربيە سارايىندا مەملەكەتتىك مانەرلەپ سىرعاناۋ كومانداسى مەن قىسقا ارالىقتا تەز سىرعاناۋ كومانداسىنىڭ سپورتشىلارى، جاتتىقتىرۋشىلارى قاتارلىلارمەن ىقىلاستى اڭگىمەلەسۋدە.

□ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

  1 - ايدىڭ 20 - كۇنى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى اۆتونوميالى رايوندىق ماداقتاۋ - سيلاۋ جينالىسى شينجياڭ حالىق سارايىندا سالتاناتپەن وتكىزىلدى. سۋرەتتە: جينالىس زالى.

□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن