بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭ ۇيعۇر اۆتونوميالى رايوندىق پارتكومنىڭ اۆتونوميالى رايوندىق تاڭداۋلى كوممۋنيستىك پارتيا مۇشەلەرىن جانە اۆتونوميالى رايوندىق وزات نەگىزگى ساتى پارتيا ۇيىمىن ماداقتاۋ - سيلاۋ جونىندەگى قارارى

(2021 - جىلى 1 - ايدىڭ 20 - كۇنى)

2021.01.22 15:20     كەلۋ قاينارى : شينجياڭ گازەتى

  ءجۇز جىلدا كەزدەسپەگەن، سۇراپىل كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاساپ، بۇكىل پارتيادا، بۇكىل ەلدە ىندەتتەن ساقتانۋ - تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن باستاپ، ىندەتتەن ساقتانۋ - تىزگىندەۋدىڭ كەلەلى ستراتەگيالىق تابىستارىنا قول جەتكىزىپ، ادامزاتتىڭ ىندەتكە قارسى اتتانۋ تاريحىنداعى تاعى ءبىر ەرلىكتى جاراتتى. باس شۋجي شي جينپيڭنىڭ ىقىلاستى قامقورلىعىندا، تىكە جەتەكشىلىك ەتۋىندە، پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم تۇتاس رايونداعى ءار دارەجەلى پارتيا ۇيىمدارىن جانە قالىڭ پارتيا مۇشەلەرىن، كادرلاردى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋعا ىنتىماقتاستىرىپ، باستاپ، باس شۋجي شي جينپيڭنىڭ ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن تاباندىلىقپەن، باتىلدىقپەن دايەكتىلەندىرىپ، تياناقتاندىرىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىق اقاۋسىزدىعىن ءبىرىنشى ورىنعا قويىپ، بۇكىل شينجياڭ ءبىر تۇتاس جۇيە، بيڭتۋان مەن جەرگىلىكتى ورىن ءبىر تۇتاس جۇيە دەگەنگە تاباندى بولىپ، پارتيا، ۇكىمەت، ارميا، ساقشى، بيڭتۋان، حالىق سايكەسىپ، بىرلەسىپ ارەكەتتەنىپ، ”سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ“ باس تالابىن جاپپاي دايەكتىلەندىرىپ، ”ءتورت ەرتە بولۋ“ شاراسىن تياناقتاندىرىپ، ”ءتورت جاقتىڭ جاۋاپكەرشىلىگىن“ ناقتىلاندىرىپ، باقىلاۋ - ولشەۋ، ساقتاندىرۋ مەحانيزمىن اقاۋسىزداندىرىپ، بىرلەسىپ ساقتانىپ، بىرلەسىپ تىزگىندەپ، ماماندار مەن بۇقارا بىرلەسىپ، بۇقارالىق ساقتانىپ، بۇقارالىق جونگە سالىپ، سىرتتان كىرۋدەن ساقتانۋدى، ىشتە قايتا بەلەڭ بەرۋدەن ساقتانۋدى ۇدايىلاندىرۋدىڭ ءتۇرلى قىزمەتتەرىن تيتتەي دە بوساڭسىتپاي ويداعىداي يگەرىپ، ءىشىنارا وڭىرلەردەگى ىندەتتى جويۋ شايقاسىنىڭ جەڭىسىنە باتىلدىقپەن جەتىپ، تۇتاس رايوننىڭ ىندەتكە قارسى اتتانۋ شايقاسىنىڭ كەلەلى ستراتەگيالىق تابىستارىنا قول جەتكىزىپ، شينجياڭ رۋحىن، شينجياڭ كۇش - قۋاتىن، شينجياڭ جاۋاپكەرشىلىگىن تولىق ايگىلەدى.

  وسى رەتكى ىندەتكە قارسى اتتانۋ شايقاسى بارىسىندا، قالىڭ نەگىزگى ساتى پارتيا ۇيىمدارى بۇيرىقتى الا سالا قيمىلداپ، بورىشتى وتەپ، جابال اتتانىسقا كەلىپ، دەرەۋ ارەكەتتەنىپ، ءوز جاۋاپكەرشىلىگىن ادا ەتىپ، ءوزارا قارايلاسىپ، جاۋىنگەر قورعاندىق رولىن تولىق ساۋلەلەندىردى؛ قالىڭ پارتيا مۇشەلەرى اۋەلگى ماقساتتى ۇمىتپاي، بورىشتى ەستە بەرىك ساقتاپ، كەۋدە كەرە العا شىعىپ، ءولىمدى ەلەڭ قۇرلى كورمەي، قامال الىپ، قيىندىقتاردى جەڭىپ، باتىرلىقپەن، ەرلىكپەن شايقاس جۇرگىزىپ، ەل بىرلىگىنەن بەرىك قامال تۇرعىزعان، ۋاقىتتىق قيىندىقتى بىلەك بىرىكتىرە جەڭگەن قۋاتتى كۇش توپتادى، پارتيا تۋىن ىندەتتى تىزگىندەۋ - ساقتانۋدان قامال الۋ شايقاسىنىڭ ءبىرىنشى شەبىندە اسقاق جەلبىرەتىپ، اۆانگارد ۇلگىلىك رولىن تولىق ساۋلەلەندىردى. ولاردىڭ ەرجۇرەك بەينەسى مەن وسكەلەڭ رۋحى پارتيامىزدىڭ بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى باس ماقساتىن ايقىن اڭعارتىپ، حالىقتى بارىنەن جوعارى قويۋ، ءومىردى بارىنەن جوعارى قويۋداي قۇن تالپىنىسىن جاندى ايگىلەپ، كوممۋنيستىك پارتياسى مۇشەلەرىنىڭ باتىلدىقپەن كۇرەس جۇرگىزەتىن، باتىلدىقپەن جەڭىسكە جەتەتىن ساياسي قاسيەتىن شوعىرلى بەينەلەپ، رايونىمىزداعى قالىڭ پارتيا مۇشەلەرىنىڭ، كادرلاردىڭ ادال، اينىماس، قۇربان بەرۋدەن قورىقپايتىن جاۋاپكەرشىلىك ارقالاۋ جىگەر - قايراتىن تولىق ايگىلەدى.

  جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ بارىسىندا جارىققا شىققان تاڭداۋلى كوممۋنيستىك پارتيا مۇشەلەرى مەن وزات نەگىزگى ساتى پارتيا ۇيىمدارىن ماداقتاپ - سيلاپ، بۇكىل رايونداعى ءار دارەجەلى پارتيا ۇيىمدارى مەن قالىڭ پارتيا مۇشەلەرىن، كادرلاردى ىندەتكە قارسى اتتانۋدىڭ ۇلى رۋحىن اسقاقتاتىپ، العان بەتتەن قايتپاي، ەرلىكپەن العا ۇمتىلىپ، قاجىماي - تالماي كۇرەس جاساۋعا شابىتتاندىرۋ ءۇشىن، اۆتونوميالى رايوندىق پارتكوم شۇي مين قاتارلى 196 كوممۋنيستىك پارتيا مۇشەسىنە ”شينجياڭ ۇيعۇر اۆتونوميالى رايوندىق تاڭداۋلى كوممۋنيستىك پارتيا مۇشەسى“ اتاعىن بەرۋدى، لياڭ چاۋ قاتارلى 3 كوممۋنيستىك پارتيا مۇشەسىنە ”شينجياڭ ۇيعۇر اۆتونوميالى رايوندىق تاڭداۋلى كوممۋنيستىك پارتيا مۇشەسى“ اتاعىن تولىقتاپ بەرۋدى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ - ەمدەۋگە بەلگىلەگەن شيپاحاناسى ۋاقىتشا پارتكومى سياقتى 150 نەگىزگى ساتى پارتيا ۇيىمىنا ”شينجياڭ ۇيعۇر اۆتونوميالى رايوندىق وزات نەگىزگى ساتى پارتيا ۇيىمى“ اتاعىن بەرۋدى ۇيعاردى. ماداقتالىپ - سيلانعان پارتيا مۇشەلەرى مەن پارتيا ۇيىمدارىنىڭ داڭقتى قاستەرلەپ، داندايسۋدان، ۇشقالاقتىقتان ساقتانىپ، ۇلگىلىك، باستاماشىلدىق رولىن باستان - اياق ساۋلەلەندىرىپ، پارتيا مەن حالىق ىستەرىندە تاعى دا جاڭا ەڭبەك ءسىڭىرۋىن ءۇمىت ەتەمىز.

  كەزەكتە، رايونىمىز جاپپاي دوڭگەلەك داۋلەتتى قوعام ورناتۋدىڭ جەڭىسىنىڭ جاڭا تابىستارىن بەكەمدەۋدىڭ، تەرەڭدەتۋدىڭ، ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانانى جۇزەگە اسىرۋدىڭ جاڭا جاعدايىن اشۋدىڭ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ جاڭا ساپارىن باستاۋدىڭ شەشۋشى مەزگىلىندە تۇر، مىندەت جاپالى، جاۋاپكەرشىلىك اۋىر. بۇكىل رايونداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق 9 - كەزەكتى پارتكومنىڭ ونىنشى، ون ءبىرىنشى جالپى ماجىلىستەرىنىڭ رۋحىن مۇقيات دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ماداقتالىپ - سيلانعان اۆتونوميالى رايوندىق تاڭداۋلى كوممۋنيستىك پارتيا مۇشەلەرى مەن وزات نەگىزگى ساتى پارتيا ۇيىمدارىن ونەگە ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىندەتكە قارسى اتتانۋ ۇلى رۋحىن ىندەتتەن ساقتانۋ - تىزگىندەۋدى ۇدايىلاندىرۋدىڭ، دامۋدى ىلگەرىلەتۋدىڭ بەرىك سەنىمىنە اينالدىرىپ، تۋرالىقتى ساقتاپ جاڭالىق اشۋدىڭ، جەڭىسپەن العا ىلگەرىلەۋدىڭ ءىس جۇزىندىك ارەكەتىنە اينالدىرىپ، جۇرت تىلەگىن ىنتىماقتاستىرۋدىڭ، جۇرت تىلەگىن ۇيىستىرۋدىڭ قۋاتتى قوزعاۋشى كۇشىنە اينالدىرىپ، ءبىر نيەتپەن سەلبەسىپ، قاجىرلىلىقپەن ۇمتىلاتىن، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشەتىن ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ ءۇشىن قاجىماي - تالماي كۇرەسۋى كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

  1 - ايدىڭ 20 - كۇنى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى اۆتونوميالى رايوندىق ماداقتاۋ - سيلاۋ جينالىسى شينجياڭ حالىق سارايىندا سالتاناتپەن وتكىزىلدى. سۋرەتتە: جينالىس زالى.

□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن