بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ەلىمىز كاسىپورىنداردىڭ حاۋىپ – قاتەردى ىرىقتىلىقپەن مالىمدەۋ ءتۇزىمىن جاپپاي جالپىلاستىرادى

2021.01.25 14:10     كەلۋ قاينارى : حالىق تورابى

  شينحۋا اگەنتتىگىنىڭ تىلشىلەرى ۋەي يۇيكۇن، ليۋ شياسۇن 1 – ايدىڭ 24 – كۇنى بەيجيڭنەن حابارلايدى. ءوندىرىس حاۋىپسىزدىگى وتە ماڭىزدى، ءبىر ءسات تە بوساڭسىتۋعا بولمايدى. جۋىردا اشىلعان مەملەكەتتىك ءوندىرىس حاۋىپسىزدىگى تەلەۆيزور – تەلەفون ماجىلىسىندە مىنالار تالاپ ەتىلدى: حاۋىپسىزدىك جاعىنداعى ساقتانۋ – تىزگىندەۋ جۇيەسىن بەكەمدەپ، حاۋىپ – قاتەردى دارەجەگە ءبولىپ باسقارۋ – مەڭگەرۋدى جانە كومەسكى حاۋىپ – قاتەرلەردى اداقتاۋ – تەكسەرۋ، جونگە سالۋ جاقتارىنا بىردەي ءمان بەرەتىن ساقتانۋ قىزمەت مەحانيزمىن كەمەلدەندىرىپ، تياناقتاندىرىپ، كاسىپورىنداردىڭ حاۋىپ – قاتەردى ىرىقتىلىقپەن مالىمدەۋ ءتۇزىمىن جاپپاي اتقارۋ كەرەك.

  ماجىلىستە مىنالار اتاپ كورسەتىلدى: بىلتىر ءبىر جىل ىشىندە، جەر – جەر، تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، جۇمىستى، ءوندىرىستى قالپىنا كەلتىرۋدەگى حاۋىپسىزدىكتى باقىلاۋ – باسقارۋ تاسىلىندە جاڭالىق اشىپ، ءوندىرىس حاۋىپسىزدىگى جونىندەگى ارناۋلى جونگە سالۋ ءۇش جىلدىق ارەكەتىن ىشكەرىلەي ورىستەتىپ، ءوندىرىس حاۋىپسىزدىگىنىڭ جاعدايى ۇزدىكسىز ورنىقتى تۇردە جاقسارىپ كەلەدى، الايدا، شىرعالاڭ كوپ تۋىلۋ، وڭاي تۋىلۋ جاعدايى ءالى دە تۇبىرىنەن وزگەرتىلگەن جوق، ءسوزسىز، بارىنشا ءمان بەرۋ كەرەك.

  جۋىردان بەرى شاندۇڭ چيشيا قالاسى حۋشان كومىر كەنىندە تۋىلعان شىرعالاڭدى جوعارىعا كەشەۋىلدەتىپ مالىمدەۋ ۋاقىتى 30 ساعاتقا جەتكەن، بۇل قوعامداعىلاردىڭ نازارىن بارىنشا اۋدارىپ، ەلىمىزدىڭ ءوندىرىس حاۋىپسىزدىگىن باسقارۋ جاعىنداعى ولقىلىعىن اشىپ كورسەتتى. وسىنداي ىستەرگە باعىتتاي وتىرىپ، ماماندار شىرعالاڭدى جوعارىعا مالىمدەۋ جاعىندا اناعۇرلىم ايقىن، قاتاڭ ءتۇزىمدى ورناتۋ كەرەك دەگەن ۇسىنىستى سوناۋ ەرتەدە – اق ورتاعا قويعان بولاتىن. جاسىرىپ مالىمدەۋ، ازايتىپ مالىمدەۋ، وزگەرتىپ مالىمدەۋ ىستەرىن جازالاۋ ءتۇزىمى ءتىپتى دە قاتاڭ بولۋى، زاڭ – تۇزىمگە قايشى كەلگەندەر اناعۇرلىم كوپ بوداۋ بەرۋى كەرەك.

  بۇل رەتكى مەملەكەتتىك ءوندىرىس حاۋىپسىزدىگى تەلەۆيزور – تەلەفون ماجىلىسىندە مىنالار اتاپ كورسەتىلدى: حاۋىپسىزدىكتى باقىلاۋ – باسقارۋ تاسىلىندە جاڭالىق اشىپ، كاسىپورىنداردىڭ حاۋىپسىزدىك جاعىنداعى حاۋىپ – قاتەردى دارەجەگە ءبولىپ باسقارۋ – مەڭگەرۋ جانە ىرىقتىلىقپەن جوعارىعا مالىمدەۋ ءتۇزىمى قاتارلى تۇزىمدەردى ورناتىپ، باسقارۋ – باقىلاۋ ونىمدىلىگىن جوعارىلاتىپ، شۇعىل جاعدايعا توتەپ بەرۋ جانە قۇتقارۋ – كومەكتەسۋ قۋاتىن ارتتىرىپ، زور، ەرەكشە زور شىرعالاڭنىڭ تۋىلۋىنان باتىل ساقتانۋ جانە ونى تەجەۋ كەرەك.

  مۇنان سىرت، ماجىلىستە مىنالار اتاپ كورسەتىلدى: ارناۋلى جونگە سالۋ ءۇش جىلدىق ارەكەتىنەن شوعىرلى تۇردە قامال الۋ شايقاسىن كۇش سالا ويداعىداي ورىستەتىپ، حاۋىپ – قاتەرلەردى ىشكەرىلەي، مۇقيات تەكسەرىپ، ءىرى ماسەلەلەر مەن كومەسكى حاۋىپ – قاتەرلەردى تۇبىرىنەن وڭالتىپ، ءارقايسى ءتۇيىندى سالالارداعى ارناۋلى جونگە سالۋدى تەرەڭدەتىپ، باقىلاۋ - جەتەكشىلىك ەتۋ جانە تەكسەرۋدى قاتاڭ، مۇقيات ورىستەتىپ، ونىمدىلىگىن كورۋگە كەپىلدىك ەتۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

  1 - ايدىڭ 20 - كۇنى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى اۆتونوميالى رايوندىق ماداقتاۋ - سيلاۋ جينالىسى شينجياڭ حالىق سارايىندا سالتاناتپەن وتكىزىلدى. سۋرەتتە: جينالىس زالى.

□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن