پارتيانى جاپپاي قاتاڭ جونگە سالۋدىڭ جەتەكشىلىك ەتۋ، قامتاماسىزداندىرۋ رولىن تولىق ساۋلەلەندىرىپ، «14 – بەسجىلدىق» مەزگىلىندەگى نىسانالاردىڭ، مىندەتتەردىڭ ناقتاپ تياناقتاندىرىلۋىنا شىنايى كەپىلدىك ەتۋ كەرەك

لي كىچياڭ، لي جانشۋ، ۋاڭ ياڭ، ۋاڭ حۋنيڭ، حان جىڭ ماجىلىسكە قاتىناستى، جاۋ لىجي ءماجىلىستى باسقاردى

2021.01.25 15:55 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　«حالىق گازەتى»، 1 - ايدىڭ 22 – كۇنى، بەيجيڭ (ءتىلشى جاڭ ياڭ). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 22 - كۇنى تۇستەن بۇرىن جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە ماڭىزدى ءسوز سويلەدى. ول بىلاي دەپ دارىپتەدى: بيىل − «14 – بەسجىلدىق» جوسپاردى اتقارۋدىڭ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋدىڭ ءبىرىنشى جىلى، بارلىق قىزمەت جاقسى باستاما باستاۋ، جاقسى قادام تاستاۋ توڭىرەگىندە ورىستەتىلۋى كەرەك. پارتيانى جاپپاي قاتاڭ جونگە سالۋ باعىتىن ىشكەرىلەي دايەكتىلەندىرىپ، پارتيانى جاپپاي قاتاڭ جونگە سالۋدىڭ جەتەكشىلىك ەتۋ، قامتاماسىزداندىرۋ رولىن تولىق ساۋلەلەندىرىپ، ساياسي بەتالىستى بەكەمدەپ، ساياسي تاباندىلىقتى ساقتاپ، پوزيتسيانى وزگەرتپەي، بەكىمدى كەمىتپەي، ولشەمدى بوساڭسىتپاي، «14 – بەسجىلدىق» مەزگىلىندە ەلىمىز دامۋىنىڭ نىسانالارىنىڭ، مىندەتتەرىنىڭ ناقتاپ تياناقتاندىرىلۋىنا شىنايى كەپىلدىك ەتۋ كەرەك.

　　ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، حان جىڭ ماجىلىسكە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي ءماجىلىستى باسقاردى.

　　شي جينپيڭ بىلاي دەپ اتاپ كورسەتتى: 2020 - جىل جاڭا جۇڭگو تاريحىنداعى ايرىقشا وزگەشە جىل بولدى. كۇردەلى حالىقارالىق جاعداي، قات - قابات جاپالى رەفورما، دامۋ، ورنىقتىلىق مىندەتتەرى، اسىرەسە، توسىن كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگياسىنىڭ جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، پارتيانىڭ وزىنە توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋىندە تاباندى بولىپ، تاباندىلىقپەن پارتيانى جاپپاي قاتاڭ جونگە سالىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن تاباندىلىقپەن ىلگەرىلەتتى، پارتيانى تاباندىلىقپەن ونان ارى پارمەندى قۋاتقا يە ەتىپ قۇردى. ءبىرىنشى، پارتيا تۋىن ىندەتتەن ساقتانۋ - تىزگىندەۋ كۇرەسىندە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە، كەدەيلىكتەن ارىلتۋدان قامال الۋدىڭ شەشۋشى شايقاسىندا اسقاق جەلبىرەتىپ، قالىڭ حالىق بۇقاراسى قيىن - قىستاۋ كەزدەردە پارتيانىڭ پارمەندى باسشىلىعىنىڭ، پارتيا ورتالىق كوميتەتى بەدەلىنىڭ ەڭ بەرىك سۇيەنىش ەكەنىن شىنايى سەزىندى. ەكىنشى، «ەكىنى قورعاۋدى» مىقتاپ ارقاۋ ەتە وتىرىپ ساياسي باقىلاۋدى كۇشەيتىپ، پارتيانى جاپپاي قاتاڭ جونگە سالۋ ءتۇزىمىن كەمەلدەندىرىپ، پارتيانىڭ باسشىلىعى مەن باقىلاۋىن كۇشەيتىپ، ساياسي شارلاۋدى تەرەڭدەتىپ، پارتيا مەن مەملەكەتتىڭ باقىلاۋ جۇيەسىن كەمەلدەندىرىپ، پارتيانىڭ ءتارتىپ قۇرىلىسىن جاپپاي كۇشەيتىپ، «ءتورت ءتۇرلى فورماتسيادان» پايدالانۋدى تەرەڭدەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ، ءۇش ۇلكەن قامال الۋ شايقاسىن ويداعىداي جۇرگىزۋ، «التىنى ورنىقتىرۋ» قىزمەتىن جاقسى ىستەۋ، «التىنى قامتاماسىز ەتۋ» مىندەتىن تياناقتاندىرۋ سياقتى كەلەلى شەشىمدەردى، ورنالاستىرۋلاردى ءبىر تۇتاس جوسپارلاۋدى ارقاۋ ەتە وتىرىپ باقىلاۋ - تەكسەرۋدى كۇشەيتتى. ءۇشىنشى، فورماشىلدىقتى، تورەشىلدىكتى باتىل تالقانداپ، ستيلدە قامال الۋ ارقىلى كەدەيلىكتەن ارىلتۋدان قامال الۋدى جەبەپ، ولشەمگە جەتۋدى تەكسەرىپ وتكىزىپ الۋداعى جالعاندىق ىستەۋ ماسەلەلەرىن قاتاڭ تەكسەرىپ ءبىر جاقتى ەتىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتىپ، كەڭەيتىپ، راحاتقۇمارلىقتى، استا - توكتىكتى ۇزدىكسىز جونگە سالىپ، اس - سۋ ىسىراپشىلدىعى ارەكەتىن باتىل تۇزەتىپ جونگە سالدى. ءتورتىنشى، شىرىكتەسۋگە قارسى تۇرۋ كۇرەسىنىڭ جاڭا جاعدايىن تەرەڭ يگەرىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، تيىلماعان، قولىن تارتپاعان شىرىكتەسكەن ەلەمەنتتەردى باتىل تەكسەرىپ ءبىر جاقتى ەتتى، نازاردى ساياسي ماسەلە مەن ەكونوميكالىق ماسەلە قاباتتاسقان شىرىكتەسۋ دەلولارىنا شوعىرلاندىرىپ، پارتياعا ادال ەمەس، كورىنىستە بويسۇنعانسىپ، كومەسكىدە قايشىلىق جاساعان ەكى بەتكەيلەردى قاتاڭ تەكسەرىپ ءبىر جاقتى ەتىپ، ساياسي - زاڭ جۇيەسىندەگى شىرىكتەسۋ ارەكەتتەرىن قاتاڭ جازالادى، كەدەيلەردى سۇيەمەلدەۋ، حالىق تۇرمىسى سالاسىنداعى شىرىكتەسكەندەردى جانە قارا، سۇرقيا كۇشتەرگە ساياتىن «باسقالقالاردى» تۇبەگەيلى تەكسەرىپ انىقتادى. بەسىنشى، پارتيا ۇيىمىنىڭ ساياسي يقۋاتى مەن ۇيىمدىق يقۋاتىن كۇشەيتىپ، يدەيانى باسقاراتىن، قىزمەتتى باسقاراتىن، ستيلدى باسقاراتىن، ءتارتىپتى باسقاراتىن قاتاڭ باسقارۋ ءتۇزىمىن كەمەلدەندىرىپ، كۇرەستىڭ ءبىرىنشى شەبىندە كادرلاردى تەكسەرىپ پارىقتاپ، الدىڭعى شەپتە تاڭداۋلى بەلسەندىلەردى پارتياعا قابىلدادى. پارتيا ورتالىق كوميتەتى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسىندە قول جەتكەن ناتيجەگە رازى.

　　شي جينپيڭ بىلاي دەپ دارىپتەدى: پارتيانى جاپپاي قاتاڭ جونگە سالۋدا الدىمەن ساياسي جاقتان قاراپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋ كەرەك. پارتيانىڭ 18 - قۇرىلتايىنان بەرى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسىندە تاريحي جەتىستىكتەرگە قول جەتكەنىمەن، جاعداي ءالى دە قيىن، كۇردەلى. مىنانى، ءسوز جوق، سەرگەكتىكپەن كورە ءبىلۋىمىز كەرەك: پارتيانىڭ بيلىك جۇرگىزۋىندە شىرىكتەسۋ سىندى ەڭ ۇلكەن حاۋىپ - قاتەر ءالى دە ءومىر ءسۇرىپ وتىر، قورى قانشا ەكەنى ءالى تۇبەگەيلى انىقتالعان جوق، ارتۋ ءالى دە بار. ساياسي ماسەلە مەن ەكونوميكالىق ماسەلە قاباتتاسىپ، پارتيا مەن مەملەكەتتىڭ ساياسي حاۋىپسىزدىگىنە قاتەر ءتوندىردى. ءداستۇرلى شىرىكتەسۋ مەن جاڭاشا شىرىكتەسۋ قاباتتاسىپ، قياناتشىلدىق، شىرىكتەسۋ ارەكەتتەرى ونان ارى جاسىرىن، كۇردەلى بولا تۇسۋدە. شىرىكتەسۋ ماسەلەسى مەن بۇرىس ستيلدەر قاباتتاسىپ، «ءتورت ءتۇرلى بۇرىس ستيل» شىرىكتەسۋدىڭ ءوسىپ - ءوربيتىن جىلى ۇياسىنا اينالدى. ءشىرىتۋ مەن شىرىتۋگە قارسى كۇرەس ۇزاق ۋاقىت ءومىر سۇرەدى، ءسال بوساڭسىساق، ەڭبەگىمىز سەلگە كەتۋى مۇمكىن، شىرىكتەسۋگە قارسى تۇرۋدا تاڭداۋ جوق، ءسوز جوق، قيىندىقتان تايسالماي العا ىلگەرىلەۋ كەرەك.

　　شي جينپيڭ بىلاي دەپ اتاپ كورسەتتى: پارتيا ستيلى، پاكتىك قۇرىلىسى ماڭگى جالعاسا بەرەدى، شىرىكتەسۋگە قارسى تۇرۋ كۇرەسى ماڭگى جالعاسا بەرەدى. پارتيامىز 100 جىلدىق ۇلكەن پارتيا رەتىندە العاباسارلىق پەن كىرشىكسىزدىكتى ماڭگى ساقتاۋى، جالىندى ومىرشەڭدىكتى ماڭگى ساقتاۋى كەرەك، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن، ءسوز جوق، ءبىر ءسات تە توقتاتپاي ىلگەرىلەتۋ كەرەك. ءار دارەجەلى باسشى كادرلار، اسىرەسە، نەگىزگى جاۋاپتى جولداستار، ءسوز جوق، پارتيانى باسقارۋ، پارتيانى جونگە سالۋ ساياسي جاۋاپكەرلىگىن شىن مانىندە ارقالاپ، قاشان دا «ەمتيحانعا باراتىن» سەرگەكتىكتى ساقتاپ، «شىرىتۋگە»، «قورشاپ اۋلاۋعا» قارسى قىراعىلىقتى ساقتاپ، قاتاڭدىق نەگىزگى ارناسىندا ۇزاق ۋاقىت تاباندى بولىپ، جۇيەلى جونگە سالۋ، ۇستىنەن وڭاۋ مەن تۇبىرىنەن وڭاۋدى ۇشتاستىرۋ ۇستانىمى ارقىلى ستيل تۇزەتۋ، ءتارتىپتى قاتايتۋ، شىرىكتەسۋگە قارسى تۇرۋ، پارتيانىڭ ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن جاڭالاۋ، ءوزىن جوعارىلاتۋ قابىلەتىن ۇزدىكسىز كۇشەيتىپ، تىنىشتىق - بىلىقپالىق، گۇلدەنۋ - قۇلدىراۋ سىندى تاريح پەريودىنان ارىلىپ شىعىپ، جۇڭگوشا سوتسياليزمنىڭ ايبىندى الىپ كەمەسىنىڭ نىق قاداممەن الىستارعا جەتۋىنە جەتەكشىلىك ەتۋ جانە ونى قامتاماسىز ەتۋ كەرەك.

　　شي جينپيڭ بىلاي دەپ دارىپتەدى: پارمەندى ساياسي باقىلاۋ ارقىلى پارتيا ورتالىق كوميتەتىنىڭ كەلەلى شەشىم، ورنالاستىرۋلارىنىڭ ناقتى دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتۋ كەرەك. پارتيانىڭ جاسامپاز نازارياسىن جەتە ۇيرەنۋدە، جەتە يگەرۋدە، شىنايى تياناقتاندىرۋدا تاباندى بولىپ، پارتيا قۇرىلعانىنىڭ 100 جىلدىعىن قۇتتىقتاۋدى وراي ەتىپ، پارتيا مۇشەلەرىن، كادرلاردى پارتيالىلىق شىڭدالۋدى، پارتيالىق جەتىلىمدى كۇشەيتىپ، مۇرات - سەنىمدى بەكەمدەپ، ءوز ىستەرىن قايتپاس قايسارلىقپەن ويداعىداي ىستەۋگە جەتەكتەۋ كەرەك. پارتيا ورتالىق كوميتەتىنىڭ كەلەلى شەشىم، ورنالاستىرۋلارىن دايەكتىلەندىرۋدى قۋزاۋ - تەكسەرۋ، جاۋاپقا تارتۋ مەحانيزمىن اقاۋسىزداندىرىپ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ، ساپالى دامۋدى ىلگەرىلەتۋ سياقتى شەشىم، ورنالاستىرۋلاردىڭ تياناقتاندىرىلۋ جاعدايىن باقىلاۋ - تەكسەرۋدى كۇشەيتۋ كەرەك. پارتيا مۇشەلەرى، كادرلار يدەيالىق قورعانىس شەبىن مىقتاپ ورناتىپ، قاشان دا ءوزىن قادىرلەپ، ءوزىن تەجەپ، ءوزىن ساقتاندىرىپ، ءوزىن جىگەرلەندىرىپ، جەكە قالعاندا دا تەجەمدى بولۋ، بولماشى ىسكە دەيىن ساق بولۋ، باستان - اياق قۇنتتى بولۋ، ساياسي سەنىمى بەرىك، ەرەجە، تارتىپكە بويسۇناتىن اڭعارلى ادام بولۋ كەرەك.

　　شي جينپيڭ بىلاي دەپ اتاپ كورسەتتى: شىرىكتەسۋگە قارسى تۇرۋ كۇرەسىن تاباندىلىقپەن ىلگەرىلەتىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋ ستراتەگيالىق نىساناسىن ۇزدىكسىز جۇزەگە اسىرۋ كەرەك. ستيلدى تۇزەتىپ، ءتارتىپتى قاتايتۋدى، شىرىكتەسۋگە قارسى تۇرۋدى رەفورمانى تەرەڭدەتۋمەن، ءتۇزىمدى كەمەلدەندىرۋمەن، جونگە سالۋدى جەبەۋمەن تۇتاستىرىپ، «ءتورت ءتۇرلى فورماتسيادان» ويداعىداي پايدالانىپ، جازالاۋ - سەسكەندىرۋ، جازالاپ ساقتاندىرۋ - قۇتقارۋ، تاربيەلەۋ - سەرگىتۋدىڭ رولىن جان - جاقتى ساۋلەلەندىرۋ كەرەك. فينانس باسقارۋ تاراۋىنىڭ، باقىلاۋ - باسقارۋ قۇرىلىمىنىڭ جانە جەرگىلىكتى پارتكومداردىڭ، ۇكىمەتتەردىڭ تۇلعالىق جاۋاپكەرلىگىن ۇزدىكسىز ناقتىلاندىرىپ، فينانستاعى شىرىكتەسۋگە قارسى تۇرۋ مەن فينانستىق حاۋىپ - قاتەردى ءبىر جاقتى ەتۋدى ءبىر تۇتاس جوسپارلاپ ۇشتاستىرۋدى ويداعىداي ىستەپ، فينانس سالاسىن باقىلاۋ - باسقارۋدى جانە ىشكى جاقتا جونگە سالۋدى كۇشەيتۋ كەرەك. شىرىكتەسۋدەن ساقتانۋ شارالارى مەن رەفورما شارالارىن بىرگە جوبالاپ، بىرگە ورنالاستىرىپ، بىرگە تياناقتاندىرىپ، ءتۇيىندى سالالارداعى باقىلاۋ مەحانيزمى رەفورماسىن ىلگەرىلەتىپ، تۇزىمدەگى ولقىلىقتاردى باعىتتامالى تۇردە تولىقتىرۋ كەرەك. ءار دارەجەلى باسشى كادرلار باستاماشىلدىقپەن پارتيا تارتىبىنە، مەملەكەت زاڭىنا بويسۇنىپ، ەرەكشە ۇقىق يدەياسىنا، ەرەكشە ۇقىق جايتتەرىنە سانالى تۇردە قارسى تۇرىپ، باستاماشىلدىقپەن جانە پاكتىكپەن وتباسىن جونگە سالىپ، بالا - شاعاسىن جانە جانىنداعى قىزمەتكەرلەردى قاتاڭ ويداعىداي باسقارۋ كەرەك. ءار دارەجەلى پارتكوم باسشى كادرلاردىڭ جەكە ىستەرىن مالىمدەۋ جاعدايىن تەكسەرۋدى كۇشەيتۋ كەرەك.

　　شي جينپيڭ بىلاي دەپ دارىپتەدى: «ءتورت ءتۇرلى بۇرىس ستيلدى» ەش بوساڭسىماستان تۇزەتىپ جونگە سالىپ، فورماشىلدىقتىڭ، تورەشىلدىكتىڭ تۋىلۋىنان، ورشۋىنەن باتىل ساقتانۋ كەرەك. پارتيانىڭ تاماشا ءداستۇرى مەن ستيل تاربيەسىن ىشكەرىلەي ورىستەتىپ، ستيل قۇرىلىسىنىڭ باياندى مەحانيزمىن كەمەلدەندىرىپ، جاقسى ءداستۇردى جاڭا ساپارعا ەنگىزىپ، جاقسى ستيلدى جاڭا داۋىردە اسقاقتاتۋ كەرەك. جالپى بەتتىك قاتاڭ بولۋدا، تۇبەگەيلى قاتاڭ بولۋدا تاباندى بولىپ، بۇقارانىڭ اڭىسى كۇشتى بولىپ وتىرعان ۇكىمەت اقشاسىمەن ءىشىپ - جەۋ، اس - سۋداعى ىسىراپشىلدىق سياقتى بۇرىس سالت، ناشار ادەتتەرگە قىلپى بىلىنە سالا سوققى بەرۋ، قايتا - قايتا سوققى بەرۋ كەرەك. فورماشىلدىقپەن، تورەشىلدىكپەن ەشقانداي ىمىراعا كەلمەي، جالپى بەتتىك قاداعالاپ، نىسانالى تۇزەتىپ جونگە سالىپ، ۇزدىكسىز تۇردە نەگىزگى ساتىنىڭ قولىن بوساتىپ، اۋىرتپالىعىن جەڭىلدەتىپ، ناقتى ءىس تىندىرۋعا ءمان بەرەتىن، ناقتى ناتيجەگە ءمان بەرەتىن ادام ىستەتۋ باعدارىن ورناتىپ، بۇكىل پارتيانى جاۋاپكەرلىك ارقالاۋعا، جاۋاپكەرلىكتى ادا ەتۋگە، ءىس تىندىرىپ، ناتيجە شىعارۋعا قۋزاۋ كەرەك.

　　شي جينپيڭ بىلاي دەپ اتاپ كورسەتتى: بۇقارانىڭ جانىنداعى شىرىكتەسۋ جانە ستيل ماسەلەسىن ۇزدىكسىز رەتتەپ - جونگە سالىپ، شىرىكتەسۋگە قارسى تۇرىپ «شىبىن سوعۋ» بارىسىندا بۇقارانىڭ تابىس سەزىمىن ارتتىرۋ كەرەك. ساياسي - زاڭ شەبىندەگى تارتىپكە، زاڭعا قايشى ماسەلەلەردى باتىل رەتتەپ، جونگە سالىپ، حالىق بۇقاراسىنىڭ ءاربىر ءادىليالىق دەلودان ادىلدىكتى، تۋراشىلدىقتى سەزىنۋىنە قۇلشىنا مۇمكىندىك جاساۋ كەرەك. قارا كۇشتەردى الاستاۋدى، سۇرقيا كۇشتەردى جويۋدى ۇدايىلاندىرۋدى ىلگەرىلەتىپ، قارا، سۇرقيا كۇشتەرگە، سونداي - اق ولاردىڭ «باسقالقالارىنا» باتىل سوققى بەرىپ، ونىڭ بۇقارانى جانە دە زيانداۋىنا استە جول بەرمەۋ كەرەك. پارتيا ورتالىق كوميتەتىنىڭ حالىقتى يگىلىككە كەنەلتۋ، حالىقتى بايىتۋ، بىرگە بايۋدى جەبەۋ ساياساتتارىن تياناقتاندىرۋدان كوز جازباي، وقۋ - اعارتۋ، ەمدەۋ، زەينەتكەرلىك، قوعامدىق قامتاماسىزداندىرۋ، كەدەيلەردى سۇيەمەلدەۋ، قورشاعان ورتانى قورعاۋ سياقتى سالالارداعى شىرىكتەسۋدى جانە بۇرىس ستيلدى ۇزدىكسىز تۇزەتىپ، جونگە سالىپ، بۇقارا «اسىعىپ وتىرعان، قينالىپ وتىرعان، ۋايىمداپ وتىرعان، كۇتىپ وتىرعان» ماسەلەلەردى ويداعىداي شەشىپ، حالىق بۇقاراسىنا ادىلدىكتى، تۋراشىلدىقتى سەزىندىرۋ كەرەك.

　　شي جينپيڭ بىلاي دەپ دارىپتەدى: پارتيا مەن مەملەكەتتىڭ باقىلاۋ جۇيەسىن كەمەلدەندىرىپ، باقىلاۋدى «14 – بەسجىلدىق» قۇرىلىسپەن توعىستىرۋ كەرەك. باقىلاۋدى پارتيانىڭ ەكونوميكالىق، قوعامدىق دامۋعا باسشىلىق ەتۋىنىڭ تۇتاس بارىسىمەن ساباقتاستىرىپ، ۇقىق اينالىمىن جانە باقىلاۋ، تەجەۋ مەحانيزمىن كەمەلدەندىرۋدى جوبانى اتقارۋدىڭ نەگىزدىك قۇرىلىسى ەتىپ، جالپى بەتتىك قامتىعان جاۋاپكەرلىك ءتۇزىمىن جانە باقىلاۋ ءتۇزىمىن ورناتۋ كەرەك. پارتكومدار (پارتگرۋپپالار) تۇلعالىق جاۋاپكەرلىگىن اتقارۋ، شۋجيلەر ءبىرىنشى جاۋاپتى ادام رەتىندە باتىلدىقپەن يگەرۋ، شىنايى باسقارۋ، ءتارتىپ تەكسەرۋ، باقىلاۋ - تەكسەرۋ ورگاندارى ءتۇيىندى ادامداردى، ءتۇيىندى ىستەردى قاداعالاۋ كەرەك. پارتيا مەن مەملەكەتتىڭ باقىلاۋ جۇيەسىن اقاۋسىزداندىرىپ، پارتيا ىشىندەگى باقىلاۋدى جەتەكشى ەتىپ، ۇقىقتى باقىلاۋ ءتۇزىمىن جانە ءتارتىپ اتقارۋ، زاڭ اتقارۋ جۇيەسىن ۇزدىكسىز كەمەلدەندىرىپ، ءتۇرلى باقىلاۋلاردى سايكەستىرىپ، ۇلاستىرىپ، ۇدايىلانعان، باياندى باقىلاۋ بىرىككەن كۇشىن قالىپتاستىرۋ كەرەك. باقىلاۋدىڭ نەگىزگى ساتىنى جونگە سالۋداعى رولىن تولىق ساۋلەلەندىرىپ، باقىلاۋدىڭ تياناقتانۋىن ىلگەرىلەتىپ، بۇقارانىڭ باقىلاۋعا ات سالىسۋىنا مۇمكىندىك جاساۋ كەرەك.

　　شي جينپيڭ بىلاي دەپ اتاپ كورسەتتى: ءتارتىپ تەكسەرۋ، باقىلاۋ - تەكسەرۋ ورگاندارى پارتيانىڭ ساياسي قۇرىلىسىن باستاماشىلدىقپەن كۇشەيتىپ، پارتيا ورتالىق كوميتەتىنىڭ بەدەلى مەن پارتيانىڭ ىنتىماعىن، بىرلىگىن باتىل قورعاپ، وسىزامانداندىرۋ قۇرىلىسىنىڭ كەلەلى جاعدايىن توڭىرەكتەي وتىرىپ باقىلاۋدى، قامتاماسىزداندىرۋدى، اتقارۋدى ساۋلەلەندىرىپ، دامۋ رولىن جەبەۋ، كەمەلدەندىرۋ، جاۋاپكەرلىكتى كوڭىلدە ساقتاۋ، جاۋاپكەرلىكتى ارقالاۋ، جاۋاپكەرلىكتى ارەكەتتە ادا ەتۋ كەرەك. ءار دارەجەلى پارتكومدار ءتارتىپ تەكسەرۋ، باقىلاۋ - تەكسەرۋ قىزمەتىنە باسشىلىقتى كۇشەيتىپ، ءتارتىپ تەكسەرۋ، باقىلاۋ - تەكسەرۋ كادرلارىن باۋلۋ، ءوسىرۋ، مىندەتكە قويىپ ىستەتۋدى ءبىر تۇتاس جوسپارلاۋ جاۋاپكەرلىگىن ارقالاپ، ءتارتىپ تەكسەرۋ، باقىلاۋ - تەكسەرۋ كادرلارى قوسىنىن ۇزدىكتەردەن تاڭداپ، مىقتىلاردان سەپتەۋ كەرەك. ءتارتىپ تەكسەرۋ، باقىلاۋ - تەكسەرۋ ورگاندارى ەڭ قاتاڭ شەكتەمە مەن باقىلاۋدى قابىلداپ، قاتاڭ باسقارۋ، قاتاڭ جونگە سالۋ، ءوزىن كىرشىكسىزدەندىرۋ تەبىنىن ارتتىرىپ، ءوزىنىڭ ۇقىق اينالىم مەحانيزمى مەن باسقارۋ، باقىلاۋ جۇيەسىندەگى ءالسىز بۋىندارعا باعىتتاي وتىرىپ، ءتۇزىم قاپاسىن بەرىك توقىپ، «شامنىڭ ءتۇبى قاراڭعى بولۋدان» باتىل ساقتانىپ، ساياسي ساپاسى جوعارى، ادال، كىرشىكسىز، جاۋاپكەرلىك ارقالايتىن، كاسىپتىك قابىلەتى كۇشتى، كۇرەس جاساۋعا باتىل، شەبەر ءتارتىپ تەكسەرۋ، باقىلاۋ - تەكسەرۋ قۇرىش قوسىنىن قۇلشىنا قۇرىپ، پارتيا قۇرىلعانىنىڭ 100 جىلدىعىن تاماشا ناتيجەمەن قۇتتىقتاۋ كەرەك.

　　جاۋ لىجي ءماجىلىستى باسقارعاندا بىلاي دەپ اتاپ كورسەتتى: باس شۋجي شي جينپيڭ ماڭىزدى سوزىندە وتكەن ءبىر جىلداعى پارتيانى جاپپاي قاتاڭ جونگە سالۋدا قول جەتكەن تىڭ دا كەلەلى تابىستاردى تولىق تۇراقتاندىرىپ، پارتيانى جاپپاي قاتاڭ جونگە سالۋدىڭ جاڭا جاعدايىن، جاڭا مىندەتتەرىن تەرەڭدەي بايانداپ، پارتيانى جاپپاي قاتاڭ جونگە سالۋدا ەڭ الدىمەن ساياسي جاقتان قاراۋدى، ساياسي تۇجىرىم جاساۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋدى، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ءبىر ءسات تە توقتاتپاي ىلگەرىلەتۋ، قۋاتتى دا پارمەندى ساياسي باقىلاۋ ارقىلى «14 – بەسجىلدىق» مەزگىلىندەگى نىسانالار مەن مىندەتتەردىڭ ناقتى تياناقتانۋىنا شىنايى كەپىلدىك ەتۋ كەرەكتىگىن دارىپتەدى. ءسوزدىڭ تۇرعىسى بيىك، يدەياسى تەرەڭ، مازمۇنى باي، بۇل −پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتۋدەگى ماڭىزدى تياناعى. ءار دارەجەلى پارتيا ۇيىمدارى مەن قالىڭ پارتيالى كادرلار باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جالپى ءماجىلىس ورنالاستىرۋلارىن مۇقيات تياناقتاندىرىپ، قاتاڭ بولۋداي نەگىزگى اۋەندە ۇزاق ۋاقىت بويى تاباندى بولىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋ ستراتەگيالىق نىساناسىن ۇزدىكسىز جۇزەگە اسىرۋ كەرەك.

　　ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ قاتىستى باسشى جولداستارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ قاتىستى باسشى جولداستارى، سونداي - اق ورتالىق اسكەري ىستەر كوميتەتىنىڭ مۇشەلەرى ماجىلىسكە قاتىناستى.

　　ورتالىق ءتارتىپ تەكسەرۋ كوميتەتىنىڭ مۇشەلەرى، ورتالىق پەن مەملەكەت ورگاندارىنىڭ ءارقايسى تاراۋلارىنداعى، ءارقايسى حالىقتىق توپتارداعى نەگىزگى جاۋاپتى جولداستار، ارميانىڭ قاتىستى ورىندارىنداعى جاۋاپتى جولداستار قاتارلىلار ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا وتكىزىلدى، ءارقايسى ولكە، اۆتونوميالى رايون، توتە قاراستى قالالاردا جانە شينجياڭ ءوندىرىس - قۇرىلىس بيڭتۋانىندا، سونداي - اق ارميانىڭ قاتىستى ورىندارىندا بولىمشە ءماجىلىس ورىندارى ورنالاستىرىلدى.

　　جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ءماجىلىسى 1 - ايدىڭ 22 - كۇنى بەيجيڭدە اشىلدى. ورتالىق ءتارتىپ تەكسەرۋ كوميتەتىنىڭ تۇراقتى كوميتەتى ءماجىلىستى باسقاردى. 1 - ايدىڭ 22 - كۇنى تۇستەن كەيىن جاۋ لىجي ورتالىق ءتارتىپ تەكسەرۋ كوميتەتىنىڭ تۇراقتى كوميتەتى اتىنان «جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ ساپالى دامۋىن ىلگەرىلەتىپ، جۇڭگو كوممۋنيستىك پارتياسى قۇرىلعانىنىڭ 100 جىلدىعىن تاماشا ناتيجەمەن قۇتتىقتايىق» دەگەن تاقىرىپتا قىزمەتتەن بايانداما جاسادى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved