بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ دۇنيە جۇزىلىك ەكونوميكا تالقى مىنبەرىنىڭ «داۆوس كەڭەستىك ءتارتىپ» كەڭەسىنە قاتىناستى ءارى ارنايى ءسوز سويلەدى

ءداۋىر تاقىرىبىن شەشۋدە كوپ جاقتىلىقتى قورعاپ جانە امالياتتا ايگىلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەكتىگىن دارىپتەدى

2021.01.26 16:19     كەلۋ قاينارى : حالىق تورابى


  شينحۋا اگەنتتىگىنىڭ 1 - ايدىڭ 25 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 1 - ايدىڭ 25 - كۇنى كەشتە بەيجيڭدە بەينە ەكران تاسىلىمەن دۇنيە جۇزىلىك ەكونوميكا تالقى مىنبەرىنىڭ «داۆوس كەڭەستىك ءتارتىپ» كەڭەسىنە قاتىناستى ءارى «كوپ جاقتىلىقتىڭ الاۋىمەن ادامزاتتىڭ العا باسۋ جولىن نۇرلاندىرايىق» دەگەن تاقىرىپتا ارنايى ءسوز سويلەدى. شي جينپيڭ مىنالاردى دارىپتەدى: وسى ءداۋىر ءدوپ كەلگەن تاقىرىپتاردى ويداعىداي شەشۋدىڭ شىعار جولى − كوپ جاقتىلىقتى قورعاۋ جانە امالياتتا ايگىلەۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ. 21 - عاسىرداعى كوپ جاقتىلىقتى دۇرىس جولدان جازباۋ نەگىزىندە جاڭالاۋعا كۇش سالىپ، بولاشاققا بەت الدىرۋ ءۇشىن، كوپ جاقتىلىقتىڭ وزەكتى قۇنى مەن نەگىزگى پرينسيبىندە تاباندى بولۋمەن بىرگە، دۇنيە ءجۇزى جاعدايىنىڭ وزگەرىسىن تياناق ەتىپ، دۇنيە جۇزىلىك سايىستارعا توتەپ بەرۋ قاجەتىن دە كوزدە ۇستاۋ كەرەك. اشىق، سيىسىمدى بولۋدان، حالىقارالىق قاعيدانى نەگىز ەتۋدەن، كەڭەسۋدەن، سەلبەسۋدەن، داۋىرمەن بىرگە العا باسۋدان جازباۋ كەرەك. جۇڭگو حالىقارالىق ىندەتكە قارسى اتتانۋ سەلبەستىگىنە ۇزدىكسىز بەلسەنە ات سالىسىپ، ءوزارا تيىمدىلىك جەتكىزىپ، تەڭ يگىلىككە كەنەلەتىن ەسىك اشۋ ستراتەگياسىن اتقارىپ، باياندى دامۋدى جەبەپ، عىلىم - تەحنيكادا جاڭالىق اشۋدى ىلگەرىلەتىپ، جاڭاشا حالىقارالىق قاتىناس ورناتۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋعا قاراي ۇزدىكسىز قادام تاستايدى!

  شي جينپيڭ بىلاي دەپ اتاپ كورسەتتى: وتكەن ءبىر جىلدا توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى بۇكىل دۇنيە جۇزىنە لاڭ سالىپ، دۇنيە ءجۇزىنىڭ الەۋمەتتىك دەنساۋلىق ساقتاۋ ىستەرى اۋىر قاتەرگە ءدوپ كەلدى، دۇنيە ءجۇزى ەكونوميكاسى اۋىر قۇلدىراۋعا تاپ بولىپ، ادامزات تاريحتا سيرەك كەزدەسەتىن قات - قابات داعدارىستى باستان كەشىردى. قازىر ىندەت ءالى اياقتاعان جوق، ىندەتكە قارسى اتتانۋ ءالى دە جالعاسۋدا، ءبىراق ءبىز قاقاعان قىستىڭ كوكتەمنىڭ اياق الىسىن بوگەي الماسىنا، قاراڭعى ءتۇننىڭ تاڭنىڭ شۇعىلاسىن توسا الماسىنا كامىل سەنەمىز. ادامزات، ءسوز جوق، ىندەتتى جەڭىپ، اپاتپەن كۇرەسۋ بارىسىندا شىڭدالىپ، العا باسىپ، قايتادان ەڭسە كوتەرەدى.

  شي جينپيڭ بىلاي دەپ دارىپتەدى: ءبىز وسى داۋىردە ءدوپ كەلگەن ءتورت ۇلكەن تاقىرىپتى ويداعىداي شەشۋىمىز كەرەك:

  ءبىرىنشى، ماكرولىق ەكونوميكا ساياساتىن سايكەستىرۋدى كۇشەيتىپ، دۇنيە ءجۇزى ەكونوميكاسىنىڭ پارمەندى، باياندى، تەپە - تەڭ، قامتىمدى ارتۋىن بىرگە ىلگەرىلەتۋ كەرەك. قازىرگى جاعدايدى يگەرىپ، ىندەتتەن ساقتانۋ - تىزگىندەۋ مەن ەكونوميكالىق دامۋدى ءبىر تۇتاس جوسپارلاپ، ماكرولىق ەكونوميكالىق ساياساتتىق قولداۋدى كۇشەيتىپ، دۇنيە ءجۇزى ەكونوميكاسىنىڭ داعدارىستان ەرتەرەك قۇتىلۋىن ىلگەرىلەتۋ، ونان دا ماڭىزدىسى، بولاشاققا كوز جىبەرىپ، دۇنيە ءجۇزى ەكونوميكاسىنىڭ قوزعاۋشى كۇشىن اۋىستىرۋدى، تاسىلدە بۇرىلىس جاساۋدى، قۇرىلىمدى رەتتەۋدى ىلگەرىلەتۋگە بەل بايلاپ، دۇنيە ءجۇزى ەكونوميكاسىن ۇزاق ۋاقىت اقاۋسىز، ورنىقتى دامۋ ارناسىنا ءتۇسىرۋ كەرەك.

  ەكىنشى، يدەولوگيالىق سىڭار جاقتى كوزقاراستان ارىلىپ، بەيبىت قاتار تۇرۋ، ءوزارا پايدا جەتكىزىپ، تەڭ يگىلىكتەنۋ جولىمەن بىرگە ءجۇرۋ كەرەك. ءار ەلدىڭ تاريحي مادەنيەتى مەن قوعامدىق ءتۇزىمىنىڭ ءارقايسىسىنىڭ وزىندىك ەرەكشەلىگى بار، جوعارى - تومەن، جاقسى - جامان دەپ بولىنبەۋىنىڭ تەتىگى ءوز ەلىنىڭ مەملەكەت جاعدايىنا ۇيلەسەتىن - ۇيلەسپەيتىندىگىندە، حالىقتىڭ قولداپ - قۋاتتاۋىنا يە بولعان - بولماعاندىعىندا، ساياسيدىڭ ورنىقتىلىعىن، قوعامنىڭ العا باسۋىن، حالىق تۇرمىسىنىڭ جاقسارۋىن الا كەلگەن - كەلمەگەندىگىندە، ادامزاتتىڭ العا باسۋ ىستەرىنە ۇلەس قوسا العان - الماعاندىعىندا. الۋان تۇرلىلىك بولماسا، ادامزات وركەنيەتى دە بولماق ەمەس. پارىق قورقىنىشتى ەمەس، قورقىنىشتىسى − تاكاپپارلىق، سىڭار جاقتىلىق، وشپەندىلىك، قورقىنىشتىسى − ادامزات وركەنيەتىن دارەجەگە ءبولۋ، قورقىنىشتىسى − ءوزىنىڭ تاريحي مادەنيەتى مەن قوعامدىق ءتۇزىمىن باسقالارعا زورلاپ تاڭۋ. ءار ەل ءوزارا قۇرمەت ەتۋ، پارىقتاردى ساقتاپ، ورتاقتىققا ۇمتىلۋ نەگىزىندە بەيبىت قاتار تۇرۋدى جۇزەگە اسىرىپ، اۋىس - كۇيىستى، ءوزارا ۇلگى الۋدى جەبەپ، ادامزات وركەنيەتىنىڭ العا باسۋىنا قوزعاۋشى كۇش قوسۋى كەرەك.

  ءۇشىنشى، دامىعان ەلدەر مەن دامۋ ۇستىندەگى ەلدەردىڭ دامۋ پارقى كورنەكتى بولۋ ماسەلەسىن شەشىپ، ءار ەلدىڭ دامىپ، گۇلدەنۋىن بىرگە ىلگەرىلەتۋ كەرەك. دامۋ ۇستىندەگى ەلدەر دامىسا، بۇكىل دۇنيە ءجۇزىنىڭ گۇلدەنۋى مەن ورنىقتىلىعى اناعۇرلىم بەرىك نەگىزگە يە بولادى. حالىقارالىق قوعام ۋادەنى تياناقتاندىرىپ، دامۋ ۇستىندەگى ەلدەردىڭ دامۋىنا قاجەتتى قولداۋ كورسەتىپ، دامۋ ۇستىندەگى ەلدەردىڭ ورىندى دامۋ ۇقىق - مۇددەسىن قامتاماسىزداندىرىپ، ۇقىق، وراي، ەرەجە تەڭدىگىن جەبەپ، ءار ەل حالقىن دامۋ ورايى مەن تابىسىنان ورتاق يگىلىكتەندىرۋى كەرەك.

  ءتورتىنشى، دۇنيە جۇزىلىك سايىستارعا تىزە قوسا توتەپ بەرىپ، ادامزاتتىڭ كوركەم بولاشاعىن بىرگە جاراتۋ كەرەك. جاڭا تيپتى ايدارشا ۆيرۋس وكپە قابىنۋ ىندەتى سياقتى توسىن تۋىلاتىن الەۋمەتتىك دەنساۋلىق ساقتاۋ وقيعالارى، استە، وسىمەن تىنبايدى، دۇنيە ءجۇزىنىڭ الەۋمەتتىك دەنساۋلىق ساقتاۋ ىستەرىن جونگە سالۋدى كۇشەيتۋگە تۋرا كەلەدى. كليمات وزگەرىسىنە توتەپ بەرۋدى كۇشەيتىپ، باياندى دامۋدى ىلگەرىلەتۋ ادامزاتتىڭ كەلەشەگى مەن بولاشاعىنا سايادى. ادامزات ءدوپ كەلىپ وتىرعان بارلىق دۇنيە جۇزىلىك ماسەلەگە قاراتا تۇتاس دۇنيە ءجۇزى بولىپ ارەكەت جاساۋ، توتەپ بەرۋ، سەلبەسۋ كەرەك.

  شي جينپيڭ بىلاي دەپ اتاپ كورسەتتى: دۇنيە جۇزىندەگى ماسەلەلەر قات - قابات، كۇردەلى، ماسەلەنى شەشۋدىڭ شىعار جولى − كوپ جاقتىلىقتى قورعاۋ جانە امالياتتا ايگىلەۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ.

  − اشىقتىق پەن باۋىرمالدىقتان جازباۋ، توماعا - تۇيىقتىققا سالىنباۋ كەرەك. كوپ جاقتىلىقتىڭ باستى ماقساتى حالىقاراداعى ىستەردىڭ سەبەپتەرىن كوپشىلىك بىرگە اقىلداسىپ ءبىر جاقتى ەتۋ، دۇنيە ءجۇزىنىڭ بولاشاعى مەن تاعدىرىن ءار ەل ورتاق مەڭگەرۋ بولىپ تابىلادى. حالىقارادا «شاعىن توپ» قۇرۋمەن، «جاڭا قىرعي قاباقتىق سوعىس» قوزعاۋمەن شۇعىلدانۋ، باسقالاردى قاقپايلاۋ، قۇقاي كورسەتىپ، قورقىتۋ، قيت ەتسە - اق قول ءۇزىپ وقشاۋلانۋ، قامداۋدى ءۇزىپ تاستاۋ، جازالاۋ، ادامدار جاعىنان ءبىرىن -ءبىرى اۋاشالاۋ، ءتىپتى دۇنيەدەن قول ءۇزدىرىپ تاستاۋ قاتارلىلاردىڭ بارلىعى تەك قانا دۇنيە ءجۇزىن بولشەكتەۋمەن، ءتىپتى قارسىلاسۋعا يتەرمەلەۋمەن تىنادى. بولشەكتەنگەن دۇنيە ءجۇزى ادامزات ءدوپ كەلىپ وتىرعان ورتاق سايىسقا توتەپ بەرە المايدى، قارسىلاستىق ادامزاتتى تۇيىققا تىرەيدى. بەيبىتشىلىك، دامۋ، تەڭدىك، ادىلەت، دەموكراتيا، ەركىندىك سىندى بۇكىل ادامزاتتىق ورتاق قۇننان جازباۋ، دۇنيە ءجۇزىنىڭ بەيبىتشىلىگى مەن ورنىقتىلىعىن بىرگە قورعاۋ، اشىق ۇستالعان دۇنيە ءجۇزى ەكونوميكاسىن بىرگە قۇرۋ كەرەك.

  − حالىقارالىق زاڭداردى نەگىز ەتۋدە تاباندى بولۋ، وزىنىكىن عانا ءجون ساناماۋ كەرەك. حالىقارالىق قوعام ءار ەل ورتاق كەلىسكەن ەرەجە جانە ورتاق تانىم بويىنشا جونگە سالۋى كەرەك، ءبىر نەمەسە بىرنەشە مەملەكەتتىڭ جار سالىپ، جارلىق تۇسىرۋىنە بولمايدى. ب م ۇ ەرەجەسى − جالپى جۇرت مويىنداعان مەملەكەت پەن مەملەكەت قاتىناسىنىڭ نەگىزگى ولشەمى، ب م ۇ - نى ۇيىتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى قورعاپ، كوپ جاقتى قۇرىلىمداردىڭ بەدەلى مەن ونىمدىلىگىن قورعاۋ كەرەك. ءار ەلدىڭ قاتىناسىن ءتۇزىم جانە ەرەجە ارقىلى سايكەستىرۋدە، ارناعا تۇسىرۋدە تاباندى بولىپ، كۇشىنە ارقا سۇيەۋگە، السىزدەردى باسىنۋعا قارسى تۇرۋ كەرەك، كوپ جاقتىلىقتىڭ اتىمەن ءىس جۇزىندە سىڭار جاقتىلىق جۇرگىزۋگە بولمايدى. ەرەجە تۇراقتانعاننان كەيىن، كوپشىلىك شىنايى بويسۇنۋى كەرەك. «تاڭداۋ جاساۋعا بولاتىن كوپ جاقتىلىق» ءبىزدىڭ تالعامىمىز بولماۋى كەرەك.

  − كەڭەسۋدە، سەلبەسۋدە تاباندى بولۋ، قاقتىعىسپاۋ، قارسىلاسپاۋ كەرەك. مەيلى قىرعي قاباقتىق سوعىس، اشىق سوعىس بولسىن، الدە ساۋدا سوعىسى، عىلىم - تەحنيكا سوعىسى بولسىن، ەڭ سوڭىندا ءار ەلدىڭ مۇددەسىنە زيان جەتكىزىپ، حالىقتىڭ باقىتىن قۇربان ەتەدى. پارىققا قۇرمەت ەتىپ جانە كەشىرىمشىل بولىپ، باسقا ەلدەردىڭ ىشكى ىسىنە كيلىكپەي، الاۋىزدىقتاردى كەڭەسۋ، پىكىرلەسۋ ارقىلى شەشۋ كەرەك. قىرعي قاباقتىق وي جەلىسى، مۇلدە وتاسپاۋ سايىسى سياقتى كونە تانىمنان ارىلىپ، ءوزارا قۇرمەت ەتۋدەن، ءوزارا كەشىرىمشىل بولۋدان جازباي، ءوزارا تيىمدىلىك جەتكىزىپ، تەڭ يگىلىككە كەنەلەتىن سەلبەستىك كوزقاراسىندا تاباندى بولۋ كەرەك. جەكە مۇددەنى كوزدەيتىن تار ءورىستى ساياساتتان باس تارتىپ، ءادىل، ادىلەتتى باسەكەنى دارىپتەپ، باسەكە بارىسىندا بىرگە العا باسۋ، ءبىر - بىرىنە شابۋىل جاساۋدان، وكتەمدىك كورسەتۋدەن ساقتانۋ كەرەك.

  − داۋىرمەن بىرگە العا باسۋدا تاباندى بولىپ، كونە سۇردەكپەن ءوزىن - ءوزى تەجەمەۋ كەرەك. 21 - عاسىرداعى كوپ جاقتىلىقتى دۇرىس جولدان جازباۋ نەگىزىندە جاڭالاۋعا كۇش سالىپ، بولاشاققا بەت الدىرۋ ءۇشىن، كوپ جاقتىلىقتىڭ وزەكتى قۇنى مەن نەگىزگى پرينسيبىندە تاباندى بولۋمەن بىرگە، دۇنيە ءجۇزى جاعدايىنىڭ وزگەرىسىن تياناق ەتىپ، دۇنيە جۇزىلىك سايىستارعا توتەپ بەرۋ قاجەتىن دە كوزدە ۇستاۋ، كەڭ كولەمدە كەڭەسۋ، ورتاق تانىم ۇيىستىرۋ نەگىزىندە دۇنيە جۇزىلىك جونگە سالۋ جۇيەسىنە رەفورما جاساۋ جانە ونى كەمەلدەندىرۋ كەرەك. دۇنيە جۇزىلىك دەنساۋلىق ساقتاۋ ۇيىمىنىڭ رولىن ساۋلەلەندىرىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋ كەرەك. دۇنيە جۇزىلىك ساۋدا ۇيىمى مەن حالىقارالىق فينانس اقشا جۇيەسى رەفورماسىن ىلگەرىلەتىپ، دۇنيە جۇزىلىك سيفرلى جونگە سالۋ ەرەجەسىن زەرتتەپ جاساپ، كليمات وزگەرىسىنە توتەپ بەرۋ جونىندەگى « پاريج كەلىسىمىن» تياناقتاندىرىپ، ب م ۇ - نىڭ 2030 - جىلعا دەيىنگى باياندى دامۋ كۇن ءتارتىبىن تياناقتاندىرۋ كەرەك.

  شي جينپيڭ بىلاي دەپ دارىپتەدى: جۇڭگو جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى. ءبىز جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن بەلسەنە قالىپتاستىرىپ، ءار ەلمەن بىرگە باياندى، بەيبىت، جالپى بەتتىك حاۋىپسىز، بىرگە گۇلدەنگەن، اشىق، سيىسىمدى، تازا، كورىكتى دۇنيە ءجۇزىن بىرگە قۇرامىز.

  − جۇڭگو ىندەتكە قارسى اتتانۋداعى حالىقارالىق سەلبەستىككە ۇزدىكسىز بەلسەنە ات سالىسادى. ءار ەلمەن ىندەتتەن ساقتانۋ- تىزگىندەۋدىڭ پايدالى تاجىريبەلەرىن ءبولىسىپ، ىندەتكە توتەپ بەرۋ قۋاتى ءالسىز ەلدەر مەن رايوندارعا شاماسىنىڭ كەلىسىنشە كومەك كورسەتەدى. ۆاكسينا سەلبەستىگىن كۇشەيتىپ، ۆاكسينانى ءار ەل حالقىنىڭ قولى جەتەتىن الەۋمەتتىك ونىمگە اينالدىرادى.

  − جۇڭگو ءوزارا تيىمدىلىك جەتكىزىپ، تەڭ يگىلىكتەنۋ سىندى ەسىك اشۋ ستراتەگياسىن ۇزدىكسىز اتقارادى. ىندەتتەن پايدالانىپ «جاھاندانۋدى الاستاۋ»، توماعا - تۇيىقتىققا سالىنۋ ءارقانداي ءبىر جاقتىڭ مۇددەسىنە ۇيلەسپەيدى. جۇڭگو ەكونوميكانىڭ جاھاندانۋىن باستان - اياق قولداپ، سىرتقا ەسىك اشۋ سىندى نەگىزگى مەملەكەت ساياساتىن باتىل اتقارادى. ساۋدا مەن قارجى قوسۋدىڭ ەركىن، قولايلى بولۋىن جەبەپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ ىركىلىسسىز، ورنىقتى بولۋىن قورعاپ، «ءبىر بەلدەۋ، ءبىر جولدى» جوعارى ساپامەن بىرگە قۇرۋدى ىلگەرىلەتىپ، بازارلانعان، زاڭمەن جونگە سالىناتىن، حالىقارالانعان تيجارات - ساۋدا ورتاسىن ۇزدىكسىز قالىپتاستىرىپ، ەرەكشە ۇلكەن بازار ابزالدىعى مەن ىشكى سۇرانىستىڭ كومەسكى كۇشىن ساۋلەلەندىرىپ، دۇنيە ءجۇزى ەكونوميكاسىنىڭ قالپىنا كەلۋى مەن ارتۋىنا اناعۇرلىم كوپ قوزعاۋشى كۇش قوسادى.

  − جۇڭگو باياندى دامۋدى ۇزدىكسىز جەبەيدى. ەكولوگيالىق وركەنيەت قۇرىلىسىن كۇشەيتىپ، 2030 - جىلدان بۇرىن كومىرتەگى قوس توتىعىن ىعىستىرۋدى ەڭ جوعارى شەككە جەتكىزۋگە، 2060 - جىلدان بۇرىن كومىرتەگىنىڭ بەيتاراپتانۋىن جۇزەگە اسىرۋعا كەپىلدىك ەتەدى. بۇكىل ادامزاتقا پايدالى ءىس بولسا بولعانى، جۇڭگو بۇلتارتپاي ىستەيدى، سونداي - اق تىندىرىمدى ىستەيدى، ءىس جۇزىندىك ارەكەتى ارقىلى كوپ جاقتىلىقتى امالياتتا ايگىلەيدى.

  − جۇڭگو عىلىم - تەحنيكادا جاڭالىق اشۋدى ۇزدىكسىز ىلگەرىلەتەدى. عىلىم - تەحنيكاعا ۇسىنىلىمدى ارتتىرىپ، ءبىلىم مەنشىك ۇقىعىن قورعاۋدى كۇشەيتەدى. عىلىم - تەحنيكا تابىسى باسقا ەلدەردىڭ دامۋىن شەكتەيتىن، تەجەيتىن ءتاسىل بولماۋى، تۇتاس ادامزاتقا باقىت جاراتۋى كەرەك. جۇڭگو اناعۇرلىم اشىق وي جەلىسى جانە شارالار ارقىلى حالىقارالىق عىلىم - تەحنيكا اۋىس - كۇيىسى مەن سەلبەستىگىن ىلگەرىلەتىپ، ءار ەلمەن قول ۇستاسا وتىرىپ، اشىق، ءادىل، كەمسىتپەيتىن عىلىم - تەحنيكانى دامىتۋ ورتاسىن جاراتادى.

  − جۇڭگو جاڭاشا حالىقارالىق قاتىناس ورناتۋدى ۇزدىكسىز ىلگەرىلەتەدى. جەڭىسكە جەكە - دارا قول جەتكىزۋ، ءبارىن يەلەپ الۋ جۇڭگولىقتاردىڭ ءومىر ءسۇرۋ فيلوسوفياسى ەمەس. جۇڭگو دەربەس، ءوز - وزىنە قوجا بولۋ سىندى بەيبىت ديپلوماتيالىق ساياساتتى باتىل اتقارىپ، ءار ەلمەن دوستىق سەلبەستىك قاتىناسىن بەلسەنە دامىتىپ، دامۋ ۇستىندەگى ەلدەردىڭ سەلبەستىگىن ۇزدىكسىز تەرەڭدەتىپ، دۇنيە ءجۇزى ەكونوميكاسىن جونگە سالۋعا اناعۇرلىم بەلسەندى تۇردە ات سالىسىپ، ەكونوميكانىڭ جاھاندانۋىنىڭ اناعۇرلىم اشىق، قامتىمدى، جالپىعا ءتيىمدى، تەپە - تەڭ، تەڭ يگىلىككە كەنەلەتىن بەتالىسقا قاراي دامۋىن ىلگەرىلەتەدى.

  شي جينپيڭ ەڭ سوڭىندا مىنالاردى دارىپتەدى: ادامزاتتا ءبىر عانا جەر شارى بار، سونداي - اق ءبىر عانا ورتاق بولاشاق بار. كوز الداعى داعدارىسقا توتەپ بەرۋدە بولسىن، الدە كوركەم بولاشاقتى بىرگە جاراتۋدا بولسىن، ادامزات تار جول، تايعاق كەشۋلەردەن بىرگە ءوتىپ، ىنتىماقتاسا سەلبەسۋى كەرەك. اماليات كورشىسىنە زيان جەتكىزەتىن ءارقانداي ءادىستىڭ، بەت - بەتىنە كەتۋ وي جەلىسىنىڭ، ءوزىن زور سانايتىن ءارقانداي تاكاپپارلىقتىڭ ەڭ سوڭىندا، ءسوزسىز، جەڭىلىسكە ۇشىرايتىنىن قايتا - قايتا دالەلدەۋدە. ءبىز قول ۇستاسىپ، كوپ جاقتىلىقتىڭ الاۋىمەن ادامزاتتىڭ العا باسۋ جولىن نۇرلاندىرىپ، ادامزاتتىڭ تاعدىرلاس ورتاق تۇلعاسىن قۇرۋعا قاراي ۇزدىكسىز العا باسايىق!

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

  1 - ايدىڭ 20 - كۇنى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى اۆتونوميالى رايوندىق ماداقتاۋ - سيلاۋ جينالىسى شينجياڭ حالىق سارايىندا سالتاناتپەن وتكىزىلدى. سۋرەتتە: جينالىس زالى.

□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن