شي جينپيڭ دومينيكانىڭ زۇڭليى سكەرريتپەن تەلەفوندا سويلەستى
2021.01.26 16:20 كەلۋ قاينارى : حالىق تورابى
شينحۋا اگەنتتىگىنىڭ 1 - ايدىڭ 25 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 1 - ايدىڭ 25 - كۇنى كەشتە دومينيكانىڭ زۇڭليى سكەرريتپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو مەن دومينيكانىڭ ارالىعى الىس بولعانىمەن، ەكى ەل ءوزارا قۇرمەت ەتەتىن، تەڭدىك نەگىزىندە ءوزارا تيىمدىلىك جاساپ وتىرعان جاقسى دوستار. ديپلوماتيالىق قاتىناس ورناتقان 17 جىلعا تاياۋ ۋاقىتتان بەرى، جۇڭگو مەن دومينيكانىڭ قاتىناسى باياندى ىلگەرىلەۋشىلىكتەرگە قول جەتكىزدى، ەكى جاق ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى قولداپ، نەگىزدىك قۇرىلعى قۇرىلىسى، اۋىل شارۋاشىلىعى، ەمدەۋ، وقۋ - اعارتۋ سياقتى سالالارداعى سەلبەستىگى جاقسى بولىپ، ەكى ەل حالىقتارىنىڭ دوستىعى كۇن سايىن تەرەڭدەدى. جۇڭگو دومينيكانىڭ جۇڭگومەن قاتىناستى دامىتۋدى ديپلوماتيادا الدىمەن ەسكەرەتىن باعىت ەتكەنىن القايدى، دومينيكا ەكونوميكاسىنىڭ، قوعامىنىڭ دامۋىنا شاماسىنىڭ جەتىسىنشە ۇزدىكسىز كومەكتەسۋگە پەيىل. مەن ەكى جاقتىڭ بىرگە قۇلشىنۋىندا جۇڭگو مەن دومينيكانىڭ دوستىق سەلبەستىك قاتىناسىنىڭ، ءسوز جوق، اناعۇرلىم جاقسى داميتىنىنا سەنەمىن.
شي جينپيڭ بىلاي دەپ دارىپتەدى: توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا جۇڭگو مەن دومينيكا قول ۇستاسا وتىرىپ ىندەتكە قارسى اتتانىپ، ءبىر - بىرىنە قارايلاساتىن تەرەڭ سۇيىسپەنشىلىكتى ايگىلەدى. جۇڭگو دومينيكانىڭ ىندەتكە قارسى اتتانۋىن ۇزدىكسىز بار كۇشپەن قولداپ، دومينيكانى قامتىعان دامۋ ۇستىندەگى ەلدەرگە كومەكتەسىپ جانە قولداۋ كورسەتىپ، ۆاكسينانى ءار ەل حالقىنىڭ قولى جەتەتىن الەۋمەتتىك ونىمگە اينالدىرۋعا قۇلشىنىپ، ۆاكسينانىڭ جارامدىلىعى مەن قولجەتىمدى بولۋىن جۇزەگە اسىرۋعا جۇڭگو ۇلەسىن قوسادى. جۇڭگو مەن دومينيكا دۇنيە جۇزىلىك دەنساۋلىق ساقتاۋ ۇيىمىنىڭ ءتيىستى رولىن ساۋلەلەندىرۋىن باتىل قولداپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى بىرگە ىلگەرىلەتۋى كەرەك.
سكەرريت مىنانى ءبىلدىردى: دومينيكا مەن جۇڭگو ديپلوماتيالىق قاتىناس ورناتقاننان بەرى ەكى جاق باستان - اياق ءبىرىن - ءبىرى قۇرمەتتەپ، تەڭ مامىلە جاساپ، ۇلكەندى - كىشىلى ەلدەر قاتىناسىنىڭ ۇلگىسىنە اينالدى. جۇڭگو ۇكىمەتى حالىقتى وزەك ەتۋدە تاباندى بولىپ، دامۋدىڭ بىركەلكىسىزدىگى ماسەلەسىن شەشۋگە كۇش سالىپ، دومينيكا مەن باسقا دا دامۋ ۇستىندەگى ەلدەردىڭ ەكونوميكالىق، قوعامدىق دامۋىنا قاستەرلى كومەك كورسەتتى. جۇڭگو دومينيكا قاتارلى ەلدەردىڭ ىندەتپەن كۇرەسۋىنە ەمدەۋ زاتتىق كومەگىن بەردى ءارى ۆاكسينانىڭ دامۋ ۇستىندەگى ەلدەردە جارامدىلىعى مەن قولجەتىمدى بولۋىن جۇزەگە اسىرۋعا ۇلەس قوسۋعا ۋادە بەردى. جۇڭگو دۇنيە جۇزىنە ۇلگى بولدى، دومينيكانىڭ سەنىمدى ناعىز دوسى. دومينيكا ءبىر جۇڭگو پرينسيبىندە تاباندى بولادى، جۇڭگونىڭ بەيبىت بىرلىككە كەلۋىن قولدايدى، ءارقانداي كۇشتىڭ جۇڭگونىڭ ىشكى ىسىنە كيلىگۋىنە باتىل قارسى تۇرادى، شياڭگاڭعا، تايۋانعا ساياتىن ماسەلەلەردە جۇڭگومەن باتىل بىرگە تۇرادى. دومينيكا جۇڭگونىڭ دۇنيە ءجۇزىنىڭ كليمات وزگەرىسىنە توتەپ بەرۋدە باسشىلىق رول اتقارعانىن القايدى، «ءبىر بەلدەۋ، ءبىر جولدى» بىرگە قۇرۋعا بەلسەنە ات سالىسىپ، دومينيكا ـ جۇڭگو قاتىناسىنىڭ، سونداي - اق كارايب ەلدەرىنىڭ جۇڭگومەن قاتىناسىنىڭ ۇزدىكسىز دامۋىن ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
