شي جينپيڭ حالىقارالىق وليمپيادا كوميتەتىنىڭ ءتوراعاسى باحپەن تەلەفوندا سويلەستى
2021.01.26 16:21 كەلۋ قاينارى : حالىق تورابى
شينحۋا اگەنتتىگىنىڭ 1 - ايدىڭ 25 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 1 - ايدىڭ 25 - كۇنى كەشتە حالىقارالىق وليمپيادا كوميتەتىنىڭ ءتوراعاسى باحپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى حالىقارالىق وليمپيادا كوميتەتى ىرىقتىلىقپەن توتەپ بەرىپ، وليمپيادا دەنە تاربيەسىنىڭ ىنتىماعىن، ورنىقتىلىعىن بار كۇشپەن قورعاپ، دۇنيە ءجۇزىنىڭ ىندەتكە قارسى اتتانۋىنا جانە وليمپيادا سپورتىنىڭ باياندى، اقاۋسىز دامۋىن جەبەۋگە بەلسەندى ۇلەس قوستى. جۇڭگو حالىقارالىق وليمپيادا كوميتەتىنىڭ جۇڭگونىڭ دەنەتاربيە ىستەرىن بەلسەنە قولداعانىن القايدى، حالىقارالىق وليمپيادا كوميتەتىنىڭ قىزمەتىن بۇرىنعىداي قولدايدى. جۇڭگو حالىقارالىق وليمپيادا كوميتەتىمەن جانە ءار ەلمەن بىرگە قۇلشىنىپ، توكيو وليمپيادا سپورت جارىسىن، بەيجيڭ قىسقى وليمپيادا سپورت جارىسىن حاۋىپسىز، ءساتتى وتكىزۋگە قۇلشىنىپ، حالىقارالىق قوعامنىڭ ىندەتتى ەرتەرەك جەڭۋىنە، دۇنيە ءجۇزى ەكونوميكاسىنىڭ قالپىنا كەلۋىن جۇزەگە اسىرۋعا، ءار ەل حالقىنىڭ باس اماندىعى مەن دەنساۋلىعىن قورعاۋعا ۇلەس قوسۋدى قالايدى.
شي جينپيڭ بىلاي دەپ دارىپتەدى: جۇڭگو ەل ىشىندەگى ىندەتتى الدىمەن تىزگىندەپ، ەكونوميكانىڭ قالپىنا كەلۋىن جۇزەگە اسىرىپ، بەيجيڭ قىسقى وليمپيادا سپورت جارىسىنىڭ ءساتتى وتكىزىلۋىنە ءتيىمدى شارت - جاعداي ازىرلەدى. ءبىز ساقتانۋ - تىزگىندەۋ شارالارىن قاتاڭ تياناقتاندىرىپ، ىندەتتىڭ ىقپالىن جەڭىپ، ءتۇرلى دايىندىق قىزمەتتەرىنىڭ نىق قاداممەن العا باسۋىن بەلسەنە ىلگەرىلەتتىك. قازىر بەيجيڭ قىسقى وليمپيادا سپورت جارىسى الاڭ - سارايلارى مەن نەگىزدىك قۇرىلعىلار قۇرىلىسىندا كەزەڭدىك تابىستارعا قول جەتكىدىك، جارىس ىستەرىن ۇيىمداستىرۋ قىزمەتى تارتىپپەن ورىستەتىلدى، جارىس ىستەرىنە قىزمەت وتەۋ، قامتاماسىزداندىرۋ قىزمەتى جاپپاي ىلگەرىلەتىلدى، ۇگىت، جالپىلاستىرۋ دەڭگەيى ۇزدىكسىز جوعارىلاپ، حالىقارالىق اۋىس - كۇيىس، سەلبەستىك ىشكەرىلەي ورىستەتىلىپ، باياندى دامۋ مەن مۇرا قىزمەتىنىڭ ونىمدىلىگى كورنەكتى بولدى. ءبىز بەيجيڭ قىسقى وليمپياداسىنا دايىندالۋدى وراي ەتىپ، قار - مۇز سپورتىنىڭ جالپىلاسۋىن، دامۋىن ىلگەرىلەتتىك. قاتىستى جاقتاردىڭ زور كۇشپەن قولداۋىندا جۇڭگونىڭ ءتۇرلى دايىندىق مىندەتتەرىن، ءسوز جوق، ۋاعىندا ورىنداپ، جان - جاقتى دايىندىق كورىپ، بەيجيڭ قىسقى وليمپيادا سپورت جارىسىن تابىستى وتكىزۋگە كەپىلدىك ەتەتىنىنە سەنەمىن. بەيجيڭ حالىقارادا جازعى جانە قىسقى وليمپيادا سپورت جارىسىن وتكىزگەن بىردەن - ءبىر «قوس وليمپيادا قالاسى» رەتىندە حالىقارانىڭ وليمپيادا سپورتىنا وزگەشە ۇلەس قوسادى.
باح بىلاي دەدى: ءتوراعا شي جينپيڭنىڭ پارمەندى باسشىلىعىندا، جۇڭگو جاڭا تيپتى ايدارشا ۆيرۋس وكپە قابىنۋ ىندەتىنە قارسى تۇرۋدا كورنەكتى ناتيجەگە قول جەتكىزىپ، ەكونوميكانى الدىمەن قالپىنا كەلتىرىپ، دۇنيە ءجۇزى ەكونوميكاسىنىڭ قالپىنا كەلۋىن ىلگەرىلەتۋدىڭ ماڭىزدى قوزعالتقىشىنا اينالدى، مەن مۇنى شىن جۇرەكتەن قۇتتىقتايمىن. جۇڭگو ۇكىمەتىنىڭ ايرىقشا ءمان بەرۋى مەن جۇڭگو حالقىنىڭ زور كۇشپەن قولداۋىندا، بەيجيڭ قىسقى وليمپيادا سپورت جارىسىنىڭ ءتۇرلى دايىندىق قىزمەتىندە ىندەتتىڭ ىقپالى الاستالدى، اياق الىس توتەنشە ءساتتى بولدى. حالىقارالىق وليمپيادا كوميتەتى جۇڭگونىڭ جاسىل، بىرگە يگىلىككە كەنەلەتىن، اشىق، پاك قىسقى وليمپيادا سپورت جارىسىن وتكىزۋ ۇستانىمىن قولدايدى، جۇڭگومەن بىرگە قۇلشىنىپ، بەيجيڭ قىسقى وليمپيادا سپورت جارىسىنىڭ تابىستى، تاماشا، حاۋىپسىز وتكىزىلۋىنە كەپىلدىك ەتۋدى قالايدى. بۇل 300 ميلليون جۇڭگولىقتىڭ قار - مۇز سپورتىن جالپىلاستىرۋ ارمانىن رەالدىققا اينالدىرىپ قالماستان، حالىقارالىق وليمپيادا سپورتىنىڭ دامۋىن دا پارمەندى جەبەيدى. حالىقارالىق وليمپيادا كوميتەتى وليمپيادا رۋحىن قورعاۋعا كۇش سالىپ، دەنە تاربيە قيمىلىن ساياسيلاندىرۋعا قارسى تۇرادى، جۇڭگومەن ۇزاق ۋاقىتتىق ستراتەگيالىق سەلبەستىكتى ۇزدىكسىز كۇشەيتۋدى قالايدى. جۇڭگو حالقىنىڭ كوكتەم مەرەكەلەرىنىڭ كوڭىلدى بولۋىن شىن جۇرەكتەن تىلەيمىن! جۇڭگو حالقىنىڭ جاڭا جىلدا تىڭ تابىستارعا قول جەتكىزۋىن تىلەيمىن!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
