شي جينپيڭ لينجىڭ يۋە - ىنىڭ قىزمەتتەن ەسەپ بەرۋ مالىمەتىن تىڭدادى
حان جىڭ قاتىناستى
2021.01.28 14:25 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 27 - كۇنى، بەيجيڭ. مەملەكەت ءتوراعاسى شي جينپيڭ 1 - ايدىڭ 27 - كۇنى تۇستەن كەيىن بەيجيڭدە بەينە ەكران ارقىلى بايلانىس جاساۋ تاسىلىمەن شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ىنىڭ 2020 - جىلعى قىزمەتتەن ەسەپ بەرۋ مالىمەتىن تىڭدادى. لينجىڭ يۋە - ى شياڭگاڭ ەرەكشە اكىمشىلىك رايون ۇكىمەتىنىڭ وتكەن ءبىر جىلداعى قىزمەتىنەن جانە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ سياقتى جاعدايلارىنان مالىمەت بەردى.
ج ك پ شي جينپيڭ بىلاي دەدى: ىندەتتەن ساقتانۋ - تىزگىندەۋدىڭ قاجەتى ءۇشىن، وسى رەت بەينە ەكران ارقىلى بايلانىس جاساۋ تاسىلىمەن 2020 - جىلعى قىزمەتتەن ەسەپ بەرۋ مالىمەتىڭىزدى تىڭداپ وتىرمىن. مەن الدىمەن شياڭگاڭ ەرەكشە اكىمشىلىك رايونىنداعى بارلىق تۇرعىننان شىنايى حال سۇرايمىن. جاڭا تيپتى ايدارشا ۆيرۋس وكپە قابىنۋ ىندەتى تۋىلعانىنا ءبىر جىلدان استى، بۇل دۇنيە جۇزىنە اۋىر سوققى بولدى. شياڭگاڭ بارىنشا اشىق ۇستالعان حالىقارالىق قالا رەتىندە ءبىرشاما زور ىقپالعا ۇشىرادى. الدىڭعى ءبىر مەزگىلدە شياڭگاڭدا ىندەتتىڭ 4 - رەتكى تولقىنى تۋىلىپ، قالا تۇرعىندارىنىڭ باس اماندىعى مەن دەنساۋلىعىنا ءبىرشاما زور حاۋىپ ءتوندىردى، سونداي - اق كوپشىلىكتىڭ قىزمەت، تۇرمىسىنا دا كوپتەگەن اۋرەشىلىك تۋدىردى. مەن ەرەكشە كوڭىل ءبولىپ وتىرمىن، قاتتى الاڭداۋدامىن. ورتالىق ۇكىمەت بارلىق قاجەتتى شارانى قولدانىپ، شياڭگاڭ ەرەكشە اكىمشىلىك رايونىنىڭ ىندەتكە سوققى بەرۋىن بار كۇشپەن قولدايدى. كوپشىلىك سەنىمدى بەكەمدەپ، ىندەتكە قارسى ىنتىماقتاسا وتىرىپ توتەپ بەرۋى كەرەك. وتان − ماڭگى شياڭگاڭنىڭ بەرىك تىرەگى، كوز الداعى قيىنشىلىقتاردى، ءسوز جوق، جەڭە الامىز.
شي جينپيڭ مىنانى ءبىلدىردى: ءبىر جىلدان بەرى ءسىز جانە ەرەكشە اكىمشىلىك رايون ۇكىمەتى «قاشقىن قىلمىسكەرلەر ەرەجەسىنە» وزگەرىس ەنگىزۋ توڭىرەگىندە جارىققا شىققان اۋقىم، جاڭا تيپتى ايدارشا ۆيرۋس وكپە قابىنۋ ىندەتى جانە سىرتقى ورتانىڭ ءتيىمسىز وزگەرىسى اكەلگەن قات - قابات اۋىر سوققىعا سالماقتىلىقپەن توتەپ بەرىپ، ءتارتىپتى امالدىڭ بارىنشا قورعاپ، ىندەتتەن ساقتانىپ جانە ونى تىزگىندەپ، حالىقتىڭ قيىنشىلىعىن شەشىپ، ەكونوميكانى قالپىنا كەلتىرىپ، بەلگىلى ونىمدىلىككە قول جەتكىزدىڭىزدەر. مىنانى ايرىقشا اتاپ كورسەتۋ كەرەك: مەملەكەتتىك حالىق قۇرىلتايى تۇراقتى كوميتەتى شياڭگاڭ مەملەكەت حاۋىپسىزدىگى زاڭىن جاساپ جاريالاعاننان كەيىن، ءسىز ەرەكشە اكىمشىلىك رايون ۇكىمەتىن باستاپ باتىل اتقارىپ، زورلىقتى كۇشتى، بىلىقپالىقتى زاڭ بويىنشا تەجەپ، شياڭگاڭنىڭ دۇرىس ارناعا ءتۇسۋىن قۇلشىنا ىلگەرىلەتتىڭىز. مەملەكەت حاۋىپسىزدىگى سياقتى ۇلكەن دۇرىس پەن ۇلكەن بۇرىس ماسەلەسىندە مايداندا بەرىك تۇرىپ، جاۋاپكەرلىكتى باتىلدىقپەن ارقالاپ، وتاندى، شياڭگاڭدى ءسۇيۋ سۇيىسپەنشىلىگى مەن مەملەكەتكە، شياڭگاڭعا وسكەلەڭ جاۋاپتى بولۋ رۋحىن ايگىلەدىڭىز. ورتالىق ءسىزدىڭ جانە ەرەكشە اكىمشىلىك رايون ۇكىمەتىنىڭ مىندەت اتقارىپ، جاۋاپكەرلىكتى ادا ەتۋدەگى بەينەلەرىڭىزدى تولىق تۇراقتاندىرادى.
شي جينپيڭ بىلاي دەپ دارىپتەدى: شياڭگاڭنىڭ بىلىقپالىقتى جونگە سالۋداعى كەلەلى بۇرىلىسى بۇلجىماس قاعيدانى تاعى ءبىر رەت ايگىلەدى، اتاپ ايتقاندا، «ءبىر ەل، ەكى ءتۇزىم» امالياتىنىڭ ورنىقتى، باياندى جۇرگىزىلۋىنە كەپىلدىك ەتۋ ءۇشىن، ءسوز جوق، «وتانشىلداردىڭ شياڭگاڭدى جونگە سالۋىندا» باستان - اياق تاباندى بولۋ كەرەك. بۇل − مەملەكەتتىڭ يەلىك ۇقىعىنا، حاۋىپسىزدىگىنە، دامۋ مۇددەسىنە، شياڭگاڭنىڭ ۇزاق ۋاقىتتىق گۇلدەنۋى مەن ورنىقتىلىعىنا ساياتىن ءتۇبىرلى پرينسيپ. «وتانشىلداردىڭ شياڭگاڭدى جونگە سالۋى» جۇزەگە اسقاندا عانا، ورتالىقتىڭ ەرەكشە اكىمشىلىك رايوندى جاپپاي باسقارۋ ۇقىعى ءونىمدى تياناقتاندىرىلادى، نەگىزگى زاڭ مەن ءتۇبىرلى زاڭدا بەلگىلەنگەن نەگىزگى زاڭدىق ءتۇزىم ءتارتىبى ءونىمدى قورعالادى، ءتۇرلى قات - قابات ماسەلەلەر ءونىمدى شەشىلەدى، شياڭگاڭ باياندى تىنىشتىقتى جۇزەگە اسىرا الادى، سونداي - اق جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ءتيىستى ۇلەس قوسا الادى.
شي جينپيڭ تاعى لينجىڭ يۋە – ىعا ا ق ش - تىڭ ورىنسىز جازاسىنا ۇشىراعان شياڭگاڭ ەرەكشە اكىمشىلىك رايونى ۇكىمەتىنىڭ قاتىستى ءمانساپتىلارىنان شىنايى حال سۇرايتىنىن جەتكىزىپ قويۋدى تاپسىردى.
لوۋ لينجىڭ يۋە - ى مىنانى ءبىلدىردى: ورتالىقتىڭ شياڭگاڭعا كوڭىل بولگەنىنە جانە قولداۋ كورسەتكەنىنە شىن جۇرەكتەن العىس ايتامىن. ەرەكشە اكىمشىلىك رايوننىڭ باسقارۋ القاسىن باستاپ ايانباي كۇش سالىپ، قىزمەتتى ەسەلەپ قۇلشىنا ىستەپ، قيىنشىلىقتاردى تايسالماي جەڭىپ، شياڭگاڭدى قايتادان اتتانىپ، ۇزدىكسىز العا باسۋعا باستاۋ جولىندا ايانباي قىزمەت ىستەيمىن.
حان جىڭ، ديڭ شۋەشياڭ، گو شىڭكۇن، يوۋ چۋان، شيا باۋلۇڭ قاتارلىلار جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
