شي جينپيڭ حى ي - چىڭنىڭ قىزمەتتەن ەسەپ بەرۋ مالىمەتىن تىڭدادى
حان جىڭ قاتىناستى
2021.01.28 14:27 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 27 - كۇنى، بەيجيڭ. مەملەكەت ءتوراعاسى شي جينپيڭ 1 - ايدىڭ 27 - كۇنى تۇستەن كەيىن بەيجيڭدە بەينە ەكران ارقىلى بايلانىس جاساۋ تاسىلىمەن اۋمىن ەرەكشە اكىمشىلىك رايونىنىڭ اكىمى حى ي - چىڭنىڭ 2020 - جىلعى قىزمەتتەن ەسەپ بەرۋ مالىمەتىن تىڭدادى. حى ي - چىڭ اۋمىن ەرەكشە اكىمشىلىك رايونى ۇكىمەتىنىڭ وتكەن ءبىر جىلداعى قىزمەتى مەن قازىرگى جاعدايىنان مالىمەت بەردى.
شي جينپيڭ بىلاي دەدى: ىندەتتەن ساقتانۋ - تىزگىندەۋدىڭ قاجەتى ءۇشىن، وسى رەت بەينە ەكران ارقىلى بايلانىس جاساۋ تاسىلىمەن 2020 - جىلعى قىزمەتتەن ەسەپ بەرۋ مالىمەتىڭىزدى تىڭداپ وتىرمىن. 2020 – جىل ءسىز جانە جاڭا كەزەكتى ەرەكشە اكىمشىلىك رايون ۇكىمەتى جونىنەن باستاما جىل سانالادى. توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا سىزدەر تەز اڭىس ءبىلدىرىپ، پارمەندى شارالار قولدانىپ، ءبىرشاما قىسقا ۋاقىت ىشىندە ىندەتتى تىزگىندەدىڭىزدەر، قازىرگە دەيىن ءۇرتىس 300 كۇننەن استام ۋاقىت جەرگىلىكتى ورىننىڭ وزىنەن دياگنوزى تۇراقتاندىرىلعان ناۋقاستار شىقپادى، بۇل اۋمىن تۇرعىندارى مەن قاتىستى جاقتاردىڭ وسكەلەڭ القاۋىنا يە بولدى. ىندەتتەن ساقتانۋ - تىزگىندەۋمەن بىرگە، سىزدەر پارمەندى شارالار قولدانىپ، ەكونوميكانى قالپىنا كەلتىرىپ، حالىقتىڭ قيىنشىلىعىن شەشىپ، بەلسەندى تابىستارعا قول جەتكىزىپ، اۋمىن قوعامىنىڭ جاراسىمدىلىعىن جەبەدىڭىزدەر. ءسىزدىڭ جانە ەرەكشە اكىمشىلىك رايون ۇكىمەتىنىڭ قىزمەتىن ورتالىق كوميتەت تولىق تۇراقتاندىرادى.
شي جينپيڭ مىنانى ءبىلدىردى: ورتالىق اۋمىندىق باۋىرلاستاردىڭ باقىتىنا، اۋمىننىڭ دامۋىنا باستان - اياق كوڭىل ءبولىپ كەلەدى. ءبىز اۋمىننىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋىنا ۇزدىكسىز بار كۇشپەن قولداۋ كورسەتىپ، اۋمىننىڭ مەملەكەتتىڭ حاۋىپسىزدىگىن قورعايتىن زاڭ - تۇزىمدەر مەن اتقارۋ مەحانيزمىن كەمەلدەندىرۋىنە، اۋمىننىڭ ەكونوميكانىڭ ۇيلەسىمدى، كوپ نەگىزدى دامۋىن جەدەلدەتۋىنە، اۋمىننىڭ مەملەكەتتىڭ دامۋ جالپى جاعدايىمەن اناعۇرلىم ويداعىداي توعىسۋىنا، اۋمىن ەرەكشەلىگىنە يە «ءبىر ەل، ەكى ءتۇزىمنىڭ» تابىستى امالياتىن ۇزدىكسىز ىلگەرىلەتۋىنە قولداۋ كورسەتەمىز.
حى ي - چىڭ مىنانى ءبىلدىردى: ورتالىقتىڭ اۋمىنعا كوڭىل بولگەنىنە جانە قولداۋ كورسەتكەنىنە شىن جۇرەكتەن العىس ايتامىن. مەن اۋمىن قوعامىنداعى ءار سالا قايراتكەرلەرىن ۇزدىكسىز ىنتىماقتاستىرىپ جانە باستاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعايتىن نەگىزگى زاڭدىق ءتۇزىم جاۋاپكەرلىگىن شىنايى اتقارىپ، مەملەكەتتىڭ «14 - بەسجىلدىق» جوسپارىمەن جانە مەملەكەتتىڭ جاڭا دامۋ جاعدايىمەن ۇشتاستىرىپ، اۋمىن ەرەكشەلىگىنە يە «ءبىر ەل، ەكى ءتۇزىم» امالياتىنىڭ جاڭا جاعدايىن اشۋعا قۇلشىنامىن.
حان جىڭ، ديڭ شۋەشياڭ، گو شىڭكۇن، يوۋ چۋان، شيا باۋلۇڭ قاتارلىلار جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
