اۋىلعا قايتۋ ساياساتىن الدى – الدىنا تۇرلەندىرۋگە تيىم سالىنادى، كەيبىر جەرلەر اۋىتقۋشىلىقتى تۇزەتۋگە ءتيىس
2021.01.28 14:31 كەلۋ قاينارى : حالىق تورابى
1 - ايدىڭ 27 - كۇنى مەملەكەتتىك دامۋ جانە رەفورما كوميتەتىنىڭ قاتىستى جاۋاپتىسى مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اقپار جاريالاۋ ماجىلىسىندە بىلاي دەپ ايقىن اتاپ كورسەتتى: «كوكتەم مەرەكەسىن سول جەردىڭ وزىندە وتكىزۋ» ساياساتى دارەجەگە، تۇرگە بولىنەدى، جەر - جەردىڭ ساياساتتى اتقارعان كەزدە ءوز بەتىمەن تۇرلەندىرۋىنە بولمايدى، ساتىلار بويىنشا تۇرلەندىرۋگە ءتىپتى دە بولمايدى؛ قازىر كەيبىر جەرلەر قولدانىپ وتىرعان «ءبارىن ءبىر شىبىقپەن ايداۋ» شارالارىنا استە جول بەرىلمەيدى، ادامداردىڭ ءجۇرىس - تۇرىسىن، اۋىلىنا قايتۋىن توسۋعا بولمايدى. وسى ايقىن پوزيتسيا توتەنشە كۇشتى رەال باعىتتامالىققا يە بولىپ، قوعام نازار اۋدارىپ وتىرعان ماسەلەلەرگە دەر كەزىندە جاۋاپ قايتاردى.
جۋىردا توراپتا مىناداي ءبىر سۋرەت تارادى: ورتالىق كوميتەت «حاۋىپ - قاتەرى تومەن وڭىرلەردەن اۋىلىنا قايتاردا جاسىل ەكىلىك ءنومىردى كورسەتسە بولعانى» دەگەندى تالاپ ەتتى، ولكەگە بارعاندا بۇل «نۋكلەين قىشقىلىن تەكسەرۋ ناتيجەسى بولىمسىز شىعۋ انىقتاماسىنا» وزگەردى، قالاعا بارعاندا «ۇيدە اۋاشالاۋعا» وزگەردى، قالاشىققا بارعاندا «نۋكلەين قىشقىلى انىقتاماسى + شوعىرلى اۋاشالاۋ + ۇيدە اۋاشالانۋعا» وزگەردى، قىستاققا بارعاندا «اۋىلىنا قايتۋعا تيىم سالۋعا» وزگەردى. دەدۋكسيالىق ءتاسىل قولدانىلعانىمەن، بۇل سۋرەت كەيبىر نەگىزگى ساتىنىڭ ناقتى جاعدايىن بەينەلەپ، جەرگىلىكتى ورىنداردىڭ ىندەتتەن ساقتانۋ ساياساتىن ساتىلار بويىنشا تۇرلەندىرۋ سوراقىلىعىن «جاندى» تۇسىندىرگەن.
ءبىر مەزگىلدەن بەرى جەر - جەر كوكتەم مەرەكەسى كەزىندەگى ىندەتتەن ساقتانۋ ساياساتىن ارت - ارتىنان جاريالادى. ورتالىقتىڭ قاتىستى قىزمەت جوباسىمەن سالىستىرعاندا، كوپتەگەن جەرگىلىكتى ساياساتتا تۇرلەندىرۋ ءجايتى بەلەڭ الدى. مىسالى، سانشيدەگى كوپتەگەن جەر حىبيدەن كەلەتىن بارلىق اۆتوموبيلدىڭ قايتىپ كەتۋىن ءناسيحاتتادى؛ گانسۋ ولكەسى بارلىق قايتىپ كەلۋشىدەن 72 ساعات ىشىندەگى نۋكلەين قىشقىلىن تەكسەرۋ ناتيجەسى بولىمسىز شىعۋ انىقتاماسىن بەرۋدى تالاپ ەتتى... بۇلاردىڭ بارلىعى ورتالىق كوميتەتتىڭ ايقىن تالابىنا قايشى، اۋىتقۋشىلىقتى تۇزەتۋ كەرەك.
بۇقارانىڭ ۇكىمەتتىڭ «كوكتەم مەرەكەسىن سول جەردىڭ وزىندە وتكىزۋ» ۇندەۋىنە ءۇن قوسۋى ىندەتتەن ساقتانۋ قىزمەتىنە سايكەسكەندىك بولىپ تابىلادى. ونىڭ العى شارتى − بۇقارانىڭ ءوز ەركىمەن تاڭداۋ جاساۋى، بەتالدى قاتاڭ بەلگىلەمە شىعارۋعا، ءتىپتى، بارلىعىنا ءناسيحات بەرۋگە بولمايدى.
جەرگىلىكتى ورىنداردىڭ ىندەتتەن ساقتانۋ ساياساتىن ساتىلار بويىنشا تۇرلەندىرۋى، سايىپ كەلگەندە، ءىشىنارا باسشى كادرلاردىڭ جاۋاپكەرلىك ارقالاۋ تانىمىنىڭ جەتەرسىزدىگىنەن بولىپ وتىر. جىلجىمالى ادامداردى كۇش سارىپ ەتىپ باسقارعاننان گورى بۇقارانى ۇيدە وتىرۋعا بۇيىرۋ نەمەسە بارلىعىن ءبىر شىبىقپەن ايداپ اۋىلعا قايتۋعا تيىم سالۋ جەڭىلىرەك تۇرادى. الايدا، ءىشىنارا باسشى كادرلار جاۋاپكەرلىك ارقالاماسا، اۋىلىنا قايتقاندارعا كوپتەگەن قولايسىزدىق، كوپتەگەن اۋرەشىلىك تۋدىرىپ، بۇقارانىڭ نارازىلىعىن قوزعاپ، قوعامدىق قايشىلىقتاردى ۋشىقتىرىپ، ۇكىمەتتىڭ وبرازىنا نۇقسان جەتكىزەدى، ۇزاق بولاشاقتان قاراعاندا ىندەتكە قارسى اتتانۋ جالپى جاعدايىنا دا ءتيىمسىز.
وتكەن ءبىر جىلداعى ىندەتكە قارسى اتتانۋ تاجىريبەسى ورتالىقتىڭ قاتىستى ىندەتتەن ساقتانۋ ساياساتتارىن قاتاڭ، دۇرىس، قاز - قالپىندا تياناقتاندىرعاندا ىندەتكە قارسى اتتانۋ توسقاۋىل شايقاسىن ويداعىداي جۇرگىزۋگە بولاتىنىن دالەلدەدى. ۆيرۋسپەن بەلدەسكەن ءبىر جىلدان كەيىن كەيبىر جەرلەر ساتىلار بويىنشا تۇرلەندىرۋ سىندى العاشقى ساتىعا قايتا ورالىپ، جەرگىلىكتى باسشى كادرلاردىڭ باسقارۋ - مەڭگەرۋدەگى قاتىپ – سەمۋ ءجايتىن، توقىراعان كۇيىن، باسقارۋ - مەڭگەرۋ شارالارىنىڭ قاراپايىم، دورەكى بولىپ وتىرعانىن، جونگە سالۋ قابىلەتىن جوعارىلاتۋعا تۋرا كەلەتىنىن تولىق جايىپ سالدى.
ارينە، جەرگىلىكتى ورىنداردىڭ ىندەتتەن ساقتانۋ ساياساتىن ساتىلار بويىنشا تۇرلەندىرۋىندە «ءوزىن - ءوزى قورعاۋ» سىڭايىنىڭ دا بار ەكەنىن جوققا شىعارۋعا بولمايدى، كەيبىر جەرلەردە جاۋاپقا تارتۋ جالپىلاسقان، ىندەت پايدا بولسا، اق - قارانى قۋزاماي، ادامدى جاۋاپقا تارتادى. سوندىقتان، جەرگىلىكتى ورىنداردىڭ ساتىلار بويىنشا تۇرلەندىرۋىنەن شىنايى ساقتانۋ ءۇشىن، ءسوز جوق، «جاۋاپقا تارتۋدا ساتىلار بويىنشا تۇرلەندىرۋدەن» ساقتانىپ، جاۋاپقا تارتۋدا دالمە - ءدال، بايسالدى بولىپ، باسشى كادرلاردىڭ جاۋاپكەرلىكتى باتىلدىقپەن ارقالاۋىنا، ىندەتتەن دالمە - ءدال ساقتانۋ ساياساتىن باتىل تياناقتاندىرۋىنا مۇمكىندىك تۋدىرۋ كەرەك. (تىلشىلەر جاڭ ديانبياۋ، ي يانگاڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
