بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ بوليۆيانىڭ زۇڭتۇڭى ارسەمەن تەلەفوندا سويلەستى

2021.01.29 14:55     كەلۋ قاينارى : حالىق تورابى

  شينحۋا اگەنتتىگى، 1 - ايدىڭ 28 - كۇنى، بەيجيڭ. مەملەكەت ءتوراعاسى شي جينپيڭ 1 - ايدىڭ 28 - كۇنى كەشتە بوليۆيانىڭ زۇڭتۇڭى ارسەمەن تەلەفوندا سويلەستى.

  شي جينپيڭ بىلاي دەپ اتاپ كورسەتتى: جۇڭگو مەن بوليۆيا ديپلوماتيالىق قاتىناس ورناتقان 36 جىلدان بەرى ەكى ەل قاتىناسى نىق قاداممەن العا باستى. اسىرەسە، مورالەس زۇڭتۇڭ بيلىك جۇرگىزگەن كەزدە ەكى جاقتىڭ جوعارى جىكتەگىلەرىنىڭ بارىس – كەلىسى جيىلەپ، ەكونوميكا – ساۋدا سەلبەستىگىنىڭ كەڭەيۋى تەزدەپ، كوپ جاقتى ىستەردەگى سەلبەستىگى جاقسى بولدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن جۇڭگو ءتۇرلى ارنامەن بوليۆيانىڭ ىندەتكە قارسى اتتانۋىنا زاتتىق جانە تەحنيكالىق كومەك كورسەتتى. جۇڭگو بوليۆيامەن ۆاكسينا سەلبەستىگىن كۇشەيتىپ، بوليۆيانىڭ ىندەتكە قارسى اتتانۋ كۇرەسىن مۇمكىندىكتىڭ بارىنشا قولداۋعا پەيىل.

  شي جينپيڭ بىلاي دەپ دارىپتەدى: جۇڭگو بوليۆيانى باستان - اياق جاقسى دوس، سەنىمدى سەرىك ەتىپ، جۇڭگو مەن بوليۆيانىڭ ستراتەگيالىق سەرىكتەستىك قاتىناسىن دامىتۋعا ايرىقشا ءمان بەرەدى. جۇڭگو بوليۆيانىڭ ءوز مەملەكەت جاعدايىنا ۇيلەسەتىن دامۋ جولىن قاراستىرۋىن قولدايدى، بوليۆيا حالقىنىڭ «تاماشا تۇرمىس» كورسەتكىشىن ۇزدىكسىز جوعارىلاتادى، بوليۆيامەن ساياساتتاردى بايلانىستىرۋدى، سايكەستىرۋدى كۇشەيتىپ، ەل باسقارۋ تاجىريبەلەرىن اۋىستىرىپ، ءوزارا ۇلگى الىپ، ساياسي سەنىمدىلىكتى تەرەڭدەتىپ، ءوزارا قولداۋ كورسەتۋگە پەيىل. ەكى جاق ناقتى سەلبەستىكتى اشالاپ، جوبانى ويداعىداي جاساپ، «ءبىر بەلدەۋ، ءبىر جولدى» بىرگە قۇرۋ سەلبەستىگىن ىلگەرىلەتۋى كەرەك. بوليۆيانىڭ جۇڭگو حالىقارالىق يمپورت كورمەسى سياقتى تۇعىرلاردان ويداعىداي پايدالانىپ، اناعۇرلىم كوپ ساپالى، ەرەكشە ونىمدەردى تانىستىرۋىن قارسى الامىز. جۇڭگو ەكى جاق كاسىپورىندارىنىڭ اۋىل شارۋاشىلىعى، كەن شارۋاشىلىعى، نەگىزدىك قۇرىلعى قۇرىلىسى، تەلەگراف سياقتى سالالارداعى سەلبەستىكتى كەڭەيتۋىن قولدايدى، سونىمەن بىرگە، ىندەت جاعدايىنا نەگىزدەلىپ، گۋمانيتارلىق اۋىس - كۇيىس پەن جەرگىلىكتى ورىنداردىڭ سەلبەستىگىن ىلگەرىلەتەدى. ەكى جاق ب م ۇ سياقتى كوپ جاقتى جۇلگەدەگى سەلبەستىكتى نىعايتىپ، وركەندەپ كەلە جاتقان ەلدەردىڭ ورىندى ۇقىق - مۇددەسىن بىرگە قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋى كەرەك. ەكى جاقتىڭ بىرگە قۇلشىنۋىندا جۇڭگو مەن بوليۆيانىڭ ستراتەگيالىق سەرىكتەستىك قاتىناسىنىڭ ۇزدىكسىز تىڭ تابىسقا قول جەتكىزەتىنىنە سەنەمىن.

  ارسە مىنانى ءبىلدىردى: بوليۆيا مەن جۇڭگونىڭ ءداستۇرلى دوستىعى بەرىك. بوليۆيا جۇڭگومەن دوستىق سۇيىسپەنشىلىكتى قاستەرلەيدى، بوليۆيا - جۇڭگو قاتىناسىن بەكەمدەۋدى جانە نىعايتۋدى شىن جۇرەكتەن ءۇمىت ەتەدى. جۇڭگونىڭ بوليۆيانىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قاستەرلى قولداۋ كورسەتكەنىنە العىس ايتامىن، جۇڭگونىڭ تاعى دا كومەك كورسەتۋىن ءۇمىت ەتەمىن. بوليۆيا جۇڭگومەن دامۋ ستراتەگياسىن ۇشتاستىرۋدى كۇشەيتىپ، ءار سالاداعى سەلبەستىكتى تەرەڭدەتىپ، بوليۆيا مەن جۇڭگونىڭ ستراتەگيالىق سەرىكتەستىك قاتىناسىن تىڭ دەڭگەيگە كوتەرۋگە پەيىل. بوليۆيا جۇڭگومەن «ءبىر بەلدەۋ، ءبىر جولدى» بەلسەندىلىكپەن بىرگە قۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە پەيىل.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار