مەملەكەتتىك وقۋ – اعارتۋ جۇيەسى قىستىق دەمالىستاعى ىندەتتەن ساقتانۋ – تىزگىندەۋ جانە مەكتەپتە قالعان وقۋشىلاردىڭ تۇرمىسىنا كەپىلدىك ەتۋ قىزمەتى جونىندە كەسكىن ارقىلى سايكەستىرۋ ءماجىلىسىن اشتى
2021.02.01 14:52 كەلۋ قاينارى : حالىق تورابى
1 – ايدىڭ 29 – كۇنى، وقۋ – اعارتۋ مينيسترلىگى وقۋ – اعارتۋ جۇيەسىنىڭ قىستىق دەمالىستاعى ىندەتتەن ساقتانۋ – تىزگىندەۋ جانە مەكتەپتە قالعان وقۋشىلاردىڭ تۇرمىسىنا كەپىلدىك ەتۋ قىزمەتى جونىندە كەسكىن ارقىلى سايكەستىرۋ ءماجىلىسىن اشىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، قازىرگى ىندەت جاعدايىنا تالداۋ جاساي وتىرىپ، جەرگىلىكتى ورىندار مەن جوعارى مەكتەپتەردىڭ قىستىق دەمالىستاعى ىندەتتەن ساقتانۋ – تىزگىندەۋ جانە مەكتەپتە قالعان وقۋشىلاردىڭ تۇرمىسىنا كەپىلدىك ەتۋ، قامقورلىق جاساۋ ادىستەرى جونىندە اۋىس – كۇيىس جاساپ، قىستىق دەمالىستا مەكتەپ اۋلاسىنىڭ حاۋىپسىزدىگى مەن ورنىقتىلىعىن قورعاۋ، مەكتەپتە قالعان وقۋشىلاردىڭ كوكتەم مەرەكەسىن الاڭسىز، حاۋىپسىز وتكىزۋىن ۇيلەسىمدى ورنالاستىرۋ قاتارلى قىزمەتتەرگە ورنالاستىرۋ جاسادى.
ماجىلىستە مىنالار باسا دارىپتەلدى: جەر – جەر، جوعارى مەكتەپتەر پارتيا ورتالىق كوميتەتىنىڭ، مەملەكەتتىك كەڭەستىڭ ىندەتتەن ساقتانۋ – تىزگىندەۋ جونىندەگى جالپى تۇلعالىق ورنالاستىرۋىن باتىل دايەكتىلەندىرىپ، سول جەردىڭ ىندەتتەن ساقتانۋ – تىزگىندەۋ جونىندەگى نەگىزگى تالاپتارىن تياناقتاندىرىپ، جەرگىلىكتى ورىننىڭ ناقتى جاعدايىمەن ۇشتاستىرا وتىرىپ، دالمە – ءدال شارا قولدانىپ، مەكتەپتەر تۇرعان ورىن مەن وقۋشىلاردىڭ وتباسى تۇرعان جەردىڭ ىندەتتەن ساقتانۋ – تىزگىندەۋدەگى ساياساتتارىن شىنايى ۇشتاستىرۋ كەرەك.
ماجىلىستە مىنالار باسا دارىپتەلدى: مەكتەپتە قالعان وقۋشىلارعا «وتباسىنداعىداي» شارت – جاعداي جاراتۋ كەرەك. جەر – جەر، جوعارى مەكتەپتەر ۇقىپتىلىقپەن دايىندالۋى، ىندەتتەن ساقتانۋ – تىزگىندەۋ ساياساتتىق شارالارىنىڭ دالمە – دالدىك دارەجەسىن جوعارىلاتۋى، ىندەتكە قاتىستى شۇعىل جاعدايلارعا توتەپ بەرۋ جوباسىن ەگجەي - تەگجەيلى، ناقتى ىستەۋى كەرەك. قىزمەت وتەۋ جانە قامتاماسىزداندىرۋدى بار نيەتپەن ويداعىداي ىستەپ، جوعارى ورەدەگى باسقارۋ، قىزمەت وتەۋ شارالارى ارقىلى مەكتەپتە قالعان وقۋشىلاردىڭ قىستىق دەمالىستاعى تۇرمىسىنا كەپىلدىك ەتۋ كەرەك. كوكتەم مەرەكەسى مەزگىلىندەگى مەيىرگە تولى قىزمەت وتەۋدى ويداعىداي ىستەپ، مەكتەپتە قالعان وقۋشىلارعا تۇرمىس، ۇيرەنۋ، عىلىمي زەرتتەۋ، مادەنيەت – دەنە تاربيە قيمىلدارى قاتارلى جاقتاردا جايلى قىزمەت وتەپ، مەكتەپتە قالعان وقۋشىلاردىڭ مەرەكەنى كوڭىلدى دە مەرەيلى، ساۋ – سالەمەت، حاۋىپسىز وتكىزۋىنە شارت – جاعداي جاراتۋ كەرەك.
ماجىلىستە مىنالار باسا دارىپتەلدى: اۋىلعا قايتقان وقۋشىلارعا «مەكتەپتەگىدەي» شارت – جاعداي جاراتۋ كەرەك. جەر – جەر، جوعارى مەكتەپتەر اۋىلعا قايتقان وقۋشىلاردىڭ دەنساۋلىق جاعدايىنا ءمان بەرىپ، وتباسىندا ىندەتتەن ساقتانۋ – تىزگىندەۋ قىزمەتىن ويداعىداي ىستەۋى تۋرالى تاربيە بەرۋ جانە جەتەكشىلىك ەتۋى كەرەك. وقۋشىلاردىڭ ءجۇرىس – تۇرىس بارىسىن ەستەلىككە الۋ تىزىمدىگىن جاساپ، اۋىلعا قايتقان وقۋشىلاردى دەنساۋلىق جاعدايىن ويداعىداي باسقارۋعا قۋزاۋى قاجەت. سونىمەن بىرگە، اۋىلعا قايتقان وقۋشىلاردىڭ يدەيالىق، پسيحيكالىق اقاۋسىزدىعىنا كوڭىل ءبولۋ قاجەت. اۋىلعا قايتقان وقۋشىلاردى ىندەتتەن ساقتانۋ – تىزگىندەۋدى ويداعىداي ىستەۋمەن بىرگە، جەرگىلىكتى ورىننىڭ ىندەتتەن ساقتانۋ – تىزگىندەۋ قىزمەتىنە ەرىكتى قىزمەت وتەۋگە شابىتتاندىرۋ كەرەك.
ءماجىلىس مىنانى تالاپ ەتتى: جەر – جەر، جوعارى مەكتەپتەر قازىردەن باستاپ كوكتەمگى وقۋ ماۋسىمىنىڭ باستالۋ ۋاقىتىن جوسپارلاۋى، ىندەتتىڭ جاعدايىنا عىلىمي تۇجىرىم جاساۋى، وقۋ باستاۋ ۋاقىتىن تۇراقتاندىرۋى، 2021 – جىلعى كوكتەمگى وقۋ ماۋسىمىنداعى وقۋ باستاۋ جوباسىن شىنايى، ويداعىداي ىستەۋى كەرەك.
ماجىلىستە قىستىق دەمالىستاعى مەكتەپ اۋلاسى حاۋىپسىزدىگى مەن ورنىقتىلىعى قىزمەتىنە ورنالاستىرۋ جاسالدى. جۇڭگو اۋرۋدى تىزگىندەۋ ورتالىعىنىڭ مەكتەپتەردىڭ دەنساۋلىق ساقتاۋ قىزمەتى ورتالىعىنىڭ مەڭگەرۋشىسى، بەيجيڭ داشۋەسى بالالار مەن جاسوسپىرىمدەردىڭ دەنساۋلىعىن زەرتتەۋ باسقارماسىنىڭ باستىعى ما جۇن مەكتەپتە قالعان وقىتۋشى - وقۋشىلاردى باسقارۋ، دەنساۋلىق جاعدايىن قاتاڭ تەكسەرۋ، ادامداردىڭ ءجۇرىس – تۇرىسىن ازايتۋ، ىندەتتەن ساقتانۋ بەلگىلەمەلەرىنە بويسۇنۋ، ىندەتتەن ساقتانۋ جاۋاپكەرشىلىگىن اتقارۋ، «ادام» مەن «زات» ارقىلى جۇعىمدالۋدان بىردەي ساقتانۋ، ءتۇرلى اۋرۋلاردان بىردەي ساقتانۋدى ورىستەتۋ، مەكتەپكە قايتۋ تالاپتارىنا نازار اۋدارۋ، شوعىرلى مەزگىلدەن اۋاشالانىپ دەمالىسقا تاراتۋ، ساپار بارىسىندا ىندەتتەن ساقتانۋ قاتارلى جاقتاردا ۇسىنىس – پىكىرلەردى ورتاعا قويدى. حىبەي ولكەلىك وقۋ – اعارتۋ مەڭگەرمەسى، سانشي ولكەلىك وقۋ – اعارتۋ مەڭگەرمەسى، لياۋنيڭ ولكەلىك وقۋ – اعارتۋ مەڭگەرمەسى، جىجياڭ داشۋەسى، حۋانان تەحنولوگيالىق داشۋەسى جانە حىبەي پەداگوگيكالىق داشۋەسى وي ءبولىسۋ مازمۇنىندا ءسوز سويلەدى.
كەسكىندى ءماجىلىس وقۋ – اعارتۋ مينيسترلىگىندەگى نەگىزگى ءماجىلىس الاڭىندا وتكىزىلدى. ءارقايسى ولكە دارەجەلى وقۋ – اعارتۋ تاراۋلارى، مينيسترلىككە قاراستى جوعارى مەكتەپتەر، مينيسترلىك پەن ولكەلەر بىرگە قۇرعان جوعارى مەكتەپتەردىڭ ارناۋلى جاۋاپتىلارى جانە قاتىستى باسقارما، كەڭسەلەردىڭ جاۋاپتىلارى بولىمشە ءماجىلىس الاڭىندا ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
