13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى، ساياسي كەڭەس مەملەكەتتىك 13 - كەزەكتى كوميتەتىنىڭ 4 - ءماجىلىسى جۇڭگولىق، شەتەلدىك تىلشىلەردىڭ تىلشىلىك ىستەۋىن قارسى الادى
2021.02.02 16:50 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 1 - كۇنى، بەيجيڭ. 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى مەن ساياسي كەڭەس مەملەكەتتىك 13 - كەزەكتى كوميتەتىنىڭ 4 - ءماجىلىسى جەكە - جەكە 2021 جىلى 3 - ايدىڭ 5 - كۇنى جانە 3 - ايدىڭ 4 - كۇنى بەيجيڭدە اشىلادى. مەملەكەتتىك حالىق قۇرىلتايى تۇراقتى كوميتەتىنىڭ كەڭسەسى مەن مەملەكەتتىك ساياسي كەڭەس كەڭسەسى بۇگىن «ەكى ءماجىلىستىڭ» ىندەتتەن ساقتانۋ - تىزگىندەۋ تالابىنا ۇيلەسەتىن جۇڭگولىق، شەتەلدىك تىلشىلەردىڭ سول كەزدە تىلشىلىك ىستەۋگە قاتىناسۋىن قارسى الاتىندارىن جاريالادى. ءماجىلىس اشىق، جاريا بولۋ رۋحىن ۇزدىكسىز ۇستانىپ، جۇڭگولىق، شەتەلدىك تىلشىلەردىڭ تىلشىلىك ىستەۋىن، حابارلاۋىن قىزمەت وتەۋمەن قامدايدى.
قازىر جاڭا تيپتى ايدارشا ۆيرۋس وكپە قابىنۋ ىندەتى بۇكىل دۇنيە جۇزىندە كەڭ تارالۋدا، ەلىمىزدە ىندەت جالپى جاقتان ءونىمدى تىزگىندەلدى، الايدا قايتادان بەلەڭ الۋ قاتەرىنە تيتتەي دە نەمقۇرايدى قاراۋعا بولمايدى، «سىرتتان كىرۋدەن ساقتانۋ، ىشتە بەلەڭ الۋدان ساقتانۋ» مىندەتى توتەنشە اۋىر. ىندەتتەن ساقتانۋ - تىزگىندەۋدى ويداعىداي ىستەپ، الەۋمەتتىك دەنساۋلىق ساقتاۋ مەن سالاماتتىقتى بىرگە قورعاۋ ءۇشىن، بيىلعى «ەكى ءماجىلىستىڭ» اقپاراتتىق تىلشىلىك قىزمەتىندە بىلتىرعى قاتىستى ادىستەردەن ۇلگى الۋ نەگىزىندە مىناداي ورنالاستىرۋ جاسالدى:
1. بەيجيڭدەگى ءبىر ءبولىم جۇڭگولىق، شەتەلدىك تىلشىلەر ماجىلىستە تىلشىلىك ىستەۋگە ۇسىنىس ەتىلەدى، شەكارا سىرتىنداعى تىلشىلەر بەيجيڭگە كەلىپ تىلشىلىك ىستەۋگە قازىرشە ۇسىنىس ەتىلمەيدى.
2. نەگىزىنەن توراپ، كەسكىن، جازباشا سياقتى تاسىلدەر ارقىلى تىلشىلىك ىستەلەدى.
3. «ءەكى ءماجىلىستىڭ» اقپارات ورتالىعى عالامتور سياقتى تەحنيكالاردان تولىق پايدالانىپ، جۇڭگولىق، شەتەلدىك تىلشىلەرگە قىزمەت وتەپ، جۇڭگولىق، شەتەلدىك تىلشىلەردىڭ بايلانىس جاساۋىنا، تىلشىلىك ىستەۋىنە بەلسەندىلىكپەن كومەكتەسەدى.
«ەكى ماجىلىسكە» تىلشىلىك ىستەۋدى ءۇمىت ەتكەن تىلشىلەردىڭ ءوتىنىش بەرۋىنە بولادى. ورتالىقتاعى اقپارات ورىندارىنىڭ تىلشىلەرى اقپارات ورتالىعىنا ءوتىنىش بەرەدى؛ شياڭگاڭ ەرەكشە اكىمشىلىك رايونىنىڭ تىلشىلەرى ورتالىق حالىق ۇكىمەتىنىڭ شياڭگاڭ ەرەكشە اكىمشىلىك رايونىندا تۇراتىن بايلانىس كەڭسەسىنە ءوتىنىش بەرەدى؛ اۋمىن ەرەكشە اكىمشىلىك رايونىنىڭ تىلشىلەرى ورتالىق حالىق ۇكىمەتىنىڭ اۋمىن ەرەكشە اكىمشىلىك رايونىندا تۇراتىن بايلانىس كەڭسەسىنە ءوتىنىش بەرەدى؛ تايۋان رايونىنىڭ تىلشىلەرى مەملەكەتتىك كەڭەستىڭ تايۋان ىستەرى كەڭسەسىنە ءوتىنىش بەرەدى؛ شەتەلدەردىڭ جۇڭگودا تۇراتىن تىلشىلەرى اقپارات ورتالىعىنا ءوتىنىش بەرەدى. تىلشىلەردىڭ تىزىمدەلۋ ۋاقىتى 2021– جىلى 2 - ايدىڭ 5 – كۇنى اياقتالادى.
13 - كەزەكتى مەملەكەتتىك حالىق قۇرىلتايى 4 - ءماجىلىسى اقپارات ورتالىعىنىڭ توراپ ادرەسى: http：//www.npc.gov.cn، ساياسي كەڭەس مەملەكەتتىك 13 - كەزەكتى كوميتەتى 4 - ءماجىلىسى اقپارات ورتالىعىنىڭ توراپ ادرەسى: http：//www.cppcc.gov.cn. ەكى ءماجىلىستىڭ اقپارات ورتالىقتارىنىڭ توراپ بەتى ءماجىلىستىڭ كۇن ءتارتىبى مەن كەڭەستىك ءتارتىبىن، قيمىل ورنالاستىرۋىن دەر كەزىندە، يكەمدى جاريالاپ، ءماجىلىستىڭ نەگىزگى قۇجاتتارىنىڭ حانزۋ تىلىندەگى، شەتەل تىلدەرىندەگى نۇسقالارى مەن قاتىستى ماتەريالداردى قامداپ وتىرادى؛ تىلشىلىك ىستەۋگە قاتىستى دەرەكتەر دەر كەزىندە جاريالانادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
