بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

شينجياڭ ۇيعۇر اۆتونوميالى رايوندىق 13 - كەزەكتى حالىق قۇرىلتايىنىڭ 4 - ءماجىلىسى اشىلدى

2021.02.03 13:51   كەلۋ قاينارى : شينجياڭ گازەتى



  چىن چۋانگو، نۇرلان ءابىلماجىن، ۋاڭ جۇنجىڭ ءتوراعالار مىنبەسىنەن ورىن الدى

  شوكىرات زاكىر ۇكىمەت قىزمەتىنەن بايانداما جاسادى، شاۋكەت يمىن باسقاردى


  2 - ايدىڭ 1 - كۇنى اۆتونوميالى رايوندىق 13 - كەزەكتى حالىق قۇرىلتايىنىڭ 4 - ءماجىلىسى شينجياڭ حالىق سارايىندا اشىلدى. سۋرەتتە: ءماجىلىس زالى.

  □ سۋرەتتى انار بۇلت / شينجياڭ گازەتىنىڭ ءتىلشىسى جوۋ پىڭ تۇسىرگەن

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي، يۋان لەي 2 - ايدىڭ 1 - كۇنى ۇرىمجىدەن حابارلايدى. اۆتونوميالى رايوندىق 13 - كەزەكتى حالىق قۇرىلتايىنىڭ 4 - ءماجىلىسى 2 - ايدىڭ 1 - كۇنى تۇستەن بۇرىن شينجياڭ حالىق سارايىندا اشىلدى. اۆتونوميالى رايوندىق حالىق قۇرىلتايىنىڭ 500گە جۋىق ۋاكىلى ءار ۇلت حالقىنىڭ ماڭىزدى تاپسىرماسىن ارقالاپ ماجىلىسكە قاتىناسىپ، نەگىزگى زاڭ مەن زاڭدار جۇكتەگەن قاسيەتتى قىزمەت جاۋاپكەرشىلىكتەرىن سالتاناتپەن وتەدى.

  شينجياڭ حالىق سارايى سالتاناتتى دا قىزۋ مەرەيگە شومدى، مەملەكەت گەربى ءتوراعالار مىنبەسىندەگى شىمىلدىقتىڭ ورتاسىنا ءىلىنىپ، ونىڭ ەكى جاعىنا بەستەن 10 قىزىل تۋ قويىلدى.

  ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى چىن چۋانگو، شاۋكەت يمىن، جۋ حايلۇن، ۋاڭ يۇڭميڭ، ءمۇتالىپ قاسىم، دۇڭ شينگۋاڭ، باداي، گۇلشات ءابدىقادىر، مانەن زەينەل، سو يۋە ءتوراعالار مىنبەسىنىڭ الدىڭعى قاتارىنان ورىن الدى.

  شوكىرات زاكىر، نۇرلان ءابىلماجىن، ۋاڭ جۇنجىڭ، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، ياڭ شين، جاڭ چۇنلين، ۋاڭ ميڭشان جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.

  اۆتونوميالى رايوندىق 13 - كەزەكتى حالىق قۇرىلتايىنىڭ 4 - ماجىلىسىنە قاتىناسۋعا ءتيىستى ۋاكىل 536 ادام. بۇگىنگى ماجىلىسكە 471 ادام قاتىناستى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  تۇستەن بۇرىن ساعات 10نان 30 مينۋت وتكەندە، اشىلۋ جينالىسىن باسقارۋشى شاۋكەت يمىن شينجياڭ ۇيعۇر اۆتونوميالى رايوندىق 13 - كەزەكتى حالىق قۇرىلتايى 4 - ءماجىلىسىنىڭ اشىلعاندىعىن جاريالادى. بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.

  ءماجىلىستىڭ كەڭەس ءتارتىبى بويىنشا، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتى اتىنان ۇكىمەت قىزمەتىنەن بايانداما جاسادى. بايانداما جيىنى 3 بولىمگە بولىنگەن: ءبىرىنشى، ”13 - بەسجىلدىق“ مەزگىلىندەگى قىزمەتتەرگە شولۋ؛ ەكىنشى، ”14 - بەسجىلدىق“ مەزگىلىندەگى باستى نىسانا - مىندەتتەر جانە كەلەلى شارالار؛ ءۇشىنشى، 2021 - جىلعى ءتۇيىندى قىزمەتتەر.

  شوكىرات زاكىر قوعامنىڭ ورنىقتىلىق جاعدايىندا تۋىلعان ءتۇبىرلى وزگەرىستەر، ەكونوميكانىڭ جوعارى ساپالى دامۋىنىڭ ونىمدىلىگى كورنەكتى بولدى، مۇلدەم كەدەيلىك تاريحي تۇرعىدان جويىلدى، نەگىزدىك قۇرىلعى قۇرىلىسى قارىشتاپ ىلگەرىلەدى، حالىق تۇرمىسى كورنەكتى جاقساردى، جۇڭحۋا ۇلتى ورتاق تۇلعا تانىمى ۇزدىكسىز كۇشەيدى، زاڭ بويىنشا اكىمشىلىك جۇرگىزۋ ىلگەرىلەتىلدى، بيڭتۋان قىزمەتىنە قولداۋ كورسەتىلدى جانە شينجياڭعا باعىتتامالى كومەكتەسۋ قىزمەتى جاقسى ىستەلدى سياقتى جاقتاردان ”13 - بەسجىلدىق“ مەزگىلىندەگى قىزمەتتەرگە ايالداپ، 2020 - جىلعى بۇكىل رايوننىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋدا قول جەتكىزگەن جەتىستىكتەرىن قورىتىندىلادى. ول بىلاي دەدى: ”13 - بەسجىلدىق“ مەزگىلىندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭ ەكونوميكالىق، قوعامدىق دامۋ مەن حالىق تۇرمىسىن جاقسارتۋدا بۇرىن بولىپ كورمەگەن تابىستارعا قول جەتكىزدى، قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىعىپ، باياندى تىنىشتىققا قادام تاستاۋعا بەرىك نەگىز قالانىپ، جاپپاي دوڭگەلەك داۋلەتتى قوعام ورناتۋدىڭ جەڭىسىنە جەتۋگە تايادىق.

  شوكىرات زاكىر شينجياڭنىڭ ”14 - بەسجىلدىق“ مەزگىلىندەگى ەكونوميكالىق، قوعامدىق دامۋىنىڭ جەتەكشى يدەياسى مەن باستى نىسانالارىن بايانداپ، تومەندەگىدەي 15 جاقتاعى ءتۇيىندى مىندەتتى ناقتى يگەرۋدى العا قويدى: ءبىرىنشى، جاڭالىق اشۋ ارقىلى دامۋعا دەم بەرۋگە تاباندى بولىپ، جوعارى ساپالى دامۋدىڭ جاڭا قوزعاۋشى قۋاتتارىن جەتىلدىرۋ؛ ەكىنشى، اۋىل شارۋاشىلىعىن، اۋىل - قىستاقتى الدىمەن دامىتىپ، اۋىل - قىستاقتى گۇلدەندىرۋدى ىشكەرىلەي ىلگەرىلەتۋ؛ ءۇشىنشى، ونەركاسىپتىڭ نەگىزىن بەكەمدەپ، ونىمدىلىگىن ارتتىرۋدى جانە تيبىن جاڭالاپ، دارەجەسىن جوعارىلاتۋدى ىلگەرىلەتىپ، جاڭاشا ونەركاسىپتەنىپ دامۋ دەڭگەيىن جوعارىلاتۋ؛ ءتورتىنشى، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، وسى زامانعى قىزمەت وتەۋ كاسىبىن زور كۇشپەن دامىتۋ؛ بەسىنشى، ىشكى سۇرانىستى كەڭەيتۋ ستراتەگيالىق نەگىزگى تۇيىنگە تاباندى بولىپ، جاڭا دامۋ ارناسىن قالىپتاستىرۋدى جەبەۋ؛ التىنشى، جىبەك جولى ەكونوميكالىق بەلدەۋى وزەكتى رايونىن جەدەل قۇرىپ، ەلىمىزدىڭ ىشكى قۇرلىقتا ەسىك اشۋىنىڭ جانە شەكارا بويىندا ەسىك اشۋىنىڭ بيىك بەلەسىن قالىپتاستىرۋ؛ جەتىنشى، رەفورمانى جاپپاي تەرەڭدەتىپ، ەكونوميكالىق دامۋدىڭ قوزعاۋشى كۇشىن، ومىرشەڭدىك كۇشىن كۇشەيتۋ؛ سەگىزىنشى، ەكونوميكانىڭ ورنالاستىرۋىن ساپالىلاندىرىپ، وڭىرلەردىڭ سايكەستى دامۋىن جەبەۋ؛ توعىزىنشى، جاڭاشا قالا - قالاشىقتانۋدى جەدەل ىلگەرىلەتىپ، قالا - قالاشىقتانۋ ساپاسىن جاپپاي جوعارىلاتۋ؛ ونىنشى، شينجياڭدى مادەنيەتپەن نارلەندىرۋدى ىلگەرىلەتىپ، بىرگە ىنتىماقتاسا كۇرەس جۇرگىزەتىن يدەيالىق نەگىزدى بەكەمدەۋ؛ ون ءبىرىنشى، ەكولوگيالىق وركەنيەت قۇرىلىسىن كۇشەيتىپ، كورىكتى شينجياڭ قۇرۋ؛ ون ەكىنشى، حالىق تۇرمىسىن زور كۇشپەن قامتاماسىز ەتىپ جانە جاقسارتىپ، ءار ۇلت بۇقاراسىنىڭ ىرىس - قۇتىن مولايتۋ؛ ون ءۇشىنشى، شينجياڭنىڭ قوعامدىق جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، اناعۇرلىم جوعارى دەڭگەيدەگى تىنىش شينجياڭ قۇرۋ؛ ون ءتورتىنشى، شينجياڭعا باعىتتامالى كومەكتەسۋ ستراتەگياسىن تەرەڭدەتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن جوعارىلاتۋ؛ ون بەسىنشى، بيڭتۋاننىڭ رەفورمانى تەرەڭدەتۋىنە جانە وڭتۇستىككە قاراي دامۋىنا قولداۋ كورسەتىپ، بيڭتۋاننىڭ ەرەكشە رولىن ساۋلەلەندىرۋ.

  شوكىرات زاكىر بىلاي دەدى: 2021 - جىلعى ۇكىمەت قىزمەتىنىڭ جالپى تۇلعالىق تالاپتارى مىنالار: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 9 - كەزەكتى پارتكوم ونىنشى، ون ءبىرىنشى جالپى ماجىلىستەرىنىڭ جانە اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋدى، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات ەتىپ، جۇيە كوزقاراسىنا تاباندى بولىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ جەتىستىكتەرىن بەكەمدەپ، كەڭەيتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ”التىنى ورنىقتىرۋ“ قىزمەتىن ۇزدىكسىز ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرىپ، ەكونوميكالىق اينالىمدى لايىقتى ارالىقتا ساقتاۋعا قۇلشىنىپ، ىشكى سۇرانىستى كەڭەيتۋ ستراتەگياسىنا تاباندى بولىپ، عىلىم - تەحنيكانىڭ ستراتەگيالىق تىرەك بولۋىن كۇشەيتىپ، جوعارى دەڭگەيدە ىشكە، سىرتقا ەسىك اشۋدى كەڭەيتىپ، ”14 - بەسجىلدىقتا“ جاقسى باستاما اشۋعا شىنايى كەپىلدىك ەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ.

  شوكىرات زاكىر بىلاي دەدى: 2021 - جىلعى ەكونوميكالىق، قوعامدىق دامۋدىڭ باستى مەجەلى نىسانالارى مىنالار: بۇكىل رايوننىڭ وڭىرلىك ءوندىرىس جالپى ءونىم قۇنىن سايكەس مەزگىلدەگىدەن %6.5 مولشەرىندە ارتتىرۋ، تۇراقتى مۇلىككە قوسىلعان قارجىنى سايكەس مەزگىلدەگىدەن %10 مولشەرىندە ارتتىرۋ، قالا، اۋىل تۇرعىندارىنىڭ جان باسىندىق قولداعى تابىسىن سايكەس مەزگىلدەگىدەن جەكە - جەكە %5، %6.5 مولشەرىندە ارتتىرۋ، تۇرعىنداردىڭ تۇتىنۋ باعا كورسەتكىشىن %3 مولشەرىندە ساقتاۋ، قالا - قالاشىقتارداعى تەكسەرۋدەگى جۇمىسسىزدىق مولشەرىن %5.5تەن تومەن دەڭگەيدە مەڭگەرۋ، ت . ب. جوعارىداعى نىسانالاردى جۇزەگە اسىرۋ ءۇشىن، جالپى جاعدايدى كوزدەپ، ءبىر تۇتاس جوسپارلاپ، تەڭ ءمان بەرىپ، ماڭىزدى ءتۇيىندى كورنەكتىلەندىرىپ، شەشۋشى ءتۇيىندى يگەرىپ، مىنا 12 جاقتاعى قىزمەتتى ءتۇيىندى تۇردە ويداعىداي يگەرۋ كەرەك: ءبىرىنشى، جاڭالىق اشۋ ارقىلى دامۋعا دەم بەرۋگە تاباندى بولىپ، عىلىم - تەحنيكادا جاڭالىق اشۋدى زور كۇشپەن ىلگەرىلەتۋ؛ ەكىنشى، ەرەكشە، باسىمدىققا يە كاسىپ سالالارىن جەتىلدىرىپ، زورايتىپ، كاسىپ سالاسى تىزبەگىنىڭ، قامداۋ تىزبەگىنىڭ ساپالىلانۋىن، دارەجەسىنىڭ جوعارىلاۋىن ىلگەرىلەتۋ؛ ءۇشىنشى، ىشكى سۇرانىستى كەڭەيتۋ ستراتەگياسىن اتقارىپ، قارجى قوسۋ مەن تۇتىنۋدى كۇش سالا جەبەۋ؛ ءتورتىنشى، جىبەك جولى ەكونوميكالىق بەلدەۋى وزەكتى رايونى قۇرىلىسىن تەزدەتىپ، ىشكە، سىرتقا ەسىك اشۋدى كەڭەيتۋ؛ بەسىنشى، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جالپى بەتتىك ىلگەرىلەتۋ؛ التىنشى، قالا - قالاشىقتانۋ ساپاسىن جاپپاي جوعارىلاتىپ، قالا مەن اۋىلدىڭ توعىسا دامۋىن ىلگەرىلەتۋ؛ جەتىنشى، ”تومەنگە بەرۋ، باسقارۋ، قىزمەت وتەۋ“ سياقتى ءتۇيىندى سالالارداعى رەفورمالاردى تەرەڭدەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرۋ؛ سەگىزىنشى، ەكولوگيالىق ورتانى قورعاۋدى جانە قۇرۋدى كۇشەيتىپ، اسپانى اشىق، جەرى مانات، سۋى تۇنىق كورىكتى شينجياڭ قۇرۋ؛ توعىزىنشى، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتار ىنتىماعىن، ءدىن جاراسىمدىلىعىن جەبەۋ؛ ونىنشى، حالىققا تيىمدىلىك جاسايتىن ينجەنەريالاردى ۇزدىكسىز ىلگەرىلەتىپ، حالىق تۇرمىسىن كۇش سالا قامتاماسىز ەتۋ جانە جاقسارتۋ؛ ون ءبىرىنشى، بيڭتۋان مەن جەرگىلىكتى ورىننىڭ توعىسا دامۋىن جەبەپ، بيڭتۋاننىڭ ەرەكشە رولىن اناعۇرلىم ويداعىداي ساۋلەلەندىرۋىنە قولداۋ كورسەتۋ؛ ون ەكىنشى، دامۋ مەن حاۋىپسىزدىكتى ءبىر تۇتاس جوسپارلاپ، قوعامدىق كەلەلى جاعدايدىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاۋ.

  شوكىرات زاكىر شينجياڭعا باعىتتامالى كومەكتەسۋ، مەملەكەت قورعانىسىنا جانە اسكەري ءبولىم قۇرىلىسىنا قولداۋ كورسەتۋ، ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي يگەرۋ، ۇكىمەتتىڭ ءوز قۇرىلىسىن كۇشەيتۋ سياقتى جاقتاردان دا بايىمداۋ جاسادى.

  ءماجىلىستىڭ كەڭەس تارتىبىنە ساي، ءماجىلىس اۆتونوميالى رايوننىڭ حالىق شارۋاشىلىعى مەن قوعامدىق دامۋىنىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانا باعدارلاما جوباسى، اۆتونوميالى رايوننىڭ 2020 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە اۆتونوميالى رايوننىڭ 2021 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى، اۆتونوميالى رايوننىڭ 2020 - جىلعى مەجە ەسەبىنىڭ اتقارىلۋ احۋالى مەن اۆتونوميالى رايوننىڭ 2021 - جىلعى مەجە ەسەپ جوباسى جونىندەگى باياندامانى تەكسەردى.

  اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 4 - ماجىلىسىنە قاتىناسقان ساياسي كەڭەس مۇشەلەرى بەينە ەكران تاسىلىمەن ماجىلىسكە سىرتتاي قاتىناستى.

  اۆتونوميالى رايوندىق ۇكىمەتتەگى، ساياسي كەڭەستەگى، شينجياڭ اسكەري رايونىنداعى، بيڭتۋانداعى باسشى جولداستار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار دا ءتوراعالار مىنبەسىنەن ورىن الدى.

جاۋاپتى رەداكتورى : نۇرعيسا قۇرمانجان ۇلى

 سۋرەت