بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حان جىڭ ەۆروپا وداعى كوميتەتى ءتوراعاسىنىڭ ءبىرىنشى ورىنباسارى تيمەرمانسپەن تۇڭعىش رەتكى جۇڭگو - ەۆروپا قورشاعان ورتا جانە كليمات جونىندەگى جوعارى جىكتەگىلەر كەڭەسىن وتكىزدى

2021.02.03 16:19     كەلۋ قاينارى : حالىق تورابى

  شينحۋا اگەنتتىگى، 2 - ايدىڭ 2 - كۇنى، بەيجيڭ (ءتىلشى ۋ يۋەن). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 2 - ايدىڭ 1 - كۇنى بەيجيڭدە بەينە ەكران تاسىلىمەن ەۆروپا وداعى كوميتەتى ءتوراعاسىنىڭ ءبىرىنشى ورىنباسارى تيمەرمانسپەن تۇڭعىش رەتكى جۇڭگو - ەۆروپا قورشاعان ورتا جانە كليمات جونىندەگى جوعارى جىكتەگىلەر كەڭەسىن وتكىزدى.

  حان جىڭ مىنانى ءبىلدىردى: ءتوراعا شي جينپيڭ جۇڭگونىڭ 2030 - جىلدان بۇرىن كومىرتەگى قوس توتىعىن ىعىستىرۋدى ەڭ جوعارى شەككە جەتكىزۋگە، 2060 - جىلدان بۇرىن كومىرتەگىنىڭ بەيتاراپتىعىن جۇزەگە اسىرۋعا كۇش سالاتىنىن جاريالادى. بۇل − جۇڭگونىڭ ادامزاتتىڭ تاعدىرلاس ورتاق تۇلعاسىن قۇرۋدا جاۋاپكەرلىكتى ۇستىنە العانى جانە باياندى دامۋدى جۇزەگە اسىرۋدىڭ ىشكى تالابى، ءوزىنىڭ كليمات ورتاسى ساياساتى جونىندە جاساعان كەلەلى جارناماسى. ۋادە نىساناسىن ۋاعىندا جۇزەگە اسىرۋ ءۇشىن، جۇڭگونىڭ توتەنشە جاپالى قۇلشىنىس جاساپ، ەنەرگيا ۇنەمدەپ، بىلعانىش شىعارۋدى ازايتۋ مەن تومەن كومىرتەكتى دامۋدى اناعۇرلىم زور تەبىنمەن ىلگەرىلەتۋىنە تۋرا كەلەدى.

  حان جىڭ بىلاي دەپ اتاپ كورسەتتى: 2020 - جىلى 9 - ايدا جۇڭگو - گەرمانيا - ەۆروپا باسشىلارىنىڭ بەينە ەكران ارقىلى كەزدەسۋى جۇڭگو مەن ەۆروپانىڭ قورشاعان ورتا جانە كليمات جونىندەگى جوعارى جىكتەگىلەرىنىڭ كەڭەسىن قۇرىپ، جۇڭگو مەن ەۆروپانىڭ جاسىل سەلبەستىك سەرىكتەستىك قاتىناسىن ورناتۋدى ۇيعاردى. ءبىز باسشىلاردىڭ ورتاق تانىمىن تياناقتاندىرىپ، جوعارى جىكتەگىلەردىڭ سۇحپاتىنىڭ جەتەكشىلىك رولىن ساۋلەلەندىرىپ، جۇڭگو مەن ەۆروپانىڭ قورشاعان ورتا جانە كليمات جاعىنداعى ناقتى سەلبەستىگىن تەرەڭدەتىپ، جاسىل سەلبەستىكتى جۇڭگو مەن ەۆروپانىڭ جان - جاقتى ستراتەگيالىق سەرىكتەستىك قاتىناسىنىڭ جاڭا كورىنەۋ تۇيىنىنە، جاڭا قوزعالتقىشىنا اينالدىرۋىمىز كەرەك. كوپ جاقتىلىقتا تاباندى بولىپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى قورعاپ، ورتاق، ءبىراق پارىقتى جاۋاپكەرلىك پرينسيبىندە تاباندى بولىپ، ءادىل، ۇيلەسىمدى، سەلبەسىپ تەڭ يگىلىككە كەنەلەتىن دۇنيە جۇزىلىك قورشاعان ورتانى جونگە سالۋ جۇيەسىن ورناتۋدى ىلگەرىلەتۋ كەرەك. «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارتتاسۋشى جاقتار جينالىسى جۇڭگونىڭ كۇنميڭ قالاسىندا وتكىزىلەدى، جۇڭگو مەن ەۆروپا ەلدەرىنىڭ تىزە قوسا قۇلشىنىپ، جينالىستىڭ بەلسەندى تابىسقا قول جەتكىزۋىن كۇش سالا جەبەپ، دۇنيە جۇزىلىك ورگانيزمدەردىڭ الۋان تۇرلىلىگىن جونگە سالۋدىڭ جاڭا اياق الىسىن بىرگە باستاپ، جەر شارىنىڭ تىرشىلىك ورتاق تۇلعاسىن بىرگە قۇرۋدى ىلگەرىلەتۋىن ءۇمىت ەتەمىن.

  تيمەرمانس مىنانى ءبىلدىردى: ەۆروپا جۇڭگونىڭ كليمات وزگەرىسى سياقتى ماسەلەلەردە قولدانعان بەلسەندى مايدانىن بارىنشا القايدى، ەۆروپا مەن جۇڭگونىڭ قورشاعان ورتا جانە كليمات سالاسىنداعى پىكىرلەسۋى مەن سەلبەستىگىن كەڭەيتىپ جانە تەرەڭدەتىپ، كوپ جاقتى مەحانيزمنىڭ رولىن تولىق ساۋلەلەندىرىپ، جۇڭگونىڭ «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارتتاسۋشى جاقتار جينالىسىن ويداعىداي وتكىزۋىن قولدايدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار