يان – ان رۋحى ماڭگى نۇر شاشادى (كۇرەسكە تولى ءجۇز جىلدىق جول، جاڭا ساپارعا اتتانۋ)
حالىق گازەتىنىڭ ءتىلشىسى گۇڭ شىجيان، يۋان تاۋشيۇڭ
2021.02.04 16:25
يانحى وزەنىنىڭ جاعالاۋى قالىڭ ورمانمەن كومكەرىلگەن؛ يان – ان ساۋلەتتى مۇناراسى ايبىندى ەڭسە كوتەرىپ تۇر.
«تۇسىمدە تالاي رەت يان – انعا قايتىپ، مۇنارالى تاۋدى قۇشاققا قىستىم»، يان – ان — جۇڭگو توڭكەرىسىنىڭ بەسىگى، جۇڭگو كوممۋنيستىك پارتياسىنىڭ قىزىل ءتۇستى ماياگى.
سوعىس ءورتى قاپتاعان جىلداردى ەسكە العان سايىن، 94 جاستاعى ليۋ جىن قارت سولتۇستىك شانشيدىڭ حالىق اندەرىن ىڭىلداپ ايتادى. ول: «ول كەزدە ءبىز ءبىر جاعىنان ۇيرەنىپ، ءبىر جاعىنان ماقتا توقىماشىلىعىمەن شۇعىلداناتىنبىز، ارميا مەن حالىق ءبىر ءۇيلى جانداي ەتەنە ەدى، ول مەنىڭ ومىرىمدەگى تاماشا كەشىرمە، جادىمدا ماڭگى جاتتالادى».
1935 – جىلى ورتالىق پەن قىزىل ارميا 25 مىڭ شاقىرىمدىق ساپاردى باسىپ، باتىس سولتۇستىكتەگى توڭكەرىستىك بازاعا جەتتى، جۇڭگو توڭكەرىسىنىڭ ۇلكەن لاگەرى قايتادان قۇرىلدى. 1937 – جىلدان باستاپ 10 جىل ىشىندە، توڭكەرىس بەسىگى يان – ان ج ك پ ورتالىق كوميتەتى تۇرعان ورىن بولدى، جۇڭگو توڭكەرىسىنىڭ باس ارتقى شەبى رولىن اتقاردى.
ءىرىپ – شىرىگەن ءمانساپتىلار جوق، جۋان جۇدىرىقتار جوق، ىسىراپشىلدىق جوق ەدى ... ماۋ زىدۇڭ يان – انداعى ون ءتۇرلى «جوقتى» اتاعان، شاپقىنشىلىققا قارسى سوعىس اياقتاعان سوڭ، يان – انداعى زيالىلاردىڭ سانى 40 مىڭنان استى.
يان – انعا بارعاننان كەيىن، شەتەلدەگى جۇڭگولىق مۇھاجىر چىن جياگىڭ ەل ءىشى – سىرتىن ارالاپ، «جۇڭگونىڭ ءۇمىتى يان – اندا» دەپ ۇگىت جۇرگىزدى.
پارتيانىڭ 7 – قۇرىلتايىنىڭ ورنىنداعى ءتوراعا مىنبەسىنىڭ ەكى جاعى ءبىر ءتۇرلى وسىمدىكپەن — جۇلدىز ءشوپپەن اشەكەيلەنگەن. بۇل ءشوپ سارى توپىراقتى ۇستىرتتەگى قىرقالاردا وسەدى. گومينداڭ كەرتارتپاشىلارىنىڭ ەكونوميكالىق قىسپاققا الۋىنا بايلانىستى، ءبىر پارشا جاي قاعاز «قۇندى بۇيىمعا» اينالدى. «ءبىر پارشا قاعازدى كوپ وندىرسەك، ءبىر پارشا گازەتتى كوپ شىعارساق، جاۋعا كوبىرەك سوققى بەرگەن بولامىز!» — شەكاراداعى اسكەرلەر مەن جۇرتشىلىق وزدەرى ىسكە كىرىسىپ، جۇلدىز شوپتەن قاعاز جاسادى، 7 – قۇرىلتايدىڭ ماتەريالدارى تۇگەل جۇلدىز ءشوپ قاعازىمەن باسىلىپ شىققان.
پارتيانىڭ 7 – قۇرىلتايى ماۋ زىدۇڭ يدەياسىنىڭ بۇكىل پارتياداعى جەتەكشى ورنىن تۇراقتاندىردى، دۇرىس يدەيالىق لۋشياننىڭ، ساياسي لۋشياننىڭ، ۇيىمدىق لۋشياننىڭ، بۇقارالىق لۋشياننىڭ تۇراقتاندىرىلۋىنا بايلانىستى، بۇكىل پارتياداعىلار بۇرىن بولىپ كورمەگەن دارەجەدە ىنتىماقتاستى.
باس شۋجي شي جينپيڭ مىنانى اتاپ كورسەتتى: «يان – ان رۋحى ءبىر ۇرپاق جۇڭگو كوممۋنيستەرىن جەتىلدىردى، ول پارتيامىزدىڭ باعالى رۋحاني بايلىعى. يان – ان رۋحىمەن قالىڭ پارتيا مۇشەلەرىن، كادرلاردى تاربيەلەۋگە بۇلجىماستان تاباندى بولىپ، اۋەلگى ماقساتتى نارلەندىرىپ، رۋحتى شىڭداپ، وسى بارىستا سەنىمنىڭ كۇش - قۋاتىنا يە بولىپ، پارتيالىلىق جاعىنداعى پارىقتى تاۋىپ، العا باسۋ باعدارىن دۇرىستاۋ كەرەك».
92 جاستاعى ساۋ كاي اقساقال دا زەينەتكە شىققان كادر، وسى جىلدار ىشىندە ول باستان – اياق يان – ان رۋحىن ەرىكتى ۇگىتتەۋگە تاباندى بولدى، ول وتباسىنداعىلارمەن بىرگە قاراجات توپتاپ، يان – ان رۋحى تاربيە بازاسىن قۇردى، قازىرگە دەيىن 3 ميلليون ادام – رەت ۇگىت جۇرگىزگەن.
ول اسەرلى سەزىممەن: «سول جىلدارى وتباسىمىزداعى 8 اعايىندى تۇگەل توڭكەرىسكە قاتىناستىق. مەن يان – ان رۋحىن ۇگىتتەۋدەن ماڭگى تانبايمىن، ۇيتكەنى، پارتياعا كىرگەن كەزدە: جۇڭگو كوممۋنيستىك پارتياسى ءۇشىن ءومىر بويى كۇرەسەمىن دەپ سەرت بەرگەنمىن»، — دەيدى.
ايبىندى دا ساۋلەتتى مۇنارالى تاۋ جۇڭگو كوممۋنيستىك پارتياسىنىڭ جەڭىستەن جەڭىسكە جەتكەن شۇعىلالى تاريحىنا كۋا بولدى، جۇڭگو كوممۋنيستەرىنىڭ العاشقى ماقساتى مەن بورىشىن ايگىلەدى.
2019 – جىلى يان – ان كەدەيلىكتەن ارىلۋدى ءساتتى ورىندادى. 2 ميلليوننان استام يان – ان پەرزەنتتەرى نىق سەنىممەن جاڭا ساپارعا اتتاندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
