وقۋ - اعارتۋ مينيسترلىگى ورتا - باستاۋىش مەكتەپتەر مەن بالالار باقشاسىنىڭ حاۋىپسىزدىك باسقارۋىن كۇشەيتىپ، زورلىقتى كۇش لاڭكەستىك ۋاقيعاسىنان قاتاڭ ساقتانۋدى تالاپ ەتتى
2021.02.04 16:51 كەلۋ قاينارى : حالىق تورابى
شينحۋا اگەنتتىگىنىڭ 2 - ايدىڭ 3 - كۇنى بەيجيڭنەن بەرگەن حابارى. وقۋ - اعارتۋ مينيسترلىگى تورابى 2 - ايدىڭ 3 - كۇنى 2021 - جىلعى ورتا - باستاۋىش مەكتەپتەر مەن بالالار باقشاسىنىڭ حاۋىپسىزدىك باسقارۋ قىزمەتىن جاقسى ىستەۋ جونىندەگى ۇقتىرۋدى جاريالادى، مەكتەپ اۋلاسىنىڭ حاۋىپسىزدىك باسقارۋ ءتۇزىمىن ىشكەرىلەي كەمەلدەندىرۋ، مەكتەپ اۋلاسى ماڭىن ۋنيۆەرسال جونگە سالۋدى كۇشەيتۋ، مەكتەپ اۆتوكولىگى حاۋىپسىزدىك باسقارۋ تالابىن تياناقتاندىرۋ، وقۋشىلاردى بوزەك قىلۋ ارەكەتىن جونگە سالۋدى قانات جايدىرۋ، توراپ ورتاسىن ارناۋلى جونگە سالۋدى ىشكەرىلەتۋ سياقتى جاقتاردا ايقىن تالاپتاردى ورتاعا قويدى.
ۇقتىرۋدا مىنالار ورتاعا قويىلدى: وقىتۋشى قىزمەتكەرلەر مەن ۋاقىتتىق جۇمىسكەرلەردى تاربيەلەپ باسقارۋدى كۇشەيتىپ، قايشىلىق، داۋ - جاڭجالدى دەر كەزىندە شەشۋ كەرەك. قاقپا قاراۋىلى كەزەكشىلىگى مەن ىشكى بولەكتە ارالاپ تەكسەرۋ ءتۇزىمىن قاتاڭ تياناقتاندىرىپ، قاتىسسىز زاتتار مەن پارتىلاعىش زاتتاردى تەجەپ، پىشاق سياقتى باسقارۋعا الىنعان قاتەرلى زاتتاردىڭ مەكتەپ اۋلاسىنا كىرۋىن شەكتەپ، زورلىقتى كۇش لاڭكەستىك ۋاقيعاسىنان قاتاڭ ساقتانۋ كەرەك. مەكتەپ اۋلاسىنىڭ ماڭىنداعى توراپحانا، وقۋشىلاردى اماناتتاۋ ورنى، شاعىن قوناقجايلار، كوڭىل اشۋ الاڭدارى، كۋالىگى جوق ۇساق ساۋداگەرلەر سياقتىلاردى جونگە سالۋدى كۇشەيتىپ، تازالىعى ناشار جەرلەردى تازالاپ، مەكتەپ اۋلاسىنىڭ ماڭىنداعى حيميالىق زاۆود، قاتەرلى حيميالىق ونىمدەر قويماسى، ماي قۇيۋ پۋنكتى، ماي - گاز قۇبىرى، اۋىر لاستانۋ قاينارى، قاتەرلى تاۋ - سۋ وڭىرلەرى سياقتى جاسىرىن حاۋىپ - قاتەرى بار جەرلەردى تەكسەرىپ اداقتاۋ قىزمەتىن جاقسى ىستەۋ كەرەك.
مەكتەپكە بارۋ - مەكتەپتەن قايتۋ كەزىندەگى قاتىناس حاۋىپسىزدىگىنە كەپىلدىك ەتۋ ءۇشىن، مىنالاردى ورتاعا قويدى: ارناۋلى مەكتەپ اۆتوكولىگىن ولشەمدەندىرىپ، دامىتىپ، مەملەكەتتىڭ مەكتەپ اۆتوكولىگى ولشەمىنە تولمايتىن، ءبىراق ٵلى دە قولدانىستا جۇرگەن اۆتوكولىكتەردى قاتاڭ اداقتاپ، شەگىنەتىن ۋاقىتتى بەلگىلەپ، كاسىپتىك ەمەس اۆتوكولىكتەردى تولىعىمەن تازالاۋ كەرەك. ارتىق ادام الۋ، قارقىننان اسىرا جۇرگىزۋ، تەكسەرۋدەن وتكەن جول بويىنشا جۇرمەۋ سياقتى زاڭ - بەلگىلەمەگە قايشى ارەكەتتەردى قاتاڭ تەجەپ، بالالاردى ۇمىتىپ كەتۋدەن تۋىلاتىن اۆتولىك ىشىندە قايتىس بولۋ جاعدايىنان قاتاڭ ساقتانۋ كەرەك.
ورتا - باستاۋىش مەكتەپ وقۋشىلارىن بوزەك قىلۋدان ساقتانۋ جاعىندا ۇقتىرۋدا مىنالار تالاپ ەتىلدى: ۋاقىت بەلگىلەپ وقۋشىلاردى بوزەك قىلۋ ارەكەتى جونىندە ارناۋلى تاربيە قيمىلىن قانات جايدىرىپ، وقۋشىلاردى بوزەك بولۋدان ساقتانۋدىڭ نەگىزدىك بىلىمدەرى مەن تەحنيكالارىن يگەرۋگە جەتەكتەپ، ٶزىن قورعاۋ تانىمى مەن قابىلەتىن جوعارىلاتىپ، ءتۇزىم - بەلگىلەمەلەرگە سانالىقپەن بويسۇنىپ، زاڭدى ءبىلىپ، زاڭعا بويسۇنۋى كەرەك. ورتالاۋ - باستاۋىش مەكتەپ وقۋشىلارىنىڭ پسيحولوگيالىق اقاۋسىزدىق تاربيەسىن كۇشەيتىپ، پسيحولوگيالىق قيىنشىلىعى مەن پسيحولوگيالىق ماسەلەلەرى بار وقۋشىلارعا عىلىمي دا ٶنىمدى پسيحولوگيالىق جەتەكشىلىك ەتۋدى قانات جايدىرىپ، وقۋشىلاردى اقاۋسىز كىسىلىك قاسيەت جانە بەلسەندى پسيحولوگيالىق ساپا جەتىلدىرۋگە تاربيەلەۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
