لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمىنىڭ كۇشكە يە بولۋى جونىندەگى ەل ىشىندەگى قاتىستى قىزمەت مالىمەتىن تىڭداپ، رەفورما جاساپ، ەسىك اشۋدى تەرەڭدەتۋ ارقىلى كاسىپ سالاسىنىڭ دارەجەسىن جوعارىلاتۋدى جەبەۋدى تالاپ ەتتى؛ كاسىپورىنداردىڭ، اسىرەسە، ورتا، شاعىن، ۇساق كاسىپورىنداردىڭ شەگىنىپ شىعۋىنا قاتىستى ساياساتتاردى كەمەلدەندىرىپ، بازار تۇلعالارىنىڭ ومىرشەڭدىگىن جوعارىلاتۋ جونىندە ورنالاستىرۋ جاسادى
2021.02.04 16:56 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 3 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 2 - ايدىڭ 3 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمىنىڭ كۇشكە يە بولۋى جونىندەگى ەل ىشىندەگى قاتىستى قىزمەت مالىمەتىن تىڭداپ، رەفورما جاساپ، ەسىك اشۋدى تەرەڭدەتۋ ارقىلى كاسىپ سالاسىنىڭ دارەجەسىن جوعارىلاتۋدى جەبەۋدى تالاپ ەتتى؛ كاسىپورىنداردىڭ، اسىرەسە، ورتا، شاعىن، ۇساق كاسىپورىنداردىڭ شەگىنىپ شىعۋىنا قاتىستى ساياساتتاردى كەمەلدەندىرىپ، بازار تۇلعالارىنىڭ ومىرشەڭدىگىن جوعارىلاتۋ جونىندە ورنالاستىرۋ جاسادى.
ءماجىلىس بىلاي دەپ اتاپ كورسەتتى: وڭىرلىك جان - جاقتى ەكونوميكالىق سەرىكتەستىك قاتىناس كەلىسىمىنىڭ تياناقتانۋىن، اتقارىلۋىن ىلگەرىلەتۋ − ەسىك اشۋدى كەڭەيتىپ، رەفورمانى جەبەۋدەگى ماڭىزدى شارا. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، قاتىستى تاراۋلار كەلىسىمنىڭ كۇشكە يە بولۋىنا بايلانىستى ەل ىشىندەگى قاتىستى ۇشتاسۋدىڭ دايىندىق قىزمەتىن جەدەلدەتتى. قازىر كەلىسىم تارماقتارىن ءادىليالىق جاقتان تەكسەرۋ، زات ساۋداسىنىڭ كەدەن باجىسىن كەمەيتۋ ۋادە كەستەسىن اۋىستىرۋ جوباسى جاسالىپ بولدى، العاش وندىرگەن جەر توپتاۋ ەرەجەسىن اتقارۋ تەحنيكالىق دايىندىعى ماندىك ىلگەرىلەۋشىلىككە قول جەتكىزدى، كەلىسىمگە ساياتىن 701 تەجەمدىك بورىشتىڭ %85 ى جونىنەن ويداعىداي دايىندىق جاسالدى. كەلەسى قادامدا ورايدى مىقتى يگەرىپ، سىن - سايىسقا توتەپ بەرۋ كەرەك. ءبىرىنشى، العاش وندىرگەن جەر توپتاۋ ەرەجەسىن اتقارۋدىڭ كەدەن سالىعىنان يگىلىكتەنۋدىڭ شارتىن تومەندەتۋگە ءتيىمدى ەكەنىن، وڭىرلىك ساۋدا سەلبەستىگىن جەبەۋگە، وڭىرلىك كاسىپ تىزبەگىن، قامداۋ تىزبەگىن ورنىقتىرۋعا جانە كۇشەيتۋگە ءتيىمدى ەكەنىن جەتە تانىپ، ەل ىشىندەگى قاتىستى باسقارۋ ءتۇزىمى رەفورماسىن جەدەل ىلگەرىلەتىپ، العاش وندىرگەن جەردە باسقارۋ ءادىسى مەن اتقارۋ جەتەكشىلىگىن بەلگىلەپ، كاسىپ ءتارتىبىن كەمەلدەندىرىپ، قاتىستى تەحنيكالىق دايىندىقتاردى باعىتتامالى تۇردە ويداعىداي ىستەپ، كەلىسىم كۇشكە يە بولا سالا اتقارىلۋىنا كەپىلدىك ەتۋ كەرەك. ەكىنشى، كەلىسىم اتقارىلعاننان كەيىنگى اناعۇرلىم اشىق ورتا مەن باسەكەنىڭ اناعۇرلىم تولىق جاڭا جاعدايىنا سايكەسىپ، حالىقارالىق وزىق كاسىپ ورەسىنە تۋرالانىپ، ەلىمىزدىڭ جاساۋ كاسىبىنىڭ ساپا ولشەمى، ەرەجەسى سياقتىلاردى سارالاپ جانە كەمەلدەندىرىپ، جاساۋ كاسىبىنىڭ ورتا، جوعارى دەڭگەيگە قادام تاستاۋىن جەبەپ، ءونىم ساپاسىنىڭ دارەجەسىن جوعارىلاتىپ، بازاردىڭ باسەكەلىك قۋاتىن جوعارىلاتۋ كەرەك. سونىمەن بىرگە، قىزمەت وتەۋ كاسىبىنىڭ ەسىك اشۋىن ونان ارى كەڭەيتۋدى ارقاۋ ەتىپ، ولشەمدى جوعارىلاتۋ، ەرەجەنى كەمەلدەندىرۋ سياقتى قاتىستى دايىندىقتاردى ويداعىداي ىستەۋ كەرەك. تاراۋلاردىڭ سايكەسۋىن كۇشەيتىپ، كەلىسىمدەگى بەلگىلەمەلەرگە ساي ەل ىشىندەگى قاتىستى زاڭ - ەرەجەلەر مەن ساياساتتاردى كەمەلدەندىرۋدى مىقتى يگەرىپ، ءتۇيىندى سالالاردى تاڭداپ اتقارۋ جوباسىن جاساۋ، سونداي - اق مۇشە ەلدەردىڭ كەدەن سالىعى ۋادەسى كەستەسىن اۋىستىرۋدى، ءونىمنىڭ ارنايى بەلگىلەنگەن العاش وندىرىلگەن جەر ەرەجەسىن كوشىرۋدى، العاش وندىرگەن ورىن ەرەجەسىن اتقارۋعا جەتەكشىلىك ەتۋدى، كەڭەسۋدى جەدەل ورىستەتىپ، كەلىسىمنىڭ كۇشكە يە بولۋىن تۇزىمدىك جاقتان ويداعىداي قامتاماسىز ەتۋ كەرەك. ءۇشىنشى، كەلىسىمدى اتقارۋعا قاتىستى تاربيەلەۋ تەبىنىن ارتتىرىپ، كاسىپورىنداردىڭ، اسىرەسە، شاعىن، ۇساق كاسىپورىنداردىڭ كەلىسىم ەرەجەسىنىڭ مازمۇنى مەن مۇشە ەلدەردىڭ كەدەن سالىعىن كەمەيتۋ جاعدايىنا قانىق بولۋىنا كومەكتەسىپ، العاش وندىرگەن جەر كۋالىگىن الۋدى ءوتىنىش ەتۋ ءتارتىبى، دالەلدەۋ ماتەريالى سياقتى تالاپتاردى جەتىك يگەرۋ كەرەك. كاسىپورىنداردى تيبىن وزگەرتىپ، دارەجەسىن جوعارىلاتۋداعى كوكەي تەستىلىك سەزىمدى كۇشەيتۋگە جەتەكتەپ، كاسىپتىك رۋح پەن كەمەلدەندىرە ءتۇسۋ تانىمىن كۇشەيتىپ، باسقارۋ ورەسىن جوعارىلاتىپ، حالىقارالىق سەلبەستىك پەن باسەكەگە قاتىناسۋ قابىلەتىن جوعارىلاتۋ كەرەك.
ءماجىلىس مىنالاردى اتاپ كورسەتتى: كاسىپورىنداردىڭ ۇزدىكتەرى تابىسقا جەتىپ، ناشارلارى قاتاردان قالۋ − بازار شارۋاشىلىعىنىڭ قالىپتى قۇبىلىسى. كۇيرەۋگە ءتيىستى كاسىپورىنداردىڭ، اسىرەسە، ورتا، شاعىن، ۇساق كاسىپورىنداردىڭ شەگىنىپ شىعۋىنا سايكەستى ساياساتتاردى جەدەل كەمەلدەندىرۋ، شەگىنىپ شىعۋ قيىن بولۋ ماسەلەسىن شەشۋ − فاكتورلاردىڭ جايعاسۋى مەن تيجارات - ساۋدا ورتاسىن ساپالىلاندىرۋدىڭ ماڭىزدى شاراسى. ءبىرىنشى، ورتا، شاعىن، ۇساق كاسىپورىنداردى تىزىمنەن ءوشىرۋ ءتۇزىمىن كەمەلدەندىرىپ، ورتا، شاعىن، ۇساق كاسىپورىنداردى قۇرۋعا قولايلىلىق جاراتۋمەن بىرگە، شەگىنىپ شىعۋعا دا قولايلىلىق تۋدىرىپ، بازاردىڭ نەگىزگى تۇلعالىق قۇرىلىمىن جاقسارتۋدى جەبەپ، بازار تۇلعالارىنىڭ ومىرشەڭدىگىن جوعارىلاتۋ كەرەك. ەكىنشى، كاسىپورىنداردىڭ كۇيرەۋى مەن شەگىنىپ شىعۋ جاعدايىن اشىق جاريالاۋ ءتۇزىمىن ورناتىپ، كاسىپورىنداردىڭ كۇيرەۋى مەن شەگىنىپ شىعۋىنا قاتىستى ينفورماتسيالاردى دەر كەزىندە جاريا قۋزاۋعا بولاتىن كاسىپورىنداردىڭ سەنىمدىلىك ينفورماتسياسىنا ەنگىزىپ، سەنىمدىلىك مەحانيزمى قۇرىلىسىن كەمەلدەندىرىپ، ءادىل باسەكەنى جەبەۋ كەرەك. ءۇشىنشى، كۇيرەۋ ءتارتىبىنىڭ زاڭ بويىنشا جۇيەلى ىلگەرىلەۋىنە كەپىلدىك ەتىپ، باسقارۋشىلار ءتۇزىمىن كەمەلدەندىرىپ، باسقارۋشىلاردىڭ مىندەتىن زاڭ بويىنشا اتقارۋ جاۋاپكەرلىگىن كۇشەيتىپ، الاشاق يەلەرى كوميتەتى، زايوم يەلەنۋشىلەر ءماجىلىسى سياقتىلاردىڭ سايكەستىرۋ، كەڭەسۋ رولىن ساۋلەلەندىرىپ، جۇمىسشى - قىزمەتكەرلەر مەن الاشاق يەلەرى، قارجى قوسۋشىلار قاتارلىلاردىڭ ۇقىق - مۇددەلەرىن زاڭ بويىنشا قورعاپ، كاسىپورىنداردىڭ كۇيرەۋ نەمەسە شەگىنىپ شىعۋ بارىسىندا قارىزدان جات نيەتپەن قاشۋ ارەكەتىنە زاڭ بويىنشا سوققى بەرۋ كەرەك.
ءماجىلىسى باسقا دا ىستەردى اقىلداستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
