مەملەكەتتىك حالىق قۇرىلتايى تۇراقتى كوميتەتىنىڭ كەڭسەسى مەملەكەتتىك حالىق قۇرىلتايىنىڭ ءبىر ءبولىم ۋاكىلدەرىنىڭ جاعدايىن حابارلاندىرۋ ءماجىلىسىن اشىپ، ۋاكىلدەردىڭ 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە قاتىناسۋىنا دايىندىق جاسادى
2021.02.04 17:16 كەلۋ قاينارى : حالىق تورابى
«حالىق گازەتى»، 2 - ايدىڭ 3 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ كەڭسەسى 2 - ايدىڭ 3 - كۇنى مەملەكەتتىك حالىق قۇرىلتايىنىڭ ءبىر ءبولىم ۋاكىلدەرىنىڭ جاعدايىن حابارلاندىرۋ ءماجىلىسىن اشىپ، ۋاكىلدەردىڭ 13 – كەزەكتى مەملەكەتتىك حالىق قۇرىلتايىنىڭ 4 – ماجىلىسىنە قاتىناسۋىنا قاجەتتى دايىندىق جاسادى.
مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ياڭ جىن - ۋ 2020 - جىلعى مەملەكەتتىك حالىق قۇرىلتايى تۇراقتى كوميتەتىنىڭ نەگىزگى قىزمەتى، 2021 - جىلعى قىزمەتتىڭ العاشقى ورنالاستىرۋى جانە 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ ۇيىمداستىرۋ، دايىندىق كورۋى سياقتى جاعدايلارىن حابارلاندىردى.
ياڭ جىن - ۋ مىنانى ءبىلدىردى: 2020 - جىل جاڭا جۇڭگو تاريحىنداعى ەرەكشە ءبىر جىل بولدى. مەملەكەتتىك حالىق قۇرىلتايىنىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا مەن مەملەكەت قىزمەتىنىڭ جالپى جاعدايىن مىقتاپ ارقاۋ ەتىپ، مىندەتىن زاڭ بويىنشا اتقارىپ، جاۋاپكەرلىگىن ادا ەتىپ، 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى ورنالاستىرعان ءتۇرلى مىندەتتەردى مۇقيات ورىنداپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى حالىق قۇرىلتايى تۇرعىسىنان ءبىر تۇتاس جوسپارلاۋعا ۇلەس قوستى. ءبىرىنشى، ىندەتتەن ساقتانۋ - تىزگىندەۋ كۇرەسىنە بەلسەنە ات سالىسىپ، الەۋمەتتىك دەنساۋلىق ساقتاۋدى زاڭمەن جونگە سالۋ قورعانىس شەبىن بەكەمدەدى؛ ەكىنشى، شياڭگاڭ ەرەكشە اكىمشىلىك رايونىنىڭ نەگىزگى زاڭدىق ءتۇزىم ءتارتىبىن، زاڭمەن جونگە سالۋ ءتارتىبىن قورعادى؛ ءۇشىنشى، زاڭمەن جونگە سالۋ تاسىلىنەن پايدالانىپ لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزۋگە دەم بەردى؛ ءتورتىنشى، نەگىزگى زاڭدى اتقارۋ مەن باقىلاۋدى ۇزدىكسىز كۇشەيتتى؛ بەسىنشى، ازاماتتىق ىستەر زاڭناماسىن اتقارۋ دايىندىق قىزمەتىن ويداعىداي ىستەدى؛ التىنشى، ءتۇيىندى سالالاردا زاڭ شىعارۋدى جەدەل ىلگەرىلەتتى؛ جەتىنشى، قىزمەتتى باقىلاۋ مەن زاڭدىق باقىلاۋدى زاڭ بويىنشا ورىستەتتى؛ سەگىزىنشى، ۋاكىلدەردىڭ رولىن ىشكەرىلەي ساۋلەلەندىردى.
ياڭ جىن - ۋ مەملەكەتتىك حالىق قۇرىلتايى تۇراقتى كوميتەتىنىڭ 2021 - جىلعى قىزمەت جونىندەگى العاشقى ورنالاستىرۋىن تانىستىردى. ول بىلاي دەدى: 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى مەملەكەتتىڭ بيىلعى ەكونوميكالىق، قوعامدىق دامۋىنىڭ ءتۇرلى قىزمەتتەرى جونىندە جاپپاي جايعاستىدرۋ جانە ورنالاستىرۋ جاسايدى. ۋاكىلدەردىڭ قاتىستى كەڭەستىك جوبالاردى كۇنى بۇرىن زەرتتەپ وقىپ، كەڭەستىك تاقىرىپتار مەن قىزمەتتىڭ ءىس جۇزىندىك جاعدايىن ارقاۋ ەتە وتىرىپ ىشكەرىلەي تەكسەرۋ - زەرتتەۋ جۇرگىزىپ، كەڭەستىك جوبا، ۇسىنىستاردى دەن قويا دايىنداۋىن؛ ماجىلىستە قاراۋعا مۇقيات قاتىناسىپ، حالىقتىڭ مۇددەسى مەن ەركىنە ادالدىقپەن ۋاكىلدىك ەتىپ، قىزمەت جاۋاپكەرلىگىن ادا ەتىپ، ءماجىلىستىڭ ءتۇرلى مىندەتتەرىنىڭ ۋاعىندا ورىندالۋىنا كەپىلدىك ەتۋىن ءۇمىت ەتەمىن.
تانىستىرۋعا قاراعاندا، 2020 - جىلى مەملەكەتتىك حالىق قۇرىلتايى تۇراقتى كوميتەتى جالپى 51 نۇسقا زاڭ جوباسىن، قاۋلى جوباسىن قاراپ، مۇنىڭ ىشىندەگى 33 نۇسقانى ماقۇلداعان، بۇل زاڭ شىعارۋعا قاتىستى 9 نۇسقانى، زاڭعا وزگەرىس ەنگىزۋگە قاتىستى 12 نۇسقانى قامتيدى، قاتىستى زاڭدىق ماسەلەلەر جانە كەلەلى ماسەلەلەر جونىندە 12 ۇيعارىم جاساعان، قاتىستى 30 باياندامانى تىڭداعان جانە قاراعان، 6 زاڭ مەن ءبىر قاۋلىنىڭ اتقارىلۋ جاعدايىن تەكسەرگەن، 2 رەت ارناۋلى تاقىرىپتا پىكىر العان، 6 ءتۇرلى ارناۋلى تاقىرىپتا تەكسەرۋ - زەرتتەۋ جۇرگىزگەن، 6 ءتۇرلى شارتتى بەكىتكەن نەمەسە وعان قاتىناسقان.
قازىنا مينيسترلىگىندەگى، مەملەكەتتىك دامۋ جانە رەفورما كوميتەتىندەگى جاۋاپتى جولداستار جەكە - جەكە ۋاكىلدەرگە 2020 - جىلعى ورتالىقتىڭ مەجە ەسەبىنىڭ اتقارىلۋى مەن قازىنا قىزمەتىنىڭ جاعدايىن، 2020 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايىن جەكە - جەكە حابارلاندىردى.
وسى رەتكى حابارلاندىرۋ ءماجىلىسى ناق مايدان ءماجىلىسى مەن بەينە ەكران ءماجىلىسىن ۇشتاستىرۋ فورماسىمەن وتكىزىلدى، بەيجيڭدەگى مەملەكەتتىك حالىق قۇرىلتايىنىڭ ۋاكىلدەرى ماجىلىسكە قاتىناستى، شياڭگاڭداعى، اۋمىنداعى مەملەكەتتىك حالىق قۇرىلتايلارىنىڭ ۋاكىلدەرى بەينە ەكران ارقىلى قاتىناستى. ماجىلىستەن كەيىن ءتۇرلى تاسىلدەر ارقىلى بەيجيڭ قالاسىنىڭ سىرتىنداعى مەملەكەتتىك حالىق قۇرىلتايىنىڭ ۋاكىلدەرىنە حابارلاندىرىلادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
